دورات هندسية

 

 

إنت باصص..لإيه؟؟

النتائج 1 إلى 7 من 7
  1. [1]
    apo_younis
    apo_younis غير متواجد حالياً

    عضو

    تاريخ التسجيل: Mar 2006
    المشاركات: 37
    Thumbs Up
    Received: 0
    Given: 0

    إنت باصص..لإيه؟؟

    إنت باصص..لإيه؟؟

    لما تيجى تبص لازمن تبص وانت مهسس عشان تعرف تبص كويس

    المشهس الأولانى
    واحد راكب المواصلات وشايل كتب هندسية فى ايدوا
    متلهف ان الناس تبص للكتب اللى هو شايلها
    عشان يقولوا عليه دا راجل متفوق وجاب تقدير عالى فى الثانوية
    وتبدأ الناس تبصلوا بصات الإعجاب اللى تخليه منتعش ومبسوط




    المشهس التانى

    واحد لسة مشترى هدوم جديدة وشكله دافع دمه قلبه فيها
    هدوم غالية وماركات من اللى قالبك يحبها
    والواحد دا راسم فى مخه
    ان الناس اكيد هاتبص للعلامة بتاعت البنطلون والجزمة والقميص والساعة
    وتقول الراجل دا شكلة متريش ومبسوط ومعاه فلوس
    دا بيشترى حاجات اصلى وغالية
    وتبدأ عنده مرحلة الاتشكاح والانبساط والانتعاش




    المشهس التالت

    واحد بيكلم مع واحد فى كلام مهم ...زى كدا الهسس والتغيير وهموم الهساسين
    وفجأة تلاقيه راح معلى صوته ومزوأ كلامه...لما حد من الهسايسة يعدى عليهم
    راسم فى مخه..ان اللى هايسمع كلامه
    اكيد هايقول فى نفسه عليه ..دا راجل مثقف وبيعرف يقرا الحاجات كويس
    دا رجل متابع وبيعرف يحلل
    وبردوا تبدأ عنده مرحلة من الاتشكاح وتزيد وتوسع




    المشهس الرابع

    واحد دب خناقة مع واحد عشان التانى دا داس على جزمة صاحبنا الأولانى وما تأسفلهوش
    شتيمة من هنا..شلوت من هناك..قميص يتشد..بونية فى الوش
    شكلهم بقى... بيئة خالص!! وبعد الخناقة ما خلصت
    تلاقى صاحبنا الأولانى..دا ماشى برزانة وكأن ما فيش حاجة حصلت
    متوقع ان الناس أكيد فاهمة الاسباب اللى خلتوا... يتحول من شكلة الرزين دا ...الى الشكل المتوحش البيئة دا
    وتستمر الحياة




    المهم احنا عاوزين نقول عشان ما طولش عليكم
    كل اللى إنت باصصلوا دا مش حقيقى
    والناش مش فاضية عشان تدور... انت لابس ايه ...ولا بتاكل ايه
    ولا ببتكلم فى ايه
    انت معيش نفسك فى وهم....اسمه الاتشكاح الهسسى
    وعلاجه انك تغمض عينيك..عشان ما تشوفش بصات الناس ليك

    وسلملى على الهسس

  2. [2]
    طالبة الجنة
    طالبة الجنة غير متواجد حالياً
    عضو شرف
    الصورة الرمزية طالبة الجنة


    تاريخ التسجيل: Apr 2006
    المشاركات: 4,647

    وسام الشكر

     وسام كبار الشخصيات

    Thumbs Up
    Received: 51
    Given: 28
    السلام عليكم ورحمة الله وبركاته

    قصص معبرة ومفيدة بارك الله فيكم ..... لكن اسمحوا لي أن أعترض على طريقة العرض ..... اللغة العربية الفصحى عامل مهم لوصول المعلومة بالشكل المناسب ..... طبعاً اللهجة المصرية لهجة محببة لنا جميعاً ونحبذ أن نسمعها من إخواننا المصريين عندما نقابلهم ... لكن ....

    لغتنا الفصحى أثرت عليها اللهجات وانقضى الأمر ...لا نريد لكتاباتنا أيضاً أن تطغى عليها اللهجة العامية ..... نحن أحوج مانكون هذه الأيام للتواصل باللغة الفصحى لنقويها .... اللغة محفوظة بإذن الله ....بحفظ القرآن الكريم ...لكن نحن من نحتاج إلى تعميق صلتنا بها فهي أكثر لغة توصل المعنى العميق بأقصر وأجمل عبارة ...

    جزاكم الله خيراً

    0 Not allowed!


    لكنَّما يأبى الرجاءُ يموتُ

  3. [3]
    مصطفى محمد سليمان
    مصطفى محمد سليمان غير متواجد حالياً
    عضو متميز
    الصورة الرمزية مصطفى محمد سليمان


    تاريخ التسجيل: Jan 2007
    المشاركات: 1,351
    Thumbs Up
    Received: 4
    Given: 0
    يبدو إن الأخ أبو يونس إما لسه صاحي من النوم أو شارب حاجة
    أو - و الله أعلم - لوحة المفاتيح للكمبيوتر بتاعه بايظة
    عموما الفكرة مش بطالة و فكرتني بمثل إنجليزي يقول
    " صدق نصف ما تراه و كذب كل ما تسمعه "

    0 Not allowed!


    م/ مصطفى سليمان : مدرس بمعهد التكنولوجيا - الاميرية

  4. [4]
    apo_younis
    apo_younis غير متواجد حالياً
    عضو


    تاريخ التسجيل: Mar 2006
    المشاركات: 37
    Thumbs Up
    Received: 0
    Given: 0
    للأخت طالبة الجنة(المشرف العام) شكرا لمرورك وتعليقك
    لى شوية أسألة!!
    انت لما بتتكلمى مع أى حد من صحباتك بيتكليمهم بأى لغة العامية ولا الفصحى؟؟
    حديث الناس عامة فى شئون حياتهم العامة باللغة الفصحى ولا العامية؟؟
    فى تعاملاتك اليومية مع أهل بيتك بتتلكمى فصحى ولا عامية؟؟

    انا لا انكر التكلم باللغة العربية ولا التكلم باللغة الفصحى!!
    بس ما تنسيش أن اللغة العامية دى لغة عربية يعنى لسان عربى بردوامش انجليزى ولا المانى!!
    وانا مقتنع أن الواحد يكلم مع الناس باللغة اللى اتعودوا عليها عشان يقدر يتواصل معاهم كويس
    اما موضوع توسيع دائرة التحدث باللغة الفصحى دا عاوز جهود دولة مش جهود أفراد
    [/b]

    0 Not allowed!



  5. [5]
    apo_younis
    apo_younis غير متواجد حالياً
    عضو


    تاريخ التسجيل: Mar 2006
    المشاركات: 37
    Thumbs Up
    Received: 0
    Given: 0
    العضو/مصطفى محمد سليمان
    شكرا لمرورك وتعليقك
    شوفت بقى الفكرة فكرتك بحاجة حلوة ازاى!!!
    امال الواحد... لو كان صاحى مش نايم، ومش شارب حاجة ولا الكيبورد ما كانتش بايظة
    كانت الموضوع فكرك بإيه!!

    اكيد كان فكرك بحاجات عظيمة
    زى " كن نفسك ولا تكن غيرك"
    أو " تصوراتنا تظل خاطئة حتى تثبت صحتها التجربة"

    0 Not allowed!



  6. [6]
    م المصري
    م المصري غير متواجد حالياً
    عضو شرف


    تاريخ التسجيل: May 2006
    المشاركات: 5,015

    وسام الشكر

     وسام كبار الشخصيات

    Thumbs Up
    Received: 16
    Given: 0

    Wink

    اقتباس المشاركة الأصلية كتبت بواسطة apo_younis مشاهدة المشاركة
    للأخت طالبة الجنة(المشرف العام) شكرا لمرورك وتعليقك
    لى شوية أسألة!!
    انت لما بتتكلمى مع أى حد من صحباتك بيتكليمهم بأى لغة العامية ولا الفصحى؟؟
    حديث الناس عامة فى شئون حياتهم العامة باللغة الفصحى ولا العامية؟؟
    فى تعاملاتك اليومية مع أهل بيتك بتتلكمى فصحى ولا عامية؟؟

    انا لا انكر التكلم باللغة العربية ولا التكلم باللغة الفصحى!!
    بس ما تنسيش أن اللغة العامية دى لغة عربية يعنى لسان عربى بردوامش انجليزى ولا المانى!!
    وانا مقتنع أن الواحد يكلم مع الناس باللغة اللى اتعودوا عليها عشان يقدر يتواصل معاهم كويس
    اما موضوع توسيع دائرة التحدث باللغة الفصحى دا عاوز جهود دولة مش جهود أفراد
    [/b]
    علي رسلك يا اخي الكريم

    انا مصري و اتحدث بلهجتي في بيتي و مع زملائي
    لكن دعني اسألك سؤالا
    عندما تدخل الامتحان في كليتك في مصر هل تجيب علي الاسئله بالهجه العاميه رغم ان الطالب و الاستاذ من نفس ذات البلد؟!!!!!!!!!
    يا اخي الكريم هذا المتصفح الذي يجمعنا الان يطلع عليه صديقك المغربي من اقصي المغرب العربي الي صديقك البحريني من اقصي المشرق العربي و لو تحدث كلا منا بلهجته لتساقطت معاني عده لدي الكثير منا و لا تعتمد علي سهولة اللهجه المصريه فهناك لهجات أخري اشد تعقيدا
    و الملاحظه التي يجب ان نتوقف عندها ان حب الانتماء للوطن لا ينطبق علي هذه الحالة بالذات فأنا كمصري اعشق كل ما هو مصري و لكن انا كعربي فلغتي الاولي هي اللغه العربية الفصحي
    هي الاعم و هي الاشمل و هي الأولي بالانتماء
    ثم تعويد النفس علي الحديث باللغه العربيه لا يحتاج الي جهود الجامعه العربيه :)
    انما يحتاج فقط الي ان تقرر ان تشارك بلغتك الام التي تقرأ بها القرآن و التي عندما تمسك بالقلم تكتب بها
    أسعدني لقاؤك اخي الكريم

    وطني و ما احب شئ سواه
    فيه عاشق و فيه هواي المنتهاه
    لساني فيه لسان أحمــــــــد
    عربي البـــــيان فخري المجتباه

    0 Not allowed!


    لا اله الا الله محمد رسول الله
    تفضل , هنا تقرأ القرآن

  7. [7]
    همسات الليل
    همسات الليل غير متواجد حالياً
    عضو متميز


    تاريخ التسجيل: Feb 2007
    المشاركات: 427
    Thumbs Up
    Received: 0
    Given: 0

    والله موضوع غريب وجميل وأنت عندك حق في ناس شغلهم الشاغل هو المظاهر والبرستيج.......
    لكن والله فعلا كل واحد بيكون ماشي في الشارع فيه ألي مكفيه ومش فاضي ولا مركز مع حد وألي مهتمين بألي حوليهم كدا فعلا أحسن حاجه يغمضوا عنيهم ..........تحياتي
    بس أنت عارف أنا مصريه وتخيل معرفش كلمه هسس يعني أيه؟؟؟؟؟؟؟؟؟؟؟
    بصراحه عندهم حق أخواننا ألي أنت كاتبوا ده رموز وطلاسم ميفكهاش غير المصريين ألي زيك

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML