دورات هندسية

 

 

فى أول يوم عمل (موضوع للمناقشه )

صفحة 11 من 22 الأولىالأولى ... 7 8 9 10 1112 13 14 15 21 ... الأخيرةالأخيرة
النتائج 101 إلى 110 من 211
  1. [101]
    م اشرف الكرم
    م اشرف الكرم غير متواجد حالياً
    مشرف متميز
    الصورة الرمزية م اشرف الكرم


    تاريخ التسجيل: Jun 2006
    المشاركات: 2,777

    وسام مشرف متميز

    Thumbs Up
    Received: 84
    Given: 317

    المعرفية هي الطريق

    اقتباس المشاركة الأصلية كتبت بواسطة depo مشاهدة المشاركة
    تاريخ التسجيل: Dec 2006
    الجنس : أنثى
    المشاركات: 967

    طيب ياجماعة انا جديد مسكت شغل في رصف طريق وبصراحه عمري مانزلت مجال الطرق كل شئ بالنسبه لي كان جديد وحسيت كاني مابعرف شئماهي نصايحكم لي ؟؟؟؟؟؟؟؟؟؟؟؟
    اخي الفاضل depo

    اولا مبروك عليك العمل الجديد

    ثانيا: لابد لك ان تقرأ عن عمليات سفلتة الطرق وانصحك بان تتجول في ملتقانا هذا
    حيث يوجد به العديد من الفعاليات بمواضيع كثيرة عن سفلتة الطرق
    واول طريق النجاح هو المعرفية العلمية , بصرف النظر عن ما اكتسبته او لم تكتسبه في الكلية
    فالمعرفية لا تنقطع بانتهاء الدراسة الجامعية

    ثالثا: انصحك بملازمة احد المهندسين المخلصين من ذوي الخبرة ليسرد لك طريقة التنفيذ ولو شفويا

    رابعا: يجب عليك ان تقرأ المخططات الخاصة باعمال الطرق بمشروعكم وستجد فيها من الملاحظات الفنية الكثير, وستجد فيها تفاصيل وقطاعات للطريق
    كذلك ستبين المخططات المناسيب النهائية للطريق
    ومنها تستطيع ان تستخرج منسوب التسوية (Sub Grade level) وهو المنسوةب الذي يكون تحت بداية الصب بيز (Sub-Base) وبالتالي تقوم باعمال القطع والردم بالطريق

    كذلك ستجد سمك طبقة الصب بيز (حوالي 20 سم ) وسمك طبقتي الاسفلت القاعدية والفوقية سماكتهما
    والمواد التي توضع بينهما

    وعليك ان تجتهد في اخذ عينات من كل طبقة بعد دمكها وذلك لاجراء اختبار الدمك (Compaction Test) وتؤخذ العينات على ابعاد تحددها المواصفات الفنية والقياسية

    احترس اخي الفاضل من الطبقة الاخيرة من الاسفلت ففيها غالبا ما تظهر مشكلات الطبقات السفلية
    وتابع مناسيب الميول للشارع بدقة حتى لا يحدث تجمع المياه في مناطق تؤدي الى ضرورة اعادة السفلتة

    كذلك هناك نسبا للخلطة الاسفلتية يجب متابعتها مع محطة الخلط ( تجدها بالمواصفات الفنية )
    وهناك درجة حرارة يجب ان لا تقل حرارة الخلطة الاسفلتية عنها ( وهي قياسية )

    واكرر يجب ان تقرأ وتتعرف قبل البدء في التنفيذ

    وحينها
    سترى ما قد قرأته بشكل واقعي يرسخ بذهنك فتكتسب امرين

    1- عدم اهتزازك شخصيا حين تقوم بتنفيذ الطريق كأول مرة
    2-رؤية ماقد قرأته وتعلمته نظريا او بسؤال مهندسين ذوي خبرة فيستقر ذلك في ذهنك وتكتسب خبرته

    وبالتوفيق ان شاء الله

    0 Not allowed!






    أحب أعمالي إلى نفسي في حائل ( سماح سنتر ) . . . . . تفضلوا الصور


    اعمالنا . . . بين ثقافة التكلفة . . . وثقافة الضمير



    ندعوكم لزيارة مكتبتنا المتخصصة في "المشاريــــ إدارة ــــــع" بقسم المشاريع


    المعرف السابق : نهر النيييل

  2. [102]
    mdumaid
    mdumaid غير متواجد حالياً
    جديد


    تاريخ التسجيل: Nov 2006
    المشاركات: 4
    Thumbs Up
    Received: 0
    Given: 0
    اقتباس المشاركة الأصلية كتبت بواسطة eng.amani مشاهدة المشاركة
    طيب ياجماعة انا جديد مسكت شغل في رصف طريق وبصراحه عمري مانزلت مجال الطرق كل شئ بالنسبه لي كان جديد وحسيت كاني مابعرف شئماهي نصايحكم لي ؟؟؟؟؟؟؟؟؟؟؟؟
    .
    الحل هو بالشكل التالي
    1- عمل صب كريد للطريق ويكون ذلك بعد التسويه المناسبه لها
    بعد تجهيز طبقه الصب كريد والانتهاء منتها تبداء المراحل الاخرى وهي فردج ودحل البيسكورس حسب السماكات البمطلوبه ومن ثمه المرحله الاخيره الا وهي تعبيد الطريق

    0 Not allowed!



  3. [103]
    mdumaid
    mdumaid غير متواجد حالياً
    جديد


    تاريخ التسجيل: Nov 2006
    المشاركات: 4
    Thumbs Up
    Received: 0
    Given: 0
    الحل هو بالشكل التالي
    1- عمل صب كريد للطريق ويكون ذلك بعد التسويه المناسبه لها
    بعد تجهيز طبقه الصب كريد والانتهاء منتها تبداء المراحل الاخرى وهي فردج ودحل البيسكورس حسب السماكات البمطلوبه ومن ثمه المرحله الاخيره الا وهي تعبيد الطريق

    0 Not allowed!



  4. [104]
    mdumaid
    mdumaid غير متواجد حالياً
    جديد


    تاريخ التسجيل: Nov 2006
    المشاركات: 4
    Thumbs Up
    Received: 0
    Given: 0

    محمد

    بعد التحيه
    لكل مهندس جديد عليه اولا ان يتقي الله ومن ثم تكون خطوات العمل بالشكل التالي اذا كان العمل في مجال الانشاءات
    1- القيام باعمال الشبكيه الى الموقع الراد العمل به لتحديد كمية اتلردم والحفر ومن اجل القيام باعمال التسويه ومن ثم القيام بمعرفة كيفيه انشاء الخنزيره ومن ثم عملية تاكيس الاعمده وهكذا والاهم من هذا الاداره الجيدة للمشروع

    0 Not allowed!



  5. [105]
    engms.2006
    engms.2006 غير متواجد حالياً
    عضو فعال جداً


    تاريخ التسجيل: Aug 2006
    المشاركات: 207
    Thumbs Up
    Received: 0
    Given: 0

    بيت شعر

    بسم الله الرحمن الرحيم

    السلام عليكم ورحمة الله وبركاته

    الله يغضب ان تركت سؤاله و بنيّ آدم حين ’يسأل يغضب’

    0 Not allowed!



  6. [106]
    نزهة محمد
    نزهة محمد غير متواجد حالياً
    جديد


    تاريخ التسجيل: Jan 2008
    المشاركات: 3
    Thumbs Up
    Received: 0
    Given: 0
    اولا احب اعرفكم على نفسى..........محمد زكريا مهندس مدنى
    الموضوع هايل و مهم على فكرة و ذلك لسببين:

    اولا البداية مهمة جدا فى حياة اى مهندس
    ثانيا حب العمل ايضا مهم
    اذا اى مهندس مش فاهم ماذا اقصد يقولى

    اولا لازم عند النزول للموقع يجب اولا الصمت الرهيب ......... فاهمين.
    و مرافقة مهندس خبرة فى التنفيذ فى كل جزء فى الموقع
    مع العلم انى لا اقصد بالصمت هنا بالمعنى السطحى بل اقصد السكوت و الكفاية بالاستماع جدا و الملاحظة.
    و نفضل كدة فترة من الزمن مش حقول قد اية دى حتعتمد على عقل و شخصية الشخص نفسة.
    بعد انتهاء فترة العمل يوميا
    تروح البيت و تلخص كل شى شوفتة النهاردة فى الموقع
    و تكتب ملاحظاتك و استفساراتك و اسئلتك فى ورقة...... انا بسميها برشامة
    وبعدين الصبح توريها للمهندس لخبرة
    وهو حيجاوبك على كل صغيرة و كبيرة
    لحين ما تقف على رجلك
    البداية هنا مهمة...... و كمان نوعية المهندس الخبرة مهمة جدا
    علشان لو اتعلمت حاجة غلط فى البداية حتفضل طول عمرك غلط ومش فاهم فى التنفيذ
    انا شخصيا احمد لله انى اتربيت على ايدى مهندسين ممتازين الحمد لله
    وكمان دراستى فى هندسة اسكندرية كانت من اجمل ايام عمرى
    المهم:
    انا بقة اتعلمت اية؟؟؟؟؟؟؟؟؟؟
    اولا الدقة الدقة الدقة
    اقصد هنا اية........... طبعا ما فيش شى كامل غير وجهة الله وحدة
    لكن بقول لو قدرت كمهندس احصل على دقة و كفائة و جودة معقولين...... يبقى انا مهندس ناجح
    حدى مثل صغير
    لو انا بلعب بينج بونج
    و ضربت الكورة خلف الشبكة مباشرة............ كدة حضمن لو فرقت شوية بردة حتكون جوة الملعب او الخطوط
    لكن لو ضربت الكورة فى منتصف الملعب......... هنا ممكن اقول ممكن تكون جوة او تكون برة التربيزة اصلا
    الى اقصدة
    حاول الدقة فى كل شى صغير و كبير اثناء التنفيذ
    حاجة تانية مهمة يا باشمهندسين
    و هى دائما خليكى هادى و مش قلق علشان تعرف تفكر
    فى اوقات كتير المهندس محتاج الهدوءءءءءء علشان ياخد قرارة صح
    انا بقة مش حتكلم على موضوع الشخصية علشان كل واحد لية طرقتة بس مهم تكون شرس مميت قاتل مجرم....... و فى نفس الوقت بضحك و اهزر و اقول نكت بس الشطارة هنا امتى اختار التوقيت
    جو العمل من ان الى اخر محتاج ترطيب و محتاج جدية و محتاج نظام
    يبقى مش لازم اكون دايما مكشر بس فى اوقات لازم ابين الوش التانى و ذلك للتحكم فى الموقع جيداااااااااااا
    عاوز اقول حاجة مهمة........ من الاشياء الى علمتنى كتير هو الحصر الكميات...... تخيلوا

    0 Not allowed!



  7. [107]
    نزهة محمد
    نزهة محمد غير متواجد حالياً
    جديد


    تاريخ التسجيل: Jan 2008
    المشاركات: 3
    Thumbs Up
    Received: 0
    Given: 0
    اكمل كلامى
    حصر الكميات من الاشياء المههة على عاتق المهندس
    بس وجدت بخبرتى ان الحصر بيفيد جدااااا فى التنفيذ و اعتقد فى مهندسين كتير حيعرفوا انا قول لية كدة
    المهم:
    عاوز اوضح شى مهم فى حياة اى مهندس
    حاول تحب العمال
    و تسمع مشاكلهم و تحلها
    علشان لما تطلب منة لبن العصفور منة ينفذ فورا بدون نقاش

    اقصد هنا ان العمالة هى ايدينا فيجب علينا الحفاظ عليها......... دة شى مهم فى حياة اى مهندس على فكرة
    كنت بقعد اشرب معاهم الشاى فى القراونة على الخشب و اكل معاهم
    و نقوم كلنا نشتغل فى جو من الحب و التفاهم............ دة مهم جدااااااااااا
    حاجة تانية مهمة
    المساحة............. انا فى نظرى اى مهندس يعرف شغل و مساحة و مناسيب الموقع اعتقد دة حيكون فاهم فى كل شى
    علشان دايما اقول البداية
    بداية اى مشروع............. هو اية؟ الصفر المعمارىىىىىىىىىىىىى

    و خلى بالكم من المناسيب يا جماعة............ دى اهم شى فى التنفيذ
    يجب ايضا استخدام حساب المثلثات كويس فى استخدام التوديوليت............... دة بقة شغل مزاج
    اوصيكم ايضا بالاعمدة الخرسانية
    الرأسية..... الحديد...... الابعاد.......... الكانات........ الغطاء الخرسانى و البسكويت......الهزاز......... حاجات مهمة بصراحة

    بردة خبرتى علمتنى ازاى لو فى خطأ حصل
    ازاى اصلحة بسرعة و دقة و حكمة........... دة بيقابل اى مهندس
    بردة دة مهم
    على فكرة يا جماعة
    الى بعلم المهندس كويس و يديلة خبرة........... هى المشاكل الى بتحصل فى الموقع صدقونى
    ياما الواحد شاف حاجات شعر راسة وقف عليها و اتحلت لكن اتلمت منها كتير بزاف

    دايما حاول تعرف كل كبيرة و صغيرة تخص الموقع........... من الا لف الى الياء و بلاش يا جماعة المهندسين الى يقول مش اعرف دى ولا دى خد فكرة عن كل شى
    ولازم تكون فاهم فى الكهرباء و التكيف و الطلمبات و التليفونات و الصحى كويس جداااااااااا
    للاسف بتكون كل كبيرة و صغيرة على دماغ المهندس المدنى............. يلة حظنا كدة بقة
    شغلتنا متعبة جداااااااااا خلى بالك اى خطأ يجب تدارجة سريعا و بسرعة و تخلى عينك هى مقياسك
    يعنى عينك زى الرادارررررررررررر

    و طبعا لو انت فاهم كل صغيرة و كبيرة فى الموقع حتعرف انت تبص على اية بتركيز
    اعتقد فى مهندسين فاهمين
    معلش قلبت دماغكم بس الموووضع حلو بصراحة
    الى لقاء.............. محمد


    0 Not allowed!



  8. [108]
    engms.2006
    engms.2006 غير متواجد حالياً
    عضو فعال جداً


    تاريخ التسجيل: Aug 2006
    المشاركات: 207
    Thumbs Up
    Received: 0
    Given: 0

    حاسس ان الموضوع خرج بره الموضوع ؟؟؟؟ههههههههههه؟؟؟؟

    بسم الله الرحمن الرحيم

    السلام عليكم روحمة الله وبركاته

    انا طبعا باشكر السادة المهندسين الجادين في المشاركات والاهتمام بملتقانا وانا باقول ملتقانا لان احنا كده مهندسين مع بعض مفيش صنايعي هيضحك عليك كمان هنا في الملتقي ده هتلاقي خبرات ومش هتلاقي مدير مشروع بيخبث ( بيخبي عنك المعلومة) اه يا جماعة علي فكره انا نسيت انا كنت هاتكلم في إيه ؟؟

    بس احب اقول لحضراتكم بجد ان اشتركت في الموضوع ده وسالت علي عدة اشياء احد السادة المهندسين الزملاء جاوبني علي بعض الاسئلة وبعض الاسئلة الاخري لم يجيب عليها اي حد المهم يعني انا مش زعلان فانا اعرف حكمة بتقول التمس لاخيك المسلم سبعين عذرا وان لم يبدو لك عذرا ً فقل لعل له عذراً لا اعرفه المهم يعني


    دلوقتي السادة المهندسين الماشركين ( المهندس محمد زكريا ) الذي تكرم بالرد والمشاركه في الموضوع يقول لنا اشربوا الشاي مع الصنايعيه في القروانة يا جماعة اتمني انه يكون اول يوم عمل معناه سؤال هندسي واجابته انما موضوع الشاي والقروانه والغذاء مع العمال ده ممكن نسميه علم النفس والاجتماع الهندسي ؟؟؟ ايه رايكم انا طبعا باعتذر للسيد المهندس محمد زكريا بس بصراحة اعتقد اني لو مهندس وعندي سؤال في الموقع ومثلا عندي بكره صبة خرسانة او استلام حديد هيكون افيد اني اسال سؤال واحصل علي جوابه مثلا في نفس اليوم مساءا بينما مش هاستفيد بالشاي اللي في القروانة عموما انا عندي كام سؤال ؟؟ ارجو ان الاخ المهندس ( نزهة محمد ) انه يسامحني بس الموضوع بيبقي ملح ( ’ملح ) وماحدش بيبقي حاسس بحاجة لما يكون المهندس واقف في الموقع بيتمني انه يكون عنده خلفيه ولو بسيطه عن اللي العمال هيعملوه طيب احكي لكم حاجة هي تدل علي جهلي ولكني عرفتها بعد كده كنت باتكلم مع مدير المشروع وقال لي اطلع كده شوف ( ظهر الحية ) ركب ولا لسه تعرفوا ظهر الحية دي عباره عن ايه هي عباره عن خشب تقوم بقفل الفاصل بين الخشب الباركيه و البورسلين مثلا يعني اي مادتين مختلفتين وغالبا تكون تحت الابواب المهم يعني عارفين انا كنت بابص فين ؟؟ المفروض ابص تحت قدمي ولكني نظرت في السقف؟؟؟ طبعا المهندس مدير المشروع الاخ اللي بيقول اسال مدير المشروع او مهندس كبير للاسف المهندس الكبير عندي في المشروع لو سالته علي حاجة ممكن يقول لي روح يا محمد ولما تتعلم يا ابني وتبقي مهندس ابقي تعالي هو من الاخر عايز واحد يريحه في الموقع يكون مهندس حقيقي مش انه يعمل برشامة ومين هيصبر عليك انا رايي انك لازم تذاكر خطوات التنفيذ في الموقع واحدة واحدة مش تتعلم من العمال والصنايعيه عموما انا اعرف ان في الموسوعة الهندسيه للمهندس عبد اللطيف البقري ودي ممتازه بإذن الله وكتب التنفيذ في الموقع كتيييييييير عموما انا عارف اني كنت قاسي في الكلام مع المهندس محمد زكريا ( نزهة محمد ) بس بصراحة اسلوبه في الكلام شيق وممتع بس الكلام ده لو انا مهندس خبره وعايز اسمع واحد خبره ونحكي في كلام مش هنتحاسب عليه تاني يوم مع مدير المشروع طبعا المهندس محمد هيقول لي عايز ايه يا ابني انت دلوقتي ؟؟؟ هاقول لسيادته ياريت الموضوع اللي تم تثبيته دي وهو اول يوم عمل انه يكون عباره عن- اسال استشير- بتاع الطب كده يعني الواحد يسال سؤال ولو في احد من السادة المهندسين عنده راي يقول عليه بس بكل أمانة يعني الاجابة يا ريت تكون دقيقه علي فكره انا مش مهندس صغير من اللي ظهر في اسلوب كلامي انا خريج منذ خمس سنوات بس كنت شغال في الحكومة والحمد لله فقت لنفسي ده انا كنت قربت انسي الهندسه والله وانا في الحكومة اه يا ريت يا جماعة ما حدش يزعل من كلامي بس يا ريت بردوا ان الموضوع ده يكون عباره عن اسئلة هندسيه واجوبه واقترح تثبيت موضوع يختص بالحالة الاجتماعية والمشاكل النفسيه للسادة المهندسين العرب


    علي فكره انا اسف علي الكلام اللي كنت قاسي فيه بس ارجو الدعاء لوالدي المتوفي وانا باعشق ملتقي المهندسين العرب

    احب اقول بقي للسادة المهندسين ازاي تكونوا مهندسين ناجين من خلال كلام الناس


    1- الثقة بالنفس
    2- سؤال مهندس اكبر منك في الموقع يعني ما تنكسفش
    3- دائما الاطلاع والمعرفة
    4- معرفة علم المساحة
    5- ان تكون صارم مسلول علي رقاب العمال في الموقع مع ابداء بعض اللين في بعض الاوقات
    6-التفكير بهدوء
    7-استشاره من لديه الخبره في العمل ( اعمال طرق ) استشير في اعمال الطرق مهندس يعمل في الطرق
    8- سماع نصائح المهندس محمد زكريا ( نزهة محمد ) حبيبي



    9- السلام عليكم ورحمة الله وبركاته

    0 Not allowed!



  9. [109]
    نزهة محمد
    نزهة محمد غير متواجد حالياً
    جديد


    تاريخ التسجيل: Jan 2008
    المشاركات: 3
    Thumbs Up
    Received: 0
    Given: 0
    اولا قبل كل شى دعواتى للوالد بالرحمة و يارب يصبركم و ينور قبرة باذن اللــــــــــــــــــــة.
    انا مش حعلق كتير على كلامك
    بس واضح فعلا انك لسة مهندس صغير........... خمس سنين فى نظرى صغير و لسة حتتعلم و تبقى مهندس عظيم
    على فكرة حتبع نفس الاسلوب فى الحوار زى ما انت بارع فية كدة

    طبعا مهندس عظيم ان شاء الله يا مهندس ام اس 2006
    المهم
    احب بس اقولك الاول انا خبرة كام سنة
    دفعة 1988................ تعرف تحسبها؟؟؟؟
    و عموما اعتراضك مقبول و انا بحترمة
    بس انا بقة احب المهندس فى اول يوم يعرف الى بقولة دة قبل المعلومة الهندسية الى واضح انها عاملة لك قلق
    يعنى اقصد ان غرضك شريف و شرعى بس بردة
    حفضل اشرب معاهم فى القراونة................ اية رايك؟

    واضح ان كلمة قراوانة عجبتك كتير
    دة بس علشان تعرف انها ذات معنى كبير

    المهم
    و حفضل اعمل البرشامة
    ما هو انت لو تعرف البرشامة
    حتقول عجبى

    اقصد هنا بالبرشامة يا جماعة
    ورقة صغيرة فيها المفيد بدل ما اشيل لوحة او اجندة او ما شابة ذلك
    الواحد فى الموقع بيكون مشغول جدا و محتاج حاجة سريعة فيها ملاحظاتة
    اتمنى بقة المهندسين يكونوا فهموا اقصد اية بالبرشامة....................... و على فكرة حلو اوى موضوع ظهر الحية
    بس على فكرة
    لما قال لك يا باشمهندس روح شوف ظهر الحية
    كان يجب تقولة معرفهاش و ارجوك عرفنى انا حروح ابوص على اية
    انا شخصيا كنت حعمل كدة
    بدل ما اقف زى الاطرش فى الزفة.................. نصيحة لكل مهندس
    البداية مهمة............ ولما مديرك يشوف انك بتسال كتير
    حيعرف انك حتكون مهندس ممتاز
    اما عن المعلومة الهندسية..................... فى كتير
    تحب اقولك على حاجة تخليك تلف حولين نفسك؟

    طيب احب اعرف من السادة المهندسين
    كيف استخدم التيودوليت العادى فى تحديد مسافة افقية؟؟؟؟ و ما الادوات المستخدمة؟ و ما هى مدى الدقة
    و كمان سؤال؟
    لما تكون بتوقع مجموعة كبيرة من المحاور او الاعمدة........... لية بنلاقى فروق فى بعض السنتىمترات و كيفية حلها؟؟؟؟
    يلة يا سيدى و لا تزعل
    اما عن ظهر الحية
    نسيت انك تقول انها بتوضع ايضا عند الفواصل الانشائية فى المبنى.......... مش كدة ولا اية يا ام اس............... عموما اعتقد انك حتكون شاطر جدا دلوقتى فى انواع ظهر الحية و الميتة كمان.

    المهم موضوعك روعة و هايل و خلتنا نتكلم شوية
    برافو عليكى
    الى لقاء
    محمد

    0 Not allowed!



  10. [110]
    engms.2006
    engms.2006 غير متواجد حالياً
    عضو فعال جداً


    تاريخ التسجيل: Aug 2006
    المشاركات: 207
    Thumbs Up
    Received: 0
    Given: 0
    بسم الله الرحمن الرحيم


    السلام عليكم روحمة الله وبركاته


    انا اسف جدا لحضرتك لو كان كلامي ضايقك


    بس انا بابقي في ورطه وبابقي مش عايز اشرب شاي في القروانة ههههههههههههههههه


    عموما انا باشكر حضرتك علي الرد

    وزي ما بيقولوا ما محبه الا بعد ........ محبه بردوا ان شاء الله


    علي فكره



    انا اعرف موضوع المسافة الافقيه وذلك بقراءة الكروس cross العلوي والسفلي لحامل الشعارات الاستديا وطرحهم من بعض ...... مش عارف الكلام ده اللي حضرتك تقصده ولا ايه؟؟


    بالنسبة كمان لظهر الحية--> انا وضحت لحضرتك ان مدير المشروع مش متفاهم انا قلت هاطلع اشوف ظهر الحية وهي اكيد هتبقي حاجة جديده اضافت للمكان هاعرفها بس المشكلة انها صغير وتحت عقب الباب

    ممكن اقول لحضرتك حاجة؟؟؟


    مفيش عند حضرتك مشروع وتكون حضرتك مدير المشروع بتاعه وانا اعمل برشامة واشرب شاي في القروانة للصبح


    وكمان هاركب لحضرتك في الموقع كله ظهور حيات


    اه بالنسبة لاسئلة حضرتك وهي الفروق في توقيع المحاور والاعمدة ياريت حضرتك تقول لي عليها لاني اعرف انها تكون خطأ وبالتالي بنرجع نظبط الزوايا (3 -4 والوتر 5) ده بالنسبة للخنزيره اللي هيتوقع عليها المحاور وبعدها القواعد


    كمان احب اسال حضرتك لو حضرتك تعرف تشرح لي حوائط القص shear wall ويا ريت حضرتك تتفضل مشكورا تجاوب علي اسئلتك واسلتي ؟؟؟ بالنسبة للتيودوليت وفروق المحاور والاعمدة واخر حاجة تصميم حوائط القص shear wall


    ومن حبي واهتمامي اني ابدي لحضرتك حسن النية وعدم اظهار ما وصل لحضرتك من اسلوبي من اني متهكم ومش كويس انا بس بابقي عايز اوصل لمعلومة واول حاجة باعملها بافتح ملتقي المهندسين العرب وابتدي اكتب واكتب حتي بانااااااام ساعات كتير ادام الجهاز واصحي الصبح الاقي الدنيا في الموقع خربانة خالص عموما انا شاكر جدا لحضرتك وهابتدي انا بالسلام ( وخيرهما الذي يبدأ بالسلام ) وهاكتب لحضرتك رقم موبايلي يا ريت نكون علي اتصال 0109737595

    والسلام عليكم ورحمة الله وبركاته

    0 Not allowed!



  
صفحة 11 من 22 الأولىالأولى ... 7 8 9 10 1112 13 14 15 21 ... الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML