مراتك ولا شغلك

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين أكتر...؟؟؟؟
مراتك...........ولا...........شغلك

تتهم كل نساء العالم الرجال بأنهم بيحبوا شغلهم أكتر مابيحبوهم كزوجات أو كخطيبات أو كحبيبات........،


وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل
:

أولا..........الشغل بيصرف عليا.......بس أنا اللي بصرف عليها!!!

ثانيا........في الشغل ممكن تزعق براحتك و زعيقك يجيب نتيجة...
مع مراتك صعب إنك تزعق براحتك ومهما زعقت مش هييجى بنتيجة..........

ثالثا........ممكن تزوغ من الشغل في أي وقت من غير ماحد ياخد باله أو حد من الزملاء يغطيك أنما تزوغ من مراتك........هيهات.......إنسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!

خامسا.......في الشغل من حقك تاخد إجازة.......عندك عارضة..واعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... إنما مع مراتك...مش ممكن تاخد إجازة......بالعكس دانت لازم تلزق فيها يوم الإجازة بتاعتك
وإلا يبقى نهار أهلك مالوش ملامح.....لك أجازه واحدة فقط......و طويلة جداً !!!!........

سادسا........في الشغل ممكن تترقى وتاخد منصب بيه....وباشا كمان ويبقى لك مكتب لوحدك ..... وفراش.....وسكرتيرة خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركة...........

سابعا.......الشغل لو زهقت منه ممكن تسيبه بدون مشاكل....وبسهولة.... إنما مع مراتك......لو روحك طلعت.....لازم تحط ف بقك كوتشى وتفكر مليون مرة.....في المحاكم والمؤخر والنفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.

ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........
تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مرة من مراتك بس ماتقدرش تغيرها.........ظلم

عاشرا........في الشغل....متأمن عليك عشان لو حصل لك حاجة....... ولو حصل لك حاجة.....مراتك هي اللي هاتقبض التأمين

في النهاية....بتهوى مين أكتر...مراتك ولا شغلك..
الإجابة..أكيد مراتي طبعا !!!!!!