دورات هندسية

 

 

حمله(الهى سأعبدك كما لم أعبدك من قبل)...يللا علشان نتغير

النتائج 1 إلى 3 من 3
  1. [1]
    no4denmark
    no4denmark غير متواجد حالياً

    جديد

    تاريخ التسجيل: Jun 2006
    المشاركات: 5
    Thumbs Up
    Received: 0
    Given: 0

    حمله(الهى سأعبدك كما لم أعبدك من قبل)...يللا علشان نتغير





    بما انكم وصلتم للموضوع ده يبقى بالفعل نفسكم تتغيرو.....
    بصراحه كدا مين نفسه يتقرب لربنا اوى؟
    ومين نفسه يكون ربنا راضى عنه اوى؟
    اكيد كلنننننننننننننننا
    طيب ايه رايكم نبدأ نغير من نفسنا................؟
    نفسك تتغير ..........................؟؟
    ااااااااااااااااااااااااااه فعلا نفسي اتغير للاحسن ......... " الكلمة ده الواحد لما بيسمعها بيحس إن روحه بتسمو ونفسه يعمل حاجات كتيرة ..... "
    طيب .............. سؤال بسيط ؟؟
    لية ؟؟
    ابتدى اهرش في شعري وافكر شوية ثواني بسيطة
    ها صحيح إنت نفسك تتغير لية ؟؟

    " علشان أدخل الجنة "
    فعلا كلنا نفسنا نتغير علشان ندخل الجنة ونعيش في سعادة وهناء ونرتاح من تعب الدنيا
    طب وبعدييييييييييييييين .............
    طيب أنت بتتكلم بجد .............. ؟؟؟

    طب لية السؤال المحرج ده ... طبعا بتكلم جد وجد الجد ...
    يعني فعلا نفسك تتغير وتدخل الجنة ؟؟
    طبعا ..........
    يعني مستعد تتعب شوية صغيرين وتجاهد نفسك علشان ترضي ربك؟؟
    بكل ثقة طبعا
    طيب لو قلتلك إن فية ضيف كريم جايلك بعد 3 أيام وهو حبيبك جدا
    كنت هتستعد له ؟؟
    طبعا على الاقل هقعد أفكر أقابله إزاي وإمتى وانا لابس إيه ولو فيه حاجة في البيت مش مضبوطة هضبطها ....................
    إية رأيك لو قلتلك بعد اقل من شهر هيهل علينا رمضان هتعمل إية ؟؟
    .................................................. ..
    " عاوزين نستعد لرمضان بكل جهدنا وتعبنا بأسلوب منظم وسهل ومفيد ونحقق نتائج "
    إية رأيكم ...........؟
    طب تعالو نبدأ صفحه جديده فى حياتنا وهنحاول فيها من تانى نكون قريبيبن من ربنا
    الموضوع مش صعب لكن المهم هنبدأ منين وازاى؟
    وقبل كل ده لازم يكون عندنا العزم فعلا على اننا نتغير
    وقبل مبدأ معاكم وابدأ بيكم عايز اسالكم سؤال وياريت كل واحد يجاوب بصراحه؟؟
    ايه رأى كل واحد فى نفسه؟ وتفتكرو ايه اللى فعلا نفسكم تغيروه؟

    تعرفو احسن حاجه فى الموضوع ان رمضان قرب والايمان فيه بيزيد ويكبر
    وفرصه كل واحد مع بدايه شهر كريم يبدأ حياته من جديد
    ياترى مين حابب فعلا يبدأ معايا؟؟؟؟؟؟؟؟؟؟؟؟
    هنبتدئ إن شاء الله من انهارده واحنا فشهر شعبان
    طب ياترى هنعمل ايه؟
    احنا ببساطه هنعمل مع بعض حمله او برنامج
    وهنخلى شعارها ان شاء الله

    يعنى ان شاء الله هنعبد ربنا فى رمضان السنادى اكتر من اى رمضان فات فى حياتنا
    تعالووووووووو بقى مع بعض كده وعلى شبابنا دوت نت نشوف نستعد ازاي ونعمل ايه......
    ازاى احنا كشباب وكمسلمين نستعد لشهر رمضان؟؟
    اهم حاجه : لازم نستعد نفسيا وعمليا لهذا الشهر الكريم :
    طب ازاى بقى نستعد لشهر رمضان
    • اولا- ممارسة الدعاء قبل مجيئ رمضان ومن الدعاء الوارد :
    ( اللهم بارك لنا في رجب وشعبان وبلغنا رمضان) وخلو بالكم ده دعاء مش حديث عن الرسول صلى الله عليه وسلم
    • ثانيا- نيات ينبغي تجديدها قبل دخول رمضان :
    ففي صحيح مسلم عن أبي هريرة رضي الله عنه في الحديث القدسي ( إذا تحدث عبدي بأن يعمل حسنة فأنا اكتبها له حسنة) يعنى تخيلو هناخد الحسنات حتى قبل لما شهر رمضان يهل علينا
    ومن النيات اللى ان شاء الله هنجددها مع بعض في هذا الشهر :

    1- نية ختم القرآن لعدة مرات مع التدبر
    2- نية التوبة الصادقة من جميع الذنوب السالفة.
    3- نية أن يكون هذا الشهر بدايةانطلاقة للخير والعمل الصالح وإلى الأبد بإذن الله.
    4- نية كسب أكبر قدر ممكنن الحسنات في هذا الشهر ففيه تضاعف الأجور والثواب( وهو ده الغرض الأساسى اللى الحمله دى معموله علشانه) .
    5-نية تصحيح سلوكنا وخلقناونخلى معاملتنا معامله حسنة لجميع الناس
    6- نية العمل لهذا الدين ونشره بين الناس مستغلاً روحانية هذا الشهر.
    7- الأعتاكاف ...اد ايه يا جماعه الأعتكاف ده حاجه بجد لا توصف وجو روحانى هنندم لو مجربناهوش...ياريت لو نقدر نعتكف فى اخر 10 ايام من شهر رمضان
    8- نية وضع برنامج ملئ بالعبادة والطاعة والجدية بالإلتزام به
    وان شاء الله البرنامج ده هتلاقوه فى نهايه الموضوع وهو بعنوان (برنامج صائم )وهو برنامج جميل جدا جدا...
    •ثالثا- المطالعة الإيمانية: وهي عبارة عن قراءة بعض كتب الرقائق المختصة بهذا الشهر الكريم لكي تتهيأ النفس لهذا الشهر بعاطفة إيمانية مرتفعة..
    رابعا- صم شيئاً من شعبان فهو كالتمرين على صيام رمضان وهو الاستعداد العملي لهذا الشهرالكريم تقول عائشة رضي الله عنها ( وما رأيته صلى الله عليه وسلم أكثر صياماً منه في شعبان) .
    خامسا- استثمر أخي المسلم فضائل رمضان وصيامه : مغفرة ذنوب ،عتق منالنار ،فيه ليلة مباركة ، تستغفر لك الملائكة ،يتضاعف فيه الأجر والثواب.
    . استثمارك لهذه الفضائل يعطيك دافعاً نفسياً للاستعداد له .
    •سادسا استمع إلى بعض الأشرطة الرمضانية قبل أن يهل هلاله المبارك.
    • مثلا – استمع كل يوم إلى شريط واحد أو شريطين في البيت أو السيارة .
    سابعا- قراءة تفسير آيات الصيام من كتب التفسير .
    ثامنا- تخصيص مبلغ مقطوع من راتبك أو مكافأتك الجامعية لهذا الشهر لعمل بعض المشاريع الرمضانية مثل :
    1- صدقة رمضان .
    2-. كتب ورسائل ومطويات للتوزيع الخيري .
    3-. الاشتراك فيمشروعات إفطار صائم لشهر كامل.
    4-. شنطة رمضان وهي عبارة عن مجموعةمن الأطعمة توزع على الفقراء في بداية الشهرالي نهايته .
    5-.الذهاب إلى بيت الله الحرام لتأدية العمرة للمستطيع .
    تاسعا- تعلم فقه الصيام ( آداب وأحكام ) من خلال الدروس العلمية في المساجد وغيرها .

    •عاشرا- حضور بعض المحاضرات والندوات المقامة بمناسبة قرب شهررمضان .

    • الحادى عشر- تهيئة من في البيت من زوجة وأولاد لهذا الشهر الكريم .( من خلال الحوار والمناقشة في كيفية الاستعداد لهذا الضيف الكريم – ومن خلال المشاركة الأخوية لتوزيع الكتيبات والأشرطة على أهل الحي فإنها وسيلة لزرع الحس الخيري والدعوي في أبناء العائلة).





  2. [2]
    ايمن الحلبي
    ايمن الحلبي غير متواجد حالياً
    عضو


    تاريخ التسجيل: Aug 2005
    المشاركات: 19
    Thumbs Up
    Received: 0
    Given: 0
    أنا جاهز للمشاركة ولكن اين برنامج الصائم الذي تكلمت عنه؟؟؟

    0 Not allowed!



  3. [3]
    no4denmark
    no4denmark غير متواجد حالياً
    جديد


    تاريخ التسجيل: Jun 2006
    المشاركات: 5
    Thumbs Up
    Received: 0
    Given: 0
    اقتباس المشاركة الأصلية كتبت بواسطة ايمن الحلبي مشاهدة المشاركة
    أنا جاهز للمشاركة ولكن اين برنامج الصائم الذي تكلمت عنه؟؟؟

    [align=center]
    انما اسف يا اخى على الـتأخير ....النت عندى بس كان فصل...وها هو البرنامج

    تعالو بقى نشوف احنا ان شاء الله هنعمل ايه فى رمضان
    هنعمل برنامج جميل قوى وهنحاول نطبقه على اد ما نقدر


    برنامج مثمر لليوم الواحد من رمضان ( برنامج صائم)


    قبل الفجر

    يلا بينا نشوف هنعمل ايه

    -1. التهجد... قال تعالى ( أمن هو قانت آناء الليل ساجداً وقائماً يحذرُ الآخرة ويرجو رحمةربه ) الزمر : 39
    -2. السحور .... قال النبي صلى الله عليه وسلم ( تسحروا فإن في السحور بركة ) متفق عليه .
    -3 الاستغفار إلى أذان الفجر قال تعالى (وبالأسحارهم يستغفرون) الذاريات: 18 .
    -4. أداء سنة الفجر: قال النبي صلى الله عليه وسلم ( ركعتا الفجر خير من الدنيا وما فيها ) رواه مسلم .

    بعد طلوع الفجر
    ان شاء الله هنعمل الحاجات دى

    -1. التبكير لصلاة الصبح قال النبي صلى الله عليه وسلم ( ولو يعلمون مافي العتمة والصبح لأتوهما ولو حبواً ) متفق عليه .
    -2. الانشغال بالذكر والدعاءحتى إقامة الصلاة قال النبي صلى الله عليه وسلم ( الدعاء لا يرد بين الأذان والإقامة ) رواه أحمد والترمذي وأبو داود .
    -3. الجلوس في المسجد للذكر وقراءةالقرآن إلى طلوع الشمس : ( أذكار الصباح ) فقد كان النبي صلى الله عليه وسلم إذاصلى الفجر تربع في مجلسه حتى تطلع الشمس . رواه مسلم .
    -4. صلاة ركعتين : قالالنبي صلى الله عليه وسلم ( من صلى الفجر في جماعة ثم قعد يذكر الله حتى تطلع الشمسثم صلى ركعتين كانت له كأجر حجة وعمرة تامة تامة تامة ) رواه الترمذي .
    -5. الدعاء بأن يبارك الله في يومك : قال النبي صلى الله عليه وسلم ( اللهم إني أسألك خير ما في هذا اليوم فتحه ونصره ونوره وبركته وهداه وأعوذ بك من شر ما فيه وشر مابعده ) رواه أبو داود .
    -6. النوم مع الاحتساب فيه : قال معاذ رضي الله عنه إني لأحتسب نومتي كما احتسب قومتي .
    -7. الذهاب إلى العمل أو الدراسة قال النبي صلى الله عليه وسلم ( ما أكل أحد طعاماً خيراً من أن يأكل من عمل يده وإن نبي الله داود كان يأكل من عمل يده ) رواه البخاري .
    -8-الانشغال بذكر الله طوال اليوم : قال النبي صلى الله عليه وسلم ( ليس يتحسر أهل الجنة إلا على ساعة مرت بهم ولم يذكرواالله تعالى فيها ) رواه الطبراني .
    -9. صدقة اليوم : مستشعراً دعاء الملك : اللهم أعط منفقاً خلفاً .

    الظهر

    هنكون فى الكليه طبعا
    علشان كده يا ريت نحاول على اد ما نقدر تكون


    -1. صلاة الظهر في وقتها جماعة مع التبكيرإليها : قال ابن مسعود رضي الله عنه : ( إن رسول الله علمنا سنن الهدى وإن من سننالهدى الصلاة في المسجد الذي يؤذن فيه ) رواه مسلم .
    وطبعا هيكون عندنا محاضرات فمش هنعرف نعمل حاجه
    لكن لو فى محاضرات فاضيه ولا حاجه ممكن نقعد نقرا قرأن فى المسجد بتاع الكليه

    العصر
    ان شاء الله هنفذ الحاجات دى

    -1. صلاة العصر مع الحرص على صلاة أربع ركعات قبلها : قال النبي صلى الله عليه وسلم : ( رحم الله امرءاً صلى قبل العصر أربعاً ) رواه أبو داود والترمذي .
    -2. سماع موعظة المسجد : قال النبيصلى الله عليه وسلم ( من غدا إلى المسجد لا يريد إلا أن يتعلم خيراً أو يعلمه الناس كان له كأجر حاج تاماً حجته ) رواه الطبراني .
    -3. الجلوس في المسجد : قال النبيصلى الله عليه وسلم ( من توضأ في بيته فأحسن الوضوء ثم أتى المسجد فهو زائر الله وحق على الموزر أن يكرم الزائر ) رواه الطبراني بإسناد جيد .

    المغرب
    نشوف بقى الحاجات اللى هنعملها قبل و بعد المغرب

    -1. الانشغال بالدعاء قبل الغروب قال النبي صلى الله عليهوسلم (ثلاثة لا ترد دعوتهم وذكر منهم الصائم حتى يفطر ) أخرجه الترمذي .
    -2. تناول وجبة الافطار مع الدعاء ( ذهب الظمأ وابتلت العروق وثبت الأجر إن شاء اللهتعالى ) رواه أبو داود .
    -3. أداء صلاة المغرب جماعة في المسجد مع التبكير إليها .
    -4. الجلوس في المسجد لأذكار المساء
    -5. الاجتماع مع الأهل وتدارس ما يفيد : قال النبي صلى الله عليه وسلم ( وإن لزوجك عليك حقاً ) .
    -6. الاستعداد لصلاةالعشاء والتراويح .

    العشاء
    اوعى تتقل بقى فى الأكل....علشان نعرف نصلى التراويح
    -1. صلاة العشاء جماعة في المسجد مع التبكير إليها .
    -2. صلاة التراويح كاملة مع الإمام قال النبي صلى الله عليه وسلم ( من قام رمضان إيماناً واحتساباً غفر له ما تقدم من ذنبه ) رواه البخاري ومسلم .
    -3. تأخير صلاة الوتر إلى آخر الليل : قال النبي صلى الله عليه وسلم ( اجعلواآخر صلاتكم بالليل وتراً ) متفق عليه .

    برنامج مفتوح

    زيارة ( أقارب . صديق . جار ) ممارسة النشاط الدعوي الرمضاني . مطالعة شخصية . مذاكرة ثنائية ( أحكام . آداب . سلوك .. الخ ) درس عائلي . تربية ذاتية . حضور مجلس الحي .
    مع الحرص على الأجواء الإيمانية واقتناص فرص الخير في هذا الشهر الكريم ..

    وفى حاجه كمان ....ياريت بقى لو نقدر نوزع الأدوار فى شغل البيت بين اهل البيت كلهم....علشان الوالده بردو تقدر تمارس عبادتها بشكل افضل
    وصلى الله وسلم على نبينا محمد


    ها ...قولتو ايه فى حد معايا وناوى ينفذ الحاجات دى؟؟؟
    طب ياريت يا جماعه اللى ناوى يشاركنا
    يدخل ويقول انه هيشاركنا ان شاء الله
    وياريت لو ننشر الموضوع فى كل المنتديات اللى مشتركين فيها

    الدال على الخير كفاعله


    [/align]

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML