دورات هندسية

 

 

طالب في هندسة يستغيث فهل من مجيب؟؟!!!

صفحة 1 من 2 12 الأخيرةالأخيرة
النتائج 1 إلى 10 من 13
  1. [1]
    تايكندو مان
    تايكندو مان غير متواجد حالياً

    عضو فعال

    تاريخ التسجيل: Nov 2006
    المشاركات: 58
    Thumbs Up
    Received: 0
    Given: 0

    طالب في هندسة يستغيث فهل من مجيب؟؟!!!

    انا يا جماعه الحمد لله خلصت من اعدادي هندسة ودخلت اولى وهذا من فضل الرحمن
    وللاسف كنت عاوز ميكانيكا باور
    وانا بقول للاسف
    علشان نسبتها عليا
    وناس كتير قالتلي ان باور بيكنسل شغل انتاج
    ووممكن بتاع باور يعمل بنفسه شغل انتاج وميحتجش لمهندس انتاج اطلاقا
    وان انتاج ملهاش شغل
    وللاسف انا جاتلي ميكانيكا انتاج
    ووالله العظيم انا لما كنت بذاكر مادة هندسة انتاج في اعدادي كنت مستمتع تماما
    بل المعلومة كانت تدخل في ثواني
    وقلت بيني وبين نفسي
    لو ليكي مستقبل كنت هدخلك وانا مطمن
    بس للاسف وساوس طلاب ميكانيكا باور عندنا في الكلية اوحتلي ان ميكانيكا انتاج ملهاش فايدة في الحياة
    بس اعمل ايه دلواتي؟؟؟؟!!!!!
    يا ترا فعلا انا مستقبلي ضاع
    بجد ريحوني
    وكلموني عن التخصص ده وايه معناه؟
    ويا ترا ليه اهمية؟
    ولا لا زي ما بيقولوا نه فعلا ملهوش لازمة
    ويا ترا ليه شغل؟؟؟؟
    وبيبقى الشغل فين بالظبط انا نفسي اعرف مكانه فين بتوع انتاج؟؟؟؟
    وهل مهندس انتاج له مكانته وكيانته في الوسط الهندسي؟؟؟؟ انا فعلا قلقان
    ياريت محدش يقرا ويمشي
    فانا طالب لم ادخل معترك الحياة بعد
    واريد ان ادخلها بخطوات ثابتة وعلى ثقة كاملة
    فساعدوني جزاكم الله خير الجزاء
    وخالص تحياتي التي تنبعث من اعماق قلبي
    ودمتم بالف خر وفي طاعة الرحمن
    واعتذر عن الاطالة
    اخوك
    م/ محمد الخطيب

  2. [2]
    محمد حسن نصر
    محمد حسن نصر غير متواجد حالياً
    عضو تحرير المجلة


    تاريخ التسجيل: Dec 2006
    المشاركات: 283
    Thumbs Up
    Received: 7
    Given: 0
    يا بشمهندس محمد الخطيب
    اولا كل شيء نصيب
    وعايز اقوللك ان معلوملتك خاطئة
    ان مهندس الانتاج ممكن يشتغل شغل باور والعكس صعب
    وعلى فكرة مجالات الانتاج اكتر واوسع بكتير
    ونصيحة ادخل انتاج وانتا متطمن
    وعلى فكرة دراسة الانتاج سهلة وممتعة جداا لو حبتها
    وحاول على قد ما تقدر وانتا في الكلية تحدد المجال اللي انتا عاوز تشتغل فيه ودعم نفسك بدورات
    وربنا يوفقك وان شاء الله ربنا حيوفقك

    0 Not allowed!



  3. [3]
    تايكندو مان
    تايكندو مان غير متواجد حالياً
    عضو فعال


    تاريخ التسجيل: Nov 2006
    المشاركات: 58
    Thumbs Up
    Received: 0
    Given: 0
    بس انا عاوز اسالك سؤال يا باش مهندس محمد
    انا مثلا بتع باور يقولي مهندس انتاج اخره زي ما انت شايف يقعد يدرس رسم
    وده اللانا شفته
    اغلب المعيدي اللبيدونا رسم بتوع انتاج
    وده طبعا حجة بتوع باور ان باور بيشتغل شغل انتاج
    فعشان كده بتاع انتاج بيضطر يشتغل في التدريس للرسم الهندسي
    الكلام ده صح؟
    وبارك الله فيك انا بدات اطمن والله

    0 Not allowed!



  4. [4]
    تايكندو مان
    تايكندو مان غير متواجد حالياً
    عضو فعال


    تاريخ التسجيل: Nov 2006
    المشاركات: 58
    Thumbs Up
    Received: 0
    Given: 0
    يا جماعه محدش رد عليا يعني
    انا بجد نفسي ادور على من ينير طريقي
    وكمان عندي سؤال تاني
    هل الميكانيكا انتاج
    هي الهندسة الصناعية ولا في اختلاف

    0 Not allowed!



  5. [5]
    prof.shetos
    prof.shetos غير متواجد حالياً
    عضو


    تاريخ التسجيل: Jul 2006
    المشاركات: 12
    Thumbs Up
    Received: 0
    Given: 0
    يا بشمهندس محمد الخطيب
    انا هقولك حاجة بسيطة جدا عن تجربة
    انا كنت ف نفس حالتك دى السنة اللى فاتت لما جتلى انتاج كان اهون عليا احول تجارة وكنت متعقد من حياتى وكان ف دماغى اقسام تانية وفكرت احول كلية هندسة ف مكان تانى وحصلش نصيب لدرجة انى سافرت دولة تانية عشان ادخل قسم معين وبرضه حصلت مشاكل واضطريت ارجع تانى قبل الامتحانات
    والحمد لله ربنا كرمنى ف امتحانات الترم الاول ونجحت ودخلت الترم التانى وعرفت ان خلاص هو ده مصيرى يبقى لازم اجتهد فيه والحمد لله جبت اتلترم التانى جيدجدا
    وبعد مافاتت السنة دى وعرفت القسم على حقيقته بعيد عن الكلام والقيل والقال هقولك باختصار
    لو الزمن رجع بيا الف مرة هادخل قسم انتاج ف كل مرة
    من مميزات القسم انه سهل وشيق جدا والتعامل مع الماينات عموما لذيذ جدا
    غير كدة ان مجال شغله كبير انت ممكن شتتغل فف اى حاجة تختص بالتصنيع او اى مكان فيه ماكينات
    يعنى مصنع غزل ونسيح او مصنع حديد وصلب او مصنع سيارات وحاجات تانية كتير
    وده بيديك فرصة كويسة للشغل.
    ميزتك عن بتاع باور ان بتاع باور عشان يشتغل لازم انت تكون مجهزله الشغل
    يعنى مثال بسيط جدا "العربية" انت بتصنع كل حاجة فيها كل اجزائها البدى والموتور وكل حاجة
    وبتاع باور هو مجرد بيحدد مواصفات المنوتو الملوب والمحرك هيحتاج وقود من نوع ايع عشان يدى كفاءة معينة. لكن انت اللى بتصنعها.
    الفكرة بقى ان شغل انتاج مش كتير مش عشان انتاج وحش لكن عشان قلة الكفاءة
    فيه ناس كتير بتفكر زيك كدة ويتعقد من نفسه فمايذاكرش ويطلع ضعيف علميا وبالتالى مش هيشتغل
    لكن الكويس بيفرض نفسه ف اى مكان. وانت ممكن تاخد كورسات تخليك متميز جدا وممكن تدرس لوحدك ف الاجازة كتب باور تستفيد منها وممكن تبقى افضل منه.
    وبالتوفيق ان شاء الله .
    شكلك كدة ف هندسة شبين الكوم لو كان كدة ابعتلى ضرورى وان شاء الله هاساعدك

    0 Not allowed!



  6. [6]
    عاطف مخلوف
    عاطف مخلوف غير متواجد حالياً
    عضو شرف


    تاريخ التسجيل: May 2007
    المشاركات: 3,157

    وسام الشكر

     وسام كبار الشخصيات

    Thumbs Up
    Received: 43
    Given: 17
    يا أخي مهندس الانتاج مهندس محترم للغاية ودراسة هندسة الانتاج دراسة راقية ، وشأنه نفس شأن مهندس الباور ، أما مسألة العمل فهذه تتوقف على حاة التنمية فى البلد التى تعيش فيها فإذا كانت معدلات التنمية والاستثمار جيدة أى الحالة الاقتصادية عموما فكل من مهندس الباور والانتاج سيجدان عمل مقبولا وجيدا ، واذا كانت الحالة سيئة فكلاهما سيعاني ، ومجالات مهندس الانتاج حيث توجد مصانع كبيرة أو صغيرة فيكون هو العنصر الاساسي فيها ويكون مهندس الباور ثانوى . فتوكل على الله .

    0 Not allowed!



  7. [7]
    essam914
    essam914 غير متواجد حالياً
    عضو فعال


    تاريخ التسجيل: Mar 2007
    المشاركات: 50
    Thumbs Up
    Received: 0
    Given: 0
    السلام عليكم
    أنا خريج ميكانيكا بور 2007 وأحب اطمنك يا بشمهندس أن زي ما بور قسم له قيمته ووزنه كذلك انتاج و بخصوص الشغل فان العملية متقاربة جدا بين الاثنين و مهندس بور يشتغل شغل انتاج والعكس لكن مش في كل حاجة والا ما كانوش عملوهم قسمين
    و في النهاية أحب اقولك ادخل اللي انت عايزه و حابه و الشغل ده بتاع ربنا و عموما قسم ميكانيكا قسم جميل وله شغل في كل الدنيا فتوكل على الله وصلي استخارة

    0 Not allowed!



  8. [8]
    ahmed morshidy
    ahmed morshidy غير متواجد حالياً
    عضو متميز
    الصورة الرمزية ahmed morshidy


    تاريخ التسجيل: May 2006
    المشاركات: 693
    Thumbs Up
    Received: 4
    Given: 0
    السلام عليكم
    يا بشمهندس عيب عليك تقول ان انتاج ملهوش لازمة
    انا برغم انى ميكانيكة باور الا اننى احترم قسم هندسة الانتاج جدا
    مهندس الانتاج هو احد المهندسين اللى مينفعش ميكونوش متواجدين فى اى شركة
    مهندس الانتاج يقدر يتكلم فى اى مجال: كهرباء ميكانيكا كيمياء يعنى كله كله
    ده لان مهندس الانتاج بيكلم فى الجودة وبيتكلم فى التخطيط ودول افضل مجالات فى العمل فى اى شركة على الاطلاق
    مجالات مهندس انتاج على ما اعرف عندك: تشغيل , تخطيل planing , جوده QC أو inspection
    تصميم design يعنى شغل اوتوكاد وsolidwork

    0 Not allowed!



  9. [9]
    mimh999
    mimh999 غير متواجد حالياً
    عضو فعال


    تاريخ التسجيل: Feb 2007
    المشاركات: 52
    Thumbs Up
    Received: 1
    Given: 0
    انا عقول كلمة واحدة
    دى نصيب
    حب ماتعمل لتعمل ماتحب

    0 Not allowed!



  10. [10]
    almohandis1985
    almohandis1985 غير متواجد حالياً
    عضو فعال


    تاريخ التسجيل: Sep 2006
    المشاركات: 115
    Thumbs Up
    Received: 1
    Given: 0

    Smile

    ربنا يوفقك يا باشمهندس و بعدين كل شيء نصيب و محدش عارف الخير فين بس لعلمك إنت دخوك إنتاج إن شاء الله أحسن لك من قسم باور و سيبك من الوساوس اللي بتسمعها و زي ما قالك الباشمهندس ان مهندس الإنتاج ممكن يشتغل شغل باور و لكن يصعب العكس و لعلمك شغل إنتاج ملهوش حدود كفاية ان أي منتج يلزمه عملية إنتاج . أيا ً كان المنتج .
    و أظن الإخوة المهندسين ردو عليك بما فيه الكفاية
    مع تحياتي.

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML