دورات هندسية

 

 

يا جماعة انا مش ميت............., ايه ده في ايييييييييييه!!!!!!

النتائج 1 إلى 9 من 9
  1. [1]
    همس.م
    همس.م غير متواجد حالياً

    عضو متميز جداً

    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0

    يا جماعة انا مش ميت............., ايه ده في ايييييييييييه!!!!!!

    قمت من النوم فجأة
    في عيني نور غريب وقوي جدا
    أستغربت النور ده كله جي منين
    واندهشت لما لقيت الساعه بتشاور على 3 صباحا
    وأن مصباح الغرفة مطفي
    طيب النور ده كله جي منين
    وانفزعت لما لقيت نص ايدي جو الحيطه
    شديتها بسرعه
    خرجت
    وانا ببصلها بكل اندهاش
    رجعتها تانى لقيتها دخلت جوه الحيطه
    استغربت ايه اللى بيحصلي ده
    وسمعت صوت ضحك
    بصيت نحيته
    لقيت اخويا نايم جمبي
    ولقيته بيحلم
    بيحلم انه راكب عربيه اخر موديل
    وانه رايح حفلة كبيره قوي
    لناس اغنيه قوي
    وانه لابس اغلى واشيك لبس
    عشان يكون احلى واحد فى الحفلة
    وكان بيضحك وفرحان
    ابتسمت(بس انا عرفت هو بيحلم بأيه ازاى!!!!!)
    بعدين اتفزعت من اللى بيحصل
    وقمت من على السرير
    وجريت على اوضة امي وابي
    قعدت اصحى فى امي واطبطب عليها
    وانديها بس هى مش بتستجيب
    قعدت انديها كتير واطبطب كتير
    ولقيتها فجأه قامت كانت مخضوضه قوي
    وبتبص يمين وشمال
    قولتلها يا ماما انت مش شيفانى
    لقيتها مش بترد ولا بتبصلي
    قعدت انادى
    ماما .........
    ماما .........
    كانت حاطة ايدها على قلبها
    وبتقول بسم الله الرحمن الرحيم
    لقيتها بتطبطب على بابا وبتصحيه
    ولما قام
    قالت له قوم نطمن على الاولاد
    قالها ده وقته
    قالتله معلش قلبي مش مطمن
    في حاجه غريبه
    وانا واقف مستغرب
    قعدت اقولها يا ماما
    انا اهو يا ماما
    انت مش شيفانى !!!!
    ياماما.......
    قامت ومشيت
    حاولت امسك هدومها لكن الهدوم مش بتتمسك
    جريت وقفت قدمها
    عدت من جوايا
    ملقتش غير انى امشي وراها
    وبابا كان وريا محاولتش ابصله
    عشان ما يتجاهلنيش برده
    ودخلت امى الاوضه وفتحت النور
    مكنش عندى فرق لأن الدنيا كانت منورة اصلا
    انفزعت لما لقيتنى نايم على السرير
    وقعدت ابص لجسمى وايدى وانا مستغرب
    انا ازاي بقيت اتنين !!!!!!!!
    انا مين !!!!!!!!
    ومين اللى نايم على السرير ده !!!!!!!
    ان مكنش انا
    وقطع استغرابي جملة بابا
    "استريحتى يا ستى اهم نايمين اهو "
    لكن هي قالتله معلش
    انا عاوزه أطمن على محمد
    ولقيتها بتقرب مني قصدى
    من الشخص اللى نايم مكانى
    وبتطبطب عليه
    كانت بتقوله يامحمد
    لكن هو مش بيرد
    وكانت بتطبط بشويش
    وبدأت تهزه جامد
    جريت عليها
    وقلتلها يا ماما انا اهو
    ردي عليا
    لكن صوتها كان بيزيد خوف وكان بيعلى
    كانت بتنادي
    محمد ..........
    محمد ..........
    وفجأة صرخت ولقيت الصرخة بتوجعنى قوي
    كانها بتضربنى
    بكيت
    وقلتلها ما تصرخيش
    وهى بتقول محمد
    وبابا جري علي وحط ايده على وشى وصرخ وبكى
    وحسيت بالوجع تانى
    محمد مش بيرد
    والبكاء بيزيد وانا مش عارف اعمل ايه
    صحي اخويا على الصوت وهو بيسال في ايه
    ماما صرخت
    اخوك مات يا احمد
    ماااااات
    وانا بقولها ببكائي لأ والله
    ياماما
    انا أهوه شوفيني شوفينى
    انت مش سمعاني
    لكن ما فيش امل
    بصيت للسما وقلت يارب ايه اللى بيحصل ده
    لكن ما لقتش سقف
    وشفت ناس
    ولما شوفتهم مشيوا
    وحسيت بطعنه غريبه
    وحجات بتقطعنى بصيت لأحمد لقيته بيصرخ
    قلتله اسكت انت بتعذبني
    لكنه كان بيزيد فى الصراخ
    وماما بتبكي فى حضن بابا
    والنحيب بيزيد
    وقفت قدمهم عاجز
    ومذهول
    رفعت راسي تانى
    وقلت يارب
    ايه اللى بيحصل يارب !!!!!!!
    فى ايه !!!!!!!!!
    وسمعت صوت من كل حته
    كان جي من بعيد
    ركزت معاه
    لقيته بيعلى وبيزيد
    كأنه قرآن
    أيوا قرآن
    والصوت بدأ يقوى ..... يقوى قوي
    هزنى من شدته
    كان بيقول
    "لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ"
    وفى زهول الصوت
    لقيت ايدين بتطبق عليا
    اتنين شكلهم مش من البشر بيقوليلى تعالى
    قلتهم انتم مين؟؟
    وعاوزين منى ايه ؟؟
    شدونى ... صرخت ... سيبونى
    ما تخدونيش من اهلى
    اهلى فكرونى مت
    قالولى ما انت مت فعلا
    قلتلهم ازاي!!!!!!
    ما انا شايف اهو وبتكلم وحاسس بكل حاجه
    ابتسموا وقالوا:
    عجيب امركم يا بشر كلكم فاكرين ان الموت نهايه الحياة
    وما تعرفوش ان حياتكم موت
    وحلم طويل هتصحو منه على اليوم ده
    على العالم ده
    سألتهم انا فين وانتو واخدنى على فين ؟
    قالولي احنا حراسك لحد القبر
    اتفزعت
    قبر ايه؟؟
    انتوا هتدخلونى القبر
    ردو
    كل انسان لازم يدخل القبر
    بس انا عمرى ما دخلت القبر
    ده مكتوب على كل البشر
    طول عمرى كنت بكره الكلمه دي
    مبحبش اسمعها بستعيذ بالله منها بحاول انسها
    مكنتش بقدر اتخيل نفسي فى المكان الصعب ده
    سألتهم بخوفي
    هتسيبونى
    قالولي مع عملك
    طيب وعملى ده كويس
    سكتوا
    ولقيت واحد بيصرخ وبيبكي وواحد تانى سعيد قوي
    وكل واحد فيهم واقف معاه اتنين بردة زى اللى معايا
    سألتهم ده بيبكى ليه
    قالوا: ده عارف مصيره
    طول عمرة كان من اهل الضلال
    قلت :يعنى رايح النار
    واللي بيضحك ده رايح الجنه
    طيب انا رايح على فين
    قولولي
    ردوا عليا
    هما كانو عارفين هما ايه فى الدنيا
    ودلوقتى عارفين هما فين فى الاخره
    وانت عشت طول عمرك تايه ... متردد
    شويه تمشي صح وشويه تمشي غلط
    شويه تتوب وترجع تعصي تاني
    ما كنتش واضح
    هتفضل بردة انهاردة تايه مش عارف حاجه
    اتفزعت وقلت ايه
    يعنى ايه
    انا رايح النار
    قالولى رحمة ربنا واسعه
    ولسة الرحلة طويلة
    بصيت وريا لقيت عمي
    وابويا واخويا
    ماشين وراهم امي واهلي
    بيبكوا
    شايلين صندوق
    جريت عليهم
    ناديت
    محدش بيرد
    ناديت على امى
    قلتلها يا امى ما تبكيش
    ادعيلى
    ناديت على بابا
    قلت له يا بابا
    خلى بالك من امى واخويا
    ناديت على احمد
    قلتله يا احمد خلى بالك من نفسك سيبك من الدنيا ومتاعها
    دي رخيصة قوي
    صدقنى مش هتنفعك
    ناديتهم كلهم
    بس كانو مشغولين بالبكاء
    ومحدش سامعنى
    مكنتش بتمنى حاجه فى اللحظة دي
    الا انهم يسمعونى
    وشدنى الملكين
    ونزلونى القبر
    ونيمونى فوق الجسد
    عشان اشوف ابويا وهو بيرمى التراب عليا بنفسه
    علشان اشوفهم
    وهما بيودعونى
    وخوفى عليهم
    انهم مش حاسين باللى انا حاسه
    وحسدى ليهم انهم لسة فى الدنيا
    بس للأسف
    كنت ببكى وهما بيبكوا
    كنت خايف عليهم من الدنيا قوى
    واتمنى لو اصرخ ولو يسمعونى
    وخرجم كلهم
    وقفلوا الباب
    والنور تحول سواد ........

    (اعمل للدنيا بقدر بقائك فيها واعمل للآخرة بقدر بقائك فيها
    واعمل لله بقدر حاجتك اليه واعمل من المعاصي بقدر ما تطيق من العقوبة
    ولا تسأل الا من لا يحتاج الى أحد واذا أردت أن تعصي الله ..فاعصه..في مكان لا يراك فيه))

    منقووووووووول

    ----------------------------------------

    اللهم أرنا في من تطاول على رسولك الكريم عجائب قدرتك

    يا رب ، لك الحمد كما ينبغي لجلال وجهك ولعظيم سلطانك
    سبحان الله وبحمده ، عدد خلقه ، ورضى نفسه ، وزنة عرشه ، ومداد كلماته ..
    سبحان الله وبحمده .. سبحان الله العظيم
    سبحانك اللهم وبحمدك , أشهد أن لا إله إلا أنت , استغفرك وأتوب اليك

    اللهم أغفر لي ولوالدي والمؤمنين والمؤمنات والمسلمين والمسلمات الأحياء منهم والأموات يوم يقوم الحساب اللهم اجعل قارئ وناشر

  2. [2]
    PEACE MASTER
    PEACE MASTER غير متواجد حالياً
    عضو متميز
    الصورة الرمزية PEACE MASTER


    تاريخ التسجيل: Jun 2006
    المشاركات: 483
    Thumbs Up
    Received: 0
    Given: 0
    اللهم آمين ، اللهم ارحمنا فوق الأرض و تحت الارض و يوم العرض
    جزاك الله خيرا اختي الكريمة همس .م

    0 Not allowed!



  3. [3]
    noble
    noble غير متواجد حالياً
    عضو متميز


    تاريخ التسجيل: May 2005
    المشاركات: 434
    Thumbs Up
    Received: 0
    Given: 0
    هذه القصة تصنف تحت اي صنف من أصناف الكتابة. يعني نثر أم قصة أم رواية.

    0 Not allowed!



  4. [4]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0
    جزاك الله خيرا

    0 Not allowed!



  5. [5]
    حبيب العلم
    حبيب العلم غير متواجد حالياً
    عضو فعال جداً
    الصورة الرمزية حبيب العلم


    تاريخ التسجيل: Aug 2005
    المشاركات: 393
    Thumbs Up
    Received: 0
    Given: 1
    بارك الله فيك
    وجعلها في ميزان حسناتك

    0 Not allowed!








  6. [6]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    جزاك الله خيرا اخت همس...
    من اراد واعظا..فالموت يكفيه

    0 Not allowed!



  7. [7]
    الخشنكان
    الخشنكان غير متواجد حالياً
    عضو


    تاريخ التسجيل: Nov 2007
    المشاركات: 26
    Thumbs Up
    Received: 0
    Given: 0
    السلام عليكم ورحمه الله وبركاته بجد بجد انا بكيت لانى تصورت انى مكان هذا الشخص الدنيا لهتنا عن اخرتنا يارب فوقنا من اللى احنا فيه وقوينا على الزمن اللى عيشين فيه واجعلنا من اهل الجنه انا والمسلمين والمسلمات والمؤمنين والمؤمنات يارب العالمين

    0 Not allowed!



  8. [8]
    الخشنكان
    الخشنكان غير متواجد حالياً
    عضو


    تاريخ التسجيل: Nov 2007
    المشاركات: 26
    Thumbs Up
    Received: 0
    Given: 0
    اسفه قد نسيت ان اشكرك اختى همس لانى تذكرت شئ واحد وهو يوم القيامه واهواله وللمره الثانيه شكرا لكى على هذا الموضوع

    0 Not allowed!



  9. [9]
    هاشم حسين علي
    هاشم حسين علي غير متواجد حالياً
    عضو


    تاريخ التسجيل: Feb 2008
    المشاركات: 10
    Thumbs Up
    Received: 0
    Given: 0
    شكرا اخت همس على هذا الموضوع

    اشدد حيازيمك للموت فان الموت لاقيك .. ولا تجزع من الموت اذا حلا بواديك .. كما اضحكك الدهر كذاك الدهر يبكيك

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML