دورات هندسية

 

 

حوار الاجيال...عام 2080 ( 1 part )

النتائج 1 إلى 9 من 9
  1. [1]
    همس.م
    همس.م غير متواجد حالياً

    عضو متميز جداً

    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0

    حوار الاجيال...عام 2080 ( 1 part )

    عام 2080
    الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو
    الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا
    الحفيدة : أيوه بس مش حاسس إنك مخنوق وانت لابسه؟
    الجد : أبداً ده هو ده اللبس المحتشم اللي مفروض الكل يلبسه ويحافظ عليه ..
    فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة.
    الحفيدة : ياه يا جدو .. ده انتوا كان ليكم تقاليد غريبة خالص:eek:
    الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق
    الحفيدة : معقول يا جدو؟ للدرجة دي!!؟؟
    الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي!
    الحفيدة : يا خبر .. وإيه كمان ياجدو
    الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني
    الحفيدة: ومين الست دي يا جدو
    الجد: في حد مايعرفش الست...نانسي عجرم طبعا
    الحفيدة : وبعدين
    الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة
    الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..


    (بعد عدة دقائق) هيه يا جدو .. وبعدين
    الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصركلها كان تعدادها 70 مليون مش أكثر ، تخيلي بقى الروقان اللي كنا فيه؟
    الحفيدة : 70 مليون بس؟!!
    الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟
    الحفيدة : ما هو علشان كده كان الجواز على أيامكم كان سهل خالص
    الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعةصباحاً ، طب ده باباها كان ممكن ساعتها يخاصمها
    الحفيدة : ده انتوا كنتوا متزمتين خالص ياجدو !!!
    الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالمايوهات البيكيني ، ، والمذيعات
    كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام
    الحفيدة : رايح فين يا جدو
    الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو

  2. [2]
    المهندسه إيمان
    المهندسه إيمان غير متواجد حالياً
    عضو فعال


    تاريخ التسجيل: Jun 2006
    المشاركات: 104
    Thumbs Up
    Received: 0
    Given: 0
    رائع فعلا شكرا على مجهودك اختي

    0 Not allowed!



  3. [3]
    رائد المعاضيدي
    رائد المعاضيدي غير متواجد حالياً
    عضو تحرير المجلة
    الصورة الرمزية رائد المعاضيدي


    تاريخ التسجيل: May 2006
    المشاركات: 2,402
    Thumbs Up
    Received: 22
    Given: 12
    ايييييييييييييه فين ايام روبي وهيفا واليسا...كانت ايام
    مشكوره همس مشاركه حلوه ذكرتينا بايام وليالي زمان

    0 Not allowed!



  4. [4]
    رائد المعاضيدي
    رائد المعاضيدي غير متواجد حالياً
    عضو تحرير المجلة
    الصورة الرمزية رائد المعاضيدي


    تاريخ التسجيل: May 2006
    المشاركات: 2,402
    Thumbs Up
    Received: 22
    Given: 12
    تحياتي مهندسه ايمان

    0 Not allowed!



  5. [5]
    مهندس كريم
    مهندس كريم غير متواجد حالياً
    عضو فعال


    تاريخ التسجيل: Feb 2005
    المشاركات: 64
    Thumbs Up
    Received: 1
    Given: 0
    هههههههه فعلا موضوع جميل شكرا على مواضعيك يا اخت همس (بس انا اظن انا الكلام دة ممكن يحصل فى سنة 2020 او 2030) ومتهيالى بيحصل الايام دي بس 2080 بعيدة شوية(هيكون الحال اسوا من كدة )

    0 Not allowed!



  6. [6]
    Mangah_man
    Mangah_man غير متواجد حالياً
    عضو متميز


    تاريخ التسجيل: May 2006
    المشاركات: 849
    Thumbs Up
    Received: 1
    Given: 0
    قمة المنتدي عندما نجد مشاركاتك
    روعة بجد
    اشاء الله ما يكون الحال في 2080 بالشكل الذي وصفتية
    مشكورة علي اي حرف

    0 Not allowed!



  7. [7]
    همس.م
    همس.م غير متواجد حالياً
    عضو متميز جداً


    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0
    جزاكم الله خير

    مادام حتكون هيفا ونانسى من المطربين القدام والطرب الاصيل امال عبد الحليم حيبقى ايه؟؟؟؟

    مشكورين على ردودكم

    0 Not allowed!



  8. [8]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    خيال رائع يا همس
    ومشاركه حلوه فعلا
    جزاكى الله خيرا
    شكلى كده اتاخرت فى التعليق

    0 Not allowed!



  9. [9]
    همس.م
    همس.م غير متواجد حالياً
    عضو متميز جداً


    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0
    انت اللى مشاركاتك حلوة يا بشمهندس ياسر
    وليه اتأخرت فى التعليق
    احنا فيها اهه
    جزاك الله خيرا

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML