دورات هندسية

 

 

صنع في أرض الفهلوة

النتائج 1 إلى 10 من 10
  1. [1]
    ahmedeldeep
    ahmedeldeep غير متواجد حالياً

    عضو متميز

    تاريخ التسجيل: Aug 2005
    المشاركات: 410
    Thumbs Up
    Received: 4
    Given: 0

    صنع في أرض الفهلوة

    سائق تاكسي يضع "قلة" -بضم الواو- (أيوة اللي بـ نشرب منها) تخيل السواق حطها أمام المرأة الجانبية لسيارته ولم يكتفي بذلك بل كتب تحتها تعليق طريف يقول" صنع في أرض الفهلوة"..!
    دفعني ذلك المشهد الذي رأيته في شارع السودان إلى التفكير في الفهلوة المصرية الخالصة والتي نستطيع أن نكتب تحتها " تراها حصرياً في مصر فقط"؟؟!

    وبالطبع الفهلوة موجودة في كل مكان وليست حكرا على ولاد بلدنا، لكن لكل شيخ طريقة والمصريون طرقهم كثيرة، وافتكاساتهم اكثر وكلها تقريبا بتدور عن موضوع واحد وفكرة واحدة وهي لقمة العيش يعني "المم"..
    اديني ميزد كوووووووول

    وبلا فخر نحن المصريون أول من ابتكر اختراع "الميزد كوووووووووول" ، وذلك مع بدء ظهور الموبايل، وكانت أول مرة اسمع فيها عن ذلك الميزد من زميلتي في الجامعة – أيام لذتي وشبابي- فالمعروف إن الموبايل وسيلة للاتصال ولكن لدينا نحن المصريين الموبايل وسيلة للميسد كول.

    كانت أول مرة اسمع عن اختراع عندما وجدتها تطلب رقما على الموبايل ثم تغلق الخط، فسألتها بتعمل إيه؟، فقالت أنها بتررن على تليفون البيت ووالدتها هتتصل بها لما تسمع الرنة ومقدرتش امسك نفسي من الضحك لعبقريتها الفذة..

    ولم أكن أعرف وقتها أن ذلك لم يكن من بنات أفكارها بل تقليد شائع ومتبع ومعروف بين كل من يحمل موبايل كارت مش خط وذلك من أجل توفير فلوس المكالمة. ومن يومها عرفت موضوع الميسد ده واديها ميسدات
    شفرة المسيد كووووول

    والميزد طبعا له استخدامات كثيرة غير السلام اللي ع الطاير أو طلب الاتصال أو حتى الغلاسة، عرفتها أنا من حكايات صاحبي وخطيبته واسمحوا لي أن اكشف إحدى أسرار صديقي لأنه أخبرني عن "ميزداته" مع خطيبته – سامحني يا صاحبي- وهي كالتالي :

    ميزد واحد صغير = بسلم عليك
    2 ميزد متتاليين صغيرين= اتصلي بي على الموبايل
    3 ميزد متتاليين صغيرين = اتصل بي على تليفون البيت
    1 ميزد كبير = وحشاني جدا جدا جدا
    2ميزد متتالينن كبار= نوم

    وطبيعي جدا أن تجد الكثير من الميزدات وشفرات لفك تلك الميزادت بين الأصدقاء بعضهم البعض وكل على حسب افتكاساته.
    أديني وصلة

    "الوصلة" ثاني اكبر اختراع جامد للمصرينن لانها وفرت عليهم فلوس كثيرة وخسرت شركات الاعلام ملايين وكله من دماغ المصريين وافتكاساتهم

    وطبعا الوصلة اختراع معروف للجميع ومش محتاج شرح فـعن طريقها نجح المصريين في التغلب على أسعار الاشتراك في القنوات الفضائية التي أصبحت" نار" ، يعني إما يكون معاك فلوس تشترك وتشاهد أو تنام قدام قنوات التليفزيون المحلية وسلم لي على مسلسل 7.30
    ولكن فهلوة المصريين تغلبت ونجحت وعن طريق "الوصلة"أصبحت المشاهدة من حق الجميع فأنت يا محدود الدخل لست مضطراً لأن تدفع 750 جنيه في السنة لتشاهد الفضائيات فقط 15 او20 أو 25 جنية فقط في الشهر وأتفرج ياسلام..
    وبالرغم من أن بعض رجال الدين حرموا تلك الوصلة إلا أنها انتشرت بشكل كبير في جمهورية مصر العربية...
    وكمان دي إس إل

    ولم تكن وصلة الدش هي الوصلة الوحيدة لانها فتحت الباب لوصلات كثيرة تانية اخرها وتمشيا مع التكنولوجيا والتقدم وصلة "دي إس إل"، لزوم النت والـ download وأحسن من استهبال "الشركة المصرية للإتصالات" والدخول على الانترنت عن طريق الـdial up اللي بيخلي فاتورة التليفون نار نار نار ( على رأي حكيم) .

    ولأن الـ 150 كل شهر بتوع الـ D S L كتير برضه لجأ المصريون للإشتراك في D S L واحد يعني كل 6 أو8 جيران يشتركوا مع بعض والوصلات تشتغل ، وكمان أي حد جانبه "كافيه نت" يوصل من للجهاز عنده في البيت ومش كتير 20 او 25 جنية قصاد أنك ممكن تدخل على النت أي عدد ساعات ولحد ما تزهق وكمان تعمل download براحتك .. ولا إية؟
    الايريال أبو ملعقة

    شاهدت ذلك الإيريال الملعقة في أحد المقاهي البلدي في منطقة شعبية وكنت أريد متابعة إحدى مباريات الأهلى في الدوري ولم تكن مذاعة على القناة الجهنمية " الفضائية المصرية"، ففوجئت بصاحب القهوة يحضر سلكاً وفي طرفه معلقة وبعد توصيل السلك بفتحة الأوديو audio في التليفزيون وتحريك الملعقة شمالاَ ويميناً ظهرت القناة الثانية بالتليفزيون المصري ووجدت الصورة أخر حلاوة وعلى شفاه صاحب المقهى ابتسامة النصر ويقول لي " أي خدمات.. إحنا بتوع التكنولوبيا" هكذا سمى اختراعه "تكنولوبيا" .
    كمبيوتر بالقطعة

    عايز تجيب جهاز كمبيوتر و فلوسك على قدك ولا يهمك عادي يعني بتحصل في أحسن البيوت وما تقلقش خالص محلولة، خطف رجلك على أي مكان بيقدم الخدمة الجهنمية اللي اسمها "الجهاز التجميع " وهو برضه اختراع مصري صميم والهدف منه معروف ومفهوم وهو طبعا للتغلب على ارتفاع أسعار أجهزة الحاسب الآلي.

    وطبعا مع كل اختراع جديد تظهر وظائف جديدة فتلاقي الشباب الحريفة في التجميع والتدوير ولف الدماغ
    مزنوق اعمل جمعية

    بتتجوز ومزنوق في فلوس عايز تشترى حاجة غالية شوية عندك حل من 2 إما تجيبها "كاش" عداَ ونقداً أو تشتريها بالتقسيط وطبعاً تدفع بدل قسط يهد حيلك وتفض مديون وتروح ضحية الفائدة والاستغلال ومش عارف كام % زيادة ، ولكن لأن المصريين بتوع الأفكار، فيه اختراع اسمه "الجمعية" اللي بتلاقيها في كل مكان الشغل والبيت والأصحاب على القهوة، و أثبتت نجاحها في كل التجارب بشهادة كل من شارك بها وأحسن بكتير من أنك تستلف أو تضطر تقسط والسلف تلف والرد خسارة .
    اسحب الكارت

    ولأن المصريين بيحبوا يتكلموا كتير في التليفون وبعد انتشار كبائن التليفونان "أم كارت" مش بالعملة وخصوصاً "كبائن النيل" وجدت الكثير يسحبون الكارت من التليفون بطريقة معينة عند إجراء المكالمة حتى لا يتم احتساب الدقائق التي يتكلمها وكله ببلاش وأتكلم براحتك.


    هذا ولم ولن تتوقف فهلوتنا وافتكاساتنا طالما بنشغل دماغنا، ويا ترى أية رأيك في فهلوة المصريين واختراعاتهم وهل أنت معها أم ضدها ، وشايف نفسك فهلوي ولا نص نص
    منقول

  2. [2]
    yasser alieldin
    yasser alieldin غير متواجد حالياً
    عضو متميز جداً
    الصورة الرمزية yasser alieldin


    تاريخ التسجيل: Apr 2006
    المشاركات: 1,140
    Thumbs Up
    Received: 7
    Given: 0
    لنا الفخر بذلك طبعا
    واذا كان بتوع شركات الموبايل والدش والنت السريع والمصريه للاتصالات بيستهبلوا
    فى الاسعار
    يبقى استهبال باستهبال
    وسلملى على الطروماى
    هههههه

    0 Not allowed!



  3. [3]
    nadora_a
    nadora_a غير متواجد حالياً
    جديد


    تاريخ التسجيل: May 2006
    المشاركات: 4
    Thumbs Up
    Received: 0
    Given: 0
    انا في رائي الفهلوه والافتكاسات بتاعتنا دي هي فقط هروب من الواقع
    في ظل الضغوط الكتيير اللي الشعب بيعشها لازم تلاقي فرصة للخروج من
    مود الكابة الي اي حاجة تاني وكويس ان الناس اصحاب الفهلوة او الافتكاسات مابيرحوش لحاجة تانية..........؟!!
    المهم

    0 Not allowed!



  4. [4]
    المهندس مهند
    المهندس مهند غير متواجد حالياً
    عضو متميز
    الصورة الرمزية المهندس مهند


    تاريخ التسجيل: Feb 2005
    المشاركات: 843
    Thumbs Up
    Received: 3
    Given: 0

    Lightbulb

    [glint]الا تظنون معي الاخوة المصريين ان هذا الموضوع فيه نوع من الغش ومن غشنا ليس منا[/glint]

    0 Not allowed!


    سبحان الله وبحمده سبحان الله العظيم

    لا اله الا انت سبحانك اني كنت من الظالمين



    ابو الفاروق

  5. [5]
    ahmedeldeep
    ahmedeldeep غير متواجد حالياً
    عضو متميز


    تاريخ التسجيل: Aug 2005
    المشاركات: 410
    Thumbs Up
    Received: 4
    Given: 0
    فعلا لان اكثر ما يتميز به الشعب المصرى انه يحب النكته

    0 Not allowed!


    Eng Ahmed El Deep
    Mechatronics Engineer

  6. [6]
    مهاجر
    مهاجر غير متواجد حالياً
    مشرف عــــــــام
    الصورة الرمزية مهاجر


    تاريخ التسجيل: Jun 2003
    المشاركات: 8,679
    Thumbs Up
    Received: 298
    Given: 258

    Talking أهلاً بك

    أشكرك أخي احمد الديب موضوع حلو ولو إننا ما نناقش هنا شرعية الفهلوة

    ولكن الفهلوة لها أهلها............

    ولو كان أهل الفهلوة مش من مصر أماااااااااال الفهلوة أساساً من فين ....

    الفهلوة صنعت في مصر هذا شيء مؤكد.....

    0 Not allowed!




    أعــــــوذ بالله من نفــــــحة الكبرياء




    http://www.arab-eng.org/vb/uploaded2...1279788629.swf

    "إن العـمل القليل المســتمر خير من العـمل الكثير المـنقطع.."


    حسبنا الله ونعم الوكيل

  7. [7]
    ahmedeldeep
    ahmedeldeep غير متواجد حالياً
    عضو متميز


    تاريخ التسجيل: Aug 2005
    المشاركات: 410
    Thumbs Up
    Received: 4
    Given: 0
    اقتباس المشاركة الأصلية كتبت بواسطة مهاجر
    أشكرك أخي احمد الديب موضوع حلو ولو إننا ما نناقش هنا شرعية الفهلوة


    ولكن الفهلوة لها أهلها............

    ولو كان أهل الفهلوة مش من مصر أماااااااااال الفهلوة أساساً من فين ....


    الفهلوة صنعت في مصر هذا شيء مؤكد.....
    جزاك الله خيرا اخى العزيز على مرورك
    طبعا اخى العزيز بلاشك ان المصريون هم اهل الفهلوة
    ومن وجهة نظرى اعتقد ان الفهلوة احيانا مشروعة واحيانا غير مشروعة

    0 Not allowed!


    Eng Ahmed El Deep
    Mechatronics Engineer

  8. [8]
    أمورة الهندسة
    أمورة الهندسة غير متواجد حالياً
    عضو فعال جداً


    تاريخ التسجيل: Mar 2006
    المشاركات: 375
    Thumbs Up
    Received: 0
    Given: 0
    فهلوة حلوة وخفيفة دم وهذا معروف به الشعب المصري خف الدم وحبهم للنكت
    مشكور م. احمد الديب على الموضوع
    وبارك الله فيك

    0 Not allowed!



  9. [9]
    ahmedeldeep
    ahmedeldeep غير متواجد حالياً
    عضو متميز


    تاريخ التسجيل: Aug 2005
    المشاركات: 410
    Thumbs Up
    Received: 4
    Given: 0
    اقتباس المشاركة الأصلية كتبت بواسطة أمورة الهندسة
    فهلوة حلوة وخفيفة دم وهذا معروف به الشعب المصري خف الدم وحبهم للنكت
    مشكور م. احمد الديب على الموضوع
    وبارك الله فيك
    [FRAME="2 70"]

    جزاك الله خيرا وشكرا على المرور
    [/FRAME]

    0 Not allowed!


    Eng Ahmed El Deep
    Mechatronics Engineer

  10. [10]
    البركوس
    البركوس غير متواجد حالياً
    جديد


    تاريخ التسجيل: May 2006
    المشاركات: 1
    Thumbs Up
    Received: 0
    Given: 0
    فهلوة ايه اللي انت جاي تقول عليه ده سرقة وغش مية في المية والمصريين مشهورين في الحكاية دي

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML