بَوّابةْ تَفتِيشْ...

بَوّابْة تَفتيش عَلَى بَابَكْ....

كُل ما احَاولْ أعَدَّى تَزَمَّرْ...

وبْتْشَرَّطْ...

وَبتْتْأمَّرْ...

أرَجَع أدَوَّرْ تَانى وأدُوَر...

وكُل ما عَدَّي بَرْضُهْ تزمَّرْ...

طَب آدى السَّاعَةْ...


المزيد ...



كتبها آآآآه وآآآآه في 01:30 صباحاً :: لا يوجد تعليق أضف تعليق أرسل الإدراجدوّن الإدراجالأربعاء,أيار 30, 2007

ميدان الجيزة


قلم

على سلامة

ضَيعّت شوية سنين كدة ...

بَحب من بعيد لبعيد...

والحكاية مقّضيّانى ...

ومبسوط وراضى وسعيد ...

أفرح بأى حَاجة ...

واستنى هدُوم العيد ...

وبَعدين ضَيعّت شوية سنين ...

نفسى أبقى أشطر واحد فى الكيميا ...

مع أنى مش فاهم ميدان الجيزة ...

والحياة رغم قسوتها ...

شايفها لذيذة ...

وضيعت شوية سنين بقى ...

...


سلك عريان...


قلم

على سلامة

أقولك حكاية...

يمِكن مَتصدقهاش...

النور قاطع ف شارعنا...

من سنين ولسّه مجاش...

عارف ليه...

آه والعيش والملح...

زى ما بقولك كده...

ودوَّرنا كتير مخلَّيناش...

وملقيناش...

غير سلك عريان مكشوف...

واقف ف العتمة مكسوف...

ساكت آه...

لكنَّه مبينساش...

لمَّا الماسورة اتخرمت...

وربطناها بحتة قماش...

ولكل جرح بينزف...

شوية بن...

ولو البن غالى بلاش...

إيه ياعم...

إحنا كل ده ف ميدان التحرير...

لسَّه متحركناش....






بِيوُتنا...


قلم

على سلامة

بِيُوتنا واسْعَةْ وِضقْةْ...

عصَافير كِتير...

ولا يُوم صَحيت م الزَقْزقَةْ...

بحلَمْ بعِيشَةَ محنْدقةْ...

وسْط البَرَاح...

لو كان صَحيح...

الحُزن رَاح...

طَب ليه الجراَحْ...

لسّه فَ عيونَا مخَنْدقَهْ...

بيَوتْنا أسَْمنَت...

وزَلط وِحِيطَانْ....

وبَس...زِى الآسِى....

متَرصَّصة..

مِرصُوصَة رَصْ...

دَار النَهار...

من داَرلدارْ...

طَبل وزَمر...

قال ْ وسار...

ولا حد حَسْ...

كتب

على سلامة


سلَطَةْ...


قلم

على سلامة

أحْلامْنا سَلَطَةْ...

وكَلامْنا سَلَطَةْ...

والعشق وَرطَةْ...

غِلط غلْطَةْ...

كأَنَى ماشى من غيرْ دِماغى

كأْنى أقف أدَّن فَ مالَطةْ...

سَلَطَة...

وتَملىِ خَسْ وجَزَرْ...

ناديتُه لَكن راح واعتذَرْ...

أَلاقيش مَعاك سنةْ أمل...

ألاقيش مَعاك حَبةْ نْظر...

اليُوم وفاتْ...

وبُكرَه فَاتْ...

مَفْضلِشْ غير...

حَبةَ سُكاتْ...

وتقُولِلى هاتْ...

أحَلامْنا ليهْ...

سَلَطَةْ...

كتب

على سلامة

الدستور 10 مايو 2007





حَظّك اليوم...


قلم

على سلامة

تيجى نحسبها نلاقيها...

إحنا فيها...

لفّ واتفرج معايا...

ع اللى نايم...

واللى صاحى...

واللى طافى النور وصاحى...

واللى بتسليه جراحى...

واللى قال فات الكتير...

واللى طاير...

بس مكسور الضمير...

ع اللى مشغول بالدولار...

واللى ضيّع نص عمره...

فى كام بهيمة وكام حمار...

واللى قال الأرض باقية

واللى طُور مربوط فى ساقية...

واللى لسه قميُصه ناقص زُرار...

وفى ثوانى...

مات كيلانى...

كل واحد فينا قام يحسبها تانى...

اللى نايم واللى




زَغْزَغْنِى...


قلم

على سلامة

زَغْزَغْنِى...

يمْكن أضَحَكْ...

يمْكن أفْرَح...

يمْكَن أطلَع...

مِ الَلى أنا فيِهْ...

زَغْزغْنىِ...

يمْكِن أحْلَم...

يمْكَن أقَول اِللى مخَبيهْ...

مِش جَايزْ...

لِسَّهْ الدُنيا جَميلَة بِجَد...

ولسَّه النَاسْ...

فِى الصيِفْ والبَرْدْ...

مِشْ يِمكنْ...

يطْلَعْ فيَّا العيِبْ مِشْ فِيه...

زَغْزَغْنِىِ...

كتب

على سلامة

الدستور 7 مايو 2007









الْمَََََصرِىْ..


قلم

على سلامة

الْمَصْرِىْ ع الْمَصْرِىْ...

يقدَرْ ويتْشَّطرْ...

وِلِلى بَنى مَصْرْ...

لا خَطّطْ...

ولا سَطرَّْ...

ولا قال فِى يُومْ...

الَمَطره هاتُمُطرْ...

إلِلى...

كتب

على سلامة

الدستور 6 مايو 2007




اشْرَبْ...


قلم

على سلامة

عَرْفاكْ.عَرْفاكْ...

هاتلف تلفْ...

وفِى الأخَر جاىْ...

سَمْعاكْ...

بتُقولِ ضُمينى سامْحِينى...

لأ يا رُوح أمُكْ...

مَبقَاشْ...

عَيَّانْ تَعَْبانْ مَديُونْ ومفلَسْ...

مَا أنا مدَيتْ إيدى للى يَسْوَى...

واللى ما يسْواش...

لاَ عَندى بُنْ...

ولا عِندى قُطنْ...

ولا عِندىْ شَاشْ...

ضَحكُوا عَليك...

وقالُولك خَللى السَلاح صاحىْ...

وهُم طول الليل والنهار نايْمين...

وانت طول عُمركْ...

بِتبيعْ ببِلاش...

اشَْرَب...

كتب

على سلامة









إِحْنا...

يَا دُوبْ رَقَمْ...

والمَتش شَغَّالْ...

فاوِلْ مفِيشْ...

آوِتْ مفِيش...

ومَفِيش ضَربِة جَزاءْ...

وكل يومْ مُوضَة...

وكل دقيقَةْ عرَض أزْياءْ...

وكل شئ للبِيعْ...

ومفِيشْ أكتر مِن الأسواق...

إيهْ يعمل الأدبْ...

وإيه تَعمل الأخلاق...

فِى متشْ...

مِن غيرحَكَمْ...

كتب

على سلامة

الدستور 4 مايو 2007