دورات هندسية

 

 

فقط 180 ميجا مساحة نسخة Xp-sp2 وكامله وبتنزل فى 15 دقيقه بس مع شرح بالصور وعن تجربه

النتائج 1 إلى 3 من 3
  1. [1]
    مهندس برمجيات
    مهندس برمجيات غير متواجد حالياً

    عضو

    تاريخ التسجيل: Feb 2008
    المشاركات: 10
    Thumbs Up
    Received: 0
    Given: 0

    فقط 180 ميجا مساحة نسخة Xp-sp2 وكامله وبتنزل فى 15 دقيقه بس مع شرح بالصور وعن تجربه

    يا جماعه اعتقد الكل فاكر النسخه الى كان اسمها
    XP stripped to the bone
    كانت مساحتها صغيره جدا وسريعه جدا فى التحميل على الجهاز
    ده غير سرعتها فى الاداء حتى اثناء الدخول والخروج
    لكن كانت ليها مشاكل
    زى انك مينفعش تكتب فيها بالعربى
    ده غير انها كانت محذوف منها حجات كتير وده كان بيأثر على النيتورك خصوصا للى عندو شبكه زي حالتى
    وكمان كان شكلها زى ويندوز 98 يعنى شكلها يسد النفس
    الصراحه النسخه دى عجبتنى فكرتها جدا وخصوصا انى بضطر انزل ويندوز كتير وده طبعا بياخد وقت طويل جدا لكن النسخه دى كانت بتاخد بالظبط 15 دقيقه والاقى الويندوز جاهز للتعريفات.....
    انا قريت كتير عن الموضوع ده وأخيرا والحمد لله عرفت الطريقه الى اقدر اعمل بيها نسخه زيها
    لكن كان كل همى انى اعمل نسخه ميكونش فيها العيوب دى
    ده غير انى نفسي فى ويندوز مساحته صغيره عشان اقدر احطه على الـ Micro-CD وده سي دي مساحته صغيره 200 ميجا عشان يبقى معايا علطول
    المهم الحمد لله عملت النسخه وجربت فيها كل كبيره وصغيره النسخه دى بتقرا وبتكتب عربى والـ Theme بتاعت الويندوز زى ما هيا عشان ميكونش شكلها كئيب
    ده غير انك مش بتدوس حتى Enter أثناء setup
    يعنى من الاخر يدوب هتختار البارتيشين الى الويندوز هينزل فيه وتعال كمان شويه هتلاقى الويندوز خلص ولا هتدخل سيريال ولا هتعرف نيتورك ولا اى حاجه خالص بعديها هيكون الويندوز جاهز انك تشتغل عليه وتنزل برامجك...
    انا نزلتها اكتر من 5 مرات ورا بعض عشان لو فيها اى عيب اكتشفه قبل ما اتكلم عنها والحمد لله النسخه ياجماعه تمام جدا عشان كده انا قلت لازم اشارك بيها اخوانى فى المنتدى ده لأن البرامج الى انا عملت بيها الاسطوانه دى انا جايبها من المنتدى
    NOW
    هشرح من اول ما تبدأ تحميل لحد ما تحرقها على سي دي وعلى فكره النسخه Bootable وجاهزه للحرق على سي دي علطول
    اولا : لتحميل النسخه
    من على ميجا ابلود هنـــــــــــــا
    ملف واحد فقط


    او من Badongo مقسمه لملفين
    اضغط هنـــــــــــا
    هتتفتحلك الصفحه

    وزى ما واضح ان النسخه مكونه من ملفين
    هتضغط على الملف الاول وبعد ما يخلص تروح داخل على التانى
    ونصيحه منى بلاش تحمل الاتنين فى نفس الوقت عشان متضغطش على سيرفر الموقع لان فى كتير بينزلوه وده هيظهرلك من عدد الـ Downloads الى هتلاقيه ظاهرلك
    ومتقلقش لو لقيت فجأه الداونلود وقف لان ده بيكون من كثرة الضغط على السيرفر فعادى استنى شويه بعدين كمل تحميل وهتلاقيه شغال عادى خالص
    ياريت التحميل يكون باى برنامج عشان تبقى فى السليم
    بعد ما تحمل الملفين وهتلاقى اسامسهم كالتالى
    SiCoMiNiXP_SP2.rar.aa
    SiCoMiNiXP_SP2.rar.ab
    بعديها لازم تنزل الاداه الى هتجمعهملك على بعض من نفس الصفحه
    وانا أيضاً حاططها فى المرفقات

    كده هيبقى عندك ثلاثة ملفات تحطهم مع بعض فى فولدر واحد وتشغل الاداه الى نزلتها
    والى هيكون اسمها SiCoMiNiXP_SP2.rar.bat

    الاداه دى هتجمعلك الملفين فى ملف واحد وهيا شغاله هتشوف الصوره دى وهيا مش بتاخد وقت خالص

    الملف الى هيظهرلك بعديها هوا بقى الى هتفكو باستخدام
    الباسورد الى هيه
    scorpione
    ثانيا : حرق النسخه على سي دي
    الناتج هيكون ملف iso ومش مطلوب منك بعديها غير انك تحرقه على سي دي بأى برنامج زى النيرو مثلا


    وبكده يبقى مبروك عليك نسخة ويندوز اكس بي service pack 2


    ملاحظه: لمستخدمين برامج التحميل قبل الضغط على الرابط
    اعمل Disable لبرنامج التحميل ولا تجعله يشتغل بصوره تلقائيه بمجرد الضغط على الرابط
    بعد دخول الصفحه وانتهاء العد سيظهر لك رابط التحميل
    عندها اعمل Enable واضغط على كلمة Downlaod
    هذه الملاحظه للتحميل من سيرفر Badongo والسيرفرات المشابهه التى يكون عنوان الرابط منتهى باسم الملف
    مما يجعل برنامج التحميل يشتغل قبل ظهور الرابط اصلاُ
    فينتج عن ذلك تحميل ملف معطوب مساحته 1K
    وكده الحمد لله الشرح خلص

  2. [2]
    سلامة1200
    سلامة1200 غير متواجد حالياً
    عضو


    تاريخ التسجيل: Feb 2007
    المشاركات: 15
    Thumbs Up
    Received: 0
    Given: 0
    هذا الموضوع رائع ولاكن هناك مشكلة فى التحميل حيث ظهر لى هذة العبارة ( للأسف، الارتباط الذي نقرت فوقه غير متاح.ارة عند التحميل)

    0 Not allowed!



  3. [3]
    سامى عصر
    سامى عصر غير متواجد حالياً
    عضو فعال


    تاريخ التسجيل: Feb 2008
    المشاركات: 55
    Thumbs Up
    Received: 0
    Given: 0
    هو فعلا مجهود جبار أسأل الله عز وجل أن يزيدك من فضله وإبتكار الجديد

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML