دورات هندسية

 

 

تصنيع الفنيك المطهر من الألف إلى الياء

صفحة 13 من 37 الأولىالأولى ... 39 10 11 12 1314 15 16 17 23 ... الأخيرةالأخيرة
النتائج 121 إلى 130 من 363
  1. [121]
    امل سحيم
    امل سحيم غير متواجد حالياً
    عضو


    تاريخ التسجيل: Apr 2009
    المشاركات: 28
    Thumbs Up
    Received: 2
    Given: 0
    كيف افعل مشاركتيفي هذالمنتدي

    0 Not allowed!



  2. [122]
    islamjo
    islamjo غير متواجد حالياً
    جديد


    تاريخ التسجيل: Apr 2009
    المشاركات: 5
    Thumbs Up
    Received: 0
    Given: 0
    جزاك الله خيرا (اذا مات ابن ادم انقطع عمله الا من ثلاث . صدقة جارية او علم ينتفع به او ولد صالح يدعو له ) ولكن يا اخي ارجو منك ومن كل الاخوة اللي بيقولوا علي افكار تصنيع انهم كمان يوضحوا هل في سهولة في التسويق ولا لا وكمان يعرفونا ايه هي مصادر التسويق وطرقه للمنتج ده . ملحوظة انا عندي فكرة كويسة عن تصنيع الزيوت سواء المحركات او الصناعية لو اي حد احتاج يعرف حاجة يمكن ربنا يكرمني واقدر افيده. لا الاه الا الله .

    0 Not allowed!



  3. [123]
    looking4zabest
    looking4zabest غير متواجد حالياً
    جديد


    تاريخ التسجيل: May 2009
    المشاركات: 4
    Thumbs Up
    Received: 0
    Given: 0
    الغالى المهندس ممدوح بقيت حاجة واحدة وانا عارف اننا بنتقل عليك-
    الدراسة المالية والتسويقية
    حيث اننا تعلمنا التسويق وحسابات الارباح قبل البدء فى اى مشروع
    عاوز اعرف الطن هايكلفنى كام و هايتباع بكام وفين
    ربنا يجعلة فى ميزان حساناتنا كلنا

    0 Not allowed!



  4. [124]
    دى ماركو
    دى ماركو غير متواجد حالياً
    عضو فعال جداً
    الصورة الرمزية دى ماركو


    تاريخ التسجيل: Oct 2008
    المشاركات: 285
    Thumbs Up
    Received: 20
    Given: 0
    جزاكم الله كل خير واثابكم الثواب الاعظم

    0 Not allowed!



  5. [125]
    ممدوح الجيار
    ممدوح الجيار غير متواجد حالياً
    عضو فعال
    الصورة الرمزية ممدوح الجيار


    تاريخ التسجيل: May 2006
    المشاركات: 134
    Thumbs Up
    Received: 8
    Given: 0
    طيب هنتكلم دلوقتى على سعر قطفة الفينول وسعر الكريزوت أما بالنسبة لسعر زيت النفتلين هنأخره دلوقتى لحد أما يجى دوره فى الكلام على القطفة المصنعة :

    طبعا أول حاجة هتعملها انك تروح شركة الكوك اللى هى فى ( التبين ) حلوان معروفة الشركة مجرد ما تركب الدائرى بتاع السلام لو انتا جاى من الطريق الدائرى هتدخل من نفق السلام زى ما انتا طوالى من الدائرى لا يمين ولا شمال وتعدى المعادى هيقابلك كارفور زى ما انتا برده طوالى من على الدائرى هتلاقى عند دخلة المعادى من الدائرى طالعة تدخلك على 15 مايو ومن 15 مايو برده طوالى لا يمين ولا شمال هتوصل التبين اللى فى حلوان قول بس هناك عند جهاز 15 مايو قول انا عاوز اروح شركة الكوك اللى هى فى التبين

    وفيه طريق تانى من الكورنيش طريق حلوان على طول من الكورنيش ومختصر بس ممنوع دخول النقل فيه
    طبعا اعذرونى لإنى فى حكاية الوصف ضعيف جدا

    المهم هتروح الشركة وتوصل عند البوابة الرئيسية قول انا عاوز ادخل وحدة القطران جوة او اسهلك اول ما توصل الشركة قول انا عاوز ادخل للمبيعات وانتا جوة متدخلش المبيعات ادخل الأول عند وحدة القطران عند الحاج رشدى او خيرى او يسرى اى حد من اللى شغالين قوله انا عاوز ادخل اقابل حد فى وحدة القطران من اللى شغالين فى فنيك الشركة اللى هو فنيك الكوك وهناك شوف مثلا اى حد من اللى اديتك اسمهم او اى حد يعجبك تانى واتفق معاه على الخامات والنسبة اللى هياخدها منك ومتديش أكتر من 10 % وممكن تتفاوض معاه فى النسبة

    وحاول على قدر المستطاع انك تتعرف على كل اللى هناك وتكسبهم علشان فى يوم ملقتش ده تلاقى التانى او التالت او الرابع وهكذا

    المهم طيب السعر الرسمى اللى بيطلع بيه قطفة الفينول من الشركة هو 5941 جنيه للطن يعنى البرميل ال 200 كيلو ب 1188 جنيه
    وبالنسبة لو قالولك 10 % عليه يبقى البرميل ال 200 كيلو ب 1307 جنيه
    وطبعا القطفة زى ما قلنا كده كده هتاخدها بالنسبة لإنها بتنصرف رسمى بالسجل الصناعى فقط فلازم تاخدها بالنسبة وزى ما قلتلك معظم الشركات على كده بتاخد القطفة من الكوك بالنسبة دية اللى هى ال 10 %

    أما بالنسبة للكريزوت فلو معاك بطاقة ضريبية مكتوب فيها تعبئة او تصنيع منظفات صناعية يبقى هتاخد الكريزوت رسمى بسعر الشركة اللى هو 3190 جنية الطن يعنى البرميل ال 200 كيلو ب 638 جنيه
    ممعكشى بطاقة ضريبية يبقى هتدفع عليه النسبة وهى ال 10 % يعنى البرميل ال 200 كيلو هيبقى ب 700 جنيه

    طبعا زى ما قلتلك هتروح الأول هناك من غير العربية وبعدين تتعرف على الناس اللى هناك وتتفق معاهم وبعدين هما هيقولولك تعلالى يوم كذا وهات معاك براميل فاضية على قد اللى هتاخده
    نقول مثلا لو انتا عاوز لسه تبدأ على قدك هتاخد معاك برميلين فاضيين اللى هى البراميل الصاج المقفولة بطبات زى اللى وريتهالك فى الصور قبل كده فى أول الموضوع واول ما توصل البوابة هتتصل باللى اتفقت معاه هيسيبلك التفويض بتاع القطفة او بتاع الكريزوت او التفويضين مع بعض لو ممعكش بطاقة ضريبية علشان تجيب الكريزوت بيها
    المهم هتوزن البراميل فاضية وهى على العربية على الميزان البسكول اللى عندهم وبعدين تدخل مع اللى اتفقت معاه علشان تملىء القطفة والكريزوت فيهم
    لو قولنا انك هتجيب أول مرة برميلين واحد قطفة والتانى كريزوت وهتدفع عليه النسبة لو ممعكش بطاقة ضريبية للكريزوت
    يبقى برميل قطفة 200 كيلو بالنسبة 1307 جنيه
    وبرميل كريزوت 200 كيلو بالنسبة 700 جنيه
    ونقول كمان 20 جنيه للى هيملوا البراميل
    يبقى هتجيب خامات من الكوك ب 2027 قول 2050 جنيه


    0 Not allowed!



  6. [126]
    ممدوح الجيار
    ممدوح الجيار غير متواجد حالياً
    عضو فعال
    الصورة الرمزية ممدوح الجيار


    تاريخ التسجيل: May 2006
    المشاركات: 134
    Thumbs Up
    Received: 8
    Given: 0
    يبقى كده احنا اتكلمنا على الخامات اللى هتيجى من شركة الكوك

    هنتكلم دلوقتى على باقى الخامات اللى هتشتريها من برة من شركات الكيماويات

    ___ هنجيب خامة اسمها قلفونية ده الأسم اللى بتيجى بيه من بلدها من الصين وليها اسم تانى ( رجينة )


    وفيه منها نوعين موجود فى السوق :

    1 _ قلفونية WW

    2_ قلفونية WG

    احنا هنجيب ال WW


    وهقلك القلفونية دية بتيجى من ايه او متكونة من ايه عارف زيت التربنتيا اللى هو بيحصلوا عليه من أشجار الصنوبر لما بيجوا بيزيلو جزء من قشرة شجرة الصنوبر ويعملوا حز فى الجذع فيسيل منه سائل راتنجى يتجمد على هيئة كتلة لزجة تسمى بالتربنتينا ( TURPENTINE ) ولما يجوا يقطروا الأخير مع بخار الماء يتجمع زيت التربنتينا فى الوعاء المستقبل ويتبقى فى جهاز التقطير كتلة صلبة تسمى بالقلفونية
    فالقلفونية هى خليط من أحماض وأهمها حمض الأبيتيك وللأملاح القلوية لهذه الأحماض تأثير سطحى نشيط ولذلك غالبا ما تستعمل القلفونية كمادة إضافية عند تحضير بعض أنواع الصابون اللتى لها قدرة كبيرة على تكوين الرغوة وكذلك بتستخدم كمستحلب فى إنتاج المطاط الصناعى وكذلك بتستخدم لإنتاج الطلاء وكذلك بتستخدم مع الشب لتغطية الورق بالغراء
    وبرميل القلفونية ده بيبقى لونه فضى والقلفونية عبارة عن كتلة واحدة صلبة جواة وزنها 225 كيلو

    ودية صور لبرميل قلفونية بعد ما تم فتحه بالدق عليه من برة بالمطرقة الكبيرة








    ودية صورة لقطعة قلفونية من البرميل




    0 Not allowed!



  7. [127]
    أحمد رءوف
    أحمد رءوف غير متواجد حالياً
    عضو


    تاريخ التسجيل: Jun 2009
    المشاركات: 22
    Thumbs Up
    Received: 0
    Given: 0
    جزاكم الله خيرا يا استاذ ممدوح بس انا كنت عايز اعرف لو هعمل مصنع صغير يكلف كام وكنت عايز اعرف برضو اسعار الخامات ايه؟ارجو من سيادتكم الافادة.

    0 Not allowed!



  8. [128]
    حبيشى بنى سويف
    حبيشى بنى سويف غير متواجد حالياً
    عضو فعال جداً
    الصورة الرمزية حبيشى بنى سويف


    تاريخ التسجيل: Jun 2009
    المشاركات: 176
    Thumbs Up
    Received: 11
    Given: 0
    السلام عليكم
    جزاك الله خيرا على المعلومات المفيده


    يالاستاذ\ممدوح الجيار

    0 Not allowed!



  9. [129]
    نادروابنه
    نادروابنه غير متواجد حالياً
    عضو


    تاريخ التسجيل: Nov 2009
    المشاركات: 13
    Thumbs Up
    Received: 2
    Given: 0
    أشيد بجهود المهندس ممدوح الجيار. فأشكرك عظيم الشكر على هذة المعلومات الرائعة. فأعتقد أنه نتيجة لخبرة كبيرة وأمل فى موضوعات أخرى بنفس الطريقة والشرح الوافى. جزاك الله خيرا

    0 Not allowed!



  10. [130]
    sakr_25
    sakr_25 غير متواجد حالياً
    جديد


    تاريخ التسجيل: Nov 2009
    المشاركات: 2
    Thumbs Up
    Received: 0
    Given: 0
    أستاذنا الفاضل ممدوح
    مشلاقى كلام أعبر بيه عن شكرى لمجهودك الرائع غير انى اقوللك جزاك الله خير .
    معلش عندى سؤال أنا لوعايز أعمل المشروع ده ممكن تقولى أعمل كمية بسيطة إزاى يعنى لوعايز أعمل برميل 200لتر تجربة المقادير أيه والتكلفة كام ولما تتباع تتباع بكام يعنى الربح تقريبا كام ؟
    وتقبل مرورى وتحمل أسئلتى وكل عام وانتم بخير بمناسبة عيد الأضحى وربنا يكرمك بحج بيت الله الحرام ويتقبل منك صالح الأعمال ويجعلها خالصة لوجه الله وفى ميزان حسناتك يوم القيامة .
    أخوكم أبو مروه من القاهرة

    0 Not allowed!



  
صفحة 13 من 37 الأولىالأولى ... 39 10 11 12 1314 15 16 17 23 ... الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML