دورات هندسية

 

 

لقاء خاص مع مهندسي الهندسة المدنية

صفحة 69 من 205 الأولىالأولى ... 195965 66 67 68 6970 71 72 73 79119169 ... الأخيرةالأخيرة
النتائج 681 إلى 690 من 2044
  1. [681]
    إبراهيم أسامة
    إبراهيم أسامة غير متواجد حالياً
    عضو متميز
    الصورة الرمزية إبراهيم أسامة


    تاريخ التسجيل: Jul 2006
    المشاركات: 3,107
    Thumbs Up
    Received: 16
    Given: 3

    Red face الله يكرمك ويبارك فيك

    اقتباس المشاركة الأصلية كتبت بواسطة أحمد عصام الدين مشاهدة المشاركة
    طبعا المهندس ابراهيم اخويا وحبيبي
    شرف لي اني اكون اخوك يا احمد باشا
    واحبك الله الذي احببتني من اجله

    ولكن لي عنده سؤالين
    1 - ايه قصه شغلك في المكتب الهندسي في المنصوره وازاي ده حصل
    قصة شغلي
    مبحبش أمد إيدي لأي حد حتى لو كان ولدي
    وكان موضوع أخذ المصروف من والدي ده عملية شاقة على نفسي جدا
    لدرجة اني كنت في أجازات الصيف كنت بخرج أشتغل أحيانا تباع على عربية وده وأنا صغير
    وغالبا في فرن عيش ( خبز )
    وده فعلا اللي حصل في أجازة إعدادي هندسة زي كل الأجازات وكان صاحب الفرن بيحترمني جدا وكان ديما يخليني أنا اللي أروح عنده البيت لو في طلب للبيت ولله الحمد
    وفي أجازة أولى مدني روحت مكتب هندسي لدكتور في جامعة المنصورة
    كنت بقعد معاه في المكتب ربنا يجزيه عني خيرا وكمان بنزل معاه الموقع لما بينزل
    وكان بيحبني جدا ولله الحمد وكان بيعاملني معامله خاصة جدا ولله الحمد لدرجة اني أنا وهو أصبحنا أصحاب فعلا تعلمت منه الكثييييييييييييييييييييييييييير جمد قلبي بصراحة
    أعطاني إسطوانات الدكتور عاطف عراقي في الساب
    واسطوانات تعليميه آخرى في الأتوكاد
    بقيت طول اليوم إما قاعد بذاكر وفكر في الحجات اللي عاطيهاني كواجب أو قاعد على الجهاز بذاكر ساب أو عنده في المكتب وأحيانا كنت بنزل الفرن أشتغل يوم أو 2 في الإسبوع علشان المصاريف
    فضلت معاه على طول حتى في ايام الدراسة ولكن للأسف في شهر 11 (بداية الدراسة في 2 مدني سافر الدكتور الإمارات وأغلق المكتب) وكنت حزين جدا كملت مذاكرة في الحجات اللي كان عطيهاني حتى وصلت لدرجة إجادتها بعدها بدأت أجيب مشاريع قديمة من بتاع المكتب وأرسمها معماري على الأتوكاد ومسائل تحليل إنشاءات اللي كنت باخدها في منهج تانيه مدني كنت بحلها على الساب وأتأكد من النواتج لحد ما قلبي جمد في الساب وجبت مشروع وحليته بإيدي وبالساب وبالسيف وكانت النواتج قريبه جدا ولله الحمد .............. كل ده أثناء الدراسة
    جيت في الأجازة وبعد ما أخذنا في الكلية كورس خرسانة محترم ربنا رزقني بناس طلبوا مني أعملهم تصميم معماري وإنشائي لبيت
    والحمد لله عملته بالفعل والناس كانوا سعداء جدا
    وبدأ من يومها يجي لي شغل البيت واستشارات وبدأت أترك موضوع الفرن والكلام التاني ده
    على فكرة كنت شغال في الحجامه أيضا وبتقاضى أجر على ذلك
    التفت الي الشغل في الهندسة وخصوصا لما لقيته مربح كده
    غالبية الناس كانوا لايعلمون أني مازلت طالب
    دخلنا 3 مدني وأنا على هذا الحال
    وحتى نهاية تالته مدني 6/6/2008 وده كان تاريخ آخر يوم في إمتحانات 3 مدني
    من 6/6 وحتى 1/7 كنت بقعد على جهاز الكومبيوتر ما يقرب من 14 ساعة في اليوم أذاكر وأحل حجات على الساب والسيف وأغير وأشوف ناتج التغير ده في النواتج وهكذا
    شعرت بأنني شبعت ساب وسيف وإكسل وحجات من دي استشرت الدكتور محمد اللي سافر الإمارات قلت له أنا بدات في الإيتابس أكمل ولا أنزل شغل في السوق قالي إنزل شغل
    ولكن هتروح فين قلت له مكتب فلان قالي لي اشمعنا قلت له شغله كتير جدا ومشاريعه مغرقه البلد
    قالي ماشي روح وشوف
    روحت المكتب يوم 1/7/2008 ولحسن الحظ كان المهندس الإنشائي الموجود في المكتب ترك المكتب منذ شهر تقريبا ليسافر السعودية
    الدكتور صاحب المكتب إستقبلني بحفاوة وخصوصا هندما علم أن لي ترتيب على الدفعة وأني أجيد الساب والسيف والإكسل وفي مشروعات كامله صممتها ونفذتها بإيدي
    أعطاني برج كإختبار كان بيتكون من بدروم وأرضي و11 دور بمساحة 500 م2 تقريبا
    وقال لي تعرف تجيب قطاعات الأعمدة في البدروم وتحسب حديد الأسقف
    فنظرت اليه ساخرا وقلت له ودي تاخد أد إيه قالي والله دي قدرات يابني
    أخذ اسمي وتليفوني ومشيت
    المهم أخذت المشروع وروحت وكنا يوم أربعاء
    قعدت في البيت وقفلت علي حجرتي وطبعا محدش في البيت يعرف أي حاجة عني
    وقعدت أحل في البرج يوم الخميس 2/7 اتصل علي الدكتور حوالي الساعة 10 صباحا فقال لي عملت ايه قلت له في ايه قالي في البرج قلت له يادكتور مع احترامي لحضرتك انت طالب مني طلب تافه وكنت ممكن أخلصه وأنا قاعد قدامك بطريقة تقريبيه قالي اومال انت بتعمل ايه قلت له بحل البرج بالكامل وبعمل نوته حسابيه قالي انت بتعرف تعمل نوته كمان قلت له طبعا قالي طيب تعالى
    قلت له طيب يوم السبت على اما اخلص قالي لأ تعالى الوقتي هات اللي انت خلصته وتعالى قلت له ماشي روحت مبصش أصلا في البرج وأعطاني فيلا
    الحمد لله خلصتها يوم الخميس والجمعة ورحت المكتب يوم السبت بالفيلا خلصانة انشائي كامل
    وكنت واخد قطاعات كتير ومفرد حديد ومظبط العمل على الآخر
    لدرجة انه قالي انت عامل التفريد ده بإديك ولا ببرنمج قلت له لأ بإيدي على الأتوكاد
    قالي بتعرف أتوكاد كويس قلت له ده لعبتي أومال خلصت المشاريع اللي قبل كده ازاي
    قالي ماشي أخد الفيلا راجعها والحمد لله لم يأخذ أي ملاحظة وكذلك النوتة
    أعطاني عمارة خلصتها برده ولله الحمد
    بعد كده قالي معدتش ترسم انت عندنا رسام في المكتب أنت يادوبك تعمل الإنشائي وتقول للرسام هيعمل ايه وهو يرسم وأنت تراجع من وراه ومن يومها معدش بيراجع وريا واستمريت في الشغل حتى الدراسة وهذه هي بداية إجابة السؤال الثاني

    2- ازاي بتوفق بين الدراسه والشغل خاصا وانا اعلم ان لك شغل خاص
    طبعا دخول الدراسة كان له رهبة في نفسي أخر سنة والترتيب والتعين والمشروع وحجات كتيره كانت مخوفاني قلت هسيب المكتب وبالعفل الدكتور جاب مهندس تاني وسبحان الله معجبش الدكتور ومشاه وسألني هتعرف تكمل في الدراسة حسبتها وقلت انا بضيع وقت كتير الوقت اللي بضيعه استغله في شغل المكتب
    قلت له أيوه هكمل بس بشرط اشتغل في البيت فوافق وبدون أي مشاكل
    بقيت أروح المكتب يومين في الإسبوع مساءا
    أخد الشغل في يوم وأخلصه وأوديه في اليوم التاني
    وكنت بخلص الشغل في الأيام والأوقات الميته
    يعني اللي كان أمر المذاكرة مستحيل فيها
    يعني جاي متأخر من الجامعة ومليش نفس أذاكر كنت بقعد أضرب مشروع وخلاص
    بدأت العملية تحلو وعرفت أوفق بين الكلية والشغل
    وبدأت تيجي لي عروض حلوه من مكاتب آخرى ولكن كنت بفضل أشتغل معاهم بالحتة فقط
    يعني آخد المشروع أخلصه وأخد فلوسي وخلاص
    لحد امتحانات منتصف الترم
    إجتزتها وكنت من أوائل الدفعة فيها ولله الحمد
    وكذلك امتحانات الترم ربنا أكرمني أيضا بتقدير عالي والدنيا مشت 100 100

    (الفلوس اللي كنت باخدها ووضعي في الكلية بين الدكاترة والمعيدين وزمايلي وكذلك وضعي في البيت كشخص منتج وبيقدر يساعد ) كل هذه الأشياء كانت حوافز قويه لي لأستمر
    وطبعا دعاء الوالدين كان سلاح قوي جدا يلازمني
    والحمد لله الآن لي وضعي في السوق
    سواء على مستوى المنصورة أو على مستوى قريتي
    معذرة على الإطاله
    وبارك الله فيكم جميعا

    واخيرا
    ربنا يكرمك مهندس ابراهيم لان امثالك اصبحوا نادرا ما تلقاهم
    ربنا يبارك فيك ويزيدك حسن خلق وتواضع
    وياريت بلاش الحركات دي علشان بحمر بسرعه

    0 Not allowed!


    أنا في الحياة وديعة وغدا سأمضي عابرا في رحلتي

  2. [682]
    أحمد عصام الدين
    أحمد عصام الدين غير متواجد حالياً
    عضو متميز
    الصورة الرمزية أحمد عصام الدين


    تاريخ التسجيل: Jul 2008
    المشاركات: 1,041
    Thumbs Up
    Received: 17
    Given: 2
    اقتباس المشاركة الأصلية كتبت بواسطة إبراهيم أسامة مشاهدة المشاركة
    ربنا يبارك فيك ويزيدك حسن خلق وتواضع



    وياريت بلاش الحركات دي علشان بحمر بسرعه
    انا كل يوم احترامي ليك بيزيد مهندس ابراهيم
    والصراحه انا بحسدك علي تواضعك وشجاعتك
    ويكون ليا الشرف اني اكون احد اصدقائك اعني صديق بجد
    فعلا اتعلمت منك كتير

    0 Not allowed!



  3. [683]
    إبراهيم أسامة
    إبراهيم أسامة غير متواجد حالياً
    عضو متميز
    الصورة الرمزية إبراهيم أسامة


    تاريخ التسجيل: Jul 2006
    المشاركات: 3,107
    Thumbs Up
    Received: 16
    Given: 3

    Red face الله يكرمك ويبارك فيك

    اقتباس المشاركة الأصلية كتبت بواسطة أحمد عصام الدين مشاهدة المشاركة
    انا كل يوم احترامي ليك بيزيد مهندس ابراهيم
    والصراحه انا بحسدك علي تواضعك وشجاعتك
    ويكون ليا الشرف اني اكون احد اصدقائك اعني صديق بجد
    فعلا اتعلمت منك كتير
    الله المستعان
    اذا كان لصداقتي بك شرف فهو لي ان شاء الله
    ومش عارف أقولك ايه والله
    ربنا يكرمك يارب

    0 Not allowed!


    أنا في الحياة وديعة وغدا سأمضي عابرا في رحلتي

  4. [684]
    إسلام علي
    إسلام علي غير متواجد حالياً
    عضو متميز
    الصورة الرمزية إسلام علي


    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479
    ماشاء الله عليكم يا بشمهندس إبراهيم
    أعجبني أكثر ما أعجبني عملك و أنت صغير
    وإن كان لا حرج أن ينفق الأهل عليك حتى تتخرج
    وكمان ينفقوا على زواجك ;)
    لا حرج شرعي على ما أعتقد

    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  5. [685]
    إبراهيم أسامة
    إبراهيم أسامة غير متواجد حالياً
    عضو متميز
    الصورة الرمزية إبراهيم أسامة


    تاريخ التسجيل: Jul 2006
    المشاركات: 3,107
    Thumbs Up
    Received: 16
    Given: 3

    Red face الله يكرمك يارب

    اقتباس المشاركة الأصلية كتبت بواسطة bishr مشاهدة المشاركة
    ماشاء الله عليكم يا بشمهندس إبراهيم
    أعجبني أكثر ما أعجبني عملك و أنت صغير
    وإن كان لا حرج أن ينفق الأهل عليك حتى تتخرج
    وكمان ينفقوا على زواجك ;)
    لا حرج شرعي على ما أعتقد
    جزاك الله خيرا
    نعم لاحرج
    ولكن سبحان الله نفسيات بقى ياهندسة

    0 Not allowed!


    أنا في الحياة وديعة وغدا سأمضي عابرا في رحلتي

  6. [686]
    Ayman
    Ayman غير متواجد حالياً
    عضو متميز
    الصورة الرمزية Ayman


    تاريخ التسجيل: Feb 2003
    المشاركات: 2,100
    Thumbs Up
    Received: 10
    Given: 0

    Arrow

    تعال الى اسئلتي اخي ابراهيم :)
    من هو قدوتك في المعاصرين ؟
    ما هي اكثر خطبة او شريط سمعته و تأثرت به؟
    كيف تنظر لغير الملتزم وكيفية التعامل مع المجتمع؟
    كيف ترى نفسك في المستقبل؟؟ هل ترغب بالسفر؟
    أهلاوي و اللا زملكاوي :rolleyes:

    0 Not allowed!



    اللهم تقبل

  7. [687]
    إبراهيم أسامة
    إبراهيم أسامة غير متواجد حالياً
    عضو متميز
    الصورة الرمزية إبراهيم أسامة


    تاريخ التسجيل: Jul 2006
    المشاركات: 3,107
    Thumbs Up
    Received: 16
    Given: 3

    Red face أهلا حبيب قلبي

    اقتباس المشاركة الأصلية كتبت بواسطة ayman مشاهدة المشاركة
    تعال الى اسئلتي اخي ابراهيم :)
    ربنا يستر

    من هو قدوتك في المعاصرين ؟
    في كل مجال تجد قدوة للوصول إلى الشخصية المرغوبة التي تجمع أفضل ما في الآخرين
    فمثلا في الدين : فضيلة الشيخ العلامة المحدث أبواسحاق الحويني.
    وفي الهندسة : دكتور أحمد أمين ............ بدماغه الجامدة.
    وفي التعامل مع الناس : زي الشباب الملتزمين الطيبين أوي دول اللي حسهم هادي زي ما بيقولوا.
    وهكذا...........................

    ما هي اكثر خطبة او شريط سمعته و تأثرت به؟
    في خطب كتير جدا سمعتها وتأثرت بها
    وعلى رأسها أنين المذنبين لفضيلة الشيخ خالد بن محمد الراشد فرج الله أثره

    كيف تنظر لغير الملتزم وكيفية التعامل مع المجتمع؟
    إن كنت تقصد أمر الدين
    فبالنسبة لغير الملتزم على حسب حالته أنظر اليه فمنهم من أشفق عليه وأحمد الله أنه عفاني مما ابتلاه به وأسأل الله لي و له الهداية ............ كذلك كنت من قبل
    ومنهم من حاله جيد وأنظر اليه دائما بنظرة أمل ليكتمل إلتزامه
    أما بالنسبة لحياتي في المجتمع
    فالحمد لله يعرف عني أني إجتماعي جدا وجريء شويه
    علشان كده لي أصحاب كتير وتقريبا كل اللي حوليا علاقتي بهم طيبه
    والجيران دول أكبر مشكلة في حياتي
    واخدين علي على الآخر وأوقات بيحرجوني قدام ناس ميعرفونيش كويس
    يعني ممكن واحدة جارتنا ( ست كبيره يعني أد والدتي مثلا ) وتقولي ياهيمو قدام الناس .... هههههههه

    كيف ترى نفسك في المستقبل؟؟ هل ترغب بالسفر؟
    كيف أرى نفسي؟؟؟؟؟؟؟؟؟؟؟ معذرة ده أول سؤال هعتذر عنه.
    أما بالنسبة لأمر السفر فزي ما بيقولوا (الغربة تربة) وكفاية إن الواحد يروح آخر اليوم يبص في وش والدته ويطمن عليها وتطمن عليه ........... دي بالدنيا بحاله
    ولكن إذا أضظرتني الظروف سأرحل ........... وربنا يستر.

    أهلاوي و اللا زملكاوي :rolleyes:
    مليش في الكورة خالص والله ياهندسة
    ولا بعرف أمارسها ولا بعرف حتى أتفرج عليها
    وكمان مبفهمش في قوانينها
    يعني الواحد ممكن يشوف هدف حلوا أو موقف جامد حصل في الملعب ......... بس
    وبحب الأهلي يفوز
    علشان والدي أهلاوي وبيزعل جدا أما الأهلي بيتغلب وأنا بحب أشوف أهلي سعداء

    معذرة للمرة الثانية
    وكنت أتمنى إن اللقاء ينتهي بدون أن أعتذر عن أي سؤال
    جزاكم الله عني خيرا.

    0 Not allowed!


    أنا في الحياة وديعة وغدا سأمضي عابرا في رحلتي

  8. [688]
    أبو نادر
    أبو نادر غير متواجد حالياً
    عضو متميز
    الصورة الرمزية أبو نادر


    تاريخ التسجيل: Jul 2006
    المشاركات: 1,112
    Thumbs Up
    Received: 123
    Given: 307
    السلام عليكم أخي ابراهيم
    في الحقيقة أنا معجب بشخصيتك وأجوبتك زادني إعجابا بك وحبا لك في الله
    مازلت أقرأ ردودك على أسئلة الأخوة ولو في حاجة مستهلة السؤال ما سألها الأخوة أسألك بإذن الله
    أكثر ما أعجبني في أجوبتك قدوتك بالدين

    0 Not allowed!


    لا تنسونى بدعوه بظهر الغيب لعلها دعوه من القلب فيقبلها رب العزه والجلال

  9. [689]
    mohy_y2003
    mohy_y2003 غير متواجد حالياً

    مشرف سابق وإستشاري الهندسة المدنية


    الصورة الرمزية mohy_y2003


    تاريخ التسجيل: Jun 2007
    المشاركات: 9,636
    Thumbs Up
    Received: 350
    Given: 439
    السلام عليكم ورحمة الله وبركاته
    اهلا بيك يا اخ ابراهيم ونورتنا - واحييك علي كفاحك وتقديرك للعمل ونسال الله ان يوفقك لما فيه الخير والصلاح

    وحتى نهاية تالته مدني 6/6/2008 وده كان تاريخ آخر يوم في إمتحانات 3 مدني
    العباره السابقه لفتت نظري - هل معني ذلك انك مازلت طالباً في السنه النهائيه

    0 Not allowed!



    ليس ضروريا ان تكون عميلاً لتخدم عدوك .... يكفيك أن تكون غبيــــــــــــــــاً

    الإمام محمد الغزالي

  10. [690]
    Ayman
    Ayman غير متواجد حالياً
    عضو متميز
    الصورة الرمزية Ayman


    تاريخ التسجيل: Feb 2003
    المشاركات: 2,100
    Thumbs Up
    Received: 10
    Given: 0
    اقتباس المشاركة الأصلية كتبت بواسطة إبراهيم أسامة مشاهدة المشاركة
    معذرة للمرة الثانية
    وكنت أتمنى إن اللقاء ينتهي بدون أن أعتذر عن أي سؤال
    جزاكم الله عني خيرا.
    ما شاء الله ..نموذج رائع
    عذرا لم أقصد احراجك -قصدت سؤالك عن طموحك - لكن ان لم ترد الاجابه فلا مشكلة :)
    بارك الله فيك و أكثر من أمثالك

    0 Not allowed!



    اللهم تقبل

  
صفحة 69 من 205 الأولىالأولى ... 195965 66 67 68 6970 71 72 73 79119169 ... الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML