دورات هندسية

 

 

استغفر الله العظيم..........

النتائج 1 إلى 5 من 5
  1. [1]
    mechanical9
    mechanical9 غير متواجد حالياً

    عضو فعال جداً

    تاريخ التسجيل: Jul 2006
    المشاركات: 388
    Thumbs Up
    Received: 0
    Given: 0

    استغفر الله العظيم..........


    إستووا.. إعتدلوا.. إستقيموا يرحمكم الله
    الله أكبر
    الله أكبر.. أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه
    الله أكبر
    أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل
    سمع الله لمن حمده
    ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان
    الله أكبر
    هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي، أستغفر الله
    الله اكبر
    أهوه أنا مركز أهوه، إنظر لمكان السجود وركز في الأيات اللي بيقولها الإمام
    الله أكبر
    الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني
    الله أكبر
    هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
    الله أكبر
    أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
    الله أكبر
    السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش
    الله أكبر
    الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله
    الله أكبر
    فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
    .
    .
    .
    .
    الله أكبر
    الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
    السلام عليكم ورحمة الله
    السلام عليكم ورحمة الله
    إيه هيا الصلاة خلصت ؟
    السلام عليكم ورحمة الله
    السلام عليكم ورحمة الله
    أستغفر الله العظيم
    !!!!!

    منقول

  2. [2]
    ahmed morshidy
    ahmed morshidy غير متواجد حالياً
    عضو متميز
    الصورة الرمزية ahmed morshidy


    تاريخ التسجيل: May 2006
    المشاركات: 693
    Thumbs Up
    Received: 4
    Given: 0
    لا حولا ولا قوة الا بالله
    والله ما عارف اقول ايه . بس الكلام ده فعلا حقيقى . وده ناتج من قلة ادراك معنى الصلاة واهميتها وعظمة الوقوم امام المولى عز وجل

    0 Not allowed!



  3. [3]
    الفقيرة إلى الله
    الفقيرة إلى الله غير متواجد حالياً
    عضو فعال


    تاريخ التسجيل: Jun 2006
    المشاركات: 90
    Thumbs Up
    Received: 0
    Given: 0
    جزاك الله خيرا وندعو الله لنا ولجميع المسلمين بالهداية والخشوع فى الصلاة

    0 Not allowed!



  4. [4]
    barca2007
    barca2007 غير متواجد حالياً
    عضو


    تاريخ التسجيل: Oct 2006
    المشاركات: 18
    Thumbs Up
    Received: 0
    Given: 0
    استغفر الله العظيم م كل ذنب عظيم

    0 Not allowed!



  5. [5]
    المتوكلة على الله
    المتوكلة على الله غير متواجد حالياً
    عضو متميز


    تاريخ التسجيل: Apr 2007
    المشاركات: 3,104
    Thumbs Up
    Received: 18
    Given: 0
    لا حول ولا قوة إلا بالله
    اخونا في الله خلصت الصلاة وهوة مش عارف
    الخشوع في الصلاة مهم لقبول الصلاة أصلا

    0 Not allowed!




    على الله توكلوا .........ولا تتواكلوا
    يا سادتي..
    لا ترفعوا تلك الأيادي للسماء..
    لا ترفعوها إنها لن تستجيب..
    هل يستجيب الله صوت العاجزين؟!
    من قد أضاعوا الدين واحترفوا البكاء!!
    من حرروا الأرض السليبة بالقعود وبالدعاء!!
    من واجهوا كيد الأعادي بالتناحر والجفاء !!
    فلنأخذ بالأسباب ولنتوكل على الله
    وبإذن الله لن نرد خائبين

  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML