السلام عليكم ورحمة الله
انا مطلوب منى مشروع تخرج
عبارة عن تكييف بيبرد الهواء عن طريق الثلج بدل الفريون
المطلوب منى صندوق فيه مروحة بسرعات مختلفة والمروحة دى توضع امام حاجة زى السربنتينة كده او رادياتير العربية
والسربنتينة دى فيها فتحه نملاها بالماء
وكمان بتقدر تشيلها من مكانها وترجعها تانى
المفروض انك بتملاها مية وتحطها فى الفريزر لغاية لما يتحول ثلج
وبعد كده تحطها فى مكانها تانى قدام المروحة اللى بتشتغل بدورها وتعدى الهواء على مواسير السربنتينة دى وتطلعه للغرفة
انا عارف ان الفكرة شكلها سهل ومش شكل مشروع تخرج
بس المشروع مش واقف على كده
ده البداية بس وبعد كده التقيل كله لسة جاى ورا
المهم دلوقتى انا بس عايز اعرف حد شاف حاجة زى دى قبل كده؟
وياريت لو حد شافها يقولى ممكن اعمل حاجة زى دى فين
اسف على الاطالة
تقبلو ارق تحيات