دورات هندسية

 

 

موسم نتائج الامت

النتائج 1 إلى 2 من 2
  1. [1]
    محمود الشريف
    محمود الشريف غير متواجد حالياً

    عضو فعال

    تاريخ التسجيل: Jul 2006
    المشاركات: 114
    Thumbs Up
    Received: 0
    Given: 0

    موسم نتائج الامتحانات(الجزء الثالث)

    يا عم اصلك ما تعرفش المذاكرة صعبة قد ايه
    و انت ما تعرفش الموت صعب قد ايه
    لا الموت ارحم من المذاكرة و مواجهة ابويا
    طب إنت عارف الموت ده حرام ليه
    لا مش عارف
    أنا هاقولك
    لا مش عايز أعرف
    لا هاقولك عشان تبقى عارف
    اللى ينتحر و يموت نفسه ربنا يغضب عليه و يخليه لحد يوم القيامة يفضل يموت نفسه كل ما يموت ربنا يصحيه و يموت نفسه بنفس الطريقة تانى
    إزاى يعنى
    يعنى لو حد شرب سم مش هايموت مرة واحدة لكن هايفضل ربنا يصحيه تانى و يشرب السم تانى و يموت تانى و يصحى تانى و يشرب السم تانى
    و لو حد رمى نفسه من فوق البرج مثلاً
    يفضل يرمى نفسه كل شوية من فوق البرج 0000ليه هوه انت ناوى ترمى نفسك من فوق البرج؟؟!!!!
    ده شكل واحد معاه فلوس يروح البرج0000أنا الفلوس اللى معايا تكفى أرمى نفسى من قوق السرير بس
    و ترمى نفسك ليه بس
    يا عم أنا حر فى نفسى عايز ارمى نفسى
    طب أقولك على حاجة تانية
    ايه
    إنك مش حر فى نفسك
    ايه مش حر فى نفسى
    ايوة
    ازاى يعنى
    يعنى انت جسمك ده مش بتاعك
    يعنى ايه0000امال بتاع مين ؟؟؟؟
    بتاع ربنا
    ازاى يعنى
    يعنى ربنا مديك جسمك أمانة عشان لما يطلبها تديها له
    يا عم قول كلام أفهمه 0000ايه جسمى مش بتاعى يعنى لما أخوش من باب بيتنا واحد تانى هوه اللى هايخش
    لا يا عم
    امال ايه بس
    طب أنا هافهمك
    إفرض إنى اديتك القلم ده أمانة ينفع لما ترجعه ليا تبوظه قبل ما ترجعه
    لا طبعاً000أديهولك و هوه سليم
    أهو ربنا عطانا جسمنا ده أمانة لحد ما يطلبها مننا لازم ترجع له سليمة من غير ما نبوظ جسمنا احنا
    يعنى حرام إنى أحاول أبوظ أى حاجة ربنا خلقنى بيها عشان كدة بقى حرام انى أموت نفسى
    طبعاً
    يعنى لو مت منتحر هاخسر دنيتى و أخرتى
    ده مش بس كدة
    أمال
    ده إنت لو صبرت على المصيبة بتاعتك ربنا هايدى لك أجر كبير على صبرك
    يا سلاااااااااااااااااااااااام
    يعنى أبقى ساقط و كمان أخد حسنات معقولة دى!!!!!!!!
    أيوة مش انت لما تصبر على مصيبة و ترضى بيها و ترضى بقضاء الله بتاخد أجر كبير
    يعنى ايه
    ربنا ممكن يدي لك ساعتها أجر الصابرين
    اجر الصابرين!!!!!
    أيوة أجر الصابرين
    أيه اجر الصابرين ده
    دا أجر كبيييييييييييييير أوى ربنا عمله للى بيصبر على أى حاجة وحشة تحصل له
    خلاص أنا أفضل أسقط و ما انجحش عشان آخد أجر الصابرين ده
    إيه00000يا عم الصبر معناه الصبر على الإصلاح مش تصبر و انت كسلان
    يعنى ايه
    يعنى لازم تعمل اللى عليك عشان تاخد أجر الصابرين
    يعنى ايه هوه اللى عليا ده و اعمله على طول قول بس
    ما انا قولت لك
    يا عم قول تانى
    إنك تحاول تفكر ايه السبب فى الغلط اللى حصل و تصلحه و ساعتها تاخد أجر المصلحين و الصابرين و مين عارف بس أكيد ها تاخد أجر أكبر إنك تكون من0000
    من إيه
    إنك تكون من المفلحين
    فهمت الأول أكون من الصابرين المصلحين المفلحين
    عارف يعنى ايه فالح
    عارف 0000ماعرفش ازاى0000دا أبويا بيفضل يقول لى قادى ذقنى أهيه لو فلحت
    ده أبوك0000بس ربك بقى بيقول لك{اصبر و ما صبرك إلا بالله}
    و نعم بالله
    هاه 0000ها تموت نفسك
    أموت نفسى ايه يا راااااااااجل0000ايه الأفكار الوحشة دى0000هاصبر و اصلح من نفسى
    و ابوك
    هاصبر على ضربه
    و الفضيحة
    هاصبر عليها
    و الكتب
    الحمد لله الذى لا يحمد على مكروه سواه
    صدقنى مش هايبقى مكروه لو فهمت
    طب فاهمنى
    المرة الجاية
    و لما تعرف الكتاب على حقيقته هاتحبه أكتر ما بتحب تتفرج على كاس العالم
    يا راااااااااااااجل
    خلاص اتفقنا
    اتفقنا
    اتفقنا

    منقول

  2. [2]
    محمود الشريف
    محمود الشريف غير متواجد حالياً
    عضو فعال


    تاريخ التسجيل: Jul 2006
    المشاركات: 114
    Thumbs Up
    Received: 0
    Given: 0
    انا اسف
    الموضوع مقسم 3 اجزاء
    الجزء ده هو الاخير
    لوسمحتم اقراوهم

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML