دورات هندسية

 

 

كنبة...عالطريق

النتائج 1 إلى 3 من 3
  1. [1]
    apo_younis
    apo_younis غير متواجد حالياً

    عضو

    تاريخ التسجيل: Mar 2006
    المشاركات: 37
    Thumbs Up
    Received: 0
    Given: 0

    كنبة...عالطريق

    كنبة...عالطريق



    عمرك جددت عفش بيتك؟؟
    طيب العفش القديم قوى لو ملقيتش بتاع الروبابيكيا عشان يشتريه هاتعمل فيه ايه؟؟
    واحد من الحلول انك هاترميه فى الشارع عشان تخلص منه وتقدر تستمتع بالعفش الجديد
    دا هو اللى انا شوفته عالطريق كنبة قديمة مركونة على جنب وشكلها يقطع القلب ...سعبت عليا والناس اللى رايحه واللى جاية ما فيش حد معبرها ببصة واحدة ، قلت فى نفسى.. يا ... تخيلوا كدا معايا الكنبة دى اللى مش عاجبه حد فى المدينة والناس قرفانة تبصلها عشان متّربة وقديمة ومقطّعة وحالتها يعنى فى الحضيض لو موجودة:-

    فى منطقة ريفية على أد حالها أكيد الناس بصتها هاتختلف فممكن حد يخدها وينجدها ويحطها فى البيت عنده
    وممكن حد يخدها يقعد عليها قدام بيته أو فى الأرض الزراعية بتاعته
    وممكن حد يخدها يبعها
    وممكن حد يخدها وخلاص
    أو موجودة فى صحرا الناس هاتبصلها وكأنها لاقت كنز ..واللى تبقى معاه يبقى عايش ملك.... داعنده كنبة



    وأخيرا هايقدر يقعد على حاجة عاليا عن الرمل السخن الملهلب
    وممكن ينام عليها ، وممكن يعملها مظلة تظلل عليه من الشمس
    وممكن لو حد ما شى يعزم عليه بالقعدة المريحة دى
    وممكن يأجرها ويعملها مشروع للناس اللى معدية عليه أو التايهه
    وممكن يعملها مزار سياحى ويخلى السياح البدو تيجى تتفرج على الكنبة الصحراوية
    وممكن لو طلع عليه حرامي عشان يقتله ..يساومه عليها بحيث ان الحرامى ما يقتلهوش
    الواحد ممكن بالكنبة دى فى الصحرا يعمل أحلى شغل ويعيش أحلى عيشة

    أصلوا الكنبة القديمة فى المدينة... عامله زى الجنيه بتاع زمان ملهوش قيمة
    والكنبة القديمة فى الريف... عاملة زى الجنية المبهدل ممكن يتصرف
    اما الكنبة القديمة فى الصحرا... عاملة زى الجنية الذهب
    لآن كل الجنيهات الموجودة فى الصحرا قديمة قوى ومبهدلة
    وربنا يخللنا الهسس

    المصدر:مدونة علم الهسس
    http://alhasas.blogspot.com/

  2. [2]
    ahmed morshidy
    ahmed morshidy غير متواجد حالياً
    عضو متميز
    الصورة الرمزية ahmed morshidy


    تاريخ التسجيل: May 2006
    المشاركات: 693
    Thumbs Up
    Received: 4
    Given: 0
    الله ينور عليك يا باشمهندس
    بس كنت عاوز اسئل هلى كلمة الهسس كلمة عربية فصحى ام انها مخترعة؟؟؟

    0 Not allowed!



  3. [3]
    apo_younis
    apo_younis غير متواجد حالياً
    عضو


    تاريخ التسجيل: Mar 2006
    المشاركات: 37
    Thumbs Up
    Received: 0
    Given: 0
    كلمة جديدة من واقع جديد...مخترعة
    هى مش عربية فصحى

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML