دورات هندسية

 

 

أرجو النصيحه فى الدراسات العليا

النتائج 1 إلى 3 من 3
  1. [1]
    Sifsif
    Sifsif غير متواجد حالياً

    عضو

    تاريخ التسجيل: Sep 2005
    المشاركات: 18
    Thumbs Up
    Received: 0
    Given: 0

    أرجو النصيحه فى الدراسات العليا

    السلام عليكم و رحمه الله و بركاته ....
    أنا مهندس مدنى قسم إنشاءات خريج عام 2008 و كنت أتسائل عن ما إذا كانت فكره دراسه الماجيستير فكره جيده أم أن ليس موعدها الأن لقله الخبره و هل بعد الإنتهاء من الماجيستير أستطيع الإرتقاء بالمستوى المهنى بسهوله أم لا و إذا كانت فكره جيده فما هى أفضل الجامعات لدراسه الماجيستير؟؟؟ ..... و شكرا

  2. [2]
    احمد جلال جعفر
    احمد جلال جعفر غير متواجد حالياً
    عضو


    تاريخ التسجيل: Jun 2007
    المشاركات: 10
    Thumbs Up
    Received: 0
    Given: 0
    اريد ان انقل لك خبرتى فى مجال الدراسات العليا
    فانا طالب ماجيستير هندسة انشائية بجامعة عين شمس عملى مهندس مكتب فنى (حاصل على دبلومة هندسة انشائية ايضا من جامعة عين شمس) فى بداية الامر كنت فى حيرة هل اتقدم للماجيستير فى ادارة الاعمال ام احصل على PRMGمن الجامعة الامريكية طبعا لم اتردد و قلت الماجيستير افضل على عكس الجامعة الامريكية هى Profissional programing وجيبت الا ئحة من كلية الهندسة ووجدت مواد جميلة جدا فى ادارة المشروعات و استخرت الله و قدمت على الماجيستير بعد ان علمت ايضا بوجود ماجيستير الهندسة و هو نظام اميريكي حيث يتم الاستعاضة عن الرسالة بكورسات ايضافية يتم دراستها و عمل بحث تطبيقى ولكن هى ملرحلة منتهية لايسمح بالدكتوراة بعدها و بعد التفكير و جدت ان الدكتوراة سكة بحث علمى وطبعا دى مش سكتى لانى اعمل بشركة مقاولات و عاوز حاجة تطبيقية و بالفعل بدأت الدراسة التمهيدية ورغم صعوبتها و انى لازم اجيب 85% علشان انجح ربنا قدرنى و نجحت انا و اربعون من زملائى من 400 زميل كانوا معانا وطبعا فرحت جدا و لكن الفرحة لم تدم عند اتصالى بداكترة ادارة المشاريع بالكلية صدمت بواقع مرير انهم مش فاضيين و ماحدش عاوز يدرس حاجة ونسيت اقول ان بعد التمهيدي مفروض بتتختار 10 مواد تدرسهم 6 فى المرحلة الاولى و 4 فى المرحلة الثانية وكان المفروض تبقي دي مواد التخصص اللى هاعمل فيه البحث بتاع ادارة المشاريع و لما كلمت الدكتور المحترم رئيس القسم صدمنى و قالى بالفظ ان مافيش دكاترة تشرف على رسائل او تدرس كل هذه المواد و طبعا ساءت نفسيتى جدا لانى حسيت ان التعب الشديد اللي شفته فى التمهيدي بيضييع و نسيت اقولكم حاجة تضحك جدا فاكرين فى الاو ل قلت ان محتار بين PRMG والماجيستير قال الدكتور المحترم كنوع من تطفيشى قالى لو فكرت تعمل ماجيستير فى ادارة المشاريع قال ايه لازم تروح تعمل الPRMGبتاعة الجامعة الامريكية و ساعتها ندمت جدا انى مقدمتش فيها من الاول وانى غرمت مصاريف 2000 جنية للتمهيدى و طبعا لانى انسان مجتهد و محبتش انى اضحى بالماجيستير ولا المصاريف الكتيرة اللى دفعتها او تعبي الشديد قررت انى اكمل دراسة ال 10 مواد و طبعا فوجئت انك مش هاتختار الى انت عاوزه بل و جدت ان القسم بيطرح 24 مادة تختار منهم ال10 وطبعا ده كان قمت التهريج ليه اولا عدم النظام لانى مافيش 4 مواد على بعضهم من قسم و احد فمثلا درست 2 مادة من ادارة مشروعات و دول فقط اللى كانوا متاحين و 4 من materialوده القسم الى قررت ان اعمل فه البحث بتاعى و مادتين من soil ومادتيمن من خرسانة و مشيت و الحمد لله خلصت ال 10 مواد بعدم اقتناعى التام باللى بعمله بس قلت اهى شهادة و السلام و جاء وقت البحث بتاعى علشان اخلص فوجئت ان ماحدش فاهم حاجة ولاعارف حاجة فى نظام الساعات المعتمدة الجديد اللى طبقته الكلية و نظام ماجيستير الهندسة حتى المرشد الاكاديمي اللى معيناه الكلية مش عارف حاجة الى هو المفروض يبقى اكثر و احد فاهم الائحة علشان يرشدنا المهم احنا 3 اللى وصلنا لنهاية وطبعا الدكاترة عمالين يزحلقونا على بعض فالمرشد يزحلقنا على الوكيل بتاع الدراسات العليا و الوكيل يزحلقنا على رئيس القسم و دوخينىيالمونة و لكن مبدئى لايئس مع الحياة و لاحياة مع اليأس وانا مش هانهار و اتنازل عن حلمى فى حوصولى على الماجيستير حتى لو فى حاجة مالهاش اي علاقة بشغلى او حياتى على فكرة الدنيا من اسبوع قبلنا رئيس القسم بتاع material وهو راجل فاضل جدا الوحيد الى خد الامور بجدية معانا و مزحلقناش و قلنا كل و احدمننا يختار موضوعين و هو هايختار موضوعين و كل و احد يختار موضوع يعمل فيه البحث بتاعه و كمان حدد لنا ميعاد كل اسبوع لمتابعة البحث و هو الدكتور الوحسد ربنا يباركله اللى حاسس ان ربنا هايكرمنا على ايديه.
    الدروس المستفادة
    1- لو حد عاوز يدرس management يبقى قصر على نفسك الوقت و الفلوسو روح الجامعة الامريكية خد ال PRMGلانى بعد ماهاخلص الماجستير ان شاء الله هاروح اخدها بعد ماضبعت 3 سنين فى موال الماجيستير.
    2- علشان تعمل ماجيستير محترم فى ادارة المشاريع ممكن تروح الاكاديمية البحرية اللى فى مساكن شيراتون بس مصاريفها عالية جدا و كمان مش اي حد بينجح فيها
    3-لوعاوز تعمل ماجيستير فى اي جامعة حكومية لازم يبقى ليك دكتور معرفة ياخد بأيدك و يشرف على رسالتك غير ذللك لن تصل الى اي شئ ابدا
    4-مجال الدراسات العليا فى مصر على الاقل فى الجامعات الحكومية سئ جدا لذا لوعاوز تعمل دراسات عليا وممعاكش وسايط يبقى ابعد عن الجامعات الحكومية و اشتري علمك وو قتك بفلوسك برغم ان الدراسات العليا فى الجامعات الحكومية مش رخيصة 2000 جنية فى السنة
    ونسيت اقولوكم قال ايه علشان اعمل البحث لازم اجيب شهادة تويفل و بعد مذاكرة اللغة الانجليزية و العذاب اللى شفته الحمد لله عديت ال 450 المطلوبة و الله بدعاء الوالدين و عطف المولى عز و جل عاليه و على التعب اللى شفته انا و عيالى وفى رحلة الماجيستير اللى اتمنى من الله ان يتمه على خير و توبة ان كنت اعمل دراسات اخرى ابدااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااا

    0 Not allowed!



  3. [3]
    united 99
    united 99 غير متواجد حالياً
    عضو فعال جداً


    تاريخ التسجيل: Mar 2009
    المشاركات: 333
    Thumbs Up
    Received: 29
    Given: 84
    السلام عليكم

    اخي احمد بالراحه شوي على اخونا..... للاسف كما قلت فهذا واقع معظم الجامعات العربيه الاما رحم ربي...

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML