دورات هندسية

 

 

حديد التسليح فى مصر

صفحة 1 من 4 12 3 4 الأخيرةالأخيرة
النتائج 1 إلى 10 من 37
  1. [1]
    حسام حنفى
    حسام حنفى غير متواجد حالياً

    عضو

    تاريخ التسجيل: Jul 2006
    المشاركات: 42
    Thumbs Up
    Received: 0
    Given: 0

    حديد التسليح فى مصر

    ممكن حد من الأخوة المهندسين الأفاضل يشرح لى ما يحدث لسوق حديد التسليح فى مصر ؟؟ لماذا تقفز الأسعار هكذا و كيف يمكن الحصول على حديد جيد و رخيص فى نفس الوقت بعيدا عن المافيا التى تتحكم فى سوق الحديد المحلى؟

  2. [2]
    حسام حنفى
    حسام حنفى غير متواجد حالياً
    عضو


    تاريخ التسجيل: Jul 2006
    المشاركات: 42
    Thumbs Up
    Received: 0
    Given: 0
    الظاهر ان الموضوع حساس جدا لدرجة ان مفيش حد حاول يرد عليه اصلا ... لنا الله و حسبى الله و نعم الوكيل في من ماتت ضمائرهم وانستهم متع الدنيا أخرتهم.

    0 Not allowed!



  3. [3]
    samyadly
    samyadly غير متواجد حالياً
    عضو فعال


    تاريخ التسجيل: Jun 2006
    المشاركات: 62
    Thumbs Up
    Received: 0
    Given: 0

    Talking

    اقتباس المشاركة الأصلية كتبت بواسطة حسام حنفى مشاهدة المشاركة
    الظاهر ان الموضوع حساس جدا
    عايز أعمل استفتاء للمصريين واشوف كام واحد بيحلم بالسفر بره مصر

    أرجو الا يضايقك تعليقي يا باشمهندس حسام لكن لا أعتقد هتلاقي اجابة !!

    0 Not allowed!




    رجاء من كل من يقرأ هذا التوقيع أن يدعو لصاحبه بالمغفرة

  4. [4]
    شادى حسين
    شادى حسين غير متواجد حالياً
    جديد


    تاريخ التسجيل: Jan 2004
    المشاركات: 4
    Thumbs Up
    Received: 0
    Given: 1
    اولا مع احترامى لكل المهندسين اللى بيكلمو - اولا الموضوع متعلق بحديد التسليح فى مصر و مش عارف ايه دخل موضوع استفتاء خاص بالمصريين و السفر بره - ده موضوع و ده موضوع تانى و ارجو الفصل --- بالنسبة للحديد انا فى رأيى الشخصى ان المتحكم في السوق عاملين مهمين واولهم مقدار الطلب على الحديد الفترة الحالية فى مصر فى ظل وجود استثمار كبير و مشاريع كبيرة فى مصر فى هذه الفتره -- العامل الثانى وهو يختص بالناحية الاقتصادية و المتحكمين فى السوق المصرى و مصادر الحديد فى مصر و كمية الحديد المصدرة خارجيا ---- اما بالنسبة للموضوع الثانى الخاص بأستفتاء احب اقول ان مش كل اللى مسافرين بره مستريحين و ان فلا مصر فيه فرص احسن بكتير من الغربة و ده رايى و اذا كان السفر بره هوا الحل للمصرى فالأفضل اننا ندرك ان الاحتياج الخارجى و ندرة المهندسين ذو الكفاءة العالية فى الدول العربية هو الاصل -- ارجو ان تكون رسالتى ليك وصلت من مهندس مصرى

    0 Not allowed!


    سبحان الله و بحمده سبحان الله العظيم

  5. [5]
    شادى حسين
    شادى حسين غير متواجد حالياً
    جديد


    تاريخ التسجيل: Jan 2004
    المشاركات: 4
    Thumbs Up
    Received: 0
    Given: 1
    ........................................

    0 Not allowed!


    سبحان الله و بحمده سبحان الله العظيم

  6. [6]
    drahmed.egyswiss
    drahmed.egyswiss غير متواجد حالياً
    جديد


    تاريخ التسجيل: Mar 2007
    المشاركات: 1
    Thumbs Up
    Received: 0
    Given: 0

    حديد التسليح في مصر

    السلام عليكم ورحمة الله وبركاته

    انا احمد محمد طبيب ولست مهندسا ولكني احتاج للسادة المهندسين لمساعدتي في الوصول لمواقع طبيه واحتاج منها كتب طبيه
    ولكم جزيل الشكر
    والسلام عليكم ورحمة الله وبركاته

    0 Not allowed!



  7. [7]
    samyadly
    samyadly غير متواجد حالياً
    عضو فعال


    تاريخ التسجيل: Jun 2006
    المشاركات: 62
    Thumbs Up
    Received: 0
    Given: 0
    باشمهندس شادي الموضوع واحد السفر بره والنضافة في كل شيء وأول شيء التعامل

    مافيش ندرة في المهندسين في الخليج ابدا بالعكس التعليم متطور جدا في دول الخليج وبيتخرج من جامعات الخليج كوادر هندسية ممتازة وعندهم بند عملي لا تحصل علي شهادتك قبل اجتيازه

    انا قلت عايز اعمل استفتاء ولم اقل ان كل الناس عايزة تسافر ، فيه ناس في مصر مبسوطين وفيه ناس هايجيلهم الضغط ، بتختلف يا باشمهندس زي مافيه ناس في الغربة ومش مرتاحين وعاطفيين عندهم دايما رغبة في وجود الأهل والأصحاب حواليهم


    باشمهندس شادي انت لو عايش في مصر حاليا يبقي أكيد انت عارف سبب قفز سعره كل كام شهر

    وفي النهاية كلها أرض الله واحنا بنلتمس الرزق الحلال

    شكرا ليك علي أسلوبك الراقي في الحوار

    0 Not allowed!




    رجاء من كل من يقرأ هذا التوقيع أن يدعو لصاحبه بالمغفرة

  8. [8]
    smasem66
    smasem66 غير متواجد حالياً
    عضو فعال جداً


    تاريخ التسجيل: Apr 2006
    المشاركات: 198
    Thumbs Up
    Received: 0
    Given: 0
    السلام عليكم
    السبب الأول في غلاء سعر الحديد هو احتكار احمد عز لسوق حديد التسليح في مصر
    احمد عز الرجل المعجزه الذي تحول من موظف معدم في 10 سنين الى ملياردير من اغنى اغنياء العالم ثروته لا تقل عن 60 مليار جنيه مصري

    احمد عز رجل مجلس الشعب ورجل الحزب الوطني
    احمد عز الصديق الشخصي لجمال مبارك ابن الرئيس المصري حسني مبارك
    احمد عز الرجل الذي يتصارع مع أعضاء مجلس الشعب ويسبهم ويهزقهم عيني عينك

    احمد عز الذي من اجله ارتفع سعر الحديد في مصر في خلال 6 سنين الى الضعف تقريبا

    اخر سعر سمعته للحديد في مصر هو 4000 جنيه للطن وهذا السعر الذي اشترت به المقاولون العرب في الفتره الاخيره
    ولا تصدقوا كلام الجرائد عندما تقول ان سعر الحديد انخفض الى كذا وكذا
    ففي نفس اليوم الذي ظهر فيه سعر الحديد في جرائد الأهرام المصريه ب 3600 للطن كانت المقاولون العرب تشتري في فس اليوم ب 4000 جنيه للطن
    واللي مش عاجبه يروح يشتري من الجرنال

    احمد عز الرجل الذي تقوم الحكومه المصريه بتوليف القوانين لحمايته وحمايه احتكاره لحديد التسليح فيما تسميه الحكومه مشورع حمايه المنتج الوطني
    احمد عز الذي تفرض السلطات المصريه جمارك رهيبه على استيراد الحديد لتجعل استيراد حديد من الخارج امر مستحيل بحيث يكون اوفر لك ان تشتري بسعر احمد عز مهما كان حتى لو ب 4500 للطن

    احمد عز الرجل الذي يرفض المقابلات الصحفيه ويرفض التحقيقات الاعلاميه والظهور في البرامج الحواريه لأنه بالطبع يخشى مواجهه المثقفين والعلماء ومفكري الشعب لانه يعلم جيدا ان ما حققه من اموال ومكاسب انما هي من نهب اموال الشعب المسكين الذي لا يجد سبيل اخر غير الشراء منه

    احمد عز الرجل الذي تسبب في أزمه الاسكان في مصر فبعد ان كان المتر المسطح في المنزل السكني ثمنه لا يتعدي 500 جنيه للمتر المسطح اصبح الآن سعر المتر المسطح لا يقل عن 1000 جنيه

    احمد عز الرجل الذي لا يجد اي حرج في التجاره مع الاسرائيليين واليهود وأي انسان او حيوان على وجه الأرض فالمهم ان يدفع له اموال فقط
    احمد عز الذي يتم بناء المساكن الاسرائليله واسوار العزل من منتجات مصانعه
    احمد عز الذي يبيع حديد التسليح لاسرائل وللتصدير باسعار اقل وجوده اعلى من الحديد الذي يباع لنا في مصر

    احمد عز الرجل الذي وصل لكرسي في مجلس الشعب رغم ان كل المصريين يكرهونه ويكرهون افعاله فبالتاكيد وصل بالتزوير والتزييف
    احمد عز الذي ليس له اي انجاز يذكر في مجلش الشعب وليس له اي تحقيقات او طلبات من الحكومه
    فهو يكتفي بالحصانه البرلمانيه التي اعطاها له كرسيه في مجلس الشعب والنفوذ التي وصل لها

    احمد عز الرجل الذي من اجل سواد غيونه تم تلفيق تهمه لعضو مجلس الشعب السادات لانه كان يعمل على فضحه وفضح تاريخه الاسود وكشف الاعيبه وملاحقته بالتحقيقات كل حين وحين فتم الزج بالسادات في السج بتهم باطله من تهم الحكومه المعتاده

    لو تكلمنا عن أوساخ احمد عز والحكومه المصريه لما كفانا ملئ المنتدى بالصفحات ولتعبت ايدينا من الكتابه فاكتفي بهذا القدر مؤقتا

    0 Not allowed!


    والله يعلم وانتم لا تعلمون
    أليس في جهنم مثوى للمتكبرين
    وأتقوا الله ويعلمكم الله

  9. [9]
    smasem66
    smasem66 غير متواجد حالياً
    عضو فعال جداً


    تاريخ التسجيل: Apr 2006
    المشاركات: 198
    Thumbs Up
    Received: 0
    Given: 0
    اما بالنسبه للأخ الذي يبحث عن تصويت عن عدد المصريين الذين يودون العمل خارج مصر

    فاطلب منه ان يضعني على اول القائمه في من يودون العمل في اي مكان خارج مصر شرط الا يكون مثله في الحاله ولا تكون حكومته ورجال اعماله بهذا السؤ وهذا الاسلوب في التعامل

    وبالنسبه للأخ الذي يقول ان مصر فيها شغل احسن من اي حته تانيه وان اللي في مصر مستريح
    احب ارد عليه باني اعرضله بعض الحالات اللي المأساويه اللي عندي واللي بتتكرر في اماكن كتير قوي وبنشوفها كل يوم

    ليا واحد زميلي بقاله سنتين بيشتغل مدرس علوم وهو خريج كليه علوم بتقدير جيد جدا وبيحضر رساله ماجستير تعرف بياخد كام ( 104 جنيه في الشهر )

    بنت خالتي مدرسه تاريخ في وبتاخد نفس المبلغ برضه

    جوز عمتي مدرس عربي بقاله 15 سنه واكتر مدرس تعرف بياخد كام بياخد 700 جنيه في الشهر

    والدتي اخصائيه تمريض في مستشفي حكومي كبير وبتاخد كام 600 جنيه في الشهر وبققالها 20 سنه خبره في شغلها

    واحد زميلي متخرج من تجاره انجليزي ومعاه شهاده تويفل وتقديره جيد ومعاه شهادات معتمده في الكمبيوتر وقعد يدور على شغل في مجاله لمده سنه كامله ولما زهق من البحث بيشتغل دلوقتي في محل ملابس الصبح وفي مطعم بعد الضهر وبياخد في كل واحد فيهم حوالي 350 جنيه

    زميل خريج فنون جميله وراجل فنان وعنده زوق وفهم عالي وملقاش شغل واضطر يشتغل مدرس رسم الصبح وفي محل يوبر ماركت بعد الضهر

    كليه الهندسه جامعه اسكندريه بتخرج 1000 مهندس مدني كل سنه
    واكاديميه احمد رجب بتخرج حوالي 500 مهندس مدني كل سنه
    والأكاديميه البحريه بتخرج حوالي 400 مهندس مدني كل سنه
    تقدر تقوللي ازاي السوق المصري يتحمل كل العدد دا من المهندسين

    جامعه اسكندريه بتخرج حوالي 8000 طالب بكالوريوس تجاره كل سنه بين عربي وانجليزي ( مجمع وسافا باشا ) دا غير المعاد اللي ليها تخصصا تجاريه ومحاسبيه برضه
    تقدر تقوللي ازاي العدد دا يشتغل


    وعلى الناحيه التانيه برضه
    اعرف ناس ولا تفهم في الطور ولا في الطحن وبيشتغلوا احسن شغلانات وماسكين مراكز ممتازه

    دا ليه
    لأن عندهم واسطه جامده او دافعين فلوس عشان يشتغلوا
    وديه حاجه معروفه في مصر خصوصا في المصانع الكبيره وشركات البترول ( المبدأ ادفع عشان تشتغل)
    دا غير ان الواسطه والمحسوبيه هي العامل الأساسي في نجاحك في الحصول على الوظيفه
    يعني 70% من الشغلانات في مصر محتاجه واسطه او رشوه او محشوبيه او خدمات

    و30% بس او اقل همه اللي بيعتمدوا على العلم والخبرات
    وديه نسبه لا تبشر باي خير

    دا غير ان مصر بلد مفيهاش قانون والرشوه والفلوس هي القانون في مصر
    لو حبيت تخلص اي ورق يبقه لازم تدفع
    ولو دفعت يبقه ممكن تاخد حقك وذياده
    ولو مدفعتش وعملت شريف يبقه مش هتاخد حقك اصلا من غير زياده

    والدليل على كدا العمارات اللي بتطلع 30 دور من غير ميتهدلها دور
    وتيجي تطلع عماره جمبها 15 دور يجيلها قرار ازاله ل 7 ادوار
    ودا عادي وبنشوفه كل يوم عيني عين

    وبعدين انا من اسكندريه
    والمحافظ عامل مشروعين ضخمين جدا عندنا مكلفهم اكتر من مليار جنيه
    المشروع الأول هو ترميم أرصفه الأسكندريه وبردوراتها ودا مشروع حيوي جدا في نظر المحافظ عشان يعرف هو والحكومه ينهبوا فلوس الشعب كويس
    تخيل البلد كلها مكسره عشان يغيروا ارصفه البلد ب نص مليار جنيه دا كلام ناي عاقلين
    ودا مشروع بقاله 4 شهور شغال ولساله 4 زيهم على الأقل
    كأنهم بيعموا كوبري بيعدي لايطاليا مثلا ولا ناطحه سحاب

    والمشروع التاني ودا مهم برضه
    هو هدم مستشفى الشاطبي
    وتحويلها لملهى ليلي
    قصدي فندق سياحي
    وان كان الفرق مش كبير يعني
    ودا طبعا مشروع حيوي ومهم برضه لا مدام سوازن مبارك زوجه رئيس الجمهوريه عايزه كدا
    ولما بتيجي مكتبه اسكندريه وتعدي من جمب مستشفى الشاطبي بتقرف من منظر الفلاحي والحوامل والعيانين اللي داخلين طالعين من المستشفى
    وطبعا المحافظ مش هيأخر طلب سوزان ابدا

    فطلع قرار بالبدء في تصفيه مستشفى الشاطبي وتحويلها لفندق سياحي فاخر

    ونسيت اكلمكم عن المشروع التالت

    اصل سوزان لما لقت ان فكره الفندق السياحي كويسه

    قالت طب ما بالمره منعمل مجموعه فنادق على قاعات مؤتمرات على مركز استقبال اجانب على سفارات على شاليهات

    فلقت ان انسب مكان لكدا هي المساحه اللي قدام مستشفى الشاطبي
    اللي هتبقي فندق وكازينو الشاطبي بعد كدا
    والمساحه ديه دلوقتي عباره عن مجمع كليات جامعه اسكندريه النظري
    بتحتوي على كليات التجاره والاداب والسياحه والفنادق والحقوق ...الخ
    بس وايه يعني لما نهد الكليات على طلابها
    مهمه فاشلين فاشلين
    يبقه نستنفع بحته الأرض اللى همه واقفين عليها احسن
    مش كدا ولا ايه

    ها عرفت ليه بقا الناس بتحب تطفش من مصر
    والا تحب احكيلك حواديت كمان
    بس انا تعبت دلوقتي خلاص مش هاقدر دلوقتي هابقه افتكرلك حاجات واقولهالك بعدين
    عشان انا مش محضر دلوقتي ومش في دماغي

    0 Not allowed!


    والله يعلم وانتم لا تعلمون
    أليس في جهنم مثوى للمتكبرين
    وأتقوا الله ويعلمكم الله

  10. [10]
    ahmedzakria
    ahmedzakria غير متواجد حالياً
    عضو


    تاريخ التسجيل: Oct 2006
    المشاركات: 10
    Thumbs Up
    Received: 0
    Given: 0
    اللى سمعته والله اعلم أنه ايام بناء السور العازل فى اسرائيل ان كان فى خط انتاج كامل من حديد عز واسمنت المصريه رايح هناك ادى واحد الثانيه أن عز شارى معظم شركات الحديد اللى فى مصر والشركات اللى لم يشتريها بايعه انتاجها لسنوات مقدما لشركات انشاءات كبرى يعنى مش هتاثر فى سعر الحديد فى السوق المصريه دى الثانيه اما الثالثه الصداقه الحميمه بين عز وجمال مبارك

    0 Not allowed!



  
صفحة 1 من 4 12 3 4 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML