5 أسباب مهمة تضيء لمبة أعطال المحرك
Check Engine Light




طبعا كلنا على علم أن في مشاكل كتيرة ممكن تخلى لمبة الاعطال تنور وصعب تحصرهم في مقال واحد عشان كده المقاله توضيح ل 5 من أهم وأكثر الاسباب شيوعا تعتبر سبب في اضاءة لمبة الاعطال


حساس الاكسجين O2 Sensor





حساس الاكسجين " oxygen sensor " بيكون قارى الاكسجين الغير محروق في نظام العادم " exhaust system " طيب إية المشكلة من ده ؟؟ المشكلة ببساطة إنه القارءة الخاطئة هتكون سبب فى انك تحرق بنزين زيادة " وطبعا إحنا مش ناقصين " وخلى بالك ان لو نوع العربية وطريقة سواقتك بتوفر فى البنزين تجاهلك لمشكة حساس الاكسجين ممكن تفدقك أكتر من 40% من التوفير .
الحساس في الحالة بيكون محتاج يتغير مع العلم مع العلم مع العلم إن قرائات الحساس الخاطئة ممكن تدمر البوجيهات والمحول الحفاز " علبة البيئة " .
وطبعا ده أحد أهم الاسباب اللي بتضيء لمبة الاعطال .

غطاء الوقود Gas Cap








فى حالة إن غطاء الوقود مكسور أو تالف او فى مشكلة في قفله والمشكلة في ده ان غطاء بيحكم دائرة الوقود "fuel system" وكمان بيحافظ على الضغط داخل تانك البنزين وبيمنع خروج أبخره البنزين ( الهيدروكربونات) في الجو الخارجى .
طبعا ده بيخليك تفقد البنزين من خلال عملية التبخر وبتضطر تروح كتير لمحطات الوقود .
خلل زى دة في نظام الوقود سبب مهم جدا من أسباب اضائة لمبة الاعطال .

المحول الحفاز Catalytic Converter





المحول الحفاز أو زى ما بنسمية " علبة البيئة " هو ضرورى لحماية البيئة والحماية دى بتكون عن طريق تحويل العوادم الضارة واللي ناتجة عن عمل الموتور الى عوادم اقل ضرراً قبل خروجها للجو الخارجى . القراءة الغلط في حساس الاكسجين زي ما ذكرنا سبب رئيسى في تلف المحول الحفاز وبرده حساس Maf والبوجيهات وكابلات البوجيهات لو فيها مشكلة بتأثر على علبة البيئة و طبعا عدم تغييرها ده بيخلى لمبة الاعطال تضيء مع حضرتك .

حساس تدفق الهواء Mass air flow sensor





طيب بمنتهى البساطة الحساس ده بيقيس كمية الهوا اللى داخلة للموتور واللى بناء عليها بيتحدد كمية الوقود المطلوبة ليها .. بس خلاص
طيب الحساس ده لو فية مشكلة وانا مغيرتوش ممكن يدمر البوجيهات وحساس الاكسجين والمحول الحفاز وكفائة أداء القيادة عموما بتقل وبيقل معاه الاقتصاد في البنزين .
حساس زي ده بيخلى لمبة الاعطال تضيء طبعاً ولابد من السرعه في تغييره .

شمعات الاشعال "البوجيهات" وأسلاكها






أكيد كلنا عارفين أهميتها وانها ببساطة بتدى الشرز الكهربى للهواء والبنزين علشان يحصل الانفجار داخل غرفة الحريق وأسلاك البوجيهات هى اللي بتوصل للبوجيهات الكهرباء من ignition coil"" إصبع الموبينه زي ما بيطلق عليه.


عدم تغييرها بيخلى كفاءة الموتور عموما ضعيفة وفيه رعشة في السلانسية وبيخلى استهلاك الوقود أعلى من المعدل الطبيعى ,, والاهم من ده انه ممكن يسبب انسداد في في المحول الحفاز " علبة البيئة " أو تلف الموبينة نفسها وحساس الاكسجين ,, وده بيخلى لمبة الاعطال تضيئ .

دى ببساطة 5 من اهم ألاسباب اشائعه بتخلى لمبة الاعطال تضيء واللي لازم يكون رد فعلك قدامها سريع بحيث تتجنب المضاعفات اللي ممكن تحصل للسيارة واللي ذكرنها في المقاله ويفضل وضع السيارة علي جهاز كشف اعطال السيارات بيكون أكثر دقة في تشخيص العطل لمعرفة الحل .




أتمناها مقاله بسيطة ومفيده ولو بالقليل ,,

والقادم أفضل بإذن الله