دورات هندسية

 

 

إضحك مع بابا نويل ( في العراق )

صفحة 1 من 2 12 الأخيرةالأخيرة
النتائج 1 إلى 10 من 11
  1. [1]
    الصورة الرمزية م.العراقي
    م.العراقي
    م.العراقي غير متواجد حالياً

    عضو تحرير المجلة

    تاريخ التسجيل: Jan 2004
    المشاركات: 1,766
    Thumbs Up
    Received: 13
    Given: 0

    إضحك مع بابا نويل ( في العراق )

    منقول عن الرابطة العراقية
    http://iraqirabita.org/index3.php?do=article&id=7257

    (نعتذر لاستعمال اللهجة العامية للضرورة)..

    مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..

    بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت... گيــت.. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

    المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات.. لها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.

    والتمّت المونيكات والهمرات والحرس الوطني والشرطة... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.

    رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.

    ويدكهة الرجّال مشي من بغداد لبيتهم حتى فلوس كيا بجيبه ماكو وگال ويه روحه: آني أجي لبغداد بعد!! المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة.. وگوة فهموا شنو مفخخة.

    كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..

    وهسة هوة كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويصيح طول اليوم.... ويـن يــروح المطلـوب إلنـة..

    ---------------------

  2. [2]
    الشخيبي
    الشخيبي غير متواجد حالياً
    V.I.P
    الصورة الرمزية الشخيبي


    تاريخ التسجيل: Dec 2005
    المشاركات: 7,931
    Thumbs Up
    Received: 223
    Given: 335
    هذا صار اسمه (بابا الويل)..
    شر البلية ما يضحك..

    جزاك الله خير أخي العراقي...

    0 Not allowed!



  3. [3]
    م.مجدي عليان
    م.مجدي عليان غير متواجد حالياً
    عضو تحرير المجلة
    الصورة الرمزية م.مجدي عليان


    تاريخ التسجيل: Jan 2005
    المشاركات: 1,365
    Thumbs Up
    Received: 24
    Given: 1
    اقتباس المشاركة الأصلية كتبت بواسطة steel_10977 مشاهدة المشاركة
    هذا صار اسمه (بابا الويل)..
    شر البلية ما يضحك..

    جزاك الله خير أخي العراقي...
    مشكوووور اخي م. العراقي
    وبالفعل كما قال الاخ المشرف
    ولكن باعتقادي ان هاي القصة ينرادلها ناس تفتهمها من ناحية اللكنة,,,,,,,,

    0 Not allowed!


    Best Regards
    Majdi N. Elyyan

  4. [4]
    رائد المعاضيدي
    رائد المعاضيدي غير متواجد حالياً
    عضو تحرير المجلة
    الصورة الرمزية رائد المعاضيدي


    تاريخ التسجيل: May 2006
    المشاركات: 2,402
    Thumbs Up
    Received: 22
    Given: 12
    الحمد لله على سلامة بابا نؤيل....
    يعني ولو هو تعب شويه ....بس عموما نهايته كانت لاباس بيها
    يعني سلم على ريشاته مثل ما يكولون وفلت بروحه....ورجع سلامات لماما نؤيل
    وهو شعنده اشو راسه براس نؤيل وامه يعني راتب التقاعدي يكفيه ان شاء الله....
    بس اويلي على بابا نؤيل اللي قبله ...طبعا انت يجوزما سمعت قصته يا عراقي...
    هي نفس القصه بالبدايه بالضبط....بس لحد ما لزموه مغاوير الداخليه تختلف....
    لان هذا ابد محد صدكه.....
    والمشكله انه طلع على قناة العراقيه الفضائيه ...ورغم ان كل الناس يعرفوه هذا بابا نؤيل بلحمه ودمه ولحيته...ويعرفون انه برئ وما ممكن يؤذي او يفجر ....
    بس المشكله انه اعترف بان هو سبب اكثر التفجيرات اللي دتصير ببغداد....وانه هو اخصائي بتفخيخ السيارات....وانه يتلقى مبالغ طائله عن هاي الاعمال....واعترف انه على علاقه بمخابرات دوله عربيه مجاوره.....
    والمشكله الاكبر انه هوايه ناس يدعون نفسهم عدهم عقل وهمه يعرفون حق المعرفه ان كل هالكلام جذب بجذب ويغالطون انفسهم ويكولون هاي الاعترافات حقيقيه....
    عموما عثر على جثة بابا نؤيل بعد ايام ملقاة بالرستميه وهي حاليا بالطب العدلي بباب المعظم....واللي يكدر يوصل الخبر لماما نؤيل اذا تريد تستلم الجثه تحاول تدبر كم ورقة ام المية دولار لان الجثه ما يسلموها بلاش....وتوصوها لاتنسى تدير بالها مو تكللهم احنا بيتنا بالقطب الشمالي خلي تكول احنا من القطب الجنوبي....وتحلفلهم بعبد البابا ....لان اذا عرفوا هي منين يلحكوها بابو الجهال....
    بس امانه الحجي بيناتنا ها........

    0 Not allowed!






  5. [5]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787
    دخلت الرابط
    فوجدت الذي يبحث عن ابنه
    والتي تبحث عن أخوها وأمها
    وهذا راح ابنه وما رجع
    حسبي الله ونعم الوكيل

    0 Not allowed!


    لا اله الا الله محمد رسول الله

    there is no god except Allah
    Muhammad is the messenger of Allah

  6. [6]
    محمد ابو مريم
    محمد ابو مريم غير متواجد حالياً
    عضو متميز
    الصورة الرمزية محمد ابو مريم


    تاريخ التسجيل: May 2006
    المشاركات: 3,570
    Thumbs Up
    Received: 2,436
    Given: 3,924
    أخي م. عراقي
    أسف لم أستطع فهم الكثير ألا ان لشرطة شكت ببابا نويل أعتقدت أنة ارهابي

    ولكن ما أوجعني هو ما وجد بالرابط

    لكم اللّة يا عراقيين , فهو المعين القادر علي دفع الضر والمعتدي

    0 Not allowed!



    الموقع الرسمي للمكتبة الشاملة
    http://shamela.ws/

  7. [7]
    م. ضياء الدين
    م. ضياء الدين غير متواجد حالياً
    عضو شرف


    تاريخ التسجيل: Jul 2006
    المشاركات: 1,580

    وسام الشكر

     وسام كبار الشخصيات

    Thumbs Up
    Received: 29
    Given: 6
    حقيقتا اخي في تلك الساعه كنت ضايج ومهموم ومن قريتهه ضحكت من كل قلبي

    بارك الله فيك وجزاك كل خير

    0 Not allowed!



  8. [8]
    beyaty
    beyaty غير متواجد حالياً
    عضو متميز


    تاريخ التسجيل: Aug 2006
    المشاركات: 528
    Thumbs Up
    Received: 2
    Given: 0
    حسب الخطه الامنيه الجديده على بابا نويل تسليم الهدايا الى مسؤؤؤؤؤؤؤل حكومي عالي المستوى ( قجقجي ) محترم وبتواجد مسؤؤؤؤؤؤل امني برتبه عايه ( ناءب عريف فرار ) وبتواجد رجل دين مهم يغلب عليه السواد ( مقتدى القذر = منتهى الغدر ) في طهران وطبعا يجب تقسيم الهايا بين الجوارين ايران والعراق وبالعدل ولكل طفل من اطفال المسؤؤؤؤؤؤؤؤلييين وحسب المنصب والوظيفه وعدد الذين قام بتعذيبهم وقتلهم وليس من الشرط ان يكون مسيحي

    0 Not allowed!



  9. [9]
    beyaty
    beyaty غير متواجد حالياً
    عضو متميز


    تاريخ التسجيل: Aug 2006
    المشاركات: 528
    Thumbs Up
    Received: 2
    Given: 0
    اما بقية الهداي فتوزع على الشعب بطريقة العنقودي والسيارات المفخخه والعبوات الناسفه او يقوم افراد الجيش الوردي بتوزيعها على المواطنين بشكل مباشر عن طريق نقاط التفتيش الوهميه او الهاونات العشوائيه او تربط بشكل محكم مع كل جثه ترمى في الشارع!!!!!!!!!!!!!!!!!!!!!!!!!!!!!!!!!!!!!!!!!!!!

    0 Not allowed!



  10. [10]
    م.العراقي
    م.العراقي غير متواجد حالياً
    عضو تحرير المجلة
    الصورة الرمزية م.العراقي


    تاريخ التسجيل: Jan 2004
    المشاركات: 1,766
    Thumbs Up
    Received: 13
    Given: 0
    اقتباس المشاركة الأصلية كتبت بواسطة محمد ابو براء مشاهدة المشاركة
    حقيقتا اخي في تلك الساعه كنت ضايج ومهموم ومن قريتهه ضحكت من كل قلبي

    بارك الله فيك وجزاك كل خير
    يقول المثل العراقي .. ( عمي لا تضوج .. هي تنلاص ) :)

    -------------

    تحياتي لكم يا اخوة جميعا .

    السبعة الذين ردوا .. فردا فردا .. واعذروني في كتابة الاسماء .. فأنا كسووووووووووووووووووووووووووووووووول .. وعندي شد عضلي في أصابع يدي :) .

    والله شر البلية ما يضحك .. لا أعرف طريقة لتقبل الوضع الذي يعانيه هذا الشعب الا أن أردد بيت الشعر العراقي الأصيل :

    إن الحياة لطرطرة ... من لم يمت بالسياف مات بقندرة

    تحياتي
    الى اللقاء .

    0 Not allowed!


    لا يكفي أن تعرف ... بل يجب أن تعرف كيف تطبق ما تعرف

  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML