دورات هندسية

 

 

الوحده العربيه ,,,,,,,حلم بعيد المنال ,,,,,,مسرحيه

صفحة 1 من 5 12 3 4 5 الأخيرةالأخيرة
النتائج 1 إلى 10 من 46
  1. [1]
    م المصري
    م المصري غير متواجد حالياً

    عضو شرف

     وسام الشكر

      وسام كبار الشخصيات


    تاريخ التسجيل: May 2006
    المشاركات: 5,015
    Thumbs Up
    Received: 16
    Given: 0

    الوحده العربيه ,,,,,,,حلم بعيد المنال ,,,,,,مسرحيه


    بسم الله الرحمن الرحيم
    اجمل ما في منتدانا اننا جميعا عرب و من كل اقطار الوطن العربي تقريبا ,,,,, نتحدث معا بلغه واحده ,,, بفكر واحد ,,,,,المصري يفهم العراقي و المغربي يفهم الفلسطيني و السوري يفهم السعودي ,,, لا فرق ابدا بيننا ,,,,,الدم واحد و العرق الواحد و الدين واحد ,,,,,و لا فرق الا في انفسنا ,,,,,,,,
    أتتذكرون مصطلحات القوميه العربيه ,,,,,,,,الوحده العربيه ,,,,,, تلك المصطلحات التي كانت تملئ الدنيا ضجيجا زمان ,,,,,,,,,و ليت الزمان يعود يوما ,,,,,,,,,,لقد خبت تلك الشعارات ,,,,,,تلك الاحلام ,,,,تحت رماد قسوة الحاضر

    تخيلت اننا الان في سنه 2030 و تخيلت انا Aboayoy أصبحت رئيسا لمصر ,,,,و احمد (الباحث عن الوظيفه) رئيسا للبنان ,,,,,,و رهف رئيسه لسوريا ,,,,,,,,و شبلي موعد رئيسا لفلسطين ,,,,,و العراقي رئيسا للعراق ,,,,,,,و محب الرسول ملكا للسعوديه ,,,,,,,,,و عطور رئيسا لليبيا ,,,,,,,,,
    و لنفترض اننا جميعا تولينا الرئاسه في بلادنا بطرق شرعيه كما هو النظام في كل بلد ,,,,,و في وقت واحد ,,,,,,,
    **************************************************

    خرج أخر من يقدم التهاني لأبو آيه علي توليه الرئاسه من مكتبه , ,,, طلب ابو آيه من السكرتير اغلاق مكتبه و عدم السماح بدخول أشخاص آخرين ,,,,,,,,القي نظره علي ذلك الملف علي مكتبه ,,,,,,تصفحه بهدوء و الابتسامه تكاد لا تفارق شفتيه ,,,و أخذ يهمهم ,,,,,,,,رائع احمد فاز برئاسه لبنان ,,,,,,,عطور فازت في ليبيا شئ جميل جدا ,,,,,,,,العراقي تولي العراق ,,,,,رهف رئيسا لسوريا ,,,,,,,,و محب الرسول علي رأس الحكم في السعوديه ,,,,,,,شبلي اكتسح في فلسطين ,,,,

    اغلق ابو ايوي الملف ,,,,و ارجع ظهره للوراء خلف مكتبه و راح يتذكر الاصدقاء القدامي ايام كانوا يتحاورون علي منتدي المهندسين العرب ,,,,,,,,و يتبادلون المواضيع الهندسيه و العامه ,,,,, فجأه رن جرس التليفون ,,,,,,,,,,,رفع الرئيس ابو ايوي السماعه ,,,,,أتاه صوت رئيس ديوان الرئاسه قائلا : رئيس العراق علي التليفون يا ريس ,,,,,,,اجابه ابو ايوي :اوصلني به فورا ,,,,,,,,, اتاه صوت العراقي : قلنا نبدأ و نبارك ,,,,,,اجابه المصري : طول عمرك صاحب واجب يا عراقي ,,,ما بتنساش قواعد اللياقه ابدا ,,,,,,,,,ها ,,,,ايه اول موضوع علي جدول اعمالك ,,,,اوعي يكون عملية ازاله حثاله زي اللي صدعتنا بيها علي المنتدي زمان ,,,,,,,,,ضحك العراقي ضحكه قويه كادت تصم اذن الرئيس المصري : يا أخي يخرب عقلك ,,,,,,,,لا خلاص ,,,,عصر ازاله الحثالات انتهي ,,,,, في حاجات كتير اهم ,,,,,,,,,,اجابه الرئيس المصري : عموما شد حيلك و احنا طبعا علي طول جمب العراق في اي حاجه ,,,,,,,,,,,اجابه العراقي : طبعا يا أخي ,,,,,,أحنا واحد ,,,,,,,,,,,قال ابو آيه : عرفت ايه الاخبار في بقيه البلاد ,,,,,,رهف مسكت سوريا و عطور ليبيا ,,,,,,الحريم سيطر علي الاوضاع يا عراقي ,,,,,,,,,,قهقه العراقي : يا ابو ايوي ,,,,,جايز كده مشاكل العرب تتحل بدخول عنصر نسائي في الموضوع ,,,,,,,, بقولك ايه يا ابو ايوي ,,,,,,,عاوزين نعمل اجتماع قمه عربيه نجتمع فيه و نرجع ذكريات زمان و المنتدي ,,,,,ايه رأيك ,,,,,,أجابه ابو ايوي : فكره ممتازه يا عراقي و بالمره نشوف صاحب البساط الاحمدي شبلي اصله مسك السلطه في فلسطين زي ما انت عارف ,,,,و بردو نشوف صديقنا محب الرسول الملك السعودي ,,,,,,,اجابه العراقي : انت نسيت صاحبنا اللي كان بيدور علي وظيفه علي طول ,,,,,,ربنا كرمه و بقي رئيس لبنان ,,,,,اجابه ابو ايوي : الولد ده طول عمره محترم و يستاهل كل خير ,,,,بس انا خايف ما يعجبوش مرتب رئيس لبنان فيسيب المنصب ,,,,,,,,,ضحك العراقي قائلا : لو معجبوش ييجي في العراق و انا هديله مرتب كويس ,,,,, ضحك ابو ايوي : بطل هزار يا عراقي ,,,,,,ها,,, تحب نتقابل امتي ,,,,,,,ايه رأيك في آخر الشهر ,,,,,,,,,,العراقي :ماشي ,,,مفيش مشكله بس كلم انت عطور و احمد و انا هكلم رهف و محب الرسول ,,,,,,,,,,اجابه ابو ايوي : اتفقنا بس خد بالك مين هيكلم شبلي ,,,,,,,,,دا لو زعل مننا هياخد البساط و ساعتها هنبقي علي البلاط الاحمدي ,,,,ابتسم العراقي : خلاص كلمه انت ,,,,,,اجاب ابو ايوي : ماشي يا عراقي اتفقنا و خلي الولد وزير الخارجيه بتاعك يعلن ان فيه قمه عربيه ,,,,,,استغرب العراقي : و ما اتخليش ليه الولد بتاعك هو اللي يقول ,,,, مش انت دولة المقر ,,,,, ابتسم الرئيس المصري : حاضر يا سيدي ,,,,,واضح انك هتبقي رئيس متعب زي بتوع العراق كلهم علي مر التاريخ ,,,,,,,,,,,,,العراقي : ايه يا ابو ايوي ,,,,,,خد بالك لما اشوفك ها ملص ودانك علي الكلام ده ,,,,,,ابو ايوي : تنور يا جميل ,,,,,,,,,

    انتهت مكالمة الرئيسين المصري و العراقي الوديه ,,,,,,و تنفيذا للأتفاق دق جرس التليفون في مكتب قصر الرئاسه في دمشق ,,,,,,,,,,رفعت الرئيسه السوريه رهف السماعه مجيبه رئيس الديوان : شو عندك ,,,,,,اجابها : الرئيس العراقي يا فندم ,,,,,,اجابته بسرعه : اوصلني بيه علي طول ,,,,,جاءها صوت العراقي مجلجلا ,,,,,,,,,,كيف الاحوال معالي الرئيسه ,,,,,,,و لا الستات سيطروا في سوريا ,,,,,,,,,,,,اجابت رهف و هي تبتسم ,,,,,,طول عمرنا مسيطرين يا عراقي ,,,, و ما تنساش انا كنت مشرفتك في المنتدي ,,,,,,قهقه العراقي : خلاص يا ستي ,,,,,عموما الف مبروك علي المنصب ,,,و والله فرحنالك ,,,,,,,,بس قوليلي عملتي ايه عشان تقنعي الشعب السوري بأختيارك ,,,,,,,,,,,,,رهف : بقولك ايه يا عراقي ,,,,,,,,سخريتك مش عاجباني ,,,,,و قولي انت ازاي اتفقوا عليك العراقيين مع انك بتاع اجتثاث الحثاله و مصطلحات الخطه البديله ,,,,,,, ضحك العراقي : ما تخليش قلبك اسود يا رهف ,,,, بنهزر وياكي ,,,,,,عموما انا لسا قافل سماعة التليفون مع ابو ايو الرئيس المصري ,,,,و اتفقنا علي المقابله في اخر الشهر ,,,في قمه عربيه طارئه ,,,,,,,عشان نرجع ايام زماان ,,,,,,,,,اجابت رهف: مين ابو ايوي ده ,,,,,,,,,,العراقي : ايه يا رهف ,,,,انت نسيتي و لا ايه,,,, دا كان معانا في لمنتدي ,,,,,,,,اجابته رهف بسرعه : ايوه افتكرت ,,,, مش ده اللي مره كتب في موضوع ليه ,,,,,,كلام عن عقد المرأه و ابصر ايه و مش عارفه ايه ,,,,,,,عرفته ,,عرفته ,,,,,,,هو ازاي قدر يكسب في مصر ,,,,,,؟ ,, العراقي : النصيب بقي يا رهف ,,,,,عموما ايه رأيك ؟,,,,,,,,,رهف: بص يا عراقي ,,,,انت سيد العارفين بقواعد الدبلوماسيه ,,,,,و اخونا بتاع مصر ما كلفش خاطره يرفع سماعة التليفون و يباركلي علي المنصب ,,,,هو نسي اني مشرفته و لا ايه ,,, ثانيا ,,,ما عزمنيش علي القمه رغم انه دولة المقر ,,,,,ثالثا الولد وزير الخرجيه المصري طالع في التلفزيون بيؤكد ان فيه قمه ,,,,,,عرف منين اني وافقت او احنا وافقنا ,,,,,,دا غرور و الله ,,,,انا مش رايحه في حته يا عراقي ,,,,لو عاوز تيجي,,,, سوريا بترحب بيك حكومتا و شعبا ,,,
    الرئيس العراقي : يا سيادة الرئيسه ,,,,,,الموضوع مش كده خالص و الله ,,,,,بس احنا اتفقنا انا و ابو ايوي علي تقسيم مهمه الدعوه بينه و بيني ,,,,,و طبعا اعلان ان فيه قمه اكيد من عشمه ,,,,صدقيني الموضوع فيه لبس ,,,,,,,,,قاطعته رهف : الاصول اصول يا عراقي ,,,,,اجابها العراقي : زي ما تشوفي يا سيادة الرئيسه بس صدقيني القمه من غير سوريا ,,,,يبقي مالهاش قيمه ,,,,اجابت رهف بابتسامه : اشكرك يا عراقي ,,,,طول عمرك مجامل ,,,و بتفهم في الاصول ,,, تحياتي

    انتهت المكالمه بين الرئيسين السوري و العراقي ,,, و علي الجانب الاخر ,,,,دق جرس التليفون في طرابلس مكتب الرئيسه الليبيه عطور ,,,,,,,,,,,,ايوه مين يا رئيس الديوان ,,,,,,الرئيس المصري يا فندم ,,,,,باهي باهي ,,,,وصلني بيه ,,,,,,,,,اتاها صوت الرئيس المصري : الف مبروك يا عطور علي الفوز تستحقيها و الله ,,,,,,,,اجابت عطور بابتسامه ,,,,,مبروك علينا احنا الاتنين ما انت لسا فايز حالا يا ابو آيه ,,,,,,,,,,,,,اجاب ابو آيه : الله يخليكي ,,,,,عموما عشان ما طولش عليكي عوزين نتقابل في قمه قريبه ,,,,,ايه رأيك ,,,,,,اجابت عطور : يا سيادة الرئيس ,,,,,لسا حالا شايفه بيان وزير الخارجيه بتاعك بيلقي بيان و بيعلن القمه و بيحدد الزمان و المكان ,,,,,,و بصراحه استغربت ,,,,,,,هو فيه قمه غير عاديه بدون تشاور مسبق ,,,,,,,,و بدون ابلاغ الرؤساء علي الاقل ,,,,اجاب ابو ايوي بسرعه :: سيادة الرئيسه ,,,,,مش ممكن يكون دا حصل ,,,,فعلا انا طلبت اعداد بيان بس مش اذاعته قبل وصول التأكيدات من الساده الرؤساء ,,,,,,,,اكيد في لبس في الموضوع و ها يتم التوضيح انشاء الله ........اجبة عطور : عموما كفايه مكالمتك ,,,,و اعتبرني قبلت الدعوه ,,,,,ابتسم الرئيس المصري : مصر هتنور بتشريفك لينا ,,,,يا سيادة الرئيسه ,,,,

    انتهت المكالمه بين الرئيسين المصري و الليبي ,,,,,و فور ان وضع الرئيس المصري السماعة ,,,,صاح في رئيس الديوان ,,,,,,هاتلي وزير الخارجيه فورا علي التليفون ,,,,,,,,20 ثانيه بالضبط و جاء صوت وزير الخاجيه : اوامر سيادتك يا ريس ,,,,,,,احتد ابو ايوي : ايه اللي عملته ده ,,,,انا قلتلت تعمل بيان مش تذيعه ,,,,,,,مين قالك تذيعه ,,,,,, تلعثم وزير الخارجيه قائلا : الرئيس اللي قبل سيادتك كانت اوامره ان اي بيان يؤمر بعمله يذاع فورا ,,,,,,قاطعه ابو ايوي : لا سيدي كل حاجه بأوامر و بالذات في اي حاجه تخص الشأن العربي بالذات ,,,,, انت عارف بيزعلوا من اي حاجه ,,,,, عموما حصل خير و ها حاول انقذ ما يمكن انقاذه ,,,,,,اتاه صوت الوزير : اسف يا فندم و لن تتكر ,,,,ارجوا تقبل اعتذاري و وزاره الخارجيه رهن اشارتكم ,,,,,

    فور انتهاء المكالمه بين الوزير الخارجيه المصري و رئيس جمهوريته ,,,,,رن جرس التليفون و تبادل الرئيس المصري كلمات قليله مع محدثه الذي اوضح ان الرئيس العراقي علي الخط : اهلا يا عراقي ,,,,كيف الاحوال ,,,,,,,,,اجابه العراقي : ايه يا ابو ايوي ده ,,,,,,,ليه التسرع في البيان بالطريقه دي ,,,,,,رهف اعتبرت الموضوع خروج عن اللياقه ,,,,و اعتذرت ,,,,,,,اجابه ابو ايوي : و الله غلطه غير مقصوده من وزير الخارجيه ,,,,و دايما رهف فاهماني غلط ,,,,,و المفروض برده نكبر الجمجمه شويه ,,,,,,دا حتي عطور لقيتها زعلانه ,,,,,ضحك العراقي : تخيل يا أخي طول عمر الرؤساء العرب مش علي وفاق و كلهم كانوا رجاله ,,,,ما بالك اليوم ,,,,في 2 ستات بينا ,,,,ابتسم ابو ايوي : و الله عندك حق يا عراقي ,,,,عموما هحاول اصلح الموضوع مع الست الرهف ,,,,,اجابه العراقي : ايوه يا ابو ايوي لازم تعمل كده ,,,,,

    نتهت المكالمه السريعه بين الرئيسين المصري و العراقي ,,,,,,,و طلب الرئيس المصري الاتصال بالرئيسه السوريه فأتاه صوت رئيس الديوان ,,,,,,الرئيسه السوريه مشغوله يا سيادة الرئيس ,,,,انهي الرئيس المصري المكالمه ,,,,و شبك يديه وراء رأسه و اتكأ علي ظهره و هو يغمغم : آه يا ابو ايوي ,,,,الموضوع تعقد مع الرئيسه السوريه ,,,,واضح انها واخده موقف قوي ,,,,ربنا يستر ,,,,

    طلب الرئيس المصري مكالمة الرئيس اللبناني : اتاه الصوت الرئيس اللبناني ,,,,,,,مكالمه حلوه من اخ حلو ,,,,,,,,,كيف حالك يا ابوي ايوي و الف مبروك علي الرئاسه ,,,,,ابتسم ابو ايوي ابتسامه عريضه قائلا: شكرا شكرا يا اخي ,,,,,,و الله فرحتلك جدا لما عرفت انك فزت في لبنان ,,,,,و برضو عشان بقي تبطل لف علي الوظايف ,,,,,,,,ضحك الرئيس البناني : لا خلاص لقيت وظيفه كويسه و لو هجبتني مش ها سيبها ,,,,,,,,ابتسم ابو ايوي : اوعي يا احمد ,,,,ما صدقنا ان الامور اتصلحت عندكم ,,,,,,خلي كل حاجه بالاصول ,,,,,قاطعه احمد: طبعا يا أخي ,,,,,انت اكتر واحد عارف انسي مش بتاع مناصب ,,,,,و كل همي لبنان و مصلحة لبنان ,,,,,,اجابه : ابو ايوي طبعا ,,,,,,,يا اخي ,,,,, قال الرئيس اللبناني : تسمحلي بقي احضر القمه اللي وزير خارجيتك فاضح الدنيا عليها ,,,,اجابه المصري بسرعه : يا خبر ابيض ,,,,طبعا يا أخي ,,,,انت مش محتاج دعوه انت تشرف و تنور في اي وقت ,,,,,,يا اخي بصراحه انت فرحتني جدا بكلامك ده ,,,,,,,كنت خايف تكون زعلان من صدور البيان قبل التشاور ,,,,قاطعه احمد: ازعل ايه بس يا ابو ايوي ,,,,هو انا مش عارفك ,,,,,,انا اول ما شفت البيان قلت يا أما دي غلطه غير مقصوده ,,,,او انت عشمان فينا قوي قوي ,,,,,,,,اجاب ابو ايوي : و الله يا احمد كانت غلطه و بردو عشمان و عموما مصر كلها مستنياك يا صديقي ,,,,,,,

  2. [2]
    م المصري
    م المصري غير متواجد حالياً
    عضو شرف


    تاريخ التسجيل: May 2006
    المشاركات: 5,015

    وسام الشكر

     وسام كبار الشخصيات

    Thumbs Up
    Received: 16
    Given: 0

    الفصل الثاني

    انتهت المكالمه بين الرئيسين المصري و اللبناني ,,,,,,,,وعلي الجانب الاخر دق جرس التليفون في مكتب العراقي ,,,,,,رفع السماعه ايوه ,,,,اتاه الصوت : عاهل المملكه السعوديه يا فندم ,,,,,,اجاب العراقي سريعا ,,,,و صله بسرعه ,,,,,,,اتاه صوت محب الرسول : الف مبروك يا عراقي علي الرئاسه ,,,و ربنا يعينك علي مشاكلك ,,,,اجابه العراقي : تسلم يا أخي ,,,,و الف مبروك علي المنصب ,,,,الله يخليك ,,,,,,,,,اجابه العراقي : علي فكره انا مكلف اني ادعيك علي القمه العربيه اخر الشهر في القاهره ,,,,,قاطعه محب الرسول ,,,,,و ليه صاحب القمه ما يدعيش هو ,,,,اجاب العراقي : و الله احنا متفقين ,,,,و اكيد هو هيكلمك بس عشان نكسب وقت ,,,,,,,اجابه : محب الرسول ,,,,عموما مفيش مانع ,,,بس بفضل انها تنعقد في الرياض ,,,,,اجابه العراقي : مفيش فرق يا محب الرسول بين القاهره و الرياض و مقديشوا ,,,,بس معاليك عارف انها قمه غير عاديه و جرت العاده انها تنعقد في دولة المقر ,,,,,,قاطعه محب الرسول قائلا و انا مش شايف مشكله لو انعقدت في الرياض ,,,,,ايه اخونا ابو ايوي هيعترض ,,,,,,,,,و لا ايه ,,,,,,,اجابه العراقي : يا اخي الغرض اننا نتقابل و و نسترجع الذكريات و خصوصا اننا كلنا ولاد منتدي واحد ,,,,,,,اجابه محب الرسول : طبعا يا اخي مفيش مانع و سيب الموضوع لله ,,,,

    انتهت مكالمه المسؤلين العراقي و السعودي ,,,,,,نهاية لا توحي بموافقه السعودي علي مكان الانعقاد ,,,علي الجانب الاخر دق جرس التليفون في مكتب الرئيس المصري ,,,,,,,,هم الرئيس المصري برفع السماعه و هو يكلم نفسه : يا رب تكون من سوريا ,,,,,,,اتاه صوت رئيس الديوان : رئيس السلطه الفلسطينيه يا فندم ,,,,,,,,اجاب الرئيس بحزم : وصلني بيه بسرعه ,,,,,,,,اتاه صوت شبلي يقول ,,,,,,,,,مبروك يا ريس ,,,,اجابه المصري : انت اللي الف مبروك علي ثقه شعبك فيك يا شبلي ,,,,علي فكره كنت لسا هكلمك حالا ,,,,,,,اتاه صوت شبلي ,,,,,,بطل بقي يا ابو ايوي بكش المصريين ده ,,,,اجابه ابو ايوي : ظلمتني يا شبلي كنت فعلا هكلمك بس اللي اخرني ,,,,,ان معالي الرئيسه السوريه زعلانه يا سيدي ,,,و بحاول اصلح الموقف ,,,,,,,,اجابه شبلي : معقوله ,,,,الرئيسه رهف ,,,,دي ست قديره جدا ,,,و عقلها كبير ,,,,,قاطعه ابو ايوي : بردو ست ,,,,و عاطفتها اسرع من قرارها ,,,,,,دي اعتذرت اصلا علي الحضور ,,,,و لما اتصلت بيها ,,,,,قالولي مشغوله ,,,,,,,,ابتسم شبلي : و الله يا ابو ايوي معاها حق ,,,,,,بيان وزير خارجيتك ده قلب الدنيا و لولا اني عارفك ,,,,,كنت تقريبا اخذت نفس موقفها ,,,,,اجابه الرئيس المصري : آه عشان تكمل ,,,,,,يا شبلي دا انت الرئيس الفلسطيني الوحيد اللي اتفق عليه كل فصائل الفلسطينيين ,,,و كمان بردو شايفك ناجح مع جيرانك الكلاب الاسرائليين ,,,,,,و انشاء الله هتخرج المشكله الفلسطينيه من النفق المظلم اللي هيه فيه ,,,,,تيجي تقولي ,,,,,,متفق مع رهف ,,,,,,اتاه صوت شبلي : طول بالك ,,يا ابو ايوي ,,,,و كل حاجه ها تتحل ,,,

    انتهت مكالمة الرئيسين المصري و الفلسطيني ,,,,,,و طلب الرئيس المصري مجددا مكالمه مع الرئيسه السوريه ,,,,,,,,اتاه صوت رئيس الديوان ,,,,معالي الرئيسه رهف علي الخط يا فندم ,,,, بدأ الرئيس المصري الحديث : اهلا اهلا بيكي سيادة الرئيسه ,,,,,,,و الله فرحنالك جدا بالرئاسه ,,,,,,اجابت رهف باقتضاب : مش باين ,,,,,,,اجاب الرئيس المصري متصنعا الدهشه : خير يا سيادة الرئيسه ,,,,,,حضرتك زعلانه لا سمح الله من اي شئ ,,,,اجابت رهف بسرعه : لا مفيش حاجه ,,,,,اجابها ابو ايوي ,,,,,عموما كنت عاوز اكلمك في موضوع بس الولد وزير الخارجيه فضحه بدون قصد علي التلفزيون ,,,,,,,,عموما احنا نتشرف بزيارتك يا رهف ,,,,,اجابت رهف : و الله عندي مشغوليات كتيره في هذا المعاد ,,,,,قاطعها ابو ايوي : مفيش قبول للأعذار يا سيادة رئيس سوريا ,,,,,تخيلي انت قمه بدون سوريا ,,,,,,,اجابت رهف : هحاول يا ابو ايوي ,,,,,قاطعها الرئيس المصري : مفيش حاجه اسمها هاحاول ,,,,,لازم تيجي و الا هلغي الفكره من اساسه ,,,,,,,ابتسمت رهف : خلاص غلبتني يا سيادة الرئيس ,,,,و ان كانت مكالمتك جت متأخره كتير و دايما انت بتاع مشاكل زي ما كنت في المنتدي بالضبط ,,,,,,,,و بلاش افكرك بمشرفنا مهاجر ,,,,,,ضحك الرئيس المصري : خلاص بقي يا رهف ,,,,,,متفكرنيش ,,,و عموما مصر هتنور بقدومك ,,,,

    انتهت المكالمه ,,,,و ابتسم الرئيس المصري محدثا نفسه ,,,,الحمد لله اجتزنا عقبه نسائيه ضخمه ,,,,,,,بعد قليل دخل رئيس الديوان واضعا تقريرا من وزارة الخارجيه يفيد بأن الخارجيه السعوديه اصدرت بيانا يرحب بعقد القمه و لكن في الرياض ,,,,,,,,قطب الرئيس المصري حاجبيه بشده و هو يغمغم ,,,,,,بوادر ازمه اخري مع السعوديه هذه المره ,,,,,,صاح في الواقف امامه ,,,,مكالمه للزعيم السعودي فورا ,,,,,,,20 ثانيه ,,و اتاه صوت رئيس الديوان : الزعيم السعودي يا فندم ,,,,,,,,,بدأ الرئيس المصري الحديث : أهلا فخامه العاهل السعودي ,,,,,,, كيف حالك يا أخي ,,,,,اجابه محب الرسول ,,,,الحمد لله بألف خير ,,,و انت ,,,,,,,,,,اجابه المصري : نحمد لله ,,,,يا محب الرسول ,,,,,,,,قال محب الرسول : شكلك عاوز تقول حاجه يا معالي الرئيس ,,,,,اجاب بسرعه ابو ايوي: عاوز اوضح شئ بس يا محب لرسول ,,,,,انه مفيش فرق بين القاهره و الرياض ,,,,,بس هو التزام بالاعراف ,,,,,,,ضحك محب الرسول : شكلك متأثر ببيان الخارجيه بتاعنا ,,,,,,,,,,عموما فعلا مفيش قرق بين البلدين فعلا و انا هحضر القمه في القاهره ,,,,,صاح الرئيس المصري ضاحكا : و ليه كده بس ,,,,و قعت قلبنا ,,,,,دا انا قلت انك زعلان ,,,,قاطعه محب الرسول : يا راجل ,,,,,شوف الاول بيانكم و بعدين ابقي اتكلم ,,,,,,ضحك الرئيس المصري : آه دا انتي بقي بترد علي بيانا ,,,,,,ضحك محب الرسول قائلا : لا و الله بس حبيت اسببلك شويه ازعاج و ارباك ,,,في خططك بس بردو احنا اصدقاء من زمان ,,,,,,ايه نسيت المنتدي و لا ايه,,,,ابتسم ابو ايوي : لا و الله ما نسيتش ,,,,كان منتدي رائع و ما زال ,,,,اجابه محب الرسول :فاكر خناقتك مع مهاجر ,,,,,,فاكر لما رفعت الرايه البيضه ,,,,,,,ضحك مجددا الرئيس المصري : آه ,,,,,انت هتعمل زي رهف و لا ايه ,,,,,,,,كلكم مش ناسيين الموضوع ده ,,,,,طب بقول ايه ما تصدر امرا بالقبض علي مهاجر ,,,,,,مش هو تبعك دلوقتي ,,,,,,ابتسم محب الرسول : بتهمة ايه بس يا راجل ,,,,,دا الراجل كان مشرف قدير ,,,,,,ابتسم الرئيس المصري : يا سيدي بنهزر ,,,,, فرق بقي بين الجد و الهزار ,,,,,,,,,,عموما مصر هتتشرف بقدومك ,,,

    انتهت المكالمه بين الرئيس المصري و العاهل السعودي ,,,,,,,, و وضع الرئيس المصري السماعه و في هذه الاثناء دخل عليه مدير مكتبه قائلا : خير يا سيادة الريس ,,,,,,مالك بتتصبب عرق كده ,,,,أجاب لرئيس : من المجهود الرهيب اللي بذلته عشان بس ادعي الرؤساء لحضور القمه ,,,, و كل ده نتيجه غلطه وزير الخارجيه ,,,,,,ثم صاح : لازم تعرفوا ان التعامل مع العرب اصعب من التعامل مع شارووون ,,,,,,لازم نحاسب في كل كلمه و كل همسه و كل تصريح,,,,,,,ماشي ,,,,,,مش عاوزين حد يزعل ,,,,,,احنا هنا مصر ,,,و ما ينفعش حد يزعل من مصر ,,,,,

    جاء موعد انعقاد القمه و الاستعدادات تجري علي قدم و ساق ,,,,,, و انتقل ابو ايوي الي المطار لأستقبال الرؤساء ,,,,,و جاءه ان الرئيس اللبناني هو اول القادمين ,,,,,,,توجه موكب الرئيس المصري ناحية طائره الرئاسه اللبنانيه ,,,,, و نزل الرئيس اللبناني من علي سلم الطائره و استقبله الرئيس المصري فاتحا ذراعيه اهلا و سهلا ,,,,,نورت مصر يا احمد ,,,,,اجابه احمد : منوره بأهلها يا ريس ,,,,,داعبه الرئيس المصري : ليه طيارتك كحيانه و غلبانه كده ,,,,,مفيش فلوس تجيبو طياره جديده و لا ايه ,,,,,,ابتسم احمد قائلا : انت هتعمل فيها مهندس طيران و لا ايه ,,,,,,و انتقل الرئيسان الي صاله كبار الزوار في المطار ,,,,و ظلا يتحدثان الي ان دخل احدهم قائلا : طائره العاهل السعودي تستعد للهبوط ,,,,,,,قام الرئيس المصري من مكانه موجها كلامه الي الرئيس اللبناني قائلا ,,,,,بعد اذنك اروح اجيب الصديق العزيز القديم محب الله و رسوله ,,,,,,و اتجه الرئيس الي الطائره الملكيه السعوديه و استقبل محب الله و رسوله و توجها معا الي قاعة كبار الزوار ,,,,و عند دخوله القاعه ,,,,اخذ الرئيس اللبناني العاهل السعودي بالاحضان ,,,,,,قائلا ,,,و حشتنا يا محب الرسول ,,,,,,رد عليه محب ,,,,,انت اللي دايما بنفتقدك ,,,قوللي عاجباك وظيفة الرئيس ده ,,,,,لو مش عاجباك نغيرهالك ,,,,,و تبادل الجميع الضحكات ,,,,, ثم انتقل الرئيس لأستقبال شبلي موعد رئيس السلطه الفلسطينيه ,,,,,, و فور نزول شبلي من علي سلم الطائره و ملامسته البساط المفرود علي الارض امامه لم يتمالك نفسه من الضحك ,,,,,,و اخذ يصيح : ما هذا يا ابو ايوي ,,,,,و الله اضحكتني جدا ,,,,,الكلام ده ما ينفعش خالص في المراسم الرسميه ,,,,,,,,, اجابه ابو ايوي و هو يفتح ذراعيه ضاحكا : يا عم بلاها تعقيد ,,,خدنا ايه يعني من المراسم ,,,,,بس اظنها مفاجئه ,,,,,انك تلاقي كلمه البساط احمدي مكتوبه علي البساط المفرود ادامك ,,,,,,,اجابه شبلي : و لا كانت مفاجئه لذيذه ,,,,,, و توجها معا الي صاله الزوار و تبادل الجميع التحيه ,,,,,,,و هنا قال شبلي : مين لسا مجاش يا ابو ايوي ,,,,أجابه ابو ايوي ,,,,,,لسا العراقي و الحريم الاتنين ,,,رهف و عطور ,,,,,,,ضحك احمد قائلا : لو سمعوك ,,,القمه هتبوظ لا محاله ,,,,,,,,في نفس اللحظه اعلن احد المساعدين ان طائره الرئيس العراقي علي المدرج ,,,,,,,,استقبل ابو ايوه صديقه العزيز العراقي فاتحا ذراعيه ,,,,,,نورتنا يا راجل ,,,,,,ليه التأخير ده ,,,,,,,,اجابه العراقي ضاحكا ,,,,,كان عندنا شويه اعدامات سريعه حبيت اخلص منها قبل ما أجي ,,,,,,,,,ضحك ابو ايوي و هو يجلس بجواره في السياره التي ستقلهما الي صالة كبار الزوار قائلا: بطل هزار و اتكلم جد ,,,,,,,,انت مش قلت انك جاي من ساعتين ,,,,,ايه اللي حصل ,,,,,اجاب العراقي ,,,,,,,و الله يا اخي جعت فطلبت وجبه تانيه ,,,و بعدين حسيت تاني جعت تاني فقمت واكل تاني ,,,,,,,ضحك الرئيس المصري : ايه يا عراقي حاسب ,,,,لحسن تاكلنا احنا كمان ,,,,,,,و بعدين مفيش في مصر اكل و لا ايه ,,,,,,اجابه العراقي :في طبعا ,,,,فول و طعميه ,,,,,,و ضحك الاتنين و توجها الي باقي الرؤساء ,,,,, و فور رؤيتهم للرئيس العراقي ,,,,,,,صاح الجميع اهلا اهلا ,,,,بمزيل الحثاله ,,,,,,,,, و صاح الرئيس اللبناني ,,,,كم من الحثاله ازلت حتي الان يا عراقي ,,,, و تبادل الجميع الضحك ,,,,,, و هنا قال محب الرسول ,,,,,,يا ابو ايوي ما تخلينا ننتقل لمقر المؤتمر ,,,,احنا مستنيين ايه ,,,,,,,,هنا صاح شبلي : اكيد الحريم طبعا ,,,,,,,هنا صاح العراقي : آه يبقي مش هنجتمع النهارده,,,,,دا عشان يختاروا الفستان و المكياج و يقفوا من 3-4 ساعات امام المرايه ,,,,,,,يعني ادامك للصبح ,,,, في نفس اللحظه ,,,اعلم احد المساعدين وصول طائرة الرئاسه الليبيه ,,,,,,,,هنا ضحك الجميع ,,,,و قال ابو ايوي : واضح ان عطور اسرع من رهف في المسائل النسائيه ,,,, و انتقل ابو ايوي و استقبل الرئيسه الليبيه بحفاوه بالغه و انتقلا الي قاعة الزوار التي خيم بها حاله من الوقار و الانضباط لكون معالي الرئيسه الليبيه انضمت للجمع و لا يجوز ان يكون الكلام علي البحري ,,,, و تبادل الجميع عبارات الترحيب مع الرئيسه ,,,,,و داهم الوقت الجميع فمعاد المؤتم سيبدأ بعد نصف ساعه ,,, و ما زالت الرئيسه السوريه لم تصل ,,,,,,,,,, و بدأت تظهر علامات القلق علي وجه ابو ايوي ,,,,, ثم تعقد الموضوع اكثر عندما اتفق الجميع علي الذهاب الي مقر المؤتمر ,,,,, و كان يجب ان يصاحبهم الرئيس المصري ,,,,,,و بدأوا في التوجه الي المقر ,,,,,, و عقل ابو ايوي ,,,,,,يضرب اخماسا في اسداس ,,,,,,,يا تري لماذا ,,,لم تصل رهف حتي الان ,,,,,,,,هل غيرت رأيها ,,,,,,,,و هو في خضم هذه الافكار انتزعه صوت احد المساعدين ,,,,طائره الرئاسه السوريه وصلت يا سيدي ,,,,,,تهللت اسارير الرئيس المصري , ,,, قائلا : الحمد لله ,,,,, و هنا غمز الرئيس العراقي بعينيه لأبو ايوي : قائلا ,,,,,ابعث لها رئيس الوزراء لأستقبالها ,,,,, و دعنا نكمل الي المؤتمر ,,,,,,ضحك ابو ايوي قائلا : اتق الله يا عراقي ,,,,,لو فعلت ذلك لكانت القطيعه الي الابد ,,,,,
    و انتقل ابو ايو للمطار و استقبل رهف ,,,,, و توجها الي قاعة المؤتمرات ,,,,,

    رحب الجميع بالرئيسه السوريه ,,,,,, و بمشرفتهم في المنتدي ,,,,, و توجه الجميع للجلوس علي مقاعدهم ,,,, و هنا غمز ابو ايوي لأحمد قائلا ,,,,, حظك نار ,,,,,,,كرسيك يقع مباشرة وسط الرئيستين ,,,,,,,ضحك الرئيس اللبنانيي : هزارك ده ها يوديني كلنا في شربه ميه ,,,,,,

    افتتح ابو ايوي الجلسه بصفته رئيسا للمؤتمر ,,,,, مرحبا بالوفود و الضيوف ,,,,,,ثم انتقلت الكلمه الي باقي الرؤساء ,,,,, ثم درجو في مناقشه جدول الاعمال المعد مسبقا و البيان الختامي المعد مسبقا ايضا ,,,,, ثم اعلن ابو ايوي انتهاء القمه ,,,,,,,

    و بعد انتهاء مراسم الختام ,,,,,,قال ابو ايوي الي الجميع اود منكم ان تقبلوا عزومتي علي العشاء و اريد ان اتحدث معكم في موضوع غير رسمي ,,,,,,,استجاب الجميع ,,,,,,,و توجهو جميعا الي مائده الغذاء ,,,,,و عندما انتهوا من الطعام ,,, و قد تلاحظ ان الكميات التي يأكلها العراقي ضخمه فعلا ,,,,,,بينما تسابقت كلا من رهف و عطور في ترك ما يمكن تركه من الطعام ,,,,,,,اتيكيت نسواني ,,,

    بدأ ابو ايوي ,,,,,,,في الكلام ,,,,,,, قائلا: طبعا يا ساده احنا كلنا اصدقاء من زمان و عارفين بعض كويس و كمان كلنا نعرف اننا ما بندورش علي مناصب و كل همنا هو صلاح امور امتنا و شعوبنا ,,,,,, و لذا فكرت في احياء المشروع القديم بتاع الوحده العربيه ,,,,,,فاكرينه ,,,,,,ايه رأيكم لو نتوحد جميعا في بلد واحد ,,,, و زي ما انتو عارفين ان مفيش اي موانع ,,,,,,و الموضوع محتاج قرار سيادي من الرؤساء و احنا كلنا موجودين ,,,,

    خيم الصمت العميق علي المائده لمده دقيقه كامله ,,,, حتي قطعته عطور قائله : معالي الرئيس ,,,,,, طبعا الموضوع ده جميل و كويس ,,,,,بس محتاج لترتيبات و حاجات كتير ,,,,,,,,,اجابها ابو ايوي : متفق معاكي ,,,,و انا بقصد اننا نتفق من حيث المبدأ ,,,,,,هنا تنحنح م العراقي ,,,,,,قائلا ,,,,: من سيكون الرئيس لهذه الدوله الوليده ,,,,,,رد عليه ابو ايوي : مش مهم مين يكون الرئيس ,,,,,المهم يتم الاتحاد ,,,,,خرجت رهف عن صمتها ,,,,,يا ساده الموضوع ده معقد ,,,,و لازم يؤخذ و يدرس من كل جوانبه ,,,,,بمعني العاصمه هتكون فين ,,,,,,,العمله ايه ,,,,,,,,نظام الحكم ,,,,,,, كل دي امور مش سهله ,,,اجاب ابو ايوي : عندك حق يا رهف ,,,,بس كل اللي تفضلتي بذكره يمكن ان يخضع للدراسه ,,,,,,تنحنح محب الرسول قائلا : شكلنا امام عبد الناصر جديد ,,,,,,,,

    و استمر النقاش طويلا بين الزعماء ,,,,,, ثم انفض كلا الي بلاده ,,,,, و لم يصلوا الي توافق في الرؤي و كلا منهم يحمل هاجسا في قلبه ,,,,,,,و في افضل الاحيان العلاقات لن تكون كما كانت ,,,,مع ان كل منهم يريد تحقيق مبدأ الوحده و في نفس الوقت لا يريد ,,,,
    ************************************************** *****************

    ما قرأتموه سابقا ,,,,,هو من تأليفي ,,,, و اعتذر للأصدقاء الذين استخدمت اسماؤهم معنا هنا ,,,,,,فهذا من عشمي ,,,,,,,

    تحياتي العطره

    0 Not allowed!


    لا اله الا الله محمد رسول الله
    تفضل , هنا تقرأ القرآن

  3. [3]
    looking4job
    looking4job غير متواجد حالياً
    عضو متميز


    تاريخ التسجيل: Dec 2005
    المشاركات: 596
    Thumbs Up
    Received: 0
    Given: 0
    ما شــــــــــــــــــــــــــــــاء الله تبارك الله

    أسلوبك رائع سيادة الرئيس

    كنــــــــــــــت مخبي فين كل المواهب دي يا زعــــــــــــــــــيم


    أنا صدقت نفسي أنه صرت رئيس جمهورية لبنان
    فجلست في مكتبي أنتظر حد يتصل بي ليدعوني اعلى غداء أو افتتاح أي مشروع
    ولكن انتظرت كتير
    وأيقنت أني في حلم
    لأنني أحمد ورئيس جمهورية لبنان لازم يكون جورج أو ميشيل أو اميل......


    والله من بعد هذه المسرحية الطويلة تمنيت من أن نلتق حميعا" حتى أقبل خدك وأكحل عيني بلقاء اخوة لي كان تعارفي بهم عبر جهاز الحاسوب

    أتمنى من الله أن يجمعنا جميعا" ويكون بوسطينا مشرفنا العزيز مهاجر حتى يكون كل شي Under Control


    وأتمنى منك بأن لا تحرمنا من قصصك الرائعة وأن تكون قصتك التالية وراء القضبان لأنها سوف تكون واقعية أكثر وليست صعبة المنال.
    لأنك كما تعرف فنحن لسنا أصحاب سياسة بل نحن ملتزمين دينيا" وعلميا". وعلى الرئيس أن يكون لا دين له وأن يكون جاهلا" حتى لا يصعب على الأمريكيين واليهود احتناكنه.


    وأشكرك مرة ثانية فلقد أدخلت البسمة على قلبي بعدما غابت في غربتي عن وطني وأهلي

    0 Not allowed!



  4. [4]
    م اشرف الكرم
    م اشرف الكرم غير متواجد حالياً
    مشرف متميز
    الصورة الرمزية م اشرف الكرم


    تاريخ التسجيل: Jun 2006
    المشاركات: 2,777

    وسام مشرف متميز

    Thumbs Up
    Received: 84
    Given: 317


    يعني نقول القصاص الاديب

    ام الاخ الاريب

    ام سعادة الرئيس النجيب

    ام أبو ايوي الحبيب

    ام انك المشاغب الغريب
    في امة ما احوجها الى طبيب



    وأراك
    كوكتيلا من كل هذا وذاك

    بصدق لقد استمتعت وانا اقرأ المسرحية الاقصوصة

    فجمال التعبيرات السهلة
    و حركة الانتقال المتجدد بكاميراتك التصويرية التعبيرية
    تبدد اي شعور بالملل
    بالرغم من انك تحكي عن واقع محبط الى حد كبير

    ولكن قفشاتك ونكاتك المرحة
    اضفت صبغة جمالية
    برونق ابو اية الحالم



    اخي الفاضل
    ارى تصويرك الجميل في مسرحيتك الخفيفة
    هو
    مثال لما يجري اليوم على ارض الواقع
    في البلد الواحد
    وفي المجتمع الواحد
    في مجالات العمل
    وفي الاسرة الواحدة
    وللاسف احيانا بين الانسان ونفسه

    اصبحنا نتمسك جدا بالمظهر متجاهلين الجوهر
    ( ولا اقلل من اهمية المظهر وضوابطه بالطبع )

    اصبحنا نتهافت على ما يجعلنا مختلفين
    ومتجاهلين اصولا بيننا تجعلنا متفقين

    اصبحنا نفكر في مصلحة الفرد
    في حين ان مصلحة الفرد لا تكون الا بصلاح المجتمع

    اصبحنا لا نعلم شيئا
    عن روح فريق العمل الواحد
    مع اننا جسد واحد اذا اشتكى فرد يتداعى له الباقين بالسهر والحمى ! !


    هذا ما قرأته في طيات سطورك
    وما كنت قد قرأته في صفحات مجتمعاتنا العربية المختلفة
    وليس السياسية منه فقط

    اخي ابو اية

    امتعتنا بسردك اليسير الجميل

    واتمنى عليك ان تزيدنا مما لديك

    --------------------------

    كلمة بعد رفع الستار

    لي عتب عليك يا ابو ايوي
    هو انك عينت رئيس الوزراء دون ان تفكر حتى ان تجعلني مديرا لمكتبه
    دا مكنش عيش وملتقى
    نيييييييييييييييييييييياهاهاهاهاهاهاه



    0 Not allowed!



  5. [5]
    وليد يوسف
    وليد يوسف غير متواجد حالياً
    زائر


    تاريخ التسجيل: May 2006
    المشاركات: 1,205
    Thumbs Up
    Received: 2
    Given: 0
    بدأنا بفكرة الوحدة العربية (التجمع العربي) وانتهينا بالوحدة العربية (الوحدانية العربية) وبعض العازبين إنتهوا من غير وحده عربية (بفتح الواو) ....

    رحم الله الرجال الكبار ... الذين ذهبوا ...

    0 Not allowed!



  6. [6]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787

    قرأت الموضوع كلمة كلمة ...شي حلو

    أنا صدقت إني زعيم .......بدأت بإعطاء الأوامر شمال يمين ....قصدي أتعود من اليوم
    على فكرة ...هل يعرف أحدكم كيف يفتح هؤلاء الزعماء حسابات في سويسرا؟؟؟ لازم الواحد يحضر حاله من اليوم
    بعدين كمان شغلة ....كنت مستحي أسأل عنها ....هذه التحيات بين الرؤساء والزعماء ...لازم يكون في حضن .......وتمثيل من هذا النوع
    بعدين كيف راح أقدر أجامل الناس مبتسما لعدة ساعات ...مع كلام ....وضحكات ...وحكي من هذا النوع
    يمكن الواحد يحتاج للراحة ...للنوم..... لل....
    أما أنا عجبتني قصة الوحدة والزعامة ........أنا أرى أن الرؤساء يأكلون أطيب الطعام في اجتماعات القمة ......
    يعني جريش العدس ....والبقل ...والثريد ...مثل أيام الرجال الأبطال ...والعدول الأكابر..مش واردة هذه الأيام

    أنت ترى في التلفاز.......
    خرفان محشية ...مشوية ...مطابخ أوروبا ...مشروبات منعشة وغريبة ..حلال طبعا
    نحن لا نعرف الشرب الحرام حتى في المزاح ......وبعد الأكل والشرب تفتح الشهية لل......
    .
    .
    .
    .
    .
    .
    النوم
    بلا وحدة بلا بطيخ
    لما أنا صرت زعيم ...صرتوا تتكلموا عن وحدة شعوب ...خليني أتهنى بالزعامة شوية
    أخاف أن ترى أمي هذه المسرحية ......ستقول لي
    والله صرت رئيس دولة..... يما يا شبلي
    قوم قوم إرمي كيس النفايات
    قوم أركض من هون
    قال رئيس قال

    0 Not allowed!


    لا اله الا الله محمد رسول الله

    there is no god except Allah
    Muhammad is the messenger of Allah

  7. [7]
    عطور ليبيا
    عطور ليبيا غير متواجد حالياً
    عضو فائق التميز


    تاريخ التسجيل: Aug 2006
    المشاركات: 2,403
    Thumbs Up
    Received: 3
    Given: 0
    السلام عليكم ....شكرا لك يا سيادة الرئيس على منحى منصب الرئيسة لليبية اكيد طبعا فى المنتدى وهذا يشرفنى جدا .......انا فى رأى القصة تعبر عالواقع الذى نعيشه الان سياسيا لاحب ان اتكلم فيه خليها ضمنى احسن....
    لكن تالفيك رائع وانا انسجمت مع المسرحية ....كانت فين الموهبة ده ياعم ...لكن انت نسيت عضو مهم فى المنتدى الذى يمثل دولة الاردن وهو وليد يوسف مؤسس الدولة الوليدة زتجعلة رئيسا فى الجزء التانى.......
    اما عن عطور فانت تقريبا كشفت جزء كبير من شخصيتى فى اننى لااقف كتيرا على المراة .....وانا نشطة واحب السرعة ......واحب القيادة اى شخصية قياديةفعلا.....ولا احب الانتظار......واحب كل ماهو جميل ......
    اما عن الاشخاص الذين اخترتهم فانت نوفق فى الاختيار ......
    وفعلا الوحدة العربية صعبة المنال الى وقتنا هذا ربما ياتى يوم وتصير فيه الامة موحدة وهذا بعد توحد العرب الوحدة الكاملة ويكون اسلامهم منتصر......وهذا صعب المال براى انا ايضا.....

    وبارك الله فيك....مزيدا من الابداع

    0 Not allowed!



  8. [8]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787
    والمغرب العربي إختار المخلصة إخلاص ...طبعا بانتخابات نزيهة ...حصلت على 99.99%
    قالت لنا خذو المغرب وضموها للوحدة ...على كيفكم
    لكن خلوا لي جبال الأطلس

    0 Not allowed!


    لا اله الا الله محمد رسول الله

    there is no god except Allah
    Muhammad is the messenger of Allah

  9. [9]
    المخلصة اخلاص
    المخلصة اخلاص غير متواجد حالياً
    عضو متميز
    الصورة الرمزية المخلصة اخلاص


    تاريخ التسجيل: Aug 2006
    المشاركات: 799
    Thumbs Up
    Received: 2
    Given: 3
    السلام عليكم ورحمة الله تعالى وبركاته

    من المملكة المغربية نحييك

    اخانا الاديب وسيادة الرئيس المحترم ابو ايوي امتعتنا بالمسرحية الرائعة والممتازة ذات المغزي العميق نسأل الله ان يوحد صفوف الامة العربية باذن الله


    بيني وبينك*** لا يقة عليك رئاسة جمهورية مصر العربية***

    وكمان الرؤساء الي اخترتهم ما شاء الله عليهم

    نسأل الله ان يحقق حلم الوحدة العربية

    0 Not allowed!



  10. [10]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787
    أختنا الكريمة من المغرب تعرف طرق الحوار السياسي
    إنها جديرة بأن تكون رئيسة المغرب العربي

    0 Not allowed!



  
صفحة 1 من 5 12 3 4 5 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML