دورات هندسية

 

 

بعض انواع البنات على النت

النتائج 1 إلى 6 من 6
  1. [1]
    DrClick
    DrClick غير متواجد حالياً

    عضو تحرير المجلة

    تاريخ التسجيل: May 2005
    المشاركات: 183
    Thumbs Up
    Received: 2
    Given: 0

    بعض انواع البنات على النت

    ...... واليكم باختصار بعض هذه الانواع لانها كتييييييير وهنعرض اللى ربنا يقدرنا عليه .....
    النوع الاول :- فشااااااااااااااار ( موجود بكثره .. هتكلم واحده هتاخد اتنين مجانا ) والنوع ده بقى دايما عايش فى المهندسين .. مصر الجديده .. وسط البلد وغالبا ما يكون مدينه نصر ) وطبعا يا اخويا مش هحكيلك على العربيه الاحدث موديل ولا على اشتراك النادى ( الاهلى - الزمالك - الصيد - الشمس - ....... والبقيه تاتى ) ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه ....... حدث ولا حرج ولو جينا للشكل ... الشعر اصفر .. والعينين خضرا ( واليومين دول تلاقى الوان جديده للعينين احمر وبنفسجى و...و....و ........ بيجيبوها منين يا خويا ) وطبعا البياض مش هقولك انت فاهمنى طبعا وبعدين تاتى الصدمه لما يرووووح الشاب الغلبان عشان اول مقابله وهنا تحدث المفاجاه .... ( مبروك كسبت موعد غرامى مع ملكه جمال قلعه الكبش ) ... ااااااااااه يا زمن.
    النوع الثانى :- (مش بكلم ولاد ) .... والنوع ده بقى هوه اللى يجيب الضغط يا خويا .... تدخل الشات وطبعا زى الغلبان عايز تتعرف تكون صداقه .. شىء طبيعى ... فتقولك ( سورى مش بكلم ولاد ) وفين وفييييين بعد ساعه من المحايله على صحبه الصون والعفاف توافق انها تقول اسمها .... (ما كان من الاول ) والنصيبه يا جدع تقولك مش بكلم ولاد وتلاقى الجهاز مفتوح فيه خمستاشر صفحه برايفت ..... حرام عليكى الكمبيوتر اشتكى ...... واللى يغيظ اكتر واكتر .. ان النوع ده فى الشات ماتلاقيهوش على العام طيب انت بتعمل ايه ...... ....
    النوع الثالث :- ( البسكوته ) حاجه كده هستك فستك ..... والنوع ده بقى تلاقيه ياخويا يرفع الضغط تلاقيها بتقعد تدلع الكلام بطريقه غريبه .... على سبيل المثال وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف )...... وهلم جر ... ايه ده يا اخواتى ده هطق .......حرااااام ولما بقى تيجى تتكلم معاه فى اى موضوع يقولك بلاش نتكلم فى الموضوع ده ..... طيب هنتكلم فى ايه ..... ....
    واللى يغيظ ان جميع الانواع عندها نفس الاجابات لنفس الاسئله يعنى اجابه موحده ....
    على سبيل المثال لو تقولها ممكن تكلمينى عن نفسك تكون الاجابه المعتمده ..... مش بعرف اتكلم عن نفسى...اسال وانا اجاوب ...... (وحياه ابوكو غيروا بقى .... )......
    النوع الرابع :- (هيافه للابد ) ....... وهذا النوع يتدرج تحت بند عجائب الدنيا السبع ... واسمع بقى يا سيدى واتفرج على نص الحوار اللى مش هتشوف غيره طول ما انت مع النوعيه دى ..... ... شوفت اخر فيلم فى السينما ؟؟ ... سمعت اغنيه المطرب سيد الضلم ... اغنيه جامده موووووت .... امبارح جبت فستان زى بتاع حنان ترك بالزبط ..... تحفه ... انا مصاحبه شويه شباب شلتنا يعنى بيعملوا شويه حاجات مجنونه .... ياااااااى ....... شوفت البنت اللى انتحرت عشان خاطر حبيبها ... يا حرااام ..... .... وجرب كده تكلماه فى اى حاجه من المواضيع العامه زى انفلوانزا الطيور وقولها تعرفى ايه عنها ======== > تقولك : هيه دى اللى كانت فى المسلسل بتاع شانل تو ...... حاجه تفرس مش كده ..... وطبعا الشاب مننا كل اللى بيعمله انه بيقوم ويطفى الكمبيوتر بعد ما يكون قضى اهيف ربع ساعه فى حياته ... .... اه يا قلبى يا كتاكت ياما انت شايل وساكت ******
    النوع الخامس :- (المعقـــد ) ..... وهذا النوع ننصحك ان تتعامل معه من مبدا انك=======>( بتتعامل مع موسوعه جينيس )....... ....لانك هتسمع كلام غرييييييييييب ... وتلاقيها بتقولك .. انا بطبق فى حياتى مبدا الفيلسوف مصطفى ابو شفه .... وباخد عبر من تجارب العالم توفيق شنبو (علماء من العالم الخارجى )..... ... وتلاقيها بتسالك وتقولك ايه رايك فى موقف المتطرفين فى دوله ( تفهنا العزب ) ..... او تقولك انت مش متعاطف مع اللاجىء السياسى من دوله ( عش الدبابير ) ... ده موقفه محرج جدا وفجاه وبدون سابق مقدمات تلاقيها بتحكيلك عن ...... التركيب الكيميائى عن ثانى اكسيد كبريتات العنب ...... وطبعا كيف يوثر المركب الكيميائى المسمى بــ (علف الكراويه)
    على حياه سكان الفضاء الخارجى ...... .... يا خبر اسود ايه ده يا جدعاااااااااااان .... ونصيحه منى لو وقعت فى النوع ده اوعى وبقولك اهوه اوعى يكون ردك مش فاهم ..... .... او انتى بتتكلمى عن ايه ..... عشان هيكون ده مصيرك =======> ... ...... والشاب مننا بعد الحوار العلمى اللى مالوش حل بيكون اتحول من كتر العبقريه لمجنووووون .... ======> ...... ( هوه ده نصيبنا يا شباب ) .....
    النوع السادس :- ( شيال الحمول ) ...... اتبرع ولو بجنيه ..... ...........وهذا النوع يحسسك بانك بنى ادم معندكش دم ..... زى الدبشه .... وتلاقيها فى كل كلامها بتحكيلك وتقولك ... اشى مره بتصرف على اخواتها ..... ومره انها مجروحه من حبيبها اللى خدعها ..... ...... وتقولك انا حاسه ان الدنيا كلها واقفه قصادى...... على راى المطرب حسن الاسود (انا اللى كلى جروح ومن الزمان مجروح ) .... اهىء اهىء ...... ( دموع التماسيح ) ..... وطبعا بعد ما الشاب الغلبان يسمع ده كله يقوم من على الجهاز وهو فاقد اخر امل ليه فى الحياه ....... ويلبس النضاره السودا ....... ويفكر فى الانتحار ... .......
    وده يا شباب كان باختصار بعض التوضيح اللى كان لابد منه ... لبعض الشخصيات ومش كلها اللى بتبقى موجوده على النت ..... من البنات ( الطف الكائنات قديما ) ......
    عشان كده لازم بعد ما كشفتلكوا الحقيقه المره نعمل وقفه .... وتكون جامده .... عشان يعرفوا اننا مش نايمين ولا مخدوعين ...

  2. [2]
    مهندس كريم
    مهندس كريم غير متواجد حالياً
    عضو فعال


    تاريخ التسجيل: Feb 2005
    المشاركات: 64
    Thumbs Up
    Received: 1
    Given: 0
    ههههههههههههه
    كلامك مظبوط هو دة اللى بيحصل
    فى نوع من البنات بتقولك انى صحابتها بتقولهاانها شبة شارون ستون واذا شفتها تلاقيها شبية شارون نفسة واللى تقولك انى شبة نانسي عجرم ودى داخلة النت فاكرة نفسها هتعمل شات مع عمرو دياب او تامر حسنى
    و فى نوع كمان المتدينة اللى كل الشباب نفسهم يكلموها بس هى بترفض عشان حرام وهى من البيت للجامعة ومن الجامعة للبيت (وما خفى كان أعظم )
    وفى اللى داخلة على طمع بتدور على عريس
    وفى اللى بتديك رقم موبايلها من اول محادثة عايز تشغل الموبايل بتعها بدل ما هو ساكت
    بس فى كمان نوع صادق بس دة قليل على طبعيتها عايز تتثقف من النت
    بس كمان ما تنساش الاعيب الشباب واحد يحسسك انه اهم شاب فى الدنيا وانة مش معبر ولا بنت خالص دة غير برضة السيارة الحديثة اخر موديل والاب توب اللى بيتكلم منة وانة بطل مصر فى كمال الأجسام
    دة غير كل يوم فى دولة تانية من كتر الشغل (ربنا يكون فى عونة ) اصلة (ابن بطوطة )رحالة
    ولسة ياما هنشوف

    0 Not allowed!



  3. [3]
    إسراء
    إسراء غير متواجد حالياً
    عضو متميز


    تاريخ التسجيل: Apr 2006
    المشاركات: 629
    Thumbs Up
    Received: 0
    Given: 0
    أولا السلام عليكم ورحمة الله تعالى وبركاته
    الدنيامثل ما فيها الطالح ربنا يهدي الجميع فيها الصالح بدون تحيز لأحد الجنسين وكان الأولى بك ياأخي أن تذكر مساوئ إستخدام النت والحث على إستخدامها بما ينفع العلم والإسلام والمسلمين

    0 Not allowed!



    قال لقمان لابنه : يا بني اتخذ طاعة الله تجارة تأتك الأرباح من غير بضاعة
    ولستُ أرى السعادة جمع مال ولكنَّ التقيَّ هو السعيدُ

  4. [4]
    همس.م
    همس.م غير متواجد حالياً
    عضو متميز جداً


    تاريخ التسجيل: Aug 2005
    المشاركات: 1,741
    Thumbs Up
    Received: 6
    Given: 0
    السلام عليكم ورحمة الله وبركاته

    dr click
    مع احترامى لموضوع حضرتك لكن مش كل البنات اللى على النت بنفس المواصفات دى .
    لا بالعكس فى ناس بتكون على عكس الصورة دى نهائى .
    افضل ان حضرتك تعرف الصفات الجيده للبنات وتذكرها احسن من ان حضرتك تذكر المساوئ .

    وخاللى بالك لو ذكرنا المساوئ لكل انسان اكيد حنلاقى كمان عند الرجال زى النساء .

    وليس كل انسان معصوم من الاخطاء .

    مع الشكر

    والسلام عليكم ورحمة الله وبركاته

    0 Not allowed!



  5. [5]
    المصري2
    المصري2 غير متواجد حالياً
    عضو فعال


    تاريخ التسجيل: Feb 2006
    المشاركات: 112
    Thumbs Up
    Received: 0
    Given: 0
    بسم الله الرحمن الرحيم
    عن جد بدى اعرف مو الهدف من هيك الموضوع المو ظريف
    عن جد هيك رايى وبصراحة

    0 Not allowed!


    من قال سبحان الله وبحمده سبحان الله العظيم غرست له نخلة في الجنة

  6. [6]
    مهاجر
    مهاجر غير متواجد حالياً
    مشرف عــــــــام
    الصورة الرمزية مهاجر


    تاريخ التسجيل: Jun 2003
    المشاركات: 8,679
    Thumbs Up
    Received: 298
    Given: 258

    Angry للحذف

    هذا النوع من المواضيع غير مرغوب فيه في الملتقى
    وسيحذف ولكني سأتركه مقفلاً بعض الشيء ليعلم صاحب الموضوع

    0 Not allowed!




    أعــــــوذ بالله من نفــــــحة الكبرياء




    http://www.arab-eng.org/vb/uploaded2...1279788629.swf

    "إن العـمل القليل المســتمر خير من العـمل الكثير المـنقطع.."


    حسبنا الله ونعم الوكيل

  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML