دورات هندسية

 

 

هل نحن بحاجة الي برامج مميزة في كلياتنا؟

النتائج 1 إلى 3 من 3
  1. [1]
    ماجد لبيب
    ماجد لبيب غير متواجد حالياً

    جديد

    تاريخ التسجيل: Mar 2008
    المشاركات: 5
    Thumbs Up
    Received: 0
    Given: 0

    هل نحن بحاجة الي برامج مميزة في كلياتنا؟

    أولا أرجو أن تقبولوني بينكم فأنا لست مهندسا بعد بل طالب في الفرقة الاعدادية بهندسة عين شمس
    أعلم أن هذا الموضوع قد يكون مختصا بالبلد التي أعيش بها (مصر) و لكني أريد أن أعرف رأيكم في هذا الموضوع.
    لقد بدأ تطبيق هذا النظام منذ عامين و يدرس فيه الطلاب في نفس الكلية الحكومية و لكن بأعداد أقل من الطلاب في القسم العادي و في مدرجات مخصصة لهم مقابل دفع الأموال بحجة أن هذا هو السبيل الوحيد لتطبيق جودة التعليم.
    وأنا أريد أن أسأل هنا هل يشعر المهندسون الخريجون الآن أنهم لم يتعلموا في كلياتهم وأن هذه البرامج الجديدة هي الوحيدة القادرة علي تقليل الفجوة بيننا و بين الغرب في مجال الهندسة؟
    أنا كل ما أراه في هذه البرامج حتي الآن أنه نوع من أنواع الراحة للطلاب فمثلا المعروف عن الفرقة الاعدادية أنه يتم فيها دراسة المواد لجميع التخصصات ثم يأتي التخصص في السنة التالية و لكن في هذا النظام يتم اختيار القسم من السنة الاعدادية و يتم دراسة المواد الخاصة به فقط و بمناهج مخففة
    و أود أن أسال هل فعلا السوق يحتاج مهندسن متميزين أما الباقي فلا داعي له؟
    و كيف يثق الطالب في أستاذه الذي يقف أمامه و هو يعرف أنه يدرس للآخرون هندسة يفترض أنها هي الصحيحة؟

  2. [2]
    كريم ابو الوفا
    كريم ابو الوفا غير متواجد حالياً
    عضو


    تاريخ التسجيل: Mar 2008
    المشاركات: 22
    Thumbs Up
    Received: 0
    Given: 0
    السلام عليكم
    انا طالب في السنه الثانيه من هندسة حلوان و ملتحق ببرنامج مميز
    الواضح من كلامك انك متعرفش كتير عن البرامج ديه و انا هكلمك عنها بمنتهى الصراحه

    بص يا سيدي هيه الحكايه مش ناس بتدفع فلوس عشان تاخد شهادة بكالريوس و هيه مستريحه يعني ولا حاجه
    النظام في البرامج المميزه بالساعات المعتمده يعني الطالب بيدفع فلوس على كل محاضره او سكشن او معمل بيحضره .
    من المتعارف عليه ان كل دكتور ليه كتاب بينزل الواحد بيشتريه و يذاكر منه طول السنه و يبقى هوه ده المصدر الوحيد لمذاكرته و لكن في نظام الساعات المعتمده انته مبتذاكرش من كتاب الدكتور , انته بتذاكر من مراجع عالميه .
    الحاجه التانيه ان زي محضرتك تفضلت و قلت العدد بيبقى قليل فبالتالي الحكايه دي بتخليك وجها لوجه مع الدكتور فبالتالي ده بيديلك فرصه اكبر في انك تسال و تطلب توضيحات اكتر على الماده المشروحه بالعكس طبعا في النظام العادي و بيبقى الاف الطلاب قعده في نفس المدرج و بيبقى تركيزك و فهمك اقل من لما يكوت قاعد في حجره و فيها 30 طالب مثلا .

    الميزه التانيه اللي فيها ان الكليه بتبقى في بينها و بين كليات اجنبيه اتفاقات علشان تدرس في الجامعه المضيفه .

    - في فقره كنت قلتها "أنا كل ما أراه في هذه البرامج حتي الآن أنه نوع من أنواع الراحة للطلاب فمثلا المعروف عن الفرقة الاعدادية أنه يتم فيها دراسة المواد لجميع التخصصات ثم يأتي التخصص في السنة التالية و لكن في هذا النظام يتم اختيار القسم من السنة الاعدادية"
    على فكره احنا فعلا بنختار القسم من الاعدادي بس متكنش فاكر اننا بندخل مره واحده كده على مواد التخصص , احنا طبعا درسنا المواد الاساسيه "Basic science" يعني رياضه 1و2و3 و فيزياء 1و2و3 و كيمياء و كورس رسم هندسي 2D وكورس 3D و غيرها .

    -"يتم دراسة المواد الخاصة به فقط و بمناهج مخففة" هيه فعلا الدراسه مخففه يعني بس على الجانب الاخر بندرس المواد بشكل عملي يعني بنعمل Projects و Presentations , يعني مثلا انا لسه في نصف العام التاني و عملت مشروعين في ماده الفيزياء و عملت انا و زملائي كتاب عن الطاقه الشمسيه في مادة التقارير الفنيه

    - و كمان عشان احنا بندخل في القسم مباشرة من غير منخش سنه اعدادي ده بيتيح لينا اننا نختار تخصص في اخر سنتين ,يعني مثلا في البرنامج اللي انا منتسب له يتبع قسم قوى ميكانيكيه و في السنه الرابعه ان شاء الله هختار واحد من التخصصات الاتيه
    1. توليد القدره ( في محطات توليد الكهربا و محطات توليد الطاقه النوويه )
    2.نقل الموائع ( اللي ممكن من خلاله تشتغل في شركة بترول)
    3.تبريد و تكييف ( المكيفات المركزيه و اجهزة التكييف عامة مش بس التكييف اللي بيبقى في المنازل , المصانع برده بتحتاج لدورات تكييف و تبريد علشان تحافظ على كفاءه عاليه في الانتاج)
    4.الاحتراق( و التخصص ده بيتيح لك انك تشتغل في المحركات و المواتير عموما يعني في شركات و مصانع انتاج السيارات و محطات توليد الكهرباء)

    و طبعا زي كل حاجه ليها ميزه ليها برضه عيب , في الحقيقه في ناس بتخش عندنا البرنامج و بتبقى فاكره ان الحكايه سهله و الحكايه ممكن تمشي بالفلوس من غير تعب ولا حاجه زي منته فاكر . بس للاسف الناس دي بتسئط . انا عارف طبعا انك ممكن متكنش مصدقني ان في حد ممكن يسقط في البرنامج ده بس والله فعلا في ناس بتسئط .

    اتمنى من الله اني اكون وضحتلك الصوره و لو عايز تسالني في اي حاجه تخص الساعات المعتمده او هندسة القى الميكانيكيه على قد مقدر ان شاء الله هساعدك .
    و ياريت تقبلني صديق ليك في المنتدى .

    0 Not allowed!



  3. [3]
    ماجد لبيب
    ماجد لبيب غير متواجد حالياً
    جديد


    تاريخ التسجيل: Mar 2008
    المشاركات: 5
    Thumbs Up
    Received: 0
    Given: 0
    معلش اعذرني أنا فعلا اتكلمت عن جهل لأن أنا كنت اتكلمت بناء علي خلفية من ناس صحابي من النوعية اللي بتقول عليها و انا عارف ان في البرامج الجديدة دي ناس محترمين زيك كده و عايزين يتعلموا بجد مش زي مانا كنت فاكر بس أنا علي الأساس اللي كنت واخده عنها ما رضيتش أخش في أول السنة برغم أن أهلي كانوا عايزيني أخشها أوي
    و يمكن برضه اللي كان خلاني أقتنع أكتر ساعتها ان كان في دكاترة بيقولنا انها بس معمولة لتحسين أجور هيئة التدريس و عشان يلموا فلوس
    أنا بس اللي كان بيضايقني ان في ناس بيحسسوني ان أنا غلطت غلطة عمري ان أنا مدخلتش بس أنا كنت مقتنع ان طب ماهو في مهندسين كتير اتخرجوا من العادي و ناجحين جدا في شغلهم غير اني ممكن استفيد اكتر بالفلوس لو تفوقت و عملت ماجيستير في ألمانيا مثلا
    أنا يمكن ساعة ما كنت كاتب الموضوع كنت واخد جرعة احباط كده فكنت عايز أعرف رأي المهندسين اللي بيشتغلوا فعلا دلوقتي في البرامج دي لكن ما كنش قصدي أبدا أن أنا أجرح في حد لأن في كل حاجة في غير المحترمين و في المحترمين زيك كده وان شاء الله أشوفك مهندس ناجح كده و تفيد البلد

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML