دورات هندسية

 

 

موضوع ترددت قبل اضافته

النتائج 1 إلى 9 من 9
  1. [1]
    sara zorzor
    sara zorzor غير متواجد حالياً

    عضو فعال جداً

    تاريخ التسجيل: Apr 2006
    المشاركات: 283
    Thumbs Up
    Received: 0
    Given: 0

    موضوع ترددت قبل اضافته

    وصلتني رساله فيها الموضوع الطريف ده وحبيت اضيفه للدعابه
    اتمني أن يعجبكم... وخصوصا انه في ناس معينه هتعترض !!!!!!!!!!!!!!!!!!!!!!!!!













    * مع ابوكى .. دخلتى المطبخ ما دخلتيش .. كله واحد وممكن باباكى يساعدك .. انما مع جوزك .. مش بمزاجك .. ها تدخلى .. هاتدخلى .. وان كان عاجبك

    * مع ابوكى .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

    * مع ابوكى .. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله.

    * مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى .. مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

    * مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

    * ابوكى .. كلمه حلوه ترضيه .. وجوزك .. طول الليل تحايلى فيه.

    * ابوكى.. وانتى عيانه .. سهران جنبك طول اليوم .. انما جوزك بيروح ينام فى الاوضه التانيه.

    * ابوكى.. لما تكونى فى مشكله .. بيسيب كل اللى وراه ويتفرغ لمشكلتك .. وجوزك .. بيحط مشكلتك اخر بند فى اجندة يومه.

    * أبوكى .. لما تدلعى عليه .. بيفرح بيكى .. انما جوزك .. بيقولك ..اكيد عايزه حاجه .

    * ابوكى.. لما تقولى له .. ده حصل كذا وكذا .. بيهتم ويصدقك .. انما جوزك .. بيقولك .. الموضوع دا وراه ان .. ويشك فى كلامك.

    * ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد .

    * مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد .

    * مع ابوكى .. لو طلبتى دوا من الصيدليه . جرى ها ينزل يجيبه .. لكن جوزك ها يسالك بكام.

    * مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان .. لكن جوزك .. ها يقول مالوش لزوم .. والبيت ماله

    * ابوكى .. لو طلب منك كوباية ميه .. بيقولك لو سمحتى عايز ميه .. انما الرخم .. بيقولك قومى هاتى ميه.

    * لو ابوكى نايم .. وانتى صاحيه لسه وعامله شوية دوشه .. ما بينطقش .. لكن جوزك .. صوت زعيقه ها يسمع الشرق الاوسط كله

    * ابوكى.. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

    * لو بتتفرجى مع ابوكى على التليفزيون .. ها يسيب لك الحريه تتفرجى على اللى انتى عايزاه .. لكن المحروس .. مافيش قدامك غير يا الاخبار يا الكوره .. يا ميلودى

    * ابوكى لو نازل مشوار .. بيعمل ليكى اعتبار ويديكى خبر .. لكن جوزك .. بيختلس عدم وجودك قدامه عشان ينزل من وراكى.

    * ابوكى دايما شايفك حلوه .. جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

    * لو محتاجه فلوس فى حاله طارئه .. ابوكى ها يديكى من عينيه .. لكن جوزك .. ها يقولك خدى من ابوكى

    * لو جالك مكالمه غلط على موبايلك.. ابوكى ها يقولك حصل خير .. لكن جوزك .. ها يتهمك بالخيانه ..

    * لو جبتى كحكه اخر السنه وطلعتى بماده .. ابوكى ها يشجعك ويهدى اعصابك.. لكن جوزك.. ها يقولك .. يا ادى المصاريف اللى مالهاش لازمه

    * لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. لكن جوزك ها يقول معلش انا لازم ابلع او ها يقسمها معاكى

    * لو غصب عنك صوتك على على ابوكى .. هايلومك بذوق .. لكن جوزك ها يسمعك قاموس شتايم

    * لو اتزحلقتى على الارض .. ابوكى ها يجرى يشيلك .. جوزك ها يقعد يضحك ويقولك ما انتى اللى مش منشفه الارض كويس منك لله يا اخى

    * لو نفسك تغيرى مكان السجاده .. ابوكى ها يقوللك عنك دى تقيله عليكى.. لكن جوزك ها يقولك مش ضرورى وجع القلب دا

    * لو عامله عزومه لاصحابك فى البيت .. ابوكى ها ينزل ويقولك خليكوا براحتكوا .. لكن جوزك ها يشترط مين اللى يجى او ها يرفض من اساسه

    * ابوكى.. ممكن يكتبلك حاجه باسمك.. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى

    * لو العربيه عطلت بيكى .. ابوكى.. ها يقولك اقفليها وتعالى وانا ها اتصرف.. جوزك .. ها يقولك متركبيش العربيه تانى

    * لو ابوكى شافك بتتخانقى فى الشارع مع واحد .. ها ينزل يقطعه .. لكن جوزك .. ها يقولك انتى قليلة الادب

    * لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله انما جوزك .. ها يقولك انتى اللى ماشيه مش محترمه

    * لو مقدمه على شغل .. ابوكى.. ها يوصى عليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

    * ابوكى لو لاحظ انك متخانقه مع اختك .. ها يصالحكوا على بعض .. لكن جوز .. ها يقول خليهم يولعوا دول عيله عجب

    * لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه .. لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار )

    * مهما ابوكى كان متضايق .. لا يمكن تكلميه وتلاقيه مكشر .. لكن جوزك.. لو متضايق .. مصر كلها هتنكد عليكي





    طبعا عرفتوا مين اللي هيعترض ( الأزواج طبعا )...

  2. [2]
    مروة صبرى
    مروة صبرى غير متواجد حالياً
    عضو فعال جداً


    تاريخ التسجيل: May 2006
    المشاركات: 184
    Thumbs Up
    Received: 0
    Given: 0
    فى ناس كده بس اكيد مش كلة

    0 Not allowed!



  3. [3]
    مهاجر
    مهاجر غير متواجد حالياً
    مشرف عــــــــام
    الصورة الرمزية مهاجر


    تاريخ التسجيل: Jun 2003
    المشاركات: 8,679
    Thumbs Up
    Received: 298
    Given: 258
    بس طبعاً برضة الأب هو الأب والزوج هو الزوج

    وأنظري ماذا قال الرسول بحق الزوج ....

    0 Not allowed!




    أعــــــوذ بالله من نفــــــحة الكبرياء




    http://www.arab-eng.org/vb/uploaded2...1279788629.swf

    "إن العـمل القليل المســتمر خير من العـمل الكثير المـنقطع.."


    حسبنا الله ونعم الوكيل

  4. [4]
    عمر بن رحال
    عمر بن رحال غير متواجد حالياً
    عضو فائق التميز
    الصورة الرمزية عمر بن رحال


    تاريخ التسجيل: Dec 2005
    المشاركات: 2,384
    Thumbs Up
    Received: 19
    Given: 0
    بسم الله الرحمن الرحيم
    سلام الله عليكم ورحمته وبركاته

    الأخت الفاضلة/ سارة - وفقها الله -
    جزاكم الله خيراً على حسن نيتك ، لكن الطوبة جائت في المعطوبة !!
    العتب أنتِ فيه منفكة ، وأكملهِ على من قام بكتابة مثل هذه السفسفات .
    لأني عندما تأملت وجدت غالبية المقال في وادٍ ، وشريعة الرحمن في وادٍ آخر .
    ودعكِ من هذا يا أخت سارة .
    أطلب منكِ شيئاً بسيطاً .
    نعم بسيط ... وبسيط جداً ...
    أكتبِ بيدك ما يسرك يوم القيامة .
    وأعلمي أن كتابتكِ هذه ، سوف تحاسبين عليها .
    .......
    وفي الحقيقة الكتاب الأصلي للمقال ، لم يدرس ألف باء !!
    لم يتعهد همزة القطع ، والوصل !
    ولا يفرق بين الألف اللينة أو الياء فضلاً عن الكسرة - حركة إعرابية -
    فنسأل المولى العفو والعافية .
    ابوكى > أبوكِ - أباكِ - أبويكِ
    المهم ...
    هذا الموضوع يعلم المرأة العصيان ، والنفور من الزوج .
    والأحاديث الواردة في طاعة الزوج كثيرة جداً ؛ كما هو معلوم .
    ولعلي أنفرد وأكتب خواطري الخاصة عن هذا الموضوع لاحقاً
    إن شاء الله .
    هذه مقالة بسيطة لمن ألقى النظر .
    قاعدة جليلة للزوجان:
    صلا مابينكما وبين الله ........ يصل الله بينكما؟؟
    ***

    0 Not allowed!


    :: الصادع بالحق ::

  5. [5]
    المهندس مهند
    المهندس مهند غير متواجد حالياً
    عضو متميز
    الصورة الرمزية المهندس مهند


    تاريخ التسجيل: Feb 2005
    المشاركات: 843
    Thumbs Up
    Received: 3
    Given: 0

    Lightbulb

    صدقت يا اخي عمر ولا فض فوك .
    وموضوع نفور المرأة من زوجها وعدم طاعتها له من اخطر الامور , قال صلى الله عليه وسلم : ( لو أمرت أحداً أن يسجد لأحد لأمرت المرأة أن تسجد لزوجها ) وفي هذا الرابط اسانيد هذا الحديث حتى لا يشن على احد حملة شعواء في حقوق المرأة وغيره .
    http://www.raoofonline.com/index.php?T=15&id=8

    0 Not allowed!


    سبحان الله وبحمده سبحان الله العظيم

    لا اله الا انت سبحانك اني كنت من الظالمين



    ابو الفاروق

  6. [6]
    مروة2009
    مروة2009 غير متواجد حالياً
    عضو فعال جداً


    تاريخ التسجيل: Jul 2006
    المشاركات: 363
    Thumbs Up
    Received: 0
    Given: 0
    الموضوع دمه خفيف وهو فقط من باب الهزار وهو ما ذكرته ساره وقالت انه من باب الدعابه فلا داعى لكل هذا الكلام عن نفور وعدم طاعه المرأه لان الموضوع لم يذكر شىء على تحريض المرأه لعدم طاعه زوجها
    واظن ان ما ذكرته من ان البنت فى بيت والدها تحصل على رعايه اكثر وحنان من دون سبب صحيح

    0 Not allowed!








  7. [7]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787
    أمي كانت تغني لي علشان أنام
    أنام وأمي بتغني لي تهاليل
    مراتي بتحضر لي مشاريع غريبة من نوعها .....لكنني
    مش مهم موضوع كتير كتير كتير حلو
    وأحلى من أحلى بكتير

    0 Not allowed!


    لا اله الا الله محمد رسول الله

    there is no god except Allah
    Muhammad is the messenger of Allah

  8. [8]
    الشخيبي
    الشخيبي غير متواجد حالياً
    V.I.P
    الصورة الرمزية الشخيبي


    تاريخ التسجيل: Dec 2005
    المشاركات: 7,931
    Thumbs Up
    Received: 223
    Given: 335
    أنا مع الأخ عمر بن رحال في كل كلمة....


    اقتباس المشاركة الأصلية كتبت بواسطة عمر بن رحال مشاهدة المشاركة
    المهم ...
    هذا الموضوع يعلم المرأة العصيان ، والنفور من الزوج .
    والأحاديث الواردة في طاعة الزوج كثيرة جداً ؛ كما هو معلوم .

    0 Not allowed!



  9. [9]
    ابن البلد
    ابن البلد غير متواجد حالياً
    عضو متميز
    الصورة الرمزية ابن البلد


    تاريخ التسجيل: Jun 2006
    المشاركات: 6,997
    Thumbs Up
    Received: 1,092
    Given: 1,787
    ممكن نخلي الأخت سارة تشرح لنا ان كانت تقصد تسليتنا أم لا
    التي تريد عصيان زوجها لا تؤثر فيها هذه المواضيع

    0 Not allowed!


    لا اله الا الله محمد رسول الله

    there is no god except Allah
    Muhammad is the messenger of Allah

  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML