دورات هندسية

 

 

حد يسمعني بقي !!!!!!!!!!!!!!!!!!!!!!!!!!!!

النتائج 1 إلى 4 من 4
  1. [1]
    engms.2006
    engms.2006 غير متواجد حالياً

    عضو فعال جداً

    تاريخ التسجيل: Aug 2006
    المشاركات: 207
    Thumbs Up
    Received: 0
    Given: 0

    حد يسمعني بقي !!!!!!!!!!!!!!!!!!!!!!!!!!!!

    السلام عليكم ورحمة الله وبركاته

    الكلام طبعا بالنسبة لموضوع في اول يوم عمل.......؟؟؟؟
    انا من اكثر الناس المشجعين لهذا الموضوع بس هاتكلم بصراحة اكتر وافتح لكم قلبي حاسس ان الموضوع ده غالب عليه الطابع النفسي والاجتماعي بمعني انه عامل زي علم النفس كده حبه آراء ونظريات نفسيه في كيفيه القيادة ومميزات القائد الناجح المهم يعني ؟؟ انا عندي اقتراح ان الموضوع يتضمن علي شقين وجهات نظر السادة الاخوه الزملاء بالاضافه ايضا الي حقائق علميه مدروسه بمعني انا كمهندس موقع كل يوم باتحط في مشاكل كتير وعلي فكره بابقي محتاج العون والغوث وطبعا كل ده مش بالاقيه الا في ملتقانا الجميل فا ياريت يكون الموضوع متضمن سؤال وجواب ونقسمهم مثلا جزء بريد اليوم يعني كل يوم يكون في بريد للملتقي للسادة المهندسين اللي عنده سؤال ويكون في ناس مهندسين عظماء ذوي خبره يفيدونا سوا المهم يعني هل حد موافقني علي موضوع بريد اليوم ؟؟

    طيب في اسئله كتيره بتدور في بالي هل ممكن حد يرد عليا ويجاوبني

    مثلا يعني

    السؤال الاول ؟؟


    انا مهندس انشاءا ت ولكني تعرضت لأعمال طرق ورصف طرق المهم يعني الطريق طلعت درجة نعومته مش كويسه فطبعا قالوا نجيب طبقة ناعمة ( سطحيه مقاس 2) وطبعا التكلفه كانت علي الشركه كبيره فرفضوا فأرتكبت جرم (اكبر من الجريمه) قالوا عايزين طبقه ناعمة وتسد مسام الطبقه السطحيه

    فرحت مسخن بيتومين وخفيته بجاز ( سولار) المهم يعني ورحته فارشه علي طبقة الاسفلت وفرشته بالمساحات ( مساحة نظافة البلاط) المهم غطيت المسطح بالكامل بكمية بيتومين رهيبه المهم شوفتوا الكارثه بقي وسكت شويه كام يوم كان الجو شتاء بعد كده الصيف بدأ يظهر كل عام وانتم بخير وطبقة البيتومين بدأت تنصهر وتسبب مشاكل للمشاه علي الاسفلت ولحد دلوقتي مش عارف اعالج المصيبه دي وطبعا المقاول عايز يحملني بيها مع ان مدير المشروع كان هو اللي أشار عليا برش البيتومين لسد الفراغات وسبني اخبط لوحدي علي فكره انا مهندس مش حديث التخرج وطبعا جهة الاشراف لما حضروا الاستلام قالوا استحاله يكون اللي عمل ده مهندس علي فكره كنت قبل ما ارش اطبقة البيتومين دي عايز آخد رأي مهندسين الملتقي الجميل لان اصحابي قالوا لي احنا ما اشتغلناش طرق قبل كده وطبعا سكت وما عرفتش اقول ايه؟؟ المهم يعني لو في بريد يومي الواحد ممكن يسأل علي اللي هيعمله بكره في الموقع ممكن يتفادي خسائر كتيره ومصائب اكبر وربنا يبعدنا علي الخسائر والمصائب يا جماعة ده كلام فعلا بيحصل انا ذهلت من كميه الناس اللي بتتريق عليا ما علينا من كده كمان للاسف الشديد انا بقيت في مشكله اني ادفع 40000 الف جنيه لطبقه الاسفلت السطحيه لو هاشيل الطبقة الحاليه واعمل طبقه سطحيه ناعمة بدون بيتومين سخن شوفتوا انا في كارثه اد ايه؟؟ ارجوا النظر لهذا الموضوع في عين الاعتبار

  2. [2]
    semoo
    semoo غير متواجد حالياً
    عضو فعال جداً


    تاريخ التسجيل: Apr 2006
    المشاركات: 271
    Thumbs Up
    Received: 4
    Given: 0
    هى فكره كويسه يا باش مهندس فعلا علشان نسد ثغراتنا وما نسمحش لحد انه يتريق علينا لكن الفكره دى عاوزالها متابع يومى يعنى زى مشرف على الموضوع ده بس بيتهيألى بقليل من النظام حتكون مفيده كتير

    0 Not allowed!



  3. [3]
    MIDO_1349
    MIDO_1349 غير متواجد حالياً
    عضو فعال
    الصورة الرمزية MIDO_1349


    تاريخ التسجيل: Jun 2006
    المشاركات: 116
    Thumbs Up
    Received: 0
    Given: 0
    احب ارحب بفكرة اخونا المهندس لانها مفيدة جدا جدا

    انا الصراحة مش هاقدر افيدك بحل لمشكلة لانى مشتغلتش طرق اولا و مش فاهم موضوعك ثانيا

    انا اينعم لسة حديث حديث تخرج بس ليا راى فى موضوعك دا

    اللى اعرفه ان المهندس المفروض ميتصرفش من دماغه او حتى لو استشار اى حد فى الموقع فى الموقع

    و الموافقة على اى اقتراح بتبقى بورقة من مدير المشروع او المسئول عن الاعمال المدنية

    لكن انى انفذ اى اقتراح لحل مشكلة لمجرد ان اى حد حتى لو كان رئيس مجلس ادارة الشركة بدون

    موافقة المهندس المسئول حاجة غلط جدا لانه ممكن يقولك انه كان مجرد راى و لسة مثلا عايز

    موافقة من الاستشارى او انه لسة موصلش لحل معين مع المالك و فى الحالة دى بيبقى مهندس

    الموقع اللى نفذ تعليمات مديره بدون اخطار رسمى هوا اللى شال الليلة كلها بالمصرى


    ان شاء الله ربنا يوفقك و تلاقى حل للمشكلة دى

    0 Not allowed!



  4. [4]
    engms.2006
    engms.2006 غير متواجد حالياً
    عضو فعال جداً


    تاريخ التسجيل: Aug 2006
    المشاركات: 207
    Thumbs Up
    Received: 0
    Given: 0
    الاخ المهندس ميدو عنده حق وانا فاهم كده كويس بس المشكله موضوع الاحراج مع مدير المشروع وخاصه ان كان عامل الموضوع ودي مش رسمي وفي لحظه لقيته رسمي عموما لايلدغ مؤمن من جحر مرتين عموما ربنا يستر وربنا ييسر الحال؟

    والسلام عليكم ورحمة الله وبركاته

    نسألكم الدعاء وان شاء الله كل حاجة ليها حل

    ما جعل الله داء الا وله الدواء ...... او كما قال النبي صلي الله عليه وسلم

    دلوقتي هل ممكن الاقي عند حد مشاريع مياه وصرف صحي اللي عنده مشاريع زي كده ياريت يقول لي عليها

    والسلام عليكم ورحمة الله وبركاته

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML