دورات هندسية

 

 

ياحسرة على أيام زمان

النتائج 1 إلى 3 من 3
  1. [1]
    العلم نور
    العلم نور غير متواجد حالياً

    عضو فعال

    تاريخ التسجيل: May 2006
    المشاركات: 57
    Thumbs Up
    Received: 0
    Given: 0

    ياحسرة على أيام زمان

    شوفوا فضايح
    المتزوجات في بداية الزواج وبعد كم سنة زواج
    بس والله انكم مظلومات يالله احتسبوه عند الله


    الفرق بين المرأه في السنة الاولى من الزواج والسنة العاشره فما فوق !!!!!

    السنة الأولى:

    الساعه 6:30 صباحا: تقوم تعمل لزوجها شاي و فطور و تودعه وهو طالع للعمل وتقول له: ( بتوحشني يا حبيبي).


    الساعه 11 صباحا: تتصل عليه في العمل وتقول له: ( حبيت اسمع صوتك بس يا عمري).

    الساعه 3 العصر: تستقبله وهي متشيكه وهو داخل للبيت وتقول له: ( الغدا جاهز يا حياتي ..تحب احطه لك هالحين؟)


    الساعه 5 العصر: تصحيه من النوم وتقول له: (أعمل لك شاي يا حبي؟).

    الساعه 6 المغرب : تسبل عيونها وتقول بكل خجل: (يا ريت يا حبيبي .. يعني لو ما عليك كلافة .. يعني اذا تقدر توديني شوي لبيت اهلي ..اذا كنت تقدر يا عمري)... وقبل ما ينطق بكلمه، (اذا ما تقدر خلاص مو لازم!)... وطبعا يضيع هو في نظره من عيونها ويوديها لاهلها ولو انهم ساكنين في اخر الدنيا .

    الساعه 8 بالليل: تتصل على الجوال وتقول (اشتقت لك يا عمري .. يا ريت تمرني ونروح للبيت) ... فيطمر ويقول للشباب: (اسف والله يا شباب راسي مصدع ولازم امشي).

    الساعه 10 بالليل: تجلس وتقول ( الله يا حبي تتذكر؟ تتذكر ايام الخطوبة... لما كنت تعمل المستحيل علشان تشوفني ..وانا يا ما كذبت على ابوي وقلت له اني طالعة مع امي وانا اصلا متفقة مع امي عشان اطلع معك) ...




    بعد مرور عشر سنوات

    الساعه 6:30 صباحا: هي في سابع نومة.

    الساعه 11 صباحا: هي بعدها في سابع نومها !

    الساعه 3 العصر : تستقبله وهي نافخة خشتها، وتقول: (شف لي حل مع ولدك علي هذا ..حتى الان ما حل الولجب ..

    وسوير الله ياخذ عمرها ان شاء الله شاقة مريولها في المدرسة...عطني فلوس لازم اروح اشتري لها واحد غيره...

    وصويلح يبي علبة هندسة... تو انه يقول لي يوم ان الاختبار صار بكره...

    وترى مريم تكنفست مع الدرج وهي كانت في المشاية ... والظاهر انها تعورت...كله من هالشغالة الله ياخذها.

    اسمع: يا انا يا هالشغالة في هالبيت....ابيك اليوم تسفرها ما ابي اشوفها....

    وابيك بسرعه تقدم على وحده ثانيه....وما ابيها تصير حلوه.....يا ويلك لو صارت حلوه....

    وبعدين شغالتي ابيك تشرط عليها اذا سفرتها ما عاد تشتغل عند احد....عشان ما تقول اسرار بيتنا للناس اللي تشتغل عندهم (ما تدري ان اسرار بيتهم كلها عند الجيران من لسانها هاللي وش طوله!) و ...و .....و

    الساعة 5 العصر: هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيرة الحديث منها والقديم (جعلكم للطاعون...جعلكم للحمى...جعلكم للوادي المتصدع ...جعلكم للحمى القلاعية.....الخ)

    الساعه 6 المغرب: هو جالس يشرب الشاهي وهي تقول: (نبي نروح لامي بتجيهم بنت خالة جد ولد عم ابوي..

    وبعدين نبي نروح نشتري للبنت مريول.

    وبعدين بنت عمي والده ولازم اروح اشتري لها هدية من باتشي

    و ابي امر على المشغل..

    وبعدين حطنا عند اختي في الشفا من زمان ما شفناهم .............. وفي هاللحظه فكر هو انه يشتغل ليموزين احسن له!

    الساعه 8 بالليل: تتصل على الجوال: (وينك فيه؟ وبعدين وين بتروح ؟ ومن هو اللي معك هذا؟ ووش بتسون؟ ومتى بتجي؟ لا ما فيه الساعة 11 تعال الساعه 10).

    الساعه 10 بالليل: جالسين هي وياه عند التلفزيون ..اخيرا هدوء..والعيال نايمين..والجو جميل..

    وفجأه تطالعه وهي ماده بوزها وتقول: (هالحين امك وش عندها اليوم ما ترد يوم اني سلمت؟ هاه؟)... ( والله ما ادري كان سألتيها)...

    (واختك، وش هالحركات الي مالها داعي...ليش عازمة الجيران وكل حريم اخوانك الا انا؟؟؟ لكن هين، والله لاسوي عزيمه وما أناديها...أصلا هي ما زارتني في المستشفى يوم اني ولدت..وانا فاهمة قصدها..لكن هين..والله لو تحب السما ما نيب زايرتها اذا ولدت...

    وبعدين بنات عمك وش عندهم نافخين عمرهم؟؟ على ايش ابي افهم....على جمالهم الزايد اللهم لك الحمد بس!)

    تسكت شوي بعدين تقول: (وبعدين اختك نوره يوم انها تقول ان علي ولدي يشبهني ما يشبه ابوه وش قصدها ...هاه) - ملاحظه: علي هو أشين اخوانه- (أنا فاهمة قصدها..وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها..

    لا وذاك اليوم تقول اخوي محمد ( اللي هو الزوج) حلو مره و3 من حريم الجيران قد خطبوه لبناتهم...من زينك بس ما ادري وش لاقين فيك). يبتسم و يسكت وما يرد.

    تسكت هي شوي ثم تقول: (وبعدين اخوك مشتري لحرمته ساعة قيمتها عشرين الف ريال).. يرد: (طيب وش المشكله؟)...(وانا ليش ما تشتري لي..والا انا مااستاهل..وإلا هي يعني احسن مني... بلاك ما شفتها ..شينة وطبايعها أشين...حتى طبخ ما تعرف تطبخ)...(خلاص اشتري لك ساعة)... تعصب وتقول: (إيه تسكتني بهالكلام ....والله لا أنت شاري ولا شئ)... (وش تبيني اقول يا بنت الحلال؟)...

    تقوم وهي تبكي: (خلاص ما ابي منك شي...)

    الساعه 11 بالليل : هي زعلانه ونايمه مع العيال وهو................ اليوم الي تزوج فيه !!!!!!

  2. [2]
    المتوكلة على الله
    المتوكلة على الله غير متواجد حالياً
    عضو متميز


    تاريخ التسجيل: Apr 2007
    المشاركات: 3,104
    Thumbs Up
    Received: 18
    Given: 0
    !!!!!!!!!!!!!!!!!!!!!!!!!!!!!!!!!!!!!!!!
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    أنا اعترض


    وهذه ليست فضايح؟؟!!
    هذه الكلمة غير مناسبة
    يعني الرجل مش أحسن من المرأة
    مهوة حاله أسوأ منها

    لو سمحتوا , لعند المرأة وبتعملوا stop

    0 Not allowed!




    على الله توكلوا .........ولا تتواكلوا
    يا سادتي..
    لا ترفعوا تلك الأيادي للسماء..
    لا ترفعوها إنها لن تستجيب..
    هل يستجيب الله صوت العاجزين؟!
    من قد أضاعوا الدين واحترفوا البكاء!!
    من حرروا الأرض السليبة بالقعود وبالدعاء!!
    من واجهوا كيد الأعادي بالتناحر والجفاء !!
    فلنأخذ بالأسباب ولنتوكل على الله
    وبإذن الله لن نرد خائبين

  3. [3]
    الشخيبي
    الشخيبي غير متواجد حالياً
    V.I.P
    الصورة الرمزية الشخيبي


    تاريخ التسجيل: Dec 2005
    المشاركات: 7,931
    Thumbs Up
    Received: 223
    Given: 335
    الموضوع لا يناسب توجهات ملتقى المهندسين العرب..

    مغلق..

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML