دورات هندسية

 

 

تتجوزينى

صفحة 1 من 2 12 الأخيرةالأخيرة
النتائج 1 إلى 10 من 19
  1. [1]
    merma
    merma غير متواجد حالياً

    عضو فعال

    تاريخ التسجيل: Jan 2006
    المشاركات: 53
    Thumbs Up
    Received: 0
    Given: 0

    تتجوزينى

    تتجوزيني
    ؟؟؟؟؟

    تتجوزيني ؟
    ـ أفندم ؟
    ـ بقولك تتجوزيني ؟
    ـ !!!!!

    ------------------

    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني ..
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟
    ـ لا ! .. بصراحة كدة .. إنت مش فارس أحلامي اللي باتمناه !

    ------------------

    ـ تتجوزيني ؟
    ـ إيه ده ؟ شكلك اتغير !
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة !
    ـ ودي عدسات خضراء ؟
    ـ أيوة !
    ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي ! .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !

    ------------------

    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده !
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل !
    ـ ممثل إيه ؟
    ـ ممثل أمريكاوي !
    ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
    دونكي !
    ـ دونكي دي تبقى شتيمة ؟
    ـ أف كورس !

    ------------------

    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟

    ------------------

    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟

    ------------------

    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل !
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا !
    ـ يعني مش هتتجوزيني ؟
    ـ لا !
    ـ كدة أنا أزعل !
    ـ ما تزعلش يا بابا ! .. خليك فريش !
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟

    ------------------

    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !

    ------------------

    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه !
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟!
    ـ روح اتنيل .

    ------------------


    ـ تتجوزيني ؟
    ـ عندك شقة ؟
    ـ طبعًا ! .. أوضة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
    شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !

    ------------------

    ( بعد سنوات) :
    ـ تتجوزيني ؟
    ـ جبت الشقة ؟
    ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
    لسبع
    سنوات .. لكن المهم إنها جات .. !
    ـ ـ فانتاستيك !
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !

    ------------------

    ـ تتجوزيني ؟
    ـ إنت تاني ؟
    ـ جبتلك حمّام إنما إيه !
    ـ خليه ينفعك !
    ـ ليه بس ؟ .. ده ينفع لينا احنا الاتنين !
    ـ وأنا مالي ؟
    ـ مش عاجبك .. مش مشكلة .. أكتبه باسمك !

    ------------------

    (بعد سنين) ..
    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم !
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
    خليك
    روش وقول
    I love you !
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟

    ------------------


    ـ تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني !
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..
    ـ رقيقة ؟! .. ده انت بدأتي تقشفي !
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي !
    ـ يعني إيه ؟
    ـ يعني اقطع معايا !
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك !
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟


    ------------------

    ( بعد سنين) ..
    ـ تتجوشيني ؟
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني !
    ـ طيب شاعدني عشان ألاقي النضارة !
    ـ آهي على الترابيزة قدامك !
    ـ فين ؟!!
    ـ لا دي نظارتي أنا !
    ـ أيوة لقيتها ..
    ـ البشيها بقة !
    ـ ططييبب !
    ـ عينيكي فوق شوية .. ده بقك ..
    ـ طيب لبشهالي إنت !
    ـ عقبال ما البشك الدبلة !
    ـ ما تكشفنيش ! .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟!!
    ـ آه !! .. أجوشك !
    ـ بالضااااابط ! .. هاه ؟
    ـ شيبني أفكر !
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش !
    ـ ربنا يوفقك !
    ـ إيه ؟
    ـ ربنا يوفقك !
    ـ بتقول إيه ؟
    ـ ربنا ياخدك !

    من مواضيع merma :


    0 Not allowed!


    [POEM="font="Simplified Arabic,4,darkblue,normal,normal" bkcolor="transparent" bkimage="" border="outset,7,black" type=2 line=0 align=center use=ex num="0,black""]النفس تبكى على الدنيا و قد علمت
    ان السلامه فيها ترك مافيها
    لا دار للمرء بعد الموت يسكنها
    الا التى كان قبل الموت يبنيها
    فمن بناها بخير طاب مسكنه
    ومن بناها بشر خاب بنيها[/POEM]

  2. [2]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    ايه مساسل 7.30 اللى انتى واقعه فيه دا ياmerma

    0 Not allowed!



  3. [3]
    همس.م
    همس.م غير متواجد حالياً
    عضو متميز جداً


    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0
    ظريفه بس طويله

    بس قليل جدا لو حصل كده فى الواقع

    0 Not allowed!



  4. [4]
    المصري2
    المصري2 غير متواجد حالياً
    عضو فعال


    تاريخ التسجيل: Feb 2006
    المشاركات: 112
    Thumbs Up
    Received: 0
    Given: 0
    بسم الله الرحمن الرحيم
    عن جد مثل ما قالت اخيتى همس
    هيك مو بحدث بالواقع غير قليل

    0 Not allowed!


    من قال سبحان الله وبحمده سبحان الله العظيم غرست له نخلة في الجنة

  5. [5]
    روزانا
    روزانا غير متواجد حالياً
    عضو متميز
    الصورة الرمزية روزانا


    تاريخ التسجيل: Jun 2006
    المشاركات: 904
    Thumbs Up
    Received: 1
    Given: 3
    ياراجل دانت نفسك طويل قوي وغاوي تهزيئ دا البنات على أفى من يشيل شوفلك غيرها وصدقني هاتلاقي بدالها عشرة بيتنشقوا على عريس ومش لاقيين

    0 Not allowed!



  6. [6]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    تعجبنى واقعيتك يا روزانا
    بس يا اختى مش الفاضلات المحترمات العفيفات اللى الواحد يامنها على حياته وتدخل بيته
    اللى على قفى من يشيل

    0 Not allowed!



  7. [7]
    ابتهاج
    ابتهاج غير متواجد حالياً
    مشرف متميز
    الصورة الرمزية ابتهاج


    تاريخ التسجيل: May 2006
    المشاركات: 1,863

    وسام مشرف متميز

    Thumbs Up
    Received: 60
    Given: 57
    في زماننا . . .
    الزوجة الصالحة . . . الملتزمة و العفيفة الفاضلة . . .
    أصبحت نادرة . . .
    الله المستعان. . .

    0 Not allowed!



  8. [8]
    فتوح
    فتوح غير متواجد حالياً
    مشرف


    تاريخ التسجيل: Mar 2006
    المشاركات: 4,380

    وسام الشكر

     وسام كبار الشخصيات

    Thumbs Up
    Received: 130
    Given: 148
    شكراً merma

    جزاك الله خيراً
    الرضا بما قسم الله هو الأفضل دوماً

    0 Not allowed!


    قال الأحنف بن قيس: لا ينبغي للأمير الغضب لأن الغضب في القدرة مفتاح السيف والندامة

  9. [9]
    aly_moh
    aly_moh غير متواجد حالياً
    زائر


    تاريخ التسجيل: Mar 2006
    المشاركات: 255
    Thumbs Up
    Received: 4
    Given: 0
    علي فكرة فى نماذج من دى كتير جدا
    مشكور علي الموضوع
    علي محمد

    0 Not allowed!



  10. [10]
    PEACE MASTER
    PEACE MASTER غير متواجد حالياً
    عضو متميز
    الصورة الرمزية PEACE MASTER


    تاريخ التسجيل: Jun 2006
    المشاركات: 483
    Thumbs Up
    Received: 0
    Given: 0
    هههههههههههههههههههههههههههههههههههههههههههههههههه هههههههههههههههههههههههه
    جميلة جدا
    شكرا merma
    بس كان لازم يسيبها من اول مرة لما قالتله شكلك مش عاجبني
    تتجوشيييينيييي ههههههههههههه

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML