دورات هندسية

 

 

من وحى الزواج في المنتديات

صفحة 1 من 2 12 الأخيرةالأخيرة
النتائج 1 إلى 10 من 13
  1. [1]
    ابو حفص
    ابو حفص غير متواجد حالياً

    عضو فعال

    تاريخ التسجيل: Dec 2008
    المشاركات: 145
    Thumbs Up
    Received: 0
    Given: 0

    من وحى الزواج في المنتديات

    بيه "اختي بتقولي يا ابيه نظرا لشخصيتي الجباره المهيبه " ... عاوزاك في حاجه
    - مش فاضي
    - ممكن بس تفضالي شويه
    - طيب روحي اعملي كوباية شاي الاول و سندوتشين جبنه و تسعه هامبرجر
    - محمد لو سمحت اسمعني ..... "لاحظو حذف كلمة ابيه"
    - اتفضلي ... انا سامعك
    - عاوزاك بس تسمعني للاخر بدون تسرع او زعيق او اي انفعال
    - حاضر .....
    - في واحد عأ...
    - مين ؟؟؟؟؟؟؟؟
    - اهدي يا ابيه ... ما انا هحكيلك اهه
    - كملي
    - فيه واحد عاوز يخطبني
    - اسمه ايه و بيشتغل ايه و طوله كام و عرضه كام و مقاس جزمته و مقاس جزمة امه ايه ..
    - معرفش ..
    - ازاي يعني ما تعرفيش .... و ازاي اتقدم لخطبتك اصلا
    - ما هو معانا في المنتدي
    - هو انت قابلتيه و لا ايه
    - لا و الله .... بس هو معجب بكتاباتي و بيعتلي ايميل بيقول عاوز يتجوزني علي سنة الله و رسوله
    - علي طول كده
    - و الله يا ابيه اسلوبه رقيق و هو طيب و حنين و مثققف ...
    - اسكتي يا بت "تك كسر حقك" .... (عفوا هذا تعبير بليغ باللهجه المصريه بمعني "شتيمه" )
    - ليه يا ابيه ... بس
    - هسالك سؤالك : هل انت حكمتي عليه حكم نهائي من مجرد كتابات
    - ما هو يا اخويا يا حبيبي الكتابه بتدل علي الشخصيه للشخص
    - انا معاكي يا اختي "العبيطه الطيبه " بس الكتابه بتدل علي جانب واحد او جوانب محدده جدا من الشخصيه ... و علاقة الجواز علاقه "ضخمه مركبه " لازم تتحسم بتوافق مجموعه ضخمه اخري من الجوانب .... اهمها القبول النفسي .... و تفاعل مركبات كيميا الحياه
    - بس يا ابيه ... في ناس هايفه كتير بتكتب اي كلام و باين عليها فاضيه ...
    - انا معاكي يا ست الكل ... بس انا مُصر ان مجرد اقتناعك بكتابة شخص ليس مبررا انك تحكمي عليه حكم نهائي
    - انا حكمت علي عقله ..
    - هل انتي "بقه" حكمتي علي شكله ... طباعه ... وظيفته .. بيئته ... وضعه الاجتماعي ... و دمه التقيل غالبا ...و
    - لا طبعا يا ابيه ... ما انا ما شفتوش لسا
    - هو سياتك ناويه تشوفيه و لا ايه يا بت ...
    - يا ريت ...
    - نعم ؟؟ ... ده انت عاوز قطم رقبتك
    - يا ابيه ... انا باعرض الامر عليك و بقولك ان في شخص محترم تعامل معايا بطريقه محترمه و اتكلم في الحلال علي طول .... و انا ما رحتش قابلته من ورا حد و لا ناويه .... هه
    - خلاص ما تزعليش ...
    - مش زعلانه بس معترضه علي اسلوب حضرتك "الرجعي"
    - رجعي !!!!
    - ايوه ... مش ممكن يعني يكون الشخص ده زميلي في الشغل و يحصل بينا تآالف و اقوله تعالي اخطبني
    - بقول ايه ... انا شايف انك تدخلي تعمليلي كوباية شاي و الـ سبعه و عشرين سندوتش اللي قلتلك عليهم ...
    - و انا شايفه انك تساعدني مساعده ايجابيه متحضره تتوافق مع التحضر اللي سياتك بتدعيه
    - انا مدعي ؟ !!! ... حاضر ... ايه المطلوب مني ؟
    - هو انا بردو اللي هقولك ايه المطلوب ؟
    - طيب خلاص ... و لو اني مش مرتاح للناس اللي بتعرف تكتب و تدحك علي عقول البنات بالكتابـــ----
    - و ليه انت حكمت انه بيدحك عليا علي طول كده ... مش جايز لا
    - و جايز انه نصاب و بيدحك علي عقلك
    - يا ابيه شوفه و احكم ...
    - حاضر ... اديني الاكونت بتاع "شكل امه"
    - حاضر يا اخويا يا حبيبي ... خد الايميل و الفيس البوك و الهوت ميل و السكاي بي و الجي ميل و عضويته ,,,
    - بس خلاص .... ما تجيبيلي رقم تليفونه احسن ...
    - كده بردو يا ابيه ... انا بردو اسمح لنفسي اكلم شاب غريب في التليفون ... انا بجد زعلانه منك
    - انا لو عرفت انك بتكلمي شاب غريب في التليفون و الله لأقطم وسطك و ادبحك ... اتعلمي الادب يا بنت ..
    - طيب يا ابيه ممكن سؤال
    - نعمين
    - و الشات علي الماسنجر مسموح
    - لا طبعا يا هانم .... غير مسموح
    - و علي المنتدي مسموح ؟
    - ردرود عاديه و لا رسايل حاصه ؟
    - ردود عاديه طبعا .... انا ما بستعملش الرسايل الخاصه خالص يا ابيه ؟
    - اسمعي يا اختي العزيزه ... ثقتي كبيره في اخلاقك و تدينك و تربيتك المحترمه و خوفك من الله ... بس خدي بالك ان الدنيا اصبحت معقده و متداخله فلازم يكون عندك معيار حساس جدا لكل خطوه بتخطيها ... فهمتيني
    - فهمت يا ابيه ..
    - طيب انا هقابل الولد ده و ابقي ابلغك بالنتيجه ...
    - ممكن تسمحلي احضر المقابله معاك
    - لا طبعا
    - ليه ؟
    - انا هقابله مقابله مبدئيه و عاوز اتكلم معاه في امور مبدئيه و بعدين ارد عليكي اتفقنا
    .... اتفقنا ..

    و بعد عدة مراسلات بيني و بين الفيلسوف و الشاعر الرومانسي الجبار الذي اوقع اختي في فخ كلماته التي اجيد كتابتها مثله تماما... تحدد ميعاد للمقابله في كازينو الفك المفترس .. و دار بيننا هذا الحوار ..

    - اهلا يا بشمهندس محمد ... انا اتشرفت بمعرفتك جدا جدا جدا جدا جدا
    - و انا كمان ... خلص و ادخل في الموضوع
    - و الله يا بشمهندس انا معجب جدا باخت حضرتك و عاوز اتقدم لخطبتها
    - ممتاز ..... ممتاز .... و ايه حيثيات القرار العظيم ده
    - حضرتك يا بشمهندس بتتهكم علي و علي مشاعري النبيله الفياضـــ----
    - اسمع ... بدون شعارات .... جاوب علي سؤالي : اخذت القرار ده بناءا علي ايه ؟!!
    - علي شخصية اخت حضرتك المتميزه
    - و عرفت منين ان شخصية اختي المتميزه ؟
    - من كتاباتها الرائعه في المنتدي
    - لا و الله
    - آه و الله (بابتسامه عريضه مزريه)
    - طيب خلينا نتكلم بوضوح اكتر و خليني اسألك سؤال: هل ممكن شاب يقرر يقترن بفتاه بمجرد اعجاب بكتابتها علي منتدي ...
    - يا بشمهندس الجواز جواز العقل و الروح وسمو الفكر و التفكير و ...
    قاطعته فجأه ....
    - اختي عوره و حوله
    - افندم !!!!
    - زي ما سمعت ... اختي عندها حول مفاجئ في السمانه الخلفيه لحدقه العين و انعوار في الطبله الداخليه للبقبق الشمالي من الجفن الجنوبي للعصب البصري التاسع عشر ....
    - ياه .... لا حول و لا قوة الا بالله
    - انا بردو قلت اصارحك عشان لما تتجوزو يبقي كل شئ علي نور
    - و يا تري يا بشمهندس هل في شيئ تاني تحب تصارحني بيه ؟
    - لا خلاص غير بس اننا ناس محترمين مش هنرهقك ماديا ابدا في الجواز مفيش غير انك بس توفر كرسي متحرك لأختي
    - كرسي متحرك !!! ... ليه
    - اصل عندها حاله تشنج مفاجئ بتخليها ما بتعرفش تمشي 14 شهر في السنه ... بس بقيت السنه علي ضمانتي ... قطر توربيني ما شاء الله .. الله لا حسد ... و علي فكره هات كرسي كبير حبتين عشان وزن اختي 140 كيلو جرام ... اصلها بتنافسني في الاكل
    - يا بشمهندس ... ممكن تسمحلي بالانصراف ؟
    - مستعجل ليه ....انتظر لما نحسم امور الجوازه
    - وقت تاني ان شاء الله ... (و هم بالوقوف)
    - لا يا استاذ ..... اجلس و انتظر .... مش لازم تشوف العروسه الاول
    - يا بشمهندس مفيش داعي ... انا مقتنع ان الجواز قسمه و نصيب
    - و انا زيك مقتنع .... و لكن لازم نكمل الشكل الاجتماعي للمقابله للنهايه .... و لن اسمحلك باي تصرف مهين (قلتها بحده و عنف)
    اضطرب العريس بشده ...
    - لا يا فندم ... معاذ الله ... خلاص نشوف العروسه و امرنا الي الله ...

    و اقوم انا من مجلسي و ابتعد خطوات و اتصل باختي فتأتي مسرعه و مرتديه لباس طويل و محترم مع حجاب راق مع ابتسامه خجل ......

    - اي خدمه يا ابيه ؟
    - اتفضلي اجلسي
    - حاضر "و عينيها في الارض"
    و في هذه الاثناء بدأ العريس يحدق في ذهول و علامات التعجب تتقافز من وجه ثم قال
    - مين دي يا بشمهندس
    - اختي
    - هي دي اختك اللي عندها انحوال و انعوار و بتمشي علي كورسي متحرك و وزنها 2 طن؟؟؟
    - ايوه
    انفجر ضاحكا ... ثم تمالك نفسه بسرعه قائلا
    - عفوا يا بشمهندس ... بس حضرتك دمك خفيف موت و ...
    - انتهينا .... خليني اتكلم
    - اتفضل يا بشمهندس
    - انا طبعا محترم جدا رغبة اي شخص بيطلب الحلال .... و محترم اسلوبك يا استاذ في طلب الحلال و الدخول من الباب ... و طبعا اختي بنت عارفه الاصول فقالتلي علي كل شئ .... و انا عامل الجلسه دي عشان يكون الحكم موضوعي .... و كتعارف تحت مظلة الرقابه الاسريه ... بعد اذنكم هروح لاقرب محل سندوتشات احاول اكل تصبيره ... و ارجعلكم

    ثم اتركهم و اذهب فعلا الي محل السندوتشات المحبب الي قلبي و بعد تصبيره خفيفه مكونه من 22 سندوتش و سبعة اكواب عصير اصب منزوع الزعزوعه .. اقرر العوده الي مكان جلوسهما فاذا بالصمت يخيم علي المكان و اختي واجمه صامته ...

    - السلام عليكم ... آسف للتأخير
    يرد العريس
    - لا ابدا ...
    فتقاطعه اختي موجهه حديثها لي
    - ابيه يلا نروح
    احسست ان هناك شئ ما ... فنهيت الجلسه و سلمت علي عريس الغفله و اصطحبت اختي الي البيت و دار هذا الحوار

    - ايه النظام ؟
    - نظام ايه يا ابيه ؟
    - العريس ؟
    - انسي الموضوع يا ابيه
    - انسي بعد كل الجهد اللي انا بذلته معاكي .. هو لعب عيال و لا ايه
    - بصراحه يا ابيه انا مرتحتلوش خالص
    - ليه ؟ ... ده عريس لقطه !!!
    - شكله ما عجبنيش
    - و هل الراجل بشكله يا اختي العزيزه
    - مش شكله بس يا اخويا ... مرتحتش لاسلوبه في الكلام و طريقته و تفكيره
    - تفكيره !!!! .... انت مش سبب اعجابك بيه اصلا كتاباته اللي بتدل علي تفكيره ؟!!
    - يا ابيه ... انا اكتشفت فعلا زي ما حضرتك قلت ان الكتابات في المنتديات مش كافيه للحكم علي الشخص و ان فيه عوامل كتير بتحكم علي الموضوع
    - مش انا قلتلك من الاول اعمليلي اربعين سندوتش و كوباية عصير منجه و ارحميني من الفيلم الهابط ده
    - لا يا اخي ... انا كده ارتحت ... لاني لو مكنش حضرتك عملت المقابله دي كان زماني بفكر في الموضوع بزوايا تانيه و لا قدر الله ممكن يتطور .... انا بشكرك يا احلي اخ في الدنيا .... لو كنت عرضت الموضوع علي ابويا كان زمانه حطني تحت "كاوتش" العربيه .... و عمل شاشاة الكمبيوتر صندوق زباله
    - عموما حصل خير يا اختي الجميله ... و نتعلم دايما اننا نحكم علي الموضوع من كل جوانبه ... و طبعا بالاصول ... و علي فكره كان ممكن يطلع الشخص ده شخص كويس و يعجبك و تعجبيه و الامور تمشي ...
    - صح يا ابيه
    - يلا ادخلي اعملي اربعه و تسعين سندوتش و خمسين حتة بسبوسه ... يلا
    - حاضر يا اخويا .... هوا



    منقوووووووول

  2. [2]
    ماهر عيون
    ماهر عيون غير متواجد حالياً
    عضو شرف


    تاريخ التسجيل: Aug 2008
    المشاركات: 3,272

    وسام الشكر

     وسام كبار الشخصيات

    Thumbs Up
    Received: 6
    Given: 2
    ههههههههههههههههههههههههههههههههههههههههههههه ههه
    طرفه اكثر من روعه بارك الله فيك اخى وليتنا نستخلص العبر ونعتبر

    0 Not allowed!



  3. [3]
    ابو حفص
    ابو حفص غير متواجد حالياً
    عضو فعال


    تاريخ التسجيل: Dec 2008
    المشاركات: 145
    Thumbs Up
    Received: 0
    Given: 0
    اقتباس المشاركة الأصلية كتبت بواسطة ماهر عيون مشاهدة المشاركة
    هههههههههههههههههههههههههههههههههههههههههههههههه
    طرفه اكثر من روعه بارك الله فيك اخى وليتنا نستخلص العبر ونعتبر
    شكرا ياماهر لمروك وردك الجميل

    الموضوع مش بس طرفة وزي ما قلت نستخلص العبر هل فعلا كتباتنا بالمنتديات تكفى لمعرفة كل جوانب الشخصية وتخلى الانسان يقدم على خطوة زي دي

    0 Not allowed!




  4. [4]
    محمد بن على السعيد
    محمد بن على السعيد غير متواجد حالياً
    تم إيقافه لمخالفة القوانين
    الصورة الرمزية محمد بن على السعيد


    تاريخ التسجيل: Oct 2009
    المشاركات: 2,763
    Thumbs Up
    Received: 1
    Given: 0
    قصه فعلا روعه وده جواز ياجماعه مش لعب عيال

    0 Not allowed!



  5. [5]
    cadeau
    cadeau غير متواجد حالياً
    عضو فعال جداً
    الصورة الرمزية cadeau


    تاريخ التسجيل: May 2009
    المشاركات: 223
    Thumbs Up
    Received: 0
    Given: 0
    أخى أبو حفص
    غاية فى الجمال
    جزاك الله خيرا

    0 Not allowed!


    وما أوتيتم من العلم إلا قليلا


  6. [6]
    ابو حفص
    ابو حفص غير متواجد حالياً
    عضو فعال


    تاريخ التسجيل: Dec 2008
    المشاركات: 145
    Thumbs Up
    Received: 0
    Given: 0
    انا سعيد بمروركم ومنتظر راي باقى الاعضاء

    0 Not allowed!




  7. [7]
    م عامر
    م عامر غير متواجد حالياً
    مشرف الملتقى العام
    الصورة الرمزية م عامر


    تاريخ التسجيل: Nov 2007
    المشاركات: 6,550
    Thumbs Up
    Received: 184
    Given: 186
    مشكور يا أبو حفص ...
    بالفعل قصة طريفة وطريقة سردها باللهجة المصرية الممتعة رائعة وفيها من العبر الكثير
    ولعل فكرة الخطبة أو حتى المعرفة من خلال المنتديات والتعارف أمر صعب ...
    فما كل الكلام يعبر عن الشخصية الحقيقية وكثيراً هي المجاملات والكلام المعسول ...
    وإن كانت الأفكار هي مفتاح القلب الواعي
    بالمناسبة طريقة حياكة القصة وطريقة العرض تذكرني بأخ عزيز لنا في الملتقى --- أخونا عمر بن رحال -- حفظه الله ورعاه

    0 Not allowed!


    -----
    الحمد لله الذي أكرمنا بنعمة الإسلام
    {إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} (56) سورة الأحزاب
    أللهم ارزقنا نعمة الرضى واجمعنا مع الحبيب المصطفى في جنات العلى
    -----
    موقع الرسول الكريم صلى الله عليه وسلم


  8. [8]
    ابو حفص
    ابو حفص غير متواجد حالياً
    عضو فعال


    تاريخ التسجيل: Dec 2008
    المشاركات: 145
    Thumbs Up
    Received: 0
    Given: 0
    مهندس عامر كلامك عين العقل الا انه قد يكون يدل عن جزء كبير من الشخصية شكرا لمرورك

    0 Not allowed!




  9. [9]
    محمدجاسم العامري
    محمدجاسم العامري غير متواجد حالياً
    مشرف
    الصورة الرمزية محمدجاسم العامري


    تاريخ التسجيل: Jul 2009
    المشاركات: 3,532

    وسام الاشراف

    Thumbs Up
    Received: 38
    Given: 119
    مشكور جدا على الجهود

    0 Not allowed!


    لنرجع الى لااله الا الله محمد رسول الله
    ونترك الشرك والذنوب
    (لا خير في لذة من بعدها النار )
    محمد جاسم العامري

  10. [10]
    العيناء
    العيناء غير متواجد حالياً
    مشرف متميز
    الصورة الرمزية العيناء


    تاريخ التسجيل: Nov 2005
    المشاركات: 1,358

    وسام مشرف متميز

    Thumbs Up
    Received: 10
    Given: 0
    موضوع طريف واجمل ما فيه اللهجة المصرية ..الا ان الكتابات تعطي جزءا لا يمكن انكاره من شخصية

    وتبقى الحياة اوسع من ذلك

    0 Not allowed!


    سبحانك الهي اذا ذكرت خطيئتي ضاقت علي الارض برحبها واذا ذكرت رحمتك ارتد الي روحي سبحانك يا الهي أتيت أطباء عبادك ليداووا لي خطيئتي فكلهم عليك يدلني

    قيل:
    اذا جلست في الظلام بين يدي سيدك فاستعمل أخلاق الأطفال فان الطفل اذا طلب من أبيه شيئا فلم يعطه بكى عليه



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML