دورات هندسية

 

 

أبوكى بقى ولا جوزك؟

صفحة 1 من 2 12 الأخيرةالأخيرة
النتائج 1 إلى 10 من 12
  1. [1]
    الاءنبيل
    الاءنبيل غير متواجد حالياً

    عضو فعال جداً

    تاريخ التسجيل: Jun 2006
    المشاركات: 351
    Thumbs Up
    Received: 0
    Given: 0

    أبوكى بقى ولا جوزك؟

    مع ابوكى .. دخلتى المطبخ ما دخلتيش .. كله واحد وممكن باباكى يساعدك
    انما مع جوزك .. مش بمزاجك .. ها تدخلى .. هاتدخلى .. وان كان عاجبك

    مع ابوكى .. فى العيد بيديلك العيديه وفوقيها بوسه ..*
    لكن مع جوزك .. بيقول انت خلاص كبرتى على الحاجات دى

    مع ابوكى .. بتنامى وتصحى وقت ما انتى عايزه ..*
    مع جوزك .. وقت ماهو عايز .. او مع مواعيد شغله.

    مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى ..*
    مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

    مع ابوكى لو حصل وكنتى زعلانه .. بيزعل عشانك .. *
    لكن مع جوزك .. بيزعل منك .. ويلومك ازاى تزعلى اصلا

    ابوكى .. كلمه حلوه تصالحه و يفرح بيها ..*
    وجوزك .. طول الليل تحايلى فيه .

    ابوكى.. وانتى عيانه .. سهران جنبك طول اليوم ..*
    انما جوزك بيروح ينام فى الاوضه التانيه .

    ابوكى.. لما تكونى فى مشكله .. بيسيب كل اللى وراه ويتفرغ لمشكلتك ..*
    وجوزك .. بيحط مشكلتك اخر بند فى اجندة يومه.

    أبوكى .. لما تدلعى عليه .. بيفرح بيكى ..*
    انما جوزك .. بيقولك ..اكيد عايزه حاجه .

    ابوكى.. لما تقولى له .. ده حصل كذا وكذا .. بيهتم ويصدقك ..*
    انما جوزك .. بيقولك .. الموضوع دا وراه ان .. ويشك فى كلامك .

    ابوكى .. لو شافك بتعيطى ها يمسح دمعتك .. *
    انما جوزك .. ها يقولك يادى النكد .
    ] مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ... يا حبيبى يا بابا ..*
    لكن جوزك .. ها يقولك شكلك زى عروسة المولد .

    مع ابوكى .. لو طلبتى دوا من الصيدليه . جرى ها ينزل يجيبه ..*
    لكن جوزك ها يسالك بكام.

    مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان ..*
    لكن جوزك .. ها يقول مالوش لزوم .. والبيت ماله

    ابوكى .. لو طلب منك كوباية ميه .. بيقولك لو سمحتى عايز ميه ..*
    انما الرخم .. بيقولك قومى هاتى ميه.

    لو ابوكى نايم .. وانتى صاحيه لسه وعامله شوية دوشه .. ما بينطقش .. *
    لكن جوزك .. صوت زعيقه ها يسمع الشرق الاوسط كله

    ابوكى.. فى كل الاحوال بيتناقش معاكى .. *
    جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح .

    لو بتتفرجى مع ابوكى على التليفزيون .. ها يسيب لك الحريه تتفرجى على اللى انتى عايزاه ..*
    لكن المحروس .. مافيش قدامك غير يا الاخبار يا الكوره .. يا ميلودى

    ابوكى لو نازل مشوار .. بيعمل ليكى اعتبار ويديكى خبر .. *
    جوزك .. بيختلس عدم وجودك قدامه عشان يصيع


    ابوكى دايما شايفك حلوه .. *
    جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

    لو محتاجه فلوس فى حاله طارئه .. ابوكى ها يديكى من عينيه ..*
    لكن جوزك .. ها يقولك خدى من ابوكى

    لو جالك مكالمه غلط على موبايلك.. ابوكى ها يقولك حصل خير ..*
    لكن جوزك .. ها يتهمك بالخيانه ..

    لو جبتى كحكه اخر السنه وطلعتى بماده .. ابوكى ها يشجعك ويهدى اعصابك..*
    لكن جوزك.. ها يقولك .. يا ادى المصاريف اللى مالهاش لازمه

    لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. *
    لكن جوزك ها يقول معلش انا لازم ابلع او ها يقسمها معاكى

    لو غصب عنك صوتك على على ابوكى .. هايلومك بذوق .. *
    لكن جوزك ها يسمعك قاموس شتايم

    لو اتزحلقتى على الارض .. ابوكى ها يجرى يشيلك .. *
    جوزك ها يقعد يضحك ويقولك ما انتى اللى مش منشفه الارض كويس منك لله يا اخى

    لو نفسك تغيرى مكان السجاده .. ابوكى ها يقوللك عنك دى تقيله عليكى.*
    . لكن جوزك ها يقولك مش ضرورى وجع القلب دا

    لو عامله عزومه لاصحابك فى البيت .. ابوكى ها ينزل ويقولك خليكوا براحتكوا .. *
    لكن جوزك ها يشترط مين اللى يجى او ها يرفض من اساسه

    ابوكى.. ممكن يكتبلك حاجه باسمك.. او يحطلك مبلغ فى البنك .. *
    جوزك .. لا لا لا يمكن نفسه تطاوعه على الفعله الشنعاء دى

    لو العربيه عطلت بيكى .. ابوكى.. ها يقولك اقفليها وتعالى وانا ها اتصرف..*
    جوزك .. ها يقولك متركبيش العربيه تانى

    لو ابوكى شافك بتتخانقى فى الشارع مع واحد .. ها ينزل يقطعه ..*
    لكن جوزك .. ها يقولك انتى قليلة الادب

    لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله *
    انما جوزك .. ها يقولك انتى اللى ماشيه مش محترمه

    لو مقدمه على شغل .. ابوكى.. ها يوصى عليكى طوب الارض ....*
    لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

    ابوكى لو لاحظ انك متخانقه مع اختك .. ها يصالحكوا على بعض ..*
    لكن جوزك .. ها يقول خليهم يولعوا دول عيله عجب

    لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه ..*
    لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار مهما ابوكى كان متضايق .. لا يمكن تكلميه وتلاقيه مكشر ..*
    لكن جوزك.. لو متضايق .. مصر كلها هتنكد عليكي

  2. [2]
    اميمة كريم
    اميمة كريم غير متواجد حالياً
    عضو فائق التميز
    الصورة الرمزية اميمة كريم


    تاريخ التسجيل: May 2006
    المشاركات: 2,131
    Thumbs Up
    Received: 3
    Given: 0
    اخت الاء:
    انها ليست قاعدة عامة او مطلقة حبيبتى ,,,,,,,,,,فليست هذه هى صفات كل الازواج وليست الصفات الاخرى ميزة مع كل الاباء واعرف منها نماذج كثيرة جدا وعلى العكس تماما مما ذكرت .
    ولكن من الواضح ان الحاج نبيـــــــــــــــــــــــل ربنا يخليهولك به هذه الصفات الجميلة كمعظم الاباء,,,,,,,ولكن هذا ليس معناه ان الزوج يكون سيء لهذه الدرجة .
    فمن الممكن ان يكون حظ الفتاة سعيد مع الاب والزوج معا وكلاهما تلقى منه معاملة طيبة(وهذا ما ارجوه من الله عز وجل لكل نساء المسلمين).
    اما بقى لوحظها سىء فممكن مع الاب والزوج معا(عافانا الله واياكم).

    0 Not allowed!






  3. [3]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    انما الرخم .. بيقولك قومى هاتى ميه.

    ربنا يكرمك يا اخت الاء00000000000

    شكرا جزيلا للاخت المنصفه اميمه ومش جديد عليكى ذوقك00000

    0 Not allowed!



  4. [4]
    الاءنبيل
    الاءنبيل غير متواجد حالياً
    عضو فعال جداً


    تاريخ التسجيل: Jun 2006
    المشاركات: 351
    Thumbs Up
    Received: 0
    Given: 0
    حبيبتى اميمه:
    الاب لا يمكن تعويضه او مجاراه حبه,, واعتقد ان حبه يفيض و يزيد عن الزوج(اذا كان هو بيعشقها)
    الزوج شئ مختلف,, وايضا به معظم ما ذكرته!!! ليس معنى ذلك انه سيء
    ولكن كل شيخ له طريقه!!

    0 Not allowed!



  5. [5]
    الاءنبيل
    الاءنبيل غير متواجد حالياً
    عضو فعال جداً


    تاريخ التسجيل: Jun 2006
    المشاركات: 351
    Thumbs Up
    Received: 0
    Given: 0
    اخى yasser alieldin:
    لا تنكر حقيقه انه يطلب منها الماء كل لما يشوف وشها!!!
    ولكن طبعا لا اقصدمعنى الرخم...اسفه!!!

    0 Not allowed!



  6. [6]
    اميمة كريم
    اميمة كريم غير متواجد حالياً
    عضو فائق التميز
    الصورة الرمزية اميمة كريم


    تاريخ التسجيل: May 2006
    المشاركات: 2,131
    Thumbs Up
    Received: 3
    Given: 0
    اقتباس المشاركة الأصلية كتبت بواسطة yasser alieldin مشاهدة المشاركة
    انما الرخم .. بيقولك قومى هاتى ميه.

    ربنا يكرمك يا اخت الاء00000000000

    شكرا جزيلا للاخت المنصفه اميمه ومش جديد عليكى ذوقك00000
    اشكرك اخى يــــــــــــــــــا سر على لطفك.

    0 Not allowed!






  7. [7]
    اميمة كريم
    اميمة كريم غير متواجد حالياً
    عضو فائق التميز
    الصورة الرمزية اميمة كريم


    تاريخ التسجيل: May 2006
    المشاركات: 2,131
    Thumbs Up
    Received: 3
    Given: 0
    اقتباس المشاركة الأصلية كتبت بواسطة الاءنبيل مشاهدة المشاركة
    حبيبتى اميمه:
    الاب لا يمكن تعويضه او مجاراه حبه,, واعتقد ان حبه يفيض و يزيد عن الزوج(اذا كان هو بيعشقها)
    الزوج شئ مختلف,, وايضا به معظم ما ذكرته!!! ليس معنى ذلك انه سيء
    ولكن كل شيخ له طريقه!!
    والله يا الاء يا اختى فى ازواج زى الفل وناق يشيل زوجته من على الارض فى كل خطوة,,,,,,,,,وهى بتكون حمدت ربنا لماخرجت من بيت ابيها لمعاملته القاسية لها.
    واعرف امثال كثيرة للنوعين.

    0 Not allowed!






  8. [8]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    والله يا الاء يا اختى فى ازواج زى الفل وناق يشيل زوجته من على الارض فى كل خطوة,,,,,,,,,وهى بتكون حمدت ربنا لماخرجت من بيت ابيها لمعاملته القاسية لها.
    واعرف امثال كثيرة للنوعين

    انا فعلا شوفت امثله كتيره من هذه الحالات000000000
    وعلى العموم مش كل الازواج ولا كل الاباء000
    ولكن على العموم 00000حب الاب شى وحب الزوج او الزوجه شى اخر0000000
    كل يصب فى منبعه000000

    0 Not allowed!



  9. [9]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    وما المشكله ان يطلب منها الماء كل لما يشوف وشها000
    اليست زوجته ومن حقه عليه الطاعه فى كل شى الا ما حرم الله0000000؟!!!!!

    ولكن هناك ازواج اغبياء فى طريقتهم واسلوبهم فى التعامل مع اقرب الناس اليهم000

    0 Not allowed!



  10. [10]
    احمد السماحى
    احمد السماحى غير متواجد حالياً
    عضو فعال
    الصورة الرمزية احمد السماحى


    تاريخ التسجيل: Sep 2006
    المشاركات: 143
    Thumbs Up
    Received: 0
    Given: 0
    والله انا لسه ماتجوزتش بس لو اتجوزت اكيد مش حاعمل كده مع مراتى ان شاء الله ده بالنسبه لى
    اما بالنسبه للموضوع الكلام ده مش دايما لان فى ازواج وزوجات كتير عايشين فى هناء وسعاده
    ولكن هذا لايمنع من وجود ازواج ذات طباع وصفات غير طيبه ولكن على الزوجات تحملهم حتى يعدلوا على طباعهم
    ولكن اذا لم يعدلوا اما ان تتحمل او تطلب .........................بعيد عن المتزوجون

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML