دورات هندسية

 

 

مختارات من رباعيات صلاح جاهين

النتائج 1 إلى 8 من 8
  1. [1]
    ELKADY787
    ELKADY787 غير متواجد حالياً

    عضو فعال

    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0

    مختارات من رباعيات صلاح جاهين

    مختارات من رباعيات صلاح جاهين

    يا عندليب ماتخافش من غنوتك
    قول شكوتك و احكي عن بلوتك
    الغنوة مش هتموتك إنما
    كتم الغنا هو اللي هيموتك
    !عجبي

    يا للي بتبحث عن إله تعبده
    بحث الغريق عن أي شيء ينجده
    الله جميل و عليم و رحمن رحيم
    إحمل صفاته ... و انت راح توجده
    !عجبي

    غمض عينيك و امشي بخفة و دلع
    الدنيا هي الشابة و انت الجدع
    تشوف رشاقة خطوتك تعبدك
    لكن انت لو بصيت لرجليك ... تقع
    !عجبي

    أوصيك يا ابني بالقمر و بالزهور
    أوصيك بليل القاهرة المسحور
    و إن جيت في بالك ... اشتري عقد فل
    لأي سمرا ... و قبري إوعك تزور
    !عجبي

    لو فيه سلام في الأرض و طمان و أمان
    لو كان مفيش و لا فقر و لا خوف و جبن
    لو يملك الإنسان مصير كل شيء
    أنا كنت أجيب للدنيا ميت ألف ابن
    !عجبي

    جالك أوان و عرفت مشي الجنايز
    كيف شفتها يا عبد رب اللذايذ
    قال: شفت شيل بالحيل فقير أو أمير
    كما شالوا في الحمامير فواضي القزايز
    !عجبي

    يا للي انت بيتك قش مفروش بريش
    تقوى عليه الريح. يصبح مفيش
    عجبي عليك حواليك مخالب كبار
    و ما لكش غير منقار و قادر تعيش
    !عجبي

    أيوب رماه البين بكل العلل
    سبع سنين مرضان و عنده شلل
    الصبر طيب ... صبر أيوب شفاه
    بس الأكاده مات بفعل الملل
    !عجبي

    يا حزين يا قمقم تحت بحر الضياع
    حزين أنا زيك و إيه مستطاع
    الحزن ما بقالهوش جلال يا جدع
    الحزن زي البرد ... زي الصداع
    !عجبي

    إقلع غماك يا تور و ارفض تلف
    إكسر تروس الساقية و اشتم و تف
    قال: بس خطوة كمان ... و خطوة كمان...
    يا أوصل نهاية السكة يا البير يجف
    !عجبي

    أنا كل يوم أسمع ... فلان عذبوه
    أسرح في بغداد و الجزاير و أتوه
    ما اعجبش م اللي يطيق بجسمه العذاب
    و أعجب م اللي يطيق يعذب أخوه
    !عجبي

    أنا قلبي كان شخشيخة أصبح جرس
    جلجلت بيه صحيوا الخدم و الحرس
    أنا المهرج ... قمتو ليه خفتو ليه
    لاف إيدي سيف و لا تحت مني فرس
    !عجبي

    حبيت...لكن حب من غير حنان
    وصاحبت لكن صُحبه مالهاش أمان
    رحت لحكيم واكتر لقيت بلوتي
    إن اللي جوّه القلب مش ع اللسان
    !عجبي

    إيش تطلبي يا نفس فوق كل ده
    حظك بيضحك وانتي متنكدة
    ردت قالت لي النفس: قول للبَشَر
    ما يبصوليش بعيون حزينة كده
    !عجبي

    الدنيا أوده كبيرة للانتظار
    فيها ابن آدم زيّه زي الحمار
    الهم واحد...والملل مشترك
    ومفيش حمار بيحاول الانتحار
    !عجبي

    بحر الحياه مليان بغرقى الحياه
    صَرَخت خش الموج في حلقي ملاه
    قارب نجاه!...صَرَخت قالوا مفيش
    غير بس هو الحب قارب نجاه
    !عجبي

    إنشد يا قلبي غنوتك للجمال
    وارقص في صدري من اليمين للشمال
    ماهوش بعيد تفضل لبكره سعيد
    ده كل يوم فيه ألف ألف احتمال
    !عجبي

    زحام وأبواق سيارات مزعجة
    إللي يطول له رصيف...يبقى نجا
    لو كنت جنبي يا حبيبي أنا
    مش كنت أشوف إن الحياة مبهجه؟
    !عجبي

    إيديا في جيوبي وقلبي طِرب
    سارح في غربة بس مش مِغترِب
    وحدي لكين وَنسان وماشي كده
    وبابتعد...ما اعرفش...أو باقترِب
    !عجبي

    فتحت شباكي لشمس الصباح
    ما دخلش منه غير عويل الرياح
    وفتحت قلبي عشان أبوح بالألم
    ما خرجش منه غير محبة وسماح
    !عجبي

    أنا الذي عمري اشتياق في اشتياق
    وقطر داخل في محطة فراق
    قصدت نبع السم وشربت سم
    من كتر شوقي وعشمي في الترياق
    !عجبي


















  2. [2]
    الراجية رضا الله
    الراجية رضا الله غير متواجد حالياً
    عضو فعال
    الصورة الرمزية الراجية رضا الله


    تاريخ التسجيل: May 2006
    المشاركات: 145
    Thumbs Up
    Received: 0
    Given: 0

    مشكور يا أخي

    جزاك الله خيراً أخي على نقل هذه الكلمات الصادقة لصلاح جاهين والتي تمس في قلب كل إنسان شيئ قد يرتبط برباعية من رباعياته فأكثر رباعية أعجبتني مما سبق وجعلت فؤادي يتمزق من الألم:
    أنا كل يوم أسمع ... فلان عذبوه
    أسرح في بغداد و الجزاير و أتوه
    ما اعجبش م اللي يطيق بجسمه العذاب
    و أعجب م اللي يطيق يعذب أخوه

    فبهذه الكلمات وصف ما يحدث الآن بين فتح وحماس في فلسطين والسنة والشيعة والعراق اسأل الله أن يجمع شملهم وشمل العرب لمواجهة العدو.(أختك :مروة )

    0 Not allowed!



  3. [3]
    ELKADY787
    ELKADY787 غير متواجد حالياً
    عضو فعال


    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0
    الاخت الفاضلة مروة

    اشكر لك حسك المرهف وشعورك بالماساة التى نعيشها وادعو الله ان يفرج كرب العرب والمسلمين

    كما ا شكرك للرد على الموضوع.

    0 Not allowed!



  4. [4]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0
    شكرا وبارك الله فيك
    واكمل :
    حاسب من الاحزان
    وحاسب لها
    حاسب علي رقابيك من حبلها
    راح تنتهي ولابد راح تنتهي
    مش انتهت أحزان من قبلها ( صلاح جاهين )

    0 Not allowed!



  5. [5]
    ELKADY787
    ELKADY787 غير متواجد حالياً
    عضو فعال


    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0
    شكرا اخى العزيز محمد مصطفى
    على الافادة بهذه الابيات الرقيقة وارجوا من كل من لديه ابيات للرباعية ان يضيفها

    0 Not allowed!



  6. [6]
    ELKADY787
    ELKADY787 غير متواجد حالياً
    عضو فعال


    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0
    الا يوجد من لديه المزيد

    0 Not allowed!



  7. [7]
    ELKADY787
    ELKADY787 غير متواجد حالياً
    عضو فعال


    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0
    waiting for you

    0 Not allowed!



  8. [8]
    ELKADY787
    ELKADY787 غير متواجد حالياً
    عضو فعال


    تاريخ التسجيل: Sep 2006
    المشاركات: 104
    Thumbs Up
    Received: 0
    Given: 0
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML