دورات هندسية

 

 

حوار مع زبال

صفحة 1 من 2 12 الأخيرةالأخيرة
النتائج 1 إلى 10 من 14
  1. [1]
    الصورة الرمزية الجدى
    الجدى
    الجدى غير متواجد حالياً

    عضو متميز

    تاريخ التسجيل: Mar 2007
    المشاركات: 3,873
    Thumbs Up
    Received: 11
    Given: 0

    حوار مع زبال

    هناك مهن عديدة لا نعرف عنها الكثير... و لكن بالدخول في تفاصيلها تسمع و تري و تتعلم الكثير .... ما استوقفني هذا الأسبوع هي مهنة الزبال .... و هي و إن كانت مهنة شريفة ... و لها دور هام و حيوي في موضوع النظافة لو تم ترشيدها و إدخالها في منظومة أعمال النظافة ... إلا إن نظرة المجتمع لها ...نظرة غير منصفة ... فيمكن أن تنظر لرجل يلبس أغلي الثياب و يركب أفخم السيارات و يعتلي أعلي المناصب ...نظرة إجلال و تقدير ...هو لا يستحقها ... فمأكله و مشربه و ملبسه ...من دم هذا الشعب المعدم المبتلي بالفاسدين و الحيتان بجميع أنواعها أزرق و أبيض ... و حتي حيتان كروهات ...!!! في حين ينظر المجتمع لزبال ... يموت تعباً كل يوما و كداً في سبيل الحصول على اللقمة الحلال ...نظره سلبية ... لأنه يرفض المكسب السريع الحرام ....


    و الله يا سادة بعد ما قمت بهذا الحوار مع زبال حقيقي .... أيقنت أنه لو كان هناك إنصاف لأعطينا كل زبال ... و عامل مجاري ... و ماسح أحذية و عامل نظافة .... التقدير و الإجلال الذي يستحقه ...

    نعود للحوار الرائع مع الزبال .... إقتربت منه و هو يقوم بالتنقيب في صناديق القمامة ....و بدأ هذا الحوار :


    - ممكن أتعرف عليك .....


    - إتفضل يا باشا .....


    - لا أنا عايز أعمل حوار معاك .... و أتكلم معاك شويه .... و أصورك كام صورة .....


    - ماشي الكلام ... بس بلاش تطلعني في التليفزيون ...!!!


    - يا عم إنت شايف إيه في إيدي كاميرة تليفزيون ....!!!


    - إسمك إيه ....


    - كرم ....


    -سنك كام يا كرم .....


    - أنا عندي 25 سنة ...


    - معاك أي مؤهلات ....


    - خالص .. و لا بأعرف أقرأ و لا أكتب ....


    - مهنتك إيه .....


    -زي ما إنت شايف بلم زبالة ......


    - إشتغلت الشغلانه دي إزاي .... ؟؟؟


    -خرجت من الجيش ...ما فيش شغل ... أبويا مريض بالسكر و عندي ست إخوات أنا أكبرهم ... أعمل إيه لازم أشتغل علشان ياكلوا ....


    -إيه رأيك في شركات النظافة الأجنبية التي إنتشرت خلال السنوات الأخيرة ....


    - بصراحة ... فتحت بيوت ناس كثيرة ...


    - مش فاهم ....!!!


    - فيه ناس كثيرة ... إشتغلت .... غير كده ... كان زمان الزبالة مش متوفرة كده بخيرها .... كان الزبالين يطلعوا ياخدوها و يفرزوها ....و ما تلاقيش وراهم حاجة .... الشركات لما جت ... بقت الزبالة شاملة كل حاجة في الشارع ... و إحنا نأخد منها و هما يشيلوها ... !!


    - طيب يا عم كرم .... أنا مستغرب الصناديق البلاستيك التي وضعتها الشركات في الشوارع ... إختفت ... راحت فين .... ؟؟؟


    - بص يا باشا ..... الناس بتأخذها ... و يعملوها (توايل ) للبهايم .... يحطوا فيها العلف و الأكل .... يصب في القعر نص شيكارة أسمنت علشان الصندوق يكون ثابت ... و بعدين يحط العلف ... !! أو فيه ناس بيقطعوه و يبيعوه خرده بلاستيك .... و فيه ناس بيعملوه خزان ميه فوق بيوتهم ... !!


    -إيه المشاكل التي تواجهها في عملك .... ؟؟؟


    - مطاردة البوليس لنا .... متخيلين إننا حرامية ... وإننا بنسرق ( بلاليع ) الشارع ... يا باشا ... بتوع الخردة إللي بيسرقوها ..مش إحنا ...و أي مصيبة تحصل في أي شارع ... أول ناس نتمسك إحنا ....


    - طيب ممكن تشرح لي إنت بتتعامل مع الزبالة إزاي ... ؟؟؟


    - بص يا باشا .... أنا بفتح كيس الزبالة ... أبص فيه ... أفرزه ...(( الباغة)) .... يعني البلاستيك الشفاف والأكياس لوحدها .... (( المعدن )) ألومنيوم ... علب كانز .... لوحده .... (( العادم )) يعني الورق الفضي ... لوحده ...


    و كل حاجة لوحدها .... ورق عادي ...ورق بسكويت .. كرتون ... جرنال .... عيش .... نحاس .... زجاج كل حاجة لوحدها...


    - إنت بتحط الحاجات دي في إيه ....


    - بص .... فيه حاجه إسمها (( الجونية )) دي عبارة عن شيكارة أو شوال إحنا بنعمله نحط فيه الكرتون و الورق .... و فيه (( الزكيبة )) بنحط فيها بقية الأصناف ....


    - ممكن تقول لي إنت بتبيع الحاجات دي بكام ....


    -أقولك ....


    - ما تخافش مني .. أنا و لا ضرايب ولا حكومة ....


    - عارف يا أستاذ شكلك مش باين عليك إنك منهم .... !!!


    - أنا ببيع البلاستيك الخردة ب 175 قرش للكيلو ..... و الكانز .... ب 40 قرش للكيلو .... و الكرتون ... النظيف ب 35 الكيلو .. و الكرتون الوسخ ب 20 قرش للكيلو ... ورق الجرايد ب 55 قرش للكيلو ... العيش ب 50 قرش للكيلو ...ورق الفويل ب 1.5 -2 جنيه للكيلو


    و النحاس الأحمر ب 35 -40جنيه للكيلو .... و النحاس الأصفر ب 25-30 جنيه .... و الألومنيوم الطري ب 18 جنيه ...و الناشف ب 10 جنيه ...


    - إنت بتبيع لمين الحاجات دي ....


    - فيه تجار ... لكل صنف ... و الأيام دي كتير جداً ... !!


    - طيب ممكن تقول لي العيش الموجود في الزبالة...بتعملوا به إيه ..؟؟؟ وهل صحيح بتبعوه لبتوع الفلافل علشان يضعوه في العجينة ...!!!


    - لا ... حرام..:ده حرام .... لا ما بيحصلش .... بتوع الزرايب بيأخذوه للمواشي ....


    - مبسوط ... يا كرم في شغلتك دي .... ؟؟


    -لا ... ده أنا طالع من هدومي ...


    - متزوج ...


    - لا ...


    - مش خايف تروح تتقدم لواحدة .... معلش يا كرم ... أنا آسف ... يقولوا زبال ... و يرفضوك ...


    - أنا خاطب بنت خالتي في الصعيد ....


    - هل أهلها في نفس الكار ...


    -لا ...بس عايز أقولك حاجة .. أنا بشتغل شغلة شريفة ... و مش حرامي أو بسرق ... يرفضوني ليه ....


    - طيب يا كرم... إنت .. سامحني ...في أسئلتي ... ما بتقرفش من الزبالة ....


    - أنا مش قلتلك أنا طالع من هدومي .. و بعدين أكل عيشي و ماعنديش غيرها ... أعمل إيه ... ؟؟؟


    - طيب إنت مش خايف من الأمراض و الميكروبات ....


    -أنا سايبها علي الله .... وبص شوف إيدي ...متقطعة من الإزاز والصفيح إللي في الزبالة حنعمل إيه ....؟؟؟


    - طيب إيه أغلي أمنية في حياتك ..... ؟؟؟


    - أكون نفسي .... وأشتغل في شركة شغلانة ثابتة بمرتب ....


    - بس دي يا كرم مرتبها حيكون ... ضعيف ...


    - مش مشكلة ....


    - ممكن أعرف الزبال بيحصّل في اليوم كام جنيه ....


    35- ... قول 40 ... بس مش كل يوم ...ممكن يوم يرجع فاضي ...


    - لولقيت طاقية الإخفاء في الزبالة تعمل بيها إيه .... إنت شفت الفيلم ده ... عارف طاقية الإخفاء ...


    - أيوه عارفها ... حأولع فيها دي كلها شر ......


    - طيب بلاش طاقية الإخفاء لو لقيت مصباح علاء الدين في الزبالة وحكيته و طلع لك المارد يقولك شبيك لبيك ..تطلب إيه ...؟؟


    - حأطلب الستر .....


    - إنت حيرتني معاك ... طيب لو بقيت رئيس جمهورية ...


    - أنا ما أعرفش أقرأ وأكتب ... إزاي حأكون رئيس للبلد ....


    - يا عم إفرض ... إفرض ...


    - لو رئيس جمهورية .... أحكم بالعدل ....


    - طيب أخر سؤال ... لو قالوا لك تختار جنسية غير مصر تختار إيه ...؟؟


    - في حد يستغني عن بلده .... وعن خيرها إللي في زبالتها ....


    - ضحكت من آخر جملة ...حتي إرتفع صوتي جداً .... وقلت له ... والله يا كرم إنت عسل ..... وربنا يحقق لك كل ما تتمني ... وإنتهي الحوار ....


    و يبقي السؤال ..... ألا يستحق أصحاب هذه المهن القاسية .. إحترامنا و تقديرنا ... بل و إمتناننا لهم ...


    سيدنا محمد صلي الله عليه وسلم ...إنحني ليد كلت و تعبت من العمل و قبلها و قال صلي الله عليه وسلم : هذه يد يحبها الله .


    ألا تستحق يد كرم ...ومن علي شاكلته أن نقبلها فهي أشرف ....من يد من سرقناونهبنا ومن سرطننا ومن فيرسنا ومن غرقنا ومن عذبنا ويعذبنا ..... هي يد ... إختارت الطريق الصعب ... طريق الحلال في بلادنا ....


    تحيه لكل كرم في بلادنا وباقة ورد وإحترام له ولأمثاله .....









































































    منقول

  2. [2]
    ب د ر
    ب د ر غير متواجد حالياً
    عضو متميز


    تاريخ التسجيل: Jun 2007
    المشاركات: 609
    Thumbs Up
    Received: 0
    Given: 0
    الاخ محمد طلعت

    هل تعلم انه قال كلمه تدل ان الرجل من اسعد الناس

    لولقيت طاقية الإخفاء في الزبالة تعمل بيها إيه .... إنت شفت الفيلم ده ... عارف طاقية الإخفاء ...



    - أيوه عارفها ... حأولع فيها دي كلها شر ......

    0 Not allowed!



  3. [3]
    فتوح
    فتوح غير متواجد حالياً
    مشرف


    تاريخ التسجيل: Mar 2006
    المشاركات: 4,380

    وسام الشكر

     وسام كبار الشخصيات

    Thumbs Up
    Received: 130
    Given: 148
    بسم الله الرحمن الرحيم

    الحمد لله والصلاة والسلام على رسول الله

    جزاك الله خيراً على هذا الحوار الطيب مع الأخ كرم وأسأل الله العظيم رب العرش الكريم لنا وله الستر في الدنيا والآخرة

    0 Not allowed!


    قال الأحنف بن قيس: لا ينبغي للأمير الغضب لأن الغضب في القدرة مفتاح السيف والندامة

  4. [4]
    سيد البطحاء
    سيد البطحاء غير متواجد حالياً
    عضو فعال


    تاريخ التسجيل: Oct 2007
    المشاركات: 134
    Thumbs Up
    Received: 0
    Given: 0
    بارك الله فيك على هذا الحوار اللطيف والعبرة العظيمة

    0 Not allowed!


    لآتأسفَن على غدرِ الزمانِِ لطالما...رقصت على جُثََث ألأسوِدِ كلابُ
    لاتحسبن برقصها تعلو على اسيادها...تبقى ألأسودُ أسوداً والكلابُ كلابُ

  5. [5]
    اياد المهندس
    اياد المهندس غير متواجد حالياً
    عضو


    تاريخ التسجيل: Oct 2005
    المشاركات: 47
    Thumbs Up
    Received: 0
    Given: 0
    أحنه بنشوف الزبالين في الاعياد بس.....

    0 Not allowed!



  6. [6]
    فاطمة السيد
    فاطمة السيد غير متواجد حالياً
    عضو


    تاريخ التسجيل: Oct 2007
    المشاركات: 21
    Thumbs Up
    Received: 0
    Given: 0

    اوئيد رائ بدر

    اوئيد رائ بدر

    0 Not allowed!



  7. [7]
    planner1
    planner1 غير متواجد حالياً
    عضو فعال


    تاريخ التسجيل: Jun 2006
    المشاركات: 88
    Thumbs Up
    Received: 0
    Given: 0
    جزاك الله خير على هذا الحوار وعلى احساسك الرائع
    والحمد الله على النعم اللي احنا فيها
    القناعة كنز لا يفنى

    0 Not allowed!



  8. [8]
    eng.amani
    eng.amani غير متواجد حالياً
    عضو فائق التميز
    الصورة الرمزية eng.amani


    تاريخ التسجيل: Dec 2006
    المشاركات: 6,461
    Thumbs Up
    Received: 122
    Given: 101
    بجد انسان محترم وشريف والعجيب حبه لعمله اللي احنا شايفينه مخجل وصعب
    اي واحد في سنه في الزمن هدا بينحرف وبيسيب البيت وبيدور على سعادته في اماكن تانية
    لكن هدا فضل انو يكون شريف ويعول اسرته
    عليه الصلاة والسلام تحدث عن هذه الايدي العامله وفضلها ووجوب وقوفنا معها واحترامها
    وياريت تصل هالمحادثة لكل مسؤول ورئيس
    بس لو ممكن ياريت نقول عليه ( عامل نظافة ) انا شايفه انسب له وافضل من ( زبال )

    0 Not allowed!



  9. [9]
    م.محمد الكردي
    م.محمد الكردي غير متواجد حالياً
    عضو شرف
    الصورة الرمزية م.محمد الكردي


    تاريخ التسجيل: Nov 2005
    المشاركات: 2,997

    وسام الشكر

     وسام كبار الشخصيات

    Thumbs Up
    Received: 17
    Given: 0
    شكرا لك على الموضوع

    0 Not allowed!



  10. [10]
    فاتح روما
    فاتح روما غير متواجد حالياً
    عضو متميز
    الصورة الرمزية فاتح روما


    تاريخ التسجيل: Sep 2007
    المشاركات: 742
    Thumbs Up
    Received: 1
    Given: 0
    مششكور على المضوع الرائع

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML