بسم الله الرحمن الرحيم
الحمد لله والصلاة والسلام على رسول الله

بصراحة نفسى أعرف الأرقام القياسية فى علم الهندسة المدنية
وأكيد كل مهندس مدنى عنده معلومة فى الموضوع دا بس مش ملم بكل الأرقام
وطبعا مفيش وقت نلف فى المواقع ونبحث عن الأرقام
ايه رأيكم كل اللى عنده معلومة يحطها ونجمع كل الأرقام القياسية فى علم الهندسة المدنية
يعنى مثلا أكبر بحر كمرة فى العالم أو أعلى عمود فى العالم أو أكبر قطاع لكمرة أو عمود أو بلاطة فى العالم أو أطول مبنى فى العالم

اللى عنده معلومة يحطها واللى معندوش يدور ويجيب معلومة واحدة عشان ميضيعش وقت كبير
بكدا إن شاء الله نقدر يبقى عندنا كل الأرقام القياسية فى مجالنا

هبدأ بنفسى

لما كنت فى أخر سنة كان أحد المشرفين على المشروع بتاعى دكتور اسمه (فتح الله الأمين) أستاذ دكتور تصميم المنشئات الخرسانية والمعدنية الخاصة بجامعة أسيوط فى مصر
وكنا فى مكتبه ووجدنا شهادة على الجدار باللغة الإنجليزية ومعنونة بموسوعة جينيس ولما سألنا علمنا أنه صمم أكبر كابولى فى العالم يبلغ طوله 13.65 متر وهو منفذ فى مصنع الألومنيوم بنجع حمادى بمصر

بعد أن كان أكبر كابولى لمهندس ألمانى وكان يبلغ طوله 12 متر

بس للأسف معنديش المعلومات الكافيه عن سمك قطاع الكابولى

الكلام دا من سنة 2004 بس لا أظن ان يكون حد كسر الرقم دا

إذن أول معلومة فى الموسوعة المدنية


1- أطول كابولى فى العالم طوله 13.65 تصميم د / فتح الله الأمين