دورات هندسية

 

 

نصائح لمهندسي التجهيزات صناعه الاسمنت

النتائج 1 إلى 8 من 8
  1. [1]
    الجنوبي55
    الجنوبي55 غير متواجد حالياً

    جديد

    تاريخ التسجيل: Sep 2009
    المشاركات: 2
    Thumbs Up
    Received: 0
    Given: 0

    نصائح لمهندسي التجهيزات صناعه الاسمنت

    السلام عليكم ورحمه الله وبركاته
    فيه موضوع جميل حبيت اشارك فيه عشان لقيته تجربه ممتازه وقابله للتوسع في مجالات صناعيه كتير
    والفايده اللي ترجي من وراه كبيرة جدا.
    المشكله بس ان فيه شويه تفاصيل فنيه يمكن متستهويش حد من بره المجال الهندسي بس الله المستعان
    الموضوع عن صناعه الاسمنت ولازم قبل ما اخش فيه اديكم فكره بسيطه عن صناعه الاسمنت في العالم
    صناعه الاسمنت زي ما انتوا عارفين صناعه استرتيجيه يعني منتج استراتيجي لابد منه انتاج العالم منه
    حوالي 180 مليون طن في السنه وهي صناعه الي حد كبير من اكبر الصناعات الملوثه للبيئه والمستهلكه
    للطاقه عشان كده المصانع في اوروبا والدول المتقدمه قليله جدا مش معني كده ان الغرب ساب لنا كده
    الصناعه الاستراتيجيه دي .......... هم عملوا حاجه مبتكره جدا هم سيطروا علي الصناعه من ناحيتين
    الناحيه الاولي انهم قدروا يسيطروا بشكل شيه كامل علي تكنولوجيا الصناعه وبقوا هم تقريبا لوحدهم في العالم
    اللي يقدروا يصنعوا معدات ويركبوا مصانع كامله وظهرت علي الساحه شركات عملاقه مسيطره تماما
    علي تقنيه معدات صناعه الاسمنت وبكده اتقفلت علي المسلمين ودول العالم التالت امكانيه الاستفاده يمصادرهم
    الطبيعيه المتوفره جدا بشكل مستقل وبقوا دايما محتاجين للاوروببين اللي بيبيعوا لهم المعدات دي وقطع غيارها
    والخدمات المتعلقه بيها باسعار اقل ما يقال عنها انها خياليه... اهم الشركات دي هي اف ال سميدث الدنماركيه
    وبولسيوس وكي اتش دي الالمانيتان
    لو الموضوع وصل لحد هنا ووقف كنا قلنا ماشي
    وماله ماهي الصناعه بتكسب كويس لكن المصيبه انهم برضه سيطروا علي ارباح الشركات من خلال شراء المصانع المنتجه في دولنا الغلبانه بالجمله واحتكار السوق وتحقيق ارباح جباره من جيوب المستهلكين الغلابه دول العالم الثالث اللي اغلبهم عرب و مسلمين اهم الشركات دي هي هوليسيم ولافارج الفرنسيه وسيمكس المكسيكيه
    وسيمبور البرتغالبه وتيتان اليونانيه
    وبكده قدر الغرب يبلع صناعه الاسمنت كلها قدر يكسب من المعدات وخد المواد الخام بشكل شيه مجاني
    واحتكر السوق العالمي ودفع الدول الناميه دم قلبها في المنتج وارباح البيع بقت عنده وتجنب كمان تلويث البيئه عنده في بلاده وساب لنا احنا التلوث ومش هنقول غير حسبنا الله ونعم الوكيل
    كل ده عشان بس تاخدوا فكره بسيطه عن الوضع الحالي عن صناعه الاسمنت في العالم وطبعا كل نقطه في اللي فات فيها تفاصيل كتير مش هنخش فيها
    بس السؤال اللي بيطرح نفسه يا جماعه ازاي نقدر نغير اي حاجه من الصوره دي ونحاول بقدر الامكان ان احنا نستفيد من ثرواتنا
    الجواب في النقط اللي جايه ان احنا كعرب ومسلمين لازم نتحرك برضه في المحورين دول
    نتحرك علي المحور الاول " محور التقنيه "
    كالاتي
    بالنسبه لقطع الغيار فيه طريقتين لتخفيض مصاريف قطع الغيار دي بشكل كبير جدا ممكن يوصل ل 40 او 50 في الميه
    الطريقه الاولي الاستعمال الفعلي لمصطلح اسمه او اي ام
    OEM original equipment manufacturer
    وده با جماعه مفهوم ناس كتير بتقلل من اهميته وهي مش متخيله قد ايه ممكن يوفر فلوس بتدفع بدون اي داعي
    لواحد لمجرد انه عنده معلومات عن المعده اللي بين ايديك وتحت تصرفك وتقدر تعرف عنها كل اللي انت عايزيه
    ولتوضيح المفهوم ده اكتر هضرب لكم مثال جيد
    الشركات اللي بتصنع المعدات العملاقه مش بتصنع المكونات الصغيره يعني مثلا من مبرد الكلينكر فيه انظمه كتير
    مثلا النظام الهيدرو ليكي مش بتنتجه اف ال سميدث ولا بولسيوس ولا الشركات اللي زي دي
    انما بتاخده من شركات متخصصه زي ريكزروث او دينيسون اوغيرها لكن بتدينا رسومات عليها ارقام
    خاصه بيها ولما تيجي تطلب قطع غيار تروح للرسومات وتطلبها من اف ال مثلا فتديك سعر غريب والله يا اخوه
    عن تجربه نسبه السمسره بتزيد احيانا عن 70 في الميه الشركات العربيه بتدفعها وهي مبسوطه وكل ده بيزيد في تكاليف الانتاج وكله في الاخر علي الزبون . والحل بسيط جدا انك لما تطلب قطع الغبار تطلبها من المنبع
    من ريكزروث او دينيسون مباشره يمكن هتتعب شويه في انك تجمع الداتا الاصليه في الكتالوجات لكن والله
    وعن تجربه هتوفر كتير جدا
    الطريقه التانيه الهندسه العكسيه
    صناعه الاسمنت فيها اجزاء معرضه للتأكل كتبر جدا وده بيخلي استعمال السبائك الحديديه المقاومه للتاكل بالاحتكاك
    والسبائك المقاومه للحراره كتير جدا بدون اي مبالغه يا اخوه كل هذه الاجزاء قابله للتصنيع بالايادي العربيه والاسلاميه وبنجاح وبتوفبر كبير جدا فيه شركات كتير في مصر وتركيا علي قدر كبير من الكفاءه لتصنيع
    اي جزء من هذه الاجزاء وبربع ثمن الاستيراد
    لغايه هنا تمام ؟
    ناخد راحه شويه و هرجع لكم ان شاء الله عشان نتكلم عن المحور التاني وبالمناسبه اي حد عنده اي سؤال يقدر يراسلني بشكل مباشر وانا هرد عليه ان شاء الله
    سبحانك اللهم وبحمدك اشهد ان لا اله الا انت استغفرك واتوب اليك

  2. [2]
    احمد البربري 1
    احمد البربري 1 غير متواجد حالياً
    عضو
    الصورة الرمزية احمد البربري 1


    تاريخ التسجيل: Dec 2008
    المشاركات: 28
    Thumbs Up
    Received: 0
    Given: 0
    جزاك الله خيرا عن هذه النصائح الجميلة ولكن يبقى لى سؤال مهم وهو ما هى طبيعه عمل مهندس التجهيزات فى مصانع الاسمنت لأنى معروض عليا شغل فى مصنع اسمنت بهذه الصفه ( مهندس تجهيزات فى مصنع اسمنت سيناء) وهل لهذه الوظيفة اضرار صحيه على الانسان وما هى اضرارها على المدى الطويل
    ياريت اللى عنده رد على اسئلتى ما يبخلش عليا بيها
    وشكرا

    0 Not allowed!



  3. [3]
    عماداسماعيل
    عماداسماعيل غير متواجد حالياً
    عضو


    تاريخ التسجيل: Mar 2010
    المشاركات: 11
    Thumbs Up
    Received: 1
    Given: 0
    جزاك الله خيرا عن هذه النصائح الجميلة

    0 Not allowed!



  4. [4]
    سعد محمد هادي
    سعد محمد هادي غير متواجد حالياً
    عضو فعال جداً


    تاريخ التسجيل: Aug 2006
    المشاركات: 377
    Thumbs Up
    Received: 0
    Given: 0
    بارك الله فيك00000مع التقدير

    0 Not allowed!


    اللهم يسر ولا تعسر

  5. [5]
    مهندس أيمن سليمان
    مهندس أيمن سليمان غير متواجد حالياً
    جديد


    تاريخ التسجيل: Jun 2009
    المشاركات: 2
    Thumbs Up
    Received: 0
    Given: 0

    Thumbs up اقتراح لتبادل الخبرات في صناعة الاسمنت

    السلام عليكم ورحمة الله وبركاته
    الاخوة الاعزاء
    انا عندي اقتراح اتمنى ان يأخذه الجميع بعين الاعتبار
    اقترح على الاخوة المهندسين ذوي الخبرة في صناعة الاسمنت واللذين امضوا سنوات في هذا المجال ان يمدونا نحن المهندسين المقبلون على هذا المجال بخبراتهم لكي نتمكن من الدخول في مجال صناعة الاسمنت مستعينين بما نأخذه من ذوي الخبرة
    وأريد من اخواننا المهندسين ذوى الخبرة ان يتفضلو مشكورين باعلامنا عن دور المهندس الفني والادارى في مصنع الاسمنت
    واسمحوا لي انا دخلت الكثير من المنتديات التي تتحدث عن صناعة الاسمنت لكني لم اجد جديدا
    فكل الكلام كان مكرر عن صناعة الاسمنت والمواد الخام والتكسير والحرق والطحن وكل هذا الكلام يعلمه طلاب كليات الهندسة
    لكن الاهم من هذا هو شرح الدور الفني للمهندس داخل مصنع الاسمنت سواء في المحجر او الطاحونة او الفرن ........ إلخ
    ولو أردنا ان نعرف ما معنى ان يكون المهندس رئيس ورديه فما هو الدورالفني والاداري الذي سيقوم به مهندس مشرف على وردية وكذلك دور المهندس في قسم الانتاج بالمصنع ........إلخ
    هذه هي النقاط التى نود ان نفهمها ونتعرف عليها بشيء من التفصيل معتمدين في ذلك على خبرات اخواننا ذوي الباع الطويل في صناعة الاسمنت
    وانا كلي ثقة بان المهندسين المخضرمين في صناعة الاسمنت سواء مهندسي التعدين او الميكانيكا او الكهرباء لديهم القدرة على منحنا الثقة بتزويدنا بعلمهم
    في انتظار آراءكم و ردودكم

    0 Not allowed!



  6. [6]
    nikname
    nikname غير متواجد حالياً
    جديد


    تاريخ التسجيل: Mar 2010
    المشاركات: 6
    Thumbs Up
    Received: 0
    Given: 0
    بارك الله فيك وجزيت خيرا على هذا التوضيح

    0 Not allowed!



  7. [7]
    آغاميلاد
    آغاميلاد غير متواجد حالياً
    عضو فعال


    تاريخ التسجيل: Feb 2008
    المشاركات: 107
    Thumbs Up
    Received: 3
    Given: 0
    مشكوووووووووووووووووووووووووور بارك الله فيك

    0 Not allowed!



  8. [8]
    hanakish
    hanakish غير متواجد حالياً
    جديد


    تاريخ التسجيل: Oct 2013
    المشاركات: 1
    Thumbs Up
    Received: 0
    Given: 0
    السلام عليكم .. اخوانى هل للموضوع بقية ؟؟

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML