دورات هندسية

 

 

العراق بلد جريح ينزف دما

النتائج 1 إلى 3 من 3
  1. [1]
    haider hady k
    haider hady k غير متواجد حالياً

    عضو فعال

    تاريخ التسجيل: Apr 2006
    المشاركات: 80
    Thumbs Up
    Received: 0
    Given: 0

    العراق بلد جريح ينزف دما

    منته وحيد انته الشعب كله بشيعته وسنته منهو الگالك ناسيك هم ينسه الگمر وكته
    لو نبض الگلب يتنكر لدگته بس عشگك عشگ مفضوح وعشگ الناس كلهه مساتر وسكته
    صرت انته سبت وبرگبت ايهودي هم شايف يهودي يجوز من سبته
    انته الفارس اليسبق هبوب الريح ومااظن خيل سابگته
    وانته اليرهم ترابك كحل للعين ودوه للماشفت علته
    ومن طينك نحني جفوف المعرسين وكل اصبع فرح من طينتك طگته
    انته النام بيك المرتضى الكرار ابوالحسنين اللي تلوذ الناس كلهه بشارته وبخته
    وانته النام بيك بكربلاء حسين الما بايع الطاغي ودنك رگبته
    وانته البيك ظلت شارت العباس لمن طاح دنگله الفرات وباسه من شفته
    من اطلعت منك يوم طرني البين گلبي وياي ما جبته
    اثاريني نسيته اهناك عندك گلبي امنته
    شتلته بجرف دجله الخير وي سباح الشواطي شربگت بته
    وامتدن اعروگه بوسط ذيج الگاع وبماي الفرات ودجله عمدته
    ولمن صار ينگل جدمه بين الناس اخذته وياي للكاظم على الشباج زورته
    صح هسه اصبحت من وطن نيذلاند هولندي الهويه وشعري جللته
    وصح اتأقلمت ويه الغرب فد نوب وصرت ماصخ مثلهم والملح عفته
    وصح گمت ارطن رطنهم لمن ايرطنون ولسان العرب بالاعجمي كسرته
    لكن مدري شنهي يصير لمن يمر طاريك احسنك دفو تموز وسط اشته
    واثاريني مثل النخل لو طال يرجع للاصول وتنحني اشعثته
    العالم نسه يوم 11 من ايلول صارت ذيج سالفته
    ناس اتگول لازم نحتويه ونشفط البترول ونعوض الراح ونسرگ امرگته
    وناس اتگول لازم هل الحصار ايطول وناس اتگول لازم ننزع اسلحته
    وناس اتگول خطيه اطفاله ماتوا من الجوع
    وناس اتگول حيل اوياه الماحمد ربه وشاكر انعمته
    وانته بين وذاك صاير شبح ياهو الاجاك مسدد براسك اتفكته
    جي لينك حلو والدول منه اتغار ماعدهم العندگ من مجد نلته
    انته اول وطن ادم وضع جدمه عليه وگال يا الله لانك وصله من جنته
    وانته اول وطن حبه النبي ابرهيم ودعه ربه يصونه بهيبته وعزته
    وانته اول وطن مرسه لسفينه نوح ونبي ايوب ناخت بيه راحلته
    وانته اول وطن علم العالم ابجديه ويكتب التاريخ وانته اول وطن قانون سننته
    وانته اول وطن گالتله الشمس يمه صباح الخير او لورادت اتمسي اتمسي يم كبته
    وانته اول وطن ما تشبه الاوطان مدري شلون ربك خالقك سبحان ربي شلون صورته
    صورت العراق وبس علينا ايلوك واحنه انلوكله لونعرف لوكته
    شعر عباس جيجان

    متى العوده ياوطن

  2. [2]
    حيدر سامي
    حيدر سامي غير متواجد حالياً
    عضو متميز
    الصورة الرمزية حيدر سامي


    تاريخ التسجيل: Nov 2006
    المشاركات: 615
    Thumbs Up
    Received: 1
    Given: 0
    حلو هذا الشعر حيدر ،ان شاء الله ترجع للعراق وتخلص من الغربه.

    0 Not allowed!



  3. [3]
    رائد المعاضيدي
    رائد المعاضيدي غير متواجد حالياً
    عضو تحرير المجلة
    الصورة الرمزية رائد المعاضيدي


    تاريخ التسجيل: May 2006
    المشاركات: 2,402
    Thumbs Up
    Received: 22
    Given: 12
    الشمي اجمل في بلادي....
    من سواها والظلام...
    حتى الظلام هناك اجمل...
    فهو يحتضن العراق...

    عاشت ايدك ابو كرار وتحيه للشاعر الكبير عباس جيجان...

    0 Not allowed!






  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML