دورات هندسية

 

 

قصيده جميله اقراها

النتائج 1 إلى 6 من 6
  1. [1]
    مهند عبدالله
    مهند عبدالله غير متواجد حالياً

    عضو فعال

    تاريخ التسجيل: Jun 2007
    المشاركات: 72
    Thumbs Up
    Received: 4
    Given: 1

    قصيده جميله اقراها

    النخلة


    محمد الحسن حسن سالم (حميد)


    النخلة في الليل المهول .. وحيدا في عز الرياح

    النخلة


    محمد الحسن حسن سالم (حميد)


    النخلة في الليل المهول .. وحيدا في عز الرياح
    فارس يدارق في الرماح .. الجايا من كل إتجاه
    رغم الجراح .. شح إلمي .. الزاد والسلاح
    راكز يصول .. لا أنّ ولا حنى للجباه
    لا خان بصيرتو الإنتباه
    لا حتى قال ديل المغول
    لا ختّ آه على عز قديم .. روح عجول
    طول مداميك الصبر .. سدابا طاقات النباح
    كل ما نزف من جوفو دم .. كل ما عزف لحنو الصباح
    نجم الميامين الحمش ..
    ينضارى شان تشرق شمش
    تدي الحياة .. الناس .. الحقول .. الدابة .. والطير .. والبمش
    لكنو ما بخبر أفول .. والأرض مخلاية التعب
    مصلاية العشق الصعب .. ما بتستباح
    زي نخلة .. في الليل المهول
    كانت بتختبر الفصول
    كانت بتمتحن الرياح .. كل ما تطول
    والدنيا خوف عابر سبيل ..
    يشوف عنف الرياح في النخلة .. واللا النخلة في عنف الرياح
    في ليل مهول
    طوالي راح يحلف يقول .. النخلة ما بترجى الصباح
    والطيب الصابر سنين .. راجيها باكر .. حقو راح
    لا فكّ دين ..
    لا سدّ جوف .. رزقو المعلق في الصبيط .. مشهادو أصبح بين بين
    النخلة ما بترجى الصباح .. لكن ضراعاً في البلد عارف عروق النخلة وين
    خابر صمودا المن متين .. وسامع مناتقة الرياح ساكت صياح
    لكن ضراعاً في البلد عارف عروق النخلة وين
    ضامن ثبات ساقا الهطيط
    وسامع مناتقة الرياح ساكت صياح
    النخلة ما بتقدر تخون الأرض .. ما بتقدر تكون غير المراح
    لي همبريب يغشى البيوت .. عند الصباح
    نص النهار .. عند المغيب .. عز الرياح
    النخلة تتجاسر تصون عش الطيور البينا .. تفرد للجناح
    ما ليها غير تطرح تمور .. تملا الشواويل القفاف
    ينتمّ زين .. ينحلّ دين .. يطلق ضهر زولاً بسيط ..
    واقف على حد الكفاف
    ومن ركة الرزق المتاح .. رزقو المعلق في الصبيط ..
    ينزل كما الطير الخفاف .. يقدل نشيط ..
    يخضرّ زي شتل الضفاف .. كل ما النشاف بدا في الصبيط
    والنخلة لو عنف الرياح .. الصاعقة ..
    أهوال الفصول .. آفة الذبول .. قدرت على ساقا الهطيط
    تقع آ بتموت
    تلقاها خشت في البيوت .. بي كل صراح
    تبروقة .. سجاجة طهورة .. طبق من العرجون ..
    ضنيب هبابة .. قفة وكسكسيكة .. حبل متين فتلوهو في ضل الدليب ..
    نشلوبو من بير للشراب .. نسجوبو بنبر وعنقريب
    تلقاها خشت في البيوت .. وبي كل صراح
    جوبيل جريد يعرش سقف بيتاً جديد
    أول دخلتو عريس سعيد
    مبسوط يقرقر بانشراح
    أو حتى واقوداً تقيدو السمحة في نار بارتياح
    لي يوم عزيز ..
    يطلع خبيز
    نبيذ الليل صفاح
    يطلع ملاح .. بروبو ناساتاً ضيوف
    ولي زول وراهو شغل بعيد .. جابرا الظروف
    يطلع قهيوتو وشاي صباح
    وآخر المطاف ..
    الموت بيلفح بسمة من توب الزفاف
    الموت بيشرق نسمة في كل الصبا
    النخلة ترباية العباد .. بي جلالا تنحول رماد
    ورمادا ينحول سماد
    وسمادا يدخل كم بلاد
    وديانا تخضر والبطاح
    شوف كيف كفاح النخلة .. شوف كيفن بتتحدى الرياح
    تعبر على مر الحياة وتنمطق الموت بي جلد
    من بعدما ملت البلد .. شتلاً معمر بالألوف
    وشايل مخلف بارتياح
    طول المصير .. النخلة حوتة الصحرا .. نوارة الجروف
    تلقاها في أجمل وشاح
    بي جراحا رجّتنا الصباح .. يا القلتو ما بترجى الصباح
    النخلة تحت الأرض سر .. والنخلة فوق نخلة نصاح
    والدنيا أوسع ما تكون .. والجو براح
    وكل الرياح فوقا بتمر .. يكفيها دا .. ويكفيها صاح
    ما استسلمت لي ريح غريب .. وكل الرياح فوقا بتمر ..
    والنخلة ما بتخبر خلاف ريح اللقاح
    والهمبريب وريح الصلاح
    يا معوض الليل بالصباح
    يا معود النار اللهيب .. روض نخلنا على الرياح
    وفي لجة البحر الغريب .. أدي الرواويس الصلاح
    يكفينا دا .. ويكفيها صاح

    ا من كل إتجاه
    رغم الجراح .. شح إلمي .. الزاد والسلاح
    راكز يصول .. لا أنّ ولا حنى للجباه
    لا خان بصيرتو الإنتباه
    لا حتى قال ديل المغول
    لا ختّ آه على عز قديم .. روح عجول
    طول مداميك الصبر .. سدابا طاقات النباح
    كل ما نزف من جوفو دم .. كل ما عزف لحنو الصباح
    نجم الميامين الحمش ..
    ينضارى شان تشرق شمش
    تدي الحياة .. الناس .. الحقول .. الدابة .. والطير .. والبمش
    لكنو ما بخبر أفول .. والأرض مخلاية التعب
    مصلاية العشق الصعب .. ما بتستباح
    زي نخلة .. في الليل المهول
    كانت بتختبر الفصول
    كانت بتمتحن الرياح .. كل ما تطول
    والدنيا خوف عابر سبيل ..
    يشوف عنف الرياح في النخلة .. واللا النخلة في عنف الرياح
    في ليل مهول
    طوالي راح يحلف يقول .. النخلة ما بترجى الصباح
    والطيب الصابر سنين .. راجيها باكر .. حقو راح
    لا فكّ دين ..
    لا سدّ جوف .. رزقو المعلق في الصبيط .. مشهادو أصبح بين بين
    النخلة ما بترجى الصباح .. لكن ضراعاً في البلد عارف عروق النخلة وين
    خابر صمودا المن متين .. وسامع مناتقة الرياح ساكت صياح
    لكن ضراعاً في البلد عارف عروق النخلة وين
    ضامن ثبات ساقا الهطيط
    وسامع مناتقة الرياح ساكت صياح
    النخلة ما بتقدر تخون الأرض .. ما بتقدر تكون غير المراح
    لي همبريب يغشى البيوت .. عند الصباح
    نص النهار .. عند المغيب .. عز الرياح
    النخلة تتجاسر تصون عش الطيور البينا .. تفرد للجناح
    ما ليها غير تطرح تمور .. تملا الشواويل القفاف
    ينتمّ زين .. ينحلّ دين .. يطلق ضهر زولاً بسيط ..
    واقف على حد الكفاف
    ومن ركة الرزق المتاح .. رزقو المعلق في الصبيط ..
    ينزل كما الطير الخفاف .. يقدل نشيط ..
    يخضرّ زي شتل الضفاف .. كل ما النشاف بدا في الصبيط
    والنخلة لو عنف الرياح .. الصاعقة ..
    أهوال الفصول .. آفة الذبول .. قدرت على ساقا الهطيط
    تقع آ بتموت
    تلقاها خشت في البيوت .. بي كل صراح
    تبروقة .. سجاجة طهورة .. طبق من العرجون ..
    ضنيب هبابة .. قفة وكسكسيكة .. حبل متين فتلوهو في ضل الدليب ..
    نشلوبو من بير للشراب .. نسجوبو بنبر وعنقريب
    تلقاها خشت في البيوت .. وبي كل صراح
    جوبيل جريد يعرش سقف بيتاً جديد
    أول دخلتو عريس سعيد
    مبسوط يقرقر بانشراح
    أو حتى واقوداً تقيدو السمحة في نار بارتياح
    لي يوم عزيز ..
    يطلع خبيز
    نبيذ الليل صفاح
    يطلع ملاح .. بروبو ناساتاً ضيوف
    ولي زول وراهو شغل بعيد .. جابرا الظروف
    يطلع قهيوتو وشاي صباح
    وآخر المطاف ..
    الموت بيلفح بسمة من توب الزفاف
    الموت بيشرق نسمة في كل الصبا
    النخلة ترباية العباد .. بي جلالا تنحول رماد
    ورمادا ينحول سماد
    وسمادا يدخل كم بلاد
    وديانا تخضر والبطاح
    شوف كيف كفاح النخلة .. شوف كيفن بتتحدى الرياح
    تعبر على مر الحياة وتنمطق الموت بي جلد
    من بعدما ملت البلد .. شتلاً معمر بالألوف
    وشايل مخلف بارتياح
    طول المصير .. النخلة حوتة الصحرا .. نوارة الجروف
    تلقاها في أجمل وشاح
    بي جراحا رجّتنا الصباح .. يا القلتو ما بترجى الصباح
    النخلة تحت الأرض سر .. والنخلة فوق نخلة نصاح
    والدنيا أوسع ما تكون .. والجو براح
    وكل الرياح فوقا بتمر .. يكفيها دا .. ويكفيها صاح
    ما استسلمت لي ريح غريب .. وكل الرياح فوقا بتمر ..
    والنخلة ما بتخبر خلاف ريح اللقاح
    والهمبريب وريح الصلاح
    يا معوض الليل بالصباح
    يا معود النار اللهيب .. روض نخلنا على الرياح
    وفي لجة البحر الغريب .. أدي الرواويس الصلاح
    يكفينا دا .. ويكفيها صاح

  2. [2]
    م.محمد الكسواني
    م.محمد الكسواني غير متواجد حالياً
    عضو متميز
    الصورة الرمزية م.محمد الكسواني


    تاريخ التسجيل: Jun 2007
    المشاركات: 1,839
    Thumbs Up
    Received: 16
    Given: 0
    جزاك الله خيرا اخي

    عفكرة

    "النخلة دي بتدينا البلح نعمل فيهو شربوت نشربه في عيد الضحية بعد ما نضبح العتوت ونعمل عليها شية وكبدة وكمونيييية"
    ما رأيك يا اخي؟
    السلام عليكم ورحمة الله وبركاته

    0 Not allowed!



  3. [3]
    المهندس قسام
    المهندس قسام غير متواجد حالياً
    عضو فعال جداً
    الصورة الرمزية المهندس قسام


    تاريخ التسجيل: Mar 2007
    المشاركات: 218
    Thumbs Up
    Received: 0
    Given: 0
    رائع

    أشكرك أخي مهند عبدالله

    0 Not allowed!


    قــــــــــــــــــــســـــــــــــــــــام

  4. [4]
    المتوكلة على الله
    المتوكلة على الله غير متواجد حالياً
    عضو متميز


    تاريخ التسجيل: Apr 2007
    المشاركات: 3,104
    Thumbs Up
    Received: 18
    Given: 0
    مشكور جزيلا على القصيدة الجميلة
    بارك الله فيك

    0 Not allowed!




    على الله توكلوا .........ولا تتواكلوا
    يا سادتي..
    لا ترفعوا تلك الأيادي للسماء..
    لا ترفعوها إنها لن تستجيب..
    هل يستجيب الله صوت العاجزين؟!
    من قد أضاعوا الدين واحترفوا البكاء!!
    من حرروا الأرض السليبة بالقعود وبالدعاء!!
    من واجهوا كيد الأعادي بالتناحر والجفاء !!
    فلنأخذ بالأسباب ولنتوكل على الله
    وبإذن الله لن نرد خائبين

  5. [5]
    ناهده
    ناهده غير متواجد حالياً
    عضو متميز
    الصورة الرمزية ناهده


    تاريخ التسجيل: May 2007
    المشاركات: 820
    Thumbs Up
    Received: 1
    Given: 0
    قصيده رائعه وبارك الله فيك

    0 Not allowed!



  6. [6]
    mrniceguy2932000
    mrniceguy2932000 غير متواجد حالياً
    عضو متميز


    تاريخ التسجيل: May 2007
    المشاركات: 948
    Thumbs Up
    Received: 5
    Given: 0
    بارك الله فيك قصيدة رائعة
    وعندنا قصيدة يا نخلتين في العلالي يا بلحهم بلح :)

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML