دورات هندسية

 

 

فى إعدادى هندسة ومحتار يدخل قسم أيه

النتائج 1 إلى 5 من 5
  1. [1]
    الصورة الرمزية dodo_dovelike
    dodo_dovelike
    dodo_dovelike غير متواجد حالياً

    عضو متميز

    تاريخ التسجيل: Sep 2009
    المشاركات: 550
    Thumbs Up
    Received: 2
    Given: 0

    فى إعدادى هندسة ومحتار يدخل قسم أيه

    بسم الله الرحمن الرحيم
    أنا عارف ان السؤال دا محير ناس كتييييييير
    لكن ان شاء الله هى دى الإجابة
    والسؤال طبعا هو.. يا ترى أدخل قسم أيييييييه؟؟؟
    اليكم الإجابة..ولا تنسونا بالدعاء..وأنا فى خدمتكم بالنسبة لأى استفسار
    ميكانيكا

    1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا......
    2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم......
    3. لازم تعرف ان قسم ميكانيكا اقوى و افضل قسم فى مصر على الاطلاق .... وانا بقول كدة من واقع الشغل والحياة العملية اللى برة الكلية.....
    5. نطاق شغل مهندسين ميكانيكا برة كبير و مراتبتهم حلوة
    6. ينقسم الى انتاج و صناعيه و ميكاترونيك1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك

    ميكانيكا(انتاج)

    1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك
    2.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص
    3. الدراسة فية 50% انتاج..... والانتاج هوة بالضبط اللى اخذتوه فى اعدادي بس بتوسع كل باب من اعدادى بيكون نصف الكتاب
    4. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة.

    ميكالكترونيك

    1. قسم جميل يجمع بين ميكانيكا و الكترونيات فى دراسته
    2. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض.
    3. اما لوكنت حابب الموضوع وابدعت فية مش عايز اقولك انك حتبقى اية...

    كهرباء

    1.مهندس الكهرباء بيستلم من مهندس اميكانيكا و من المجالات اللى مجال شغلها واسع جدا زي ميكانيكا
    2.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!!
    3.حيكون نطاق عملك فى كل حاجة و اي شركة هندسية حتكون فيها مهندس كهرباء


    اتصالات

    1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...
    2. مواد اتصالات تشبة مواد كهرباء اوى لان اتصالات جزء من كهلرباء اصلا ...
    3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....
    4. و ينقسم القسم الى حاسبات و الكترونيات1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط

    طبية

    1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط
    2. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة
    3.طبعا مفيش كلام على القسم.... بس واللى تجيلوا و مايدخلش يبقى عبيط.... بس ورينى يا حدق انت و هية حتجيبوا مجموعها ازاى


    ثانيا الاقسام الموجوده بكليه الهندسه بالمطريه1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا

    ميكانيكا باور


    1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا

    سيـــارات:

    1. القسم دة قريب جدا لميكانيكا و بنصح بية الاولاد بس... بس على البنات حيقكون صعب شوية .... الا اذا كنتى ناوية تتجوزى و تقعدى تربى عيالك
    2. القسم دة مفيش منة الا فى كليتين بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا
    3. ممكن بعد ما تخلص ميكانيكا برضة تشتغل فى مجال سيارات.
    4. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا...

    عمارة

    1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا...
    2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.
    3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص
    4. يعنى ممكن ايام المشاريع تقعدى شغالة مثلا لغاية 12 ليلافى الكلية
    5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-
    6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين....
    7. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول

    مـــدنـى

    2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول
    3. القسم دة مشكلتوا ان تسليم الشيتات بيكون تقريبا اسبوعى طول السنة
    4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....
    5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض
    6.مجال شغلة مش بطال بس فية سنة بهدلة شوية
    7. واللى نفسة يبنى عمارات و سدود و كباري و انفاق يدخل مدنى على طوول
    اقسام خارج جامعة حلوان1. اولا القسم دة موجود فى القاهرة و فى هندسة العاشر....

    كمياء

    1. اولا القسم دة موجود فى القاهرة و فى هندسة العاشر....
    2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج.
    3.مواد دراسته تتلخص فى كتاب الكمياء اللى تخذته فى اعداداى حتلاقية بقدرة قادر بقى مواد و كورسات و كتب و اتمط و اتوسع و بدل ما حتخده فى ترم حتدره فى اربع سنين ...1. القسم دة موجود فى هندسة الاسكندرية فقط....

    نووية

    1. القسم دة موجود فى هندسة الاسكندرية فقط....
    2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات
    3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز حيراعوا دة وحيزودوك حوال 6 جنية .
    4. اما لوحتسافر برة بالتحديد امريكا انسى بقى مصر لانهم مش حيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية.... بس لما تقف على ديلك مش حترجع مصر تانى
    5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة1. موجودة فى القاهرة فقط.

    طيران


    1. موجودة فى القاهرة فقط.
    2. قسم من الاقسام الداخلية لميكانيكا وطبعا مجال جامد و برستيج عالى جدا
    3. ممكن تدخل ميكانيكا و تخلص و تعمل دبلومة فى الطيران و تبقى مهندس طيران قد الدنيا
    4. نفس دراسة ميكانيكا بس مع التركيز على الايرو ديناميك بشدة..1. هتتخرج هتبقى مهندس بترول قد الدنيا و بمرتب جامد جدا و يا سلام لو سافرت بقى بره مصر و يا سلام اكتر لو مهندس شاطر بره مصر هيدوك شقه و اقامه و تظبيط يعنى مرتبك كله فى البنك

    قسم البترول و التعدين

    1. هتتخرج هتبقى مهندس بترول قد الدنيا و بمرتب جامد جدا و يا سلام لو سافرت بقى بره مصر و يا سلام اكتر لو مهندس شاطر بره مصر هيدوك شقه و اقامه و تظبيط يعنى مرتبك كله فى البنك
    2. بس ممكن اى مهندس تانى يروح يشتغل فى المجال ده و لو شاطر هيبقى احسن من بترول نفسه

    منقول , وتحياتى ..
    ودول شوية نصائح أتمنى ان تكون خفيفة على قلوبكم

    النصيحـــــــــــــــــ الأولــــ(1)ــــــى ـــــــــــــــــــــــــة.


    ***** أخي الطالب المستجد ((( احذر من أخطر مرض يهاجم الطلاب .... وهومرض جنون الطلاب....

    ألا وهو ******* الغيـــــــــــــــــــــــــــــــــــــــــ ـــــ ـــــــــاب*********

    و والله إنه من أكبر ما يدمر حياة الطالب الجامعي وهو داء خطير وآثاره سلبيه جداً .... وهو مرض يدمن عليه كثير من

    الطلاب......... فاحذر أشد الحذر

    لأن مناهج الهندسة غالباً تعتمد على الفهم في المحاضرة..

    وإذا قدر الله عليك وغبت في محاضرة حاول بقدر المستطاع تعويضعا............

    وهذه النصيحة الأولى

    النصيحة الثانية:
    المراجعة أول بأول، وخصوصاً في التعليم الجامعي فأن الوقت الضائع لا يدرك فمراجعة الدروس أول بأول وفهمها لا تقل أهمية عن المذاكرة النهائية والتحضير للأختبارات.

    النصيــــــــ الثالــــــــــــــ 3 ـــــــــــــة ــــــــــــــــــة
    ****************************

    لا يكون همك من الدراسة الدرجات والمعدل فقط .. هذه بلا شك إنها مهمة ... لاكن أهم منها الفهم والمعرفة لأنها هي التي تستفيد منها بعد التخرج وهي من أسباب رفع المعدل لأن الطالب إذا فهم ما درسه أستطاع حل مسائلة حتى لوكانت معقدة





    النصيــــــــــــــــــ الرابـــــــــ 4 ـــــــــــــعة ــــــــــــــــــــــــــــة
    *************************************

    في كل جامعة يوجد مكتبة مركزية تضم عدد هائل من الكتب والمراجع باللغة العربية أو الأنجليزية أو غيرها

    وهذه المكتبة ما وضعت إلى من أجل الإستفادة منها ..............

    وكثير من المكتبات المركزية توفر الخلوات الدراسية وهي أماكن مخخصة للدراسة والبحث ويكون الجو فيها مهيء بشكل ممتاز

    كما أن المكتبة المركزية توفر الكتب عن طريق الإستعارة وهذه بحد ذاتها توفر على الطالب مشقة البحث عن الكتاب وتوفر عليه تكلفة شراءه.

    وعادة يوجد مكاتب للتصوير تسستطيع منا تصوير أي شيء تريده وخاصة من الكتب اللتي لا تعار كالكتب النادرة والمراجع والكتب الثمينة.


    أنصح إخواني أن يدركوا ويستشعروا أن المواد الجامعية خططت من إدارات الجامعات بحيث تكون كالبناء، ففهم المادة قبل تخطيها للمادة التي بعدها مطلب أساسي في الدراسة الجامعية فكلنا نعلم أن المواد الإعدادية تكون أساساً لمواد السنة الأولى ومواد السنة الأولى تقدم للسنة الثانية وهكذا إلى أن يصل الطالب الجامعي إلى مرحلة التخصص ومن ثم التخرج بإذن الله.

    والقصد هو أن لا يكون هم الطالب الجامعي الأوحد هو التخرج بحيث يفقد الاهتمام والتشويق للدراسة وتصبح الدراسة الجامعية همٌ يراد التخلص منه بالتخرج ومن ثم يتخرج الطالب وهو لا يعي القصد من دراسته ولا ما هو المطلوب منه، وهذا بالفعل ما ندركه من المقبلات الشخصية لإخواننا المهندسين حديثوا التخرج.
    م/عبدالله عبدالله

    من مواضيع dodo_dovelike :


    0 Not allowed!




    حياتنا لوحة فنية ألوانها القول وأشكالها العمل وإطارها العمر ورسامها نحن فإذا انقضت حياتنا اكتملت اللوحة وعلى قدر روعتها تكون قيمتها حتى إذا قامت القيامة عرض كل إنسان لوحته وانتظر عاقبته فابدع فى لوحتك فما زالت الفرشاة فى يدك





  2. [2]
    محمد الطيب صلاح
    محمد الطيب صلاح غير متواجد حالياً
    عضو فعال
    الصورة الرمزية محمد الطيب صلاح


    تاريخ التسجيل: Jun 2007
    المشاركات: 101
    Thumbs Up
    Received: 1
    Given: 0
    واللهى صدقت في كل كلمة قولتها

    0 Not allowed!


    رضا الله ورضا الوالدين

  3. [3]
    السحابةالبيضاء
    السحابةالبيضاء غير متواجد حالياً
    عضو


    تاريخ التسجيل: Feb 2010
    المشاركات: 44
    Thumbs Up
    Received: 1
    Given: 0
    بس على فكرة قسم كيمياء هو قسم المستقبل
    وهو القسم رقم واحد فى امريكا

    0 Not allowed!



  4. [4]
    ALI3030
    ALI3030 غير متواجد حالياً
    عضو


    تاريخ التسجيل: Aug 2010
    المشاركات: 18
    Thumbs Up
    Received: 0
    Given: 0
    شكــــــرا جزيــلا بشمهندس dodo_dovelike رغــــم انك اهنت طلبة عمارة
    لكن شكرا جداااااا على المعلومات المهمة

    0 Not allowed!



  5. [5]
    eng.asalah
    eng.asalah غير متواجد حالياً
    جديد


    تاريخ التسجيل: Nov 2011
    المشاركات: 5
    Thumbs Up
    Received: 0
    Given: 1
    الأقسام والتخصصات الهندسية - إعدادي هندسة



    http://www.arab-eng.org/vb/t348533.html#post2831511

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML