اعتذر مقدما من الاخوه الذين لا يستطيعون قراءه اللهجه العراقيه
وانقلها لكم لما فيها من معاني جميله
انها تنقل كلام عن لسان شهداء حادثه بريمه ( نسال الله ان يتقبلهم عنده من الشهداء ويدخلهم في فسيح جناته )


قصيدة ميلو بينة
للشاعر المبدع (مالك الحزين)

القصيدة.....
ميلو بينه

ميلو بينه . يلي شلتو النعش بالله ميلو بينه
ميلو بينه . انودع اهلنا وعادة اليرحل يودع اهله بدموعه
ومن صورهم يمله عينه ... ميلو بينه
الشوگ هزنه الحضن امنا ذيچ الحبيبه الحنينه
چلمه منها وچلمه منا حيل مشتاگين واشتاگت حچينه
ميلو بينه .. العند امنا وبس نوادعها ابچينه
ميلو بينه .. وشدعواكم ولو نظره
ولو لمسه انحني بيها چفوف ايدينه
وانتواهب خاف زعلانه علينه
ميلو بينه .. وعلمكان البيه ربينه
البيت اهلنه انودع ايامه وسنينه
ميلو بينه .. الحي حبيبتنه الحزينه
بلچي لو شفناها مره ارواحنا ترجع علينه
ميلو بينه .. وعلى بريمه هناك عدنه اعتاب يمها هناك يايمه ارتمينه
هناك زلها الما حمانه وخان بينه
هناك صار فراگ يمه ؟؟ هناك ضيعنه خوينه
وينه شو ما بين ألنه ! وينه شو ما مر علينه
مودع ودرب السلامه. وبس اخاف الذيب يوگع بيد شاة يظل رهينه
ميلو بينه . وخاف يخلص هلنهار وهذي اخر ليله هينه
ولوله بيها انوب ليله ماحچينه وما بچينه
وماندهناكم يولو ميلو بينه
ميلو بينه وعلجسر وگفونه لحظه . چنا هين اصغار نلعب علجرف يحظنا طينه

ميلو بينه وفرفرونه بهلحويجه وعلمنازل دار دار
وگولو لتراب الحويجه ايون علينه
واحچو قصتكم الولدكم واحچو حظكم
وگولو للأجيال ماخنه وفينه
گولو للأجيال ماخنه وفينه