دورات هندسية

 

 

هبوط فى بلاطة السقف

صفحة 5 من 5 الأولىالأولى 1 2 3 4 5
النتائج 41 إلى 42 من 42
  1. [41]
    باشمهندس شريف
    باشمهندس شريف غير متواجد حالياً
    عضو


    تاريخ التسجيل: Nov 2007
    المشاركات: 35
    Thumbs Up
    Received: 0
    Given: 0
    اقتباس المشاركة الأصلية كتبت بواسطة سالدان مشاهدة المشاركة
    السلام عليكم ورحمة الله وبركاته جميعا
    انا هنا متأخر كتير ..... بس عموما

    أولا :
    * البلاطه 6*7 م وده كان ممكن تقوم بيه بلاطه Solid والكمر 25*65 وإن كان غير مستحب فتكون البلاطه مسطحه Flat Slap ولا داعى نهائيا للكمر وليس هناك مشاكل نهائيا من تداخل أنظمة الإنشاء ...... عموما أوك فى الحاله المعروضه

    ثانيا:
    متزعلش منى مهندس شريف أزاى فى مقاول ومهندس تنفيذى ( مشرف ) وكمان أستشارى ويبقى فى هبوط يوصل سمك بلاطه لأزيد من 30 سم ؟؟؟ والله حرام ......
    وكمان عيب اللى الإستشارى بيقولو ده عن العزوم وسمك البلاطه ده مش كلام يتقال من زميل مهنه خالص ؟

    أنا مش بقول كده عشان اقلل من المنظومه التنفيذيه لمشروعك ولا لأوثير مخاوفك " حاشا لله " ولكنى أنوه عشان تصحى معاهم وتفقلهم وتبقى موجود والحق أحق أن يتبع حتى إذا أطررت لسحب المشروع من المقاول وتغير المكتب الإستشارى
    يا هندسه دى أرواح وأموال ناس

    ثالثا :
    لو المقاول حمار او معندهوش ضمير أو بيطلسأ الشغل كان مفروض على البيه المهندس التنفيذى أو المشرف او حتى الأستشارى أستلام أعمال النجاره والمتمثله فى تطبيق السقف والشده الخشبيه من تدعيم وتقويه
    وأستلام أعمال الحداده المسلحه مثل أطوال الأسياخ وتحقيق طول التماسك وعدد الأسياخ فى الشبكتين العلوى والسفلى
    وأستلام أعمال الخرسانات والتأكده من جودة الخرسانة فى الحالة الطازجه وأثناء الصب وعند الدمك وبعد الشك والمعالجه وفك الشده الخشبيه
    بجد حراااااااااااااااااااااااااااااااااااااااااااااااا اااااااااااااااااااااااااااااااااااااااااااام

    واضح أن حضرتك موفر فريق عمل متكامل بس اللى واضح أكتر أنه بدون فايده بجد وذلك واضح من

    1 - أعمال التدعيم ضعيفه وبعيده إذ يلزم ألا تقل المسافه بين العروق ( القوائم ) عن 60 - 80 سم على حسب تصميم الشده الخشبيه ........... طبعا حضرتك هتستغرب وتقلى هى الشده بتتصمم ؟؟ أرد وقول لحضرتك أه طبعا بتتصمم عشان اللى حصل بس عشان أحنا على قدر من الكفاءه المطلوبه والمعرفه بالتنفيذ الحمد لله نلجأ لأستلامها فقط من المقاول دون تصميمم لأننا نعلم جيدا أساسيات وفروض تصميمها جيدا ويجب الا نرضى بغيره على عكس الأستشارى بتاع حضرتك اللى واضح أنه مستلمش الشده أصلا ولا حتى فكر يبص عليها أنا من الصور شايف ان الشده ضعيفه ومفيش برندات ومفيش تقويه ( ضفدعه ) فى حالة وصل العروق ...... بصراحه دى غشامه
    2 - فى الحداده المسلحه
    الأسياخ يا هندسه أصلا مش وخده طول التماسك المطلوب يا بشمهندس من صحة التنفيذ ان السيخ يرتكز على نهاية الكمره ( معندناش حاجه اسمها السيخ يقف فى نص الكمره ولا عندنا حاجه فى الهندسه أسمها السيخ يقف عند نقطة نهاية عمله )
    بالنسبه للخرسانه الله أعلم بيها وإن كانت كما ذكرت بها شروخ بكامل المسطح ناتج الحراره وإن كنت ارجح أن الشروخ ان كانت كبيره فى البلاطه المذكوره فناتج ان المنطقه المضغوطه من البلاطه بدون حديد تسليح ولاحظ أن شروخ الحراره هذه ما هى إلا تنميلات بسيطه جدا لا يتعدى سمكها 2 - 3 مم

    طبعا بدون كلام من المشاركات أعلاه .... كده العيب كان من الشده الخشبيه وده أوضحه الاساتذه والمهندسين أعلاه

    من رأى ان التكسير وارد جدا بنسبه كبيره ( اهم حاجه عندى ان يكون الحديد فى العلوى موجود وشغال مش زى ما حضرتك بتقول 15سم غطاء خرسانى وبعدين يجى الحديد العلوى ده عند التكسير من ظهر البلاطه (( ده مدى قمة التهريج بصراحه ))
    وموضوع التحميل مهم طبعا بس لاحظ ـنه مكلف وياسلام لو حبيت تعمل أختبارات كور تست لازم الأستشارى يمضى على الطلب وتختمه من المركز القومى لبحوث الإسكان وتكلفة العينه الواحده ما يتعدى ال 500 جنيه مصرى وذلك داخل القطر المصرى فضلا عن أحمال التحميل والتى سوف تختلف فيها مع المقاول لسداد قيمتها وإن كان من حقكك فعلا كل ما هو أعلاه ويتحمل المقاول والمكتب الأستشارى النفقات كامله فى حالة ما اتت النتائج كما نقول
    ولكنى اعلم جيدا الطابع المصرى للمقاول المصرى فكما قال م. محى العمليه ممكن تجيب مشاكل وقيل وقال بدون نهايه
    وبالنسبه للمعامرى طبعا يمكن حله كما ذكر م. محمد زايد ولكن فى حالة ما إذا كان السقف آمن إنشائيا وأنا أستبعد ذلك مع سمك البلاطه الكبير الأصلى 20 سم والذى لا يعمل به حديد العزوم السالبه ( العلوى ) فما بالك بسمك 30 سم

    بشمهندس شريف آسف جدا لتهجمى المباشر والشديد على العمل ولكنى مضايق لأن حضرتك مكلف ومش مستخسر حاجه ومكلم مهندسين ومكتب أستشارى فضلا عن مقاول مش مصنعيات وبعدين يطلع شغل بالمنظر ده

    هو الموقع فين بالظبط ؟
    لو بالقطر المصرى أنا مستعد للمعاينه المجانيه إنشاء الله لو كان الأمر بالإستطاعه ويشرفنى تقديم النصيحه طبعا بدون التعدى على أحقية زميل المهنه من مهندس وأستشارى كعاملين مسبقا بالموقع والله الموفق
    والله أعلى وأعلم
    آسف على الإطاله

    سالدان للهندسه والإنشاءات
    شكرا يا باشمهندس احمد على ردك و اقتراحك الجميل

    0 Not allowed!



  2. [42]
    ماجدان
    ماجدان غير متواجد حالياً
    عضو متميز


    تاريخ التسجيل: Oct 2007
    المشاركات: 2,157
    Thumbs Up
    Received: 99
    Given: 8
    لا شكر على واجب بشمهندس شريف
    بس ياريت تبقى توافينا بقراراتك وتطورات الموقع لهذا السقف
    جزاك الله خيرا

    سالدان للهندسه والإنشاءات

    0 Not allowed!


    ماجدان للهندسه والإنشاءات

    التنفيذ بالموقع من الألف إلى الياء

    م.أحمد جليدان

  
صفحة 5 من 5 الأولىالأولى 1 2 3 4 5
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML