دورات هندسية

 

 

$$$ فرصة عمرك $$$

النتائج 1 إلى 7 من 7
  1. [1]
    كن داعيا
    كن داعيا غير متواجد حالياً

    عضو

    تاريخ التسجيل: Feb 2008
    المشاركات: 32
    Thumbs Up
    Received: 0
    Given: 0

    $$$ فرصة عمرك $$$




    بسم الله الرحمن الرحيم
    اخوتى واخواتى
    °ˆ~*¤®§(*§*)§®¤*~ˆ°فرصه عظيمه°ˆ~*¤®§(*§*)§®¤*~ˆ°


    فرصـــــــــــــه لمن يشتهي عمل صالح سراً،لا يناله الرياء، ولا العــــــــجب،


    يعرضها علينا جميعا الشيخ الفاضل/ محمد حسين يعقوب ، بعنوان فرصه العمر

    أخى لاتبخل على نفسك بتحميل الماده المرئيه والإستماع لها فإنها لن تأخد من وقتك الكثير فقط ( 12 دقيقه) مرئيه ، تستمع فيها لكلمه الشيخ عن هذ الفرصه العظيمه لأكتساب ملايين الحسنات ، والله يضاعف لمن يشاء،
    للتحميل من
    هنا
    http://www.yaqob.com/site/files/vedio/forsa.rm
    أو

    http://www.yaqob.com/site/docs/shara...1031&cat_id=18

    أو بامكانك التحميل ايضا من الموقع الرسمى للشيخ محمد حسين يعقوب ، بعنوان (فرصه العمر)

    http://www.yaqob.com


    ولمن لا يستطيع التحميل ويفضل قرائته
    هذا هوا تفريغ الماده ( حرفيا ) مع ملاحظه ان هذا الكلام تم تفريغه حرفيا لأمانه النقل دون تعديل أو نقصان،
    نقلا عن الشيخ فى الماده
    وإليكم نص الكلمه

    ---------------------------------------
    ----------------------------
    ----------------------------
    فرصه العمر


    أعوذ بالله من الشيطان الرجيم
    بسم الله الرحمن الرحيم
    المحمود هو الله جل جلاله
    والمُصلى والمسلم عليه هوا محمد وآله
    أخوتى فى الله ، أنا أحبكم فى الله
    واسئل الله جل جلاله ان يجمعنى واياكم فى ظل عرشه يوم لا ظل الا ظله
    اخوتى ، انا أحبكم فى الله هذه حقيقه أقولها، واجعلها عندك حقيقه يقينيه ليس كلام مجامله ،ولا لزمه من لوازم الشيوخ أوالدعاه ولا مدخل لموضوع (عايز اقولك حاجه)،
    ولا تأليف قلوب ( لأ لأ دا حب ، حب حقيقى )
    وقد أخبرنا أخواننا المسئولين عن الموقع فى هذه الفتره بعدد الداخلين ، فاُعطيتُ إحصائيه حقيقه لعدد الداخلين الى الموقع فى ثلاثين يوما ،فوجدت ان زوارالشهر عدد يقارب نصف مليون زائر، وهذا بالنسبه لي لم يكن حلما فكان كل ما يخطر ببالى (ان مائه مئتان ثلاثمائه واحد بيدخلوا كل يوم على الموقع وخلاص)
    ففوجئت أن الأمر ضخم، هذه مفاجأه ( فعلشان كدا انا بقول انا بحبكم فى الله ، انا بحبكم فى الله ، وبقولها بملئ قلبى ،إن ليه حرصكم على الموقع دا ( لا فيه ضحك ولا فيه تهريج ولا فيه صور ولا فيه حاجات مشجعه، وإنما اللى يدخل هنا زى ما قلت من الأول لأصحاب القلوب النظيفه ، اللي يدخل هنا على موقعنا لمن يريد قلبا هادئا ، من أول ما فتحنا هذه الصفحه ، قلت بلاش نقول موقع دا صفحه ، من أول ما فتحنا الصفحه دى، قلنا عايزين الصفحه دى تبقى طاهره من اللغو والرفث ، طاهره من اللعب والعبث ، جٍداً كُلها ، أنا بقول الكلمه دى النهارده علشان أؤكد أننى احبكم فى الله )
    وأطلـــــــــــــب منـــــــــــكم مســــــــــــــــــــــاعده
    إذا استعنت فإستعن بالله وإذا سئلت فاسئل الله
    فأسئل الله عز وجل أن يوفقنى ويسدد لسانى لما أُريد أن اعرضه عليكم،
    قال الله جل جلاله
    (وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ)
    وقال رسول الله ( صلى الله عليه وسلم )
    من دعى إلى هدى كان له من الأجر مثل أجور من تبعه لا ينقص من أجورهم شيئا ، ومن دعى الى ضلاله كان عليه من الوزر مثل آثام من تبعه لا ينقص من آثامهم شيئا.

    وقال ( صلى الله عليه وسلم ) نعمه الهديه ، نعمه العطيه ،الكلمه من الخير يسمعها الرجل المسلم فيُهديها إلى أخيه المسلم.
    فأنا أريد أن أدلكم على خير،وأنا دايما أقول انا دلال على بضاعه الله، يعنى انا عندى بضاعه وبدلل عليها ، مين يشتري منى ،
    مين يشتري منى بضاعه ربنا ، اللى هيا ( الجـــــــنه)؟؟
    اللى انا بقوله النهارده هوا اننا بنحدث الموقع وبنجدده وبنظبته ولعلنا هنلاقى حاجات جديده عن قريب ، مثلا هتلاقى فيه رسائل الموبايلات،يعنى هنجتهد اننا نحط كدا فقرات ، او بيسموها مقاطع فيديو تصلح للموبايل ،تتنقل على التليفون ، بحيث تتناقل بين التليفونات،هذه المقاطع صوت وصوره ، بدل الحاجات الحرام اللى معموله، إحنا بنحاول تجديد وإحلال ، إحنا قلنا زي
    سيدنا النبى ( صلى الله عليه وسلم) لأن يمتلئ جوف احدكم قيحاً حتى يُريه ،خيراً له من أن يمتلئ شعراً.
    فالقلوب بتتملئ وبتتفضى ،وعلى قد ما يدخل فيها من خير بيطلع منها شر ، وعلى قد ما يدخل منها من شر بيطلع خير.
    فا عيزين ندخل خير فى قلوب الناس.
    فا المساعده اللى انا طالبها النهارده هيا
    ( فرصـــــــــــــــــه العــــــــــــــــمر)
    تــــــــــــفريـــــــــــــغ الــــــــــدروس والخــــــــــــــطب

    ( أنا فوجئت ان فيه رساله جائتنى من بعض أخواننا فى <موسكو>
    فى روسيا ، سبحان الله العظيم ، بيقول ان هما بيقعدوا يمسكوا صحيح البخاري ، وأنا بقرأ صحيح البخاري فى الموقع ، ويحطوا ايديهم على الكلمات ، وأنا بقرأ ، ولكن هما مبيعرفوش يقرئوا عربي
    فا جائت هذه الفكره من أجل هذا ( ان أحنا عايزين ان الكلام اللى احنا بنقوله يبقى مكتوب، قالوا انهم عندهم برنامج ترجمه ،الحاجات اللى مكتوبه على الموقع بيدخلوا عليها برنامج الترجمه ، بيديهم ترجمه فوريه وبيترجملهم المقالات المكتوبه ،تترجم إلى لغتين
    فالشاهد اننا عايزين دلوقتى كل واحد منكم يتبنى فرع من فروع الموقع، يفرغ الخطب ، يفرغ الدروس ،يفرغ مدرسه الربانيه ،تفريغ بالحرف بالكلمه،
    اذا كحيت يكتب كحه ،

    ولــــــيه: إحنا بنقول ان تجاره العلماء تجاره النيات، ليه انتا عايزنى افرغ الموضوع دا ،
    أنا دايما عندى جمله يا جماعه مش عارف تعجبكم ولا لأ
    ( إذا مقدرتش تبقى خدام لربا أشتغل خدام لخدامين دين ربنا ، إذا مقدرتش بقى خدام دين ربنا اشتغل خدام لخدامين دين ربنا)
    فلو إنتا مش قادر تقول ، ســــــــــــــاعد آخرين فى اللى انا بقوله ساعده،
    لعل خطيب مش هيقعد يسمع النص ساعه، يروح منزل اللى انتا كاتبه العشر صفحات وياخدهم يبص فيهم فى خمس دقائق
    وينزل يقول الخطبه ، ربنا ينفع بيه.

    لعل مسلم أجنبى يترجم التفريغ اللى انتا مفرغه، وينتفع بيه
    لأنه مش فاهم عربى الكلام اللى انا بقوله، هوا مش فاهمه

    لعل يبقى دا مشروع العـــــــــــــمرلأن دا عــــــــــــــــداد حسنات لا يتوقف،
    لما أقول كدا ان نص مليون ، والأمر فيه تزايد (الناس اللى قايمين على الموقع محتاجين ان احنا فعلا نشكرهم لأن كل هؤلاء محتسبون ، محدش خد من أى أجر فى هذا العمل ، فجزاهم الله خيرا
    الشاهد أيه ان نص مليون ، وهما بيقولوا انه بتزيد ،العمليه بتزيد ،فلما نص مليون يقرو ا الورقه اللى انتا كتبتهاا، يقروا التفريغ اللى انتا فرغته ، شوف انتا حسنات أد أيه ،دا أحنا بنقول النص مليون دول فى نص شهر، فما الك بقى فى السنه يبقى أد أيه ،
    فــــــــــــرصه،؟
    أنا بقول للطلبه فرصه فى الأجازه، إن كل واحد يفرغ عشرين خطبه ، لا عشرين ليه( خمسين )، لا خمسين ليه ( مائه)، اشتغل.
    فـــــــــــــــــرصه للأخوات اللى قاعدين فى البيت مش وراهم حاجه فرصه.

    ااااه كم كتبت حراماً...؟؟؟؟
    فرصه بدل سيئاتك.
    اااااااااه كم كتــــبت للدنــــــــيا ....؟؟؟؟
    فرصه بدلها للآخره.

    ان شاء الله هينزل على الموقع برنامج ميسر للمشروع، برنامج بتشغل عليه الشريط او الماده بيخليهالك أبطء ،ويخلى فتره بين كل جمله وجمله ،لحد ما تكتب ،
    جربووو، ودورو، وساعدنا ، وابعت اقتراحاتك ،
    فرصـــــــــــــه لمن يشتهي عمل صالح سراً،لا يناله الرياء، ولا العــــــــجب
    لا يناله الرياء ولا العجب،

    يعنى محدش يكتب اسمه تفريغ فلان، ولا تفريغ فلانه ،ابعت وخلاص
    أعمل وارميها على الموقع ، أعمل ( فرغ) وأرميها فى صحيفه حساناتك ، فرغ وأرميها ،تشيلك وتنفعك ،يمكن يوم تحتاجلها
    عايزين كل واحد يفرغ يكتبها على الكمبيوتر .
    ( أصل انا مبعرفش اكتب على الكمبيوتر ، بكتب بصباع واحد ، وبطئ )
    يا راجل بيقعد على الشات تلات اربع ساعات يكتب بصباع واحد
    متقعدش انتا نصف ساعه لله ، ولا ساعه ولا عشرين ساعه تكتب

    ( صعب ، صعب، هغلط كتير )

    ماشى أجر حد يكتبلك،المكاتب كتير النهارده بتاعة الصف ،ادى حد يكتبهوملك ، كام خطبه انتا مفرغهم بايدك ، وتدهومله يكتبلك
    دى فرصه العمر، متضيعهاش

    أيه رايك أعملها مسابقه فى بيتك أشترى عشر شرايط، ومسابقه مين اللى يفرغ،ويفرغله كام،زمان والله ، زمان دا مش بعيد أوى ، كنا بنعمل تفريغ الشريط بعشره جنيه ، خلى أنتا الشريط بجنيه،بعشرين جنيه ، حد يفرغ ويكتب ويدهوملك ،وروح انتا على اسكانر على اسطوانه ، على النت وأحدف عندنا ،
    ومتخافش هنراجع، متقلش فيها غلطات كتير ، هنراجعلك النحو،وهنراجعلك الأسلوب،وهنراجعلك علامات الترقيم،بس أنتا اشتغل دى فرصه عمرك
    بحبك فى الله
    والسلام عليكم ورحمه الله }

    -------------------------------------------------
    ----------------------------
    ----------------------------
    ملاحظه : هذا الكلام نقلا حرفيا عن الماده المرئيه للشيخ محمد حسين يعقوب وليس كلامى
    حفظ الله الشيخ وبارك لنا فيه

    للمشاركة في المشروع :
    عليك قبل ان تبدا في التفريغ , مراسلة الموقع وتخبرهم برغبتك في الانضمام للتفريغ عن طريق الرابط التالي
    http://www.yaqob.com/site/docs/box.php

    أرجوا نشرها وتوزيعها فى أكبر عدد من المنتديات ليعم الخير ولتحقيق الهدف ، ولاتبخل على نفسك
    والسلام عليكم ورحمه الله ركاته

  2. [2]
    محب الشرقية
    محب الشرقية غير متواجد حالياً
    عضو متميز
    الصورة الرمزية محب الشرقية


    تاريخ التسجيل: Dec 2007
    المشاركات: 2,175
    Thumbs Up
    Received: 3
    Given: 0
    جزاك الله خيرا واثابك

    0 Not allowed!






  3. [3]
    كن داعيا
    كن داعيا غير متواجد حالياً
    عضو


    تاريخ التسجيل: Feb 2008
    المشاركات: 32
    Thumbs Up
    Received: 0
    Given: 0
    السلام عليكم ورحمة الله وبركاته

    اقتباس المشاركة الأصلية كتبت بواسطة المبرمج الصغير مشاهدة المشاركة
    جزاك الله خيرا واثابك
    وجزاك الله خيرا مثله

    نفع الله بك واستعملك لخدمة دينه

    0 Not allowed!



  4. [4]
    الشخيبي
    الشخيبي غير متواجد حالياً
    V.I.P
    الصورة الرمزية الشخيبي


    تاريخ التسجيل: Dec 2005
    المشاركات: 7,931
    Thumbs Up
    Received: 223
    Given: 335
    جزاك الله خيرا أخي الكريم.. وجزى الله الشيخ محمد حسين يعقوب أيضا كل خير...
    ولكن.. يا حبذا لو كانت المادة باللغة الفصيحة...

    يستطيع كل منا أن يكون داعيا لدين الله بمجرد التزامه بأخلاق الإسلام الحنيف...

    وجزاك الله خيرا..

    0 Not allowed!



  5. [5]
    رااااكان
    رااااكان غير متواجد حالياً
    الدعم الفني
    الصورة الرمزية رااااكان


    تاريخ التسجيل: Feb 2008
    المشاركات: 1,240
    Thumbs Up
    Received: 137
    Given: 24
    جزاك الله خيراً وجعله في ميزان حسناتك ..

    0 Not allowed!



  6. [6]
    م المصري
    م المصري غير متواجد حالياً
    عضو شرف


    تاريخ التسجيل: May 2006
    المشاركات: 5,015

    وسام الشكر

     وسام كبار الشخصيات

    Thumbs Up
    Received: 16
    Given: 0
    تجارة مربحة بحق و مكسب مضمون
    جزاك الله خيرا يا "كن داعيا" .... و جزي الله الامام الشيخ محمد حسين يعقوب عنا و عن الاسلام خير الجزاء

    و لي تعقيب صغير علي تعليق اخي احمد الشخيبي بشأن اللغه الفصحي
    اتفق تماما انه من المفترض ان تكون كل تعاملاتنا لغويا بلغتنا الفصحي الا و هي لغة القرآن
    و لكن احيانا نحتاج لايصال معلومة ما الي طبقة ما بلغة اللكنه
    ففي فترة غابرة من الزمن ساقتني الاقدار االي العمل في احدي المناطق الريفية النائية و كنت اصلي الجمعة في مسجد هذه القرية و كان الامام "دكتورا" في الازهر و كا يتحدث "بالنحوي" علي رأي المصريين عندما يتحدث امامهم شخصا باللغة العربية علي سبيل المبالغة ...... المهم كان الامام يتحدث و كان المتلقي المستوعب شخص او شخصين علي الاكثر بينما الاخرين يصلون من اجل الفريضه ......
    ثم تغير هذا الامام و جاء امام آخر دكتور ايضا و لكنه كان متفهما لطبيعة عقول البسطاء من اهل القرية فما كان منه ان هبط بمستوي الخطاب و بمفردات اللغه الي الاقرب من حديث الاهالي السامرين علي ضفاف نهر النيل ....... فكان المسجد يعج بالصلين الذي آثروا هذا المسجد و هذا الامام علي غيره من المساجد علي قلتها ..... و كانوا طوال الخطبة يتفاعلون صعودا و هبوطا مع كلمات الامام ..... و تري الحزن علي الوجوه عندما يقرر الشيخ انهاء الخطبة للبت في الصلاة
    اما عني فكنت احيانا اتكتم ضحكات تحاول الافلات او اقاوم مسحة من الاستهتار تغلف آذاني و هي تتعفف عن سماع هذا الاسلوب العامي الصريح البسيط ....... و لكن مع الايام ازددت تقديرا و احتراما لهذا الشيخ الامام الذي نجح ان يتفهم مستوي العقول و الطريقة المثلي للوصول الي لب العقول

    و في سبيل الهدف تكون الطرق المؤديه اليه .... طرقا مشروعه اذا ما تجنبت المحاظير الشرعية
    كما ان الداعي الذي سيوجه حديثه لغير العرب سيتكلم بلهجة و لغة من سيستمعون اليه ......

    نقطة اخري اعجبتني في تفكير الشيخ يعقوب و هو يقتحم عالم الدعوه بموقع قوي الانترنت ثم بدأ يفكر في استخدام نفس ادوات الميديا " من رسائل و مقاطع فيديو " لتخدم مراده

    شئ جميل بحق .... و نظرة متفتحه ....... و جيل من العلماء الاجلاء نستبشر به خيرا ان شاء الله

    و اخيرا الشكر موصول لصاحب الموضوع

    تحياتي العطره
    :)

    0 Not allowed!


    لا اله الا الله محمد رسول الله
    تفضل , هنا تقرأ القرآن

  7. [7]
    مصطفى محمد سليمان
    مصطفى محمد سليمان غير متواجد حالياً
    عضو متميز
    الصورة الرمزية مصطفى محمد سليمان


    تاريخ التسجيل: Jan 2007
    المشاركات: 1,351
    Thumbs Up
    Received: 4
    Given: 0
    جزاكم الله خيرا عن سعيكم لنشر الخير

    --------------------------------
    الله اعنا على ذكرك و شكرك و حسن عبادتك ............... اميييين

    0 Not allowed!


    م/ مصطفى سليمان : مدرس بمعهد التكنولوجيا - الاميرية

  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML