دورات هندسية

 

 

تصميم أنظمة الاطفاء التلقائى للمخازن Fire sprinkler protection for Storage

صفحة 1 من 4 12 3 4 الأخيرةالأخيرة
النتائج 1 إلى 10 من 39
  1. [1]
    fayek9
    fayek9 غير متواجد حالياً

    عضو متميز

    تاريخ التسجيل: Oct 2009
    المشاركات: 754
    Thumbs Up
    Received: 229
    Given: 91

    تصميم أنظمة الاطفاء التلقائى للمخازن Fire sprinkler protection for Storage

    ان شاء الله سأضع بين أيديكم بعض المعلومات الهامة والمفيدة الخاصة بتصميم انظمة الاطفاء التلقائى فى المخازن نظرا لأهمية هذا الموضوع وقلة المشاركات الخاصة بهذا الموضوع فى الملتقى .
    بسم الله نبدأ :
    قبل الدخول فى أساسيات التخزين نستطيع تلخيص الموضوع ان لو بين يديك مشروع تصميم اسبرنكلر لمخزن لازم قبل متبدأ تصمم تجاوب على كام سؤال ألا وهم :

    أولا : أنا بخزن ايه " البضاعة" تصنيف البضاعة ؟
    ثانيا : هخزنها ازاى "ع الارض" "فى راكات " "ف رفوف" " فى صناديق"؟
    ثالثا : كم ارتفاع التخزين ؟
    رابعا : كم ارتفاع المبنى نفسه ال بخزن فيه ؟
    خامسا : كم يكون الخلوص "clearance " بين اعلى نقطة فى البضاعة و سقف المبنى

    حلو وبعدين
    انت أهو لسه مدخلتش ولا ف تصميم ولا حسابات هيدروليكية ولا مواسير ولا اى حاجة كل المطلوب اولا انك تجاوب ع ال5 أسئلة السابقين ...............طب و بعد مجاوبتهم

    انت كده جاهز لتحديد الشابتر الخاص بتصميم هذا النوع من التخزين فى NFPA 13 بس كده ؟
    لا .... انت كمان هتحدد ال design criteria و هتحدد نوع الرشاش ال هتستخدمه وهتحدد نوع ال system المستخدم.
    وبكده الموضوع هيمشى معاك systematic وخطوات ور بعضها حتى الوصول لنهاية التصميم.

    أ- أنواع التخزين
    بعد الانتهاء من هذا الجزء سنكون قادرين على الرد على السؤال الثانى طب والسؤال الاول ؟؟؟ السؤال الاول اجابته عندك انت فى انك تقول هتخزن ايه وانا هساعدك في المحاضرة الجايه و قولك تصنيف بضاعتك ده ايه ان شاء الله :

    1- تتلخص أنوع التخزين اما rack storage أو palletized أو solid piled أو Bin box أو shelf
    ملخص هذه الانواع :

    1- palletized Storage : تخزين البضاعة على بلايتات ويكون شكل البضاعة مكعب "صندوق" وكل صندوق يوضع فوق الاخر ويمكن الوصول لارتفاع تخزين يصل الى 9 أمتار
    2- solid piled : الفرق بينها و بين ال palletized أن البضاعة بتتحط ع الارض من غير بلاتيات وارتفاع التخزين بيكون أقل ومحدود.
    3- Bin box : من اسمها هو صناديق تخزين من المعدن أو الخشب أو الكرتون لها فتحة ناحية ممر المخزن "Aisles" وبيتخزن فيها القطع الغير مكرتنه زى مثلا القطع ال بتستخدم فى خطوط الانتاج وهما بيجمعوا المنتج.
    4- Shelf : التخزين على أرفف وبيكون عرض الرف 70 سم أو أقل ويكون الرف solid أو مخرم .
    5- Rack Storage : بتكون من steel members سواء طولية أو عرضية و هذه الmember هى التى تقوم بحمل البضاعة وتوضع البضاعة على بلايتات أولا ثم على الراكات .
    ويوجد من rack storage أنواع وهى single row و Double row و multi row و movable racks

    ووضعت لكم فى المرفقات بعض الاشكال لتسهيل الموضوع وبكده نكون جاوبنا على السؤال رقم 2

    ونكتفى ان شاء الله بهذا القدر على موعد قريبا ان شاء الله لا ستكمال الموضوع
    المصادر :
    NFPA Codes
    for photos internet search
    some books from Scribd

    بعض المصطلحات التى استخدمتها بالعربى و مرادفها بالانجليزى لمن يريد ان يتعمق فى الكود :
    البلايتات .......Pallets مرفق شكلها
    البضاعة ..... Commodities
    الممرات ...... Aisles مرفق شكلها وعرض الممرات لها تأثير فى التصميم كما سيتم التوضيح لاحقا

    والمره القادمة ان شاء الله سنتحدث عن اجابة السؤال رقم 1 وهو الخاص ب تصنيف البضائع

    ونسألكم الدعاء لى ولأولادى

  2. [2]
    zanitty
    zanitty غير متواجد حالياً
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,146

    وسام مشرف متميز

    Thumbs Up
    Received: 1,109
    Given: 1,645
    دعاء و بس
    ده دعاء و شيماء و نوال و عواطف يا باشا
    بجد الله يبارك لك و يسكنك الجنه مع كل من تحب فى صحبه الانبياء

    1 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  3. [3]
    zanitty
    zanitty غير متواجد حالياً
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,146

    وسام مشرف متميز

    Thumbs Up
    Received: 1,109
    Given: 1,645
    بس الله يكرمك عاوزين فى اخر الدرس حته بى دى افايه صغيره نلم فيها المنهج من الجلده للجلده

    1 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  4. [4]
    toktok66
    toktok66 غير متواجد حالياً
    عضو متميز
    الصورة الرمزية toktok66


    تاريخ التسجيل: Jun 2009
    المشاركات: 1,336
    Thumbs Up
    Received: 436
    Given: 261
    بارك الله فيك ورزقك وثبتك في الدنيا والاخره وجعل ذريتك عونا لك في الطاعات

    اشكرك على تلبيه الطلب

    جزاك الله خيرا كثيرا وبارك لك فيما رزقك من عيال ومال

    2 Not allowed!



  5. [5]
    المهندس الحالم
    المهندس الحالم غير متواجد حالياً
    عضو فعال جداً


    تاريخ التسجيل: Dec 2007
    المشاركات: 194
    Thumbs Up
    Received: 17
    Given: 22
    مكملين معاك بإذن الله

    2 Not allowed!



  6. [6]
    Nile Man
    Nile Man غير متواجد حالياً
    عضو متميز
    الصورة الرمزية Nile Man


    تاريخ التسجيل: May 2012
    المشاركات: 565
    Thumbs Up
    Received: 63
    Given: 15
    مجهود مشكور عليه

    1 Not allowed!



  7. [7]
    دكتور صبرى سعيد
    دكتور صبرى سعيد غير متواجد حالياً

    مشرف وإستشاري الهندسة الميكانيكية




    تاريخ التسجيل: May 2009
    المشاركات: 3,728

    وسام مشرف متميز

    Thumbs Up
    Received: 805
    Given: 1
    بارك الله فيكم مهندس فايق و وجعل دعاء الزملاء الأفاضل لكم مستجاب فهم أطهار و مخلصون لله تقبل الله دعاءهم و رزقنا و إياكم و إياهم الجنة آمين و أعاننا جميعا و ذرياتنا على حسن عبادته و التقرب اليه و أن نكون في طاعته بالكلمة الطيبة و ما رزقنا من علم نسأله أن ينتفع به
    زادكم الله من فضله و جوده و كرمه

    2 Not allowed!



  8. [8]
    fayek9
    fayek9 غير متواجد حالياً
    عضو متميز


    تاريخ التسجيل: Oct 2009
    المشاركات: 754
    Thumbs Up
    Received: 229
    Given: 91
    بسم الله الرحمن الرحيم
    سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنْتَ الْعَلِيمُ الْحَكِيمُ

    أولا : أشكر حضراتكم على الدعوات واخص بالشكر المهندس توك توك لآنه هو من طلب الموضوع أما المهندس زناتى و الدكتور صبرى لطالما استفدنا و تعلمنا من مواضيعكم فى هذا الملتقى .

    ندخل فى الموضوع
    ان شاء الله انهارده الله سنتحدث عن اجابة السؤال رقم 1 وهو الخاص ب تصنيف البضائع
    Commodities Classifications

    "لتستطيع تصميم نظام الاطفاء التلقائى المناسب لتطبيقك لابد من تصنيف البضاعة المخزنة الى اصناف مختلفة طبقا لخواص كل صنف وسلوكه أثناء الحريق" هى ايه الجملة دى .... خليها فى دماغك طول مانت بتصمم حريق لمخازن.

    برضه مش فاهم ..... أبسطهالك ..تصنيف البضائع ليست بالعمليه السهلة ليه كده طيب مكان الموضوع ماشى حلو؟؟؟!!!أولا لانه فى انواع كتير اوى من المنتجات بتتخزن فى الكراتين المتخزنه ع الرفوف مثلا وثانيا: انك بمجرد بتصنف البضاعة انت خلصت التصميم خلاص هتجرى ع اشابتر وع الجداول فى NFPA و تعمل نفس الحسابات العادية ال بنعملها فى المكاتب و المستشفيات والفنادق ......الخ

    قبل منغوط ف الشرح هكرر لما اقول الصنف دى معناها Product لما أقول البضاعة دى معناها Commodities وال commodity هو المحتوى الكبير للأصناف الصغيرة

    تصنيف البضائع يعتمد على :
    1- الصنف ال متخزن Product .
    2- تغليف هذا الصنف Packing .
    3- كونتينر الشحن Shipping Container .
    4- خامة البلايتات الموضوع عليها البضاعة "لو كانت محطوطة على بلايتات " سواء خشب أو بلاستيك
    5-
    كيف يحترق هذا الصنف و سلوكه اثناء الحريق يعنى لما بيتحرق بيبقى شديد الاشتعال ولا غير قابل للأشتعال ولا خطورته عادية .

    ندخل فى تصنيف البضائع طبقا لل NFPA 13


    Commodities Classifications

    Class 1 Commodities
    1- تحتوى على أصناف غير قابلة للأشتعال Non combustible
    2- هذه الأصناف مغلفة فى طبقة واحدة من الكرتون .
    3- موضوعة على بلايتات خشبية.
    مثال : زجاجات المشروبات الموضوعة فى كراتين والمنتجات المعدنية الموضوعة فى كراتين "طبقة واحدة من الكرتون " زى علب التونة كده
    Class 2 Commodities
    1- زىclass 1 ولكن بس بنزود أكثر من طبقة الكرتون المتغلفة فيها الأصناف و تبقى طبقتين أواكتر وده معناه انى زودت المواد القابلة للأشتعال
    مثال : أى صنف معدنى محطوط فى كرتونة من ثلاث طبقات و موضوعة على بلايتات خشب
    Class 3 Commodities
    1- تحتوى على اصناف ذات خطورة اشتعال عادية ordinary combustible .
    2- نسبة 5% أو أقل % من الصنف من مادة البلاستيك.
    3- هنلاحظ ان البلاستيك بدأ يظهر وده ماده خطيرة وليها كلام كتير بعدين .
    4- مثال درج خشب مثلا وليه مقابض بلاستيك. أو مأكولات فى ترى بلاستيك زى البيض
    Class 4 Commodities
    1- تحتوى على نسبة معينة من البلاستيك group A سواء الصنف نفسه او التغليف الخاص به " التغليف البلاستيك".
    2- نسبة البلاستيك من 5 الى 15 % من وزن الصنف أو من 5 الى 25 % منم حجمه.
    دخل البلاستيك group A ف الكلام جة منين هنتكلم عنه بالتفصيل ان شاء الله فى المحاضرة الجايه.
    مثال : commodity كرتون خليط تحتوى على كوبايات بلاستيك بنسبة 15 % من وزن ال commodity و ايضا يحتوى على لفات ورق صغيرة موضوعة على بلايتات خشب.

    طب الكلام ده يلغبط شوية ...... مرفق شوية صور زى كل مره توضحلكم commodities classifications وأى اسئلة تحت أمركم ...

    ان شاء الله المحاضرة الجاية هنتكلم على تخزين و تصنيف الأصناف البلاستيك .... ليه ؟ لانه مش موجود ف التصنيف بتاع انهاردة ..... لية ؟ عشان هو خطورته اكبر بكتير من الورق والكرتون والخشب .... ليه ؟ عشان هو بيشتعل اسرع و بيطلع حرارة أعلى بكتير ولاحظ ان النسب الموجودة فى تقسيم النهاردة صغيرة من الصنف لكن الكلام هيتغير تماما لو كان الصنف المتخزن كله بلاستيك ..... والى لقاء قريب ان شاء الله

    1 Not allowed!


    الملفات المرفقة

  9. [9]
    عمران احمد
    عمران احمد غير متواجد حالياً
    عضو متميز


    تاريخ التسجيل: Nov 2007
    المشاركات: 858
    Thumbs Up
    Received: 40
    Given: 71
    جزاكم الله خيرا و بارك الله فيك

    0 Not allowed!



  10. [10]
    طاهرمحمدمنصور
    طاهرمحمدمنصور غير متواجد حالياً
    عضو متميز جداً


    تاريخ التسجيل: Apr 2009
    المشاركات: 1,030
    Thumbs Up
    Received: 138
    Given: 170
    جزاكم الله خيراً

    0 Not allowed!


    وأن ليس للإنسان إلا ما سعي وأن سعيه سوف يري ثم يجزاه الجزاء الأوفي

  
صفحة 1 من 4 12 3 4 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML