دورات هندسية

 

 

سلسلة (اعرف...استفيد) الجزء الثانى السيـكرومتــري psychrometrics

صفحة 6 من 12 الأولىالأولى ... 2 3 4 5 67 8 9 10 ... الأخيرةالأخيرة
النتائج 51 إلى 60 من 112
  1. [51]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    مثال 2


    مثال 2

    Air at
    D.b 32 , w.b 24
    Find Rh%؟
    and d.p ؟

    الحل
    نعمل ايه
    1-بنمسك اول خاصيه عندنا وهى درجه الحرارة الجافه ونحدد خط 32
    بعد كدا نرسم خط خفيف بقلم رصاص طبعا الخط بيكون عمودى(لان خطوط ثبوت درجه الحرارة الجافه بيتكون عموديه كما قنا ) ولو خطوط ثبوت الخاصية مائله هايبقى الخط مائل من الاخر برسم خط موازى لخطوط ثبوت الخاصية (مائل عمودى مائل يمين مائل يسار او ايا كان)

    كدا احنا حددنا خط ال 32 ورسمنا خط عمودى لهذه القيمة

    2- بعد كدا بنحدد قيمه الخاصية الثانية و الخاصية الثانية عندنا هى درجه الحرارة الرطبة 24 ودا بيميل بزايه زى ماقلنا من قبل
    ونرسم خط خفيف لهذه القيمة موازى لخطوط ثبوت هذه القيمة


    ايه اللى حصل معاك
    الخطين اتقبلوا فى نقطه معينه
    هى دى النقطه اللى نقدر بقا عندها نحدد خواص الهواء الجوى

    نشوف النقطه واقعه على اى خط من خطوط الرطوبه النسبيه او من الممكن بين خطين وبرضه بالنسبه والتناسب او النظر اقدر احدد اقرب قيمه للخط (وتقريبا طلعت معايا 50%

    لتحديد درجه الندى نذهب الى ناحية اليسار
    وهى (20.4 C)

    0 Not allowed!



  2. [52]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    مثال 3


    مثال 3

    لو قلنا عندنا هواء فى غرفه وكان درجه الحرارة الجافه لهذه الغرفه 23 c
    وكانت الرطوبه النسبيه لهذه الغرفه هى 50%

    حدد باستخدام الخريطة السيكرومترية

    درجه حراره الهواء الرطبة

    الحل
    1-نرسم خط عمودى للقيمه 23 c من (درجه الحرارة الجافه)
    2- اقوم بتحديد النقطه التى يتقاطع معها هذا الخط مع الكيرف الخاص بالقيمة 50% لدرجه الرطوبه النسبيه
    3-اقوم بتحديد قيمه درجه الحرارة الرطبة وهى 18 c

    0 Not allowed!



  3. [53]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    مثال4(بالوحدات الانجليزية)


    مثال4(بالوحدات الانجليزية)

    ودا مثال بالرسمه بتاعته علشان الناس تبقى متخيلية ايه اللى بيحصل

    لو قلنا ان


    Dry Bulb Temperature of 34°F and Relative Humidity of 70%


    وعاوزين نعرف باقى الخواص مثل

    Dry Bulb,
    Wet Bulb,
    Relative Humidity
    and Dew Point Lines
    ودى بنشوفها فى الشكل التالى ازاى حدد الخواص:



    0 Not allowed!



  4. [54]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    مثال 5 (بالوحدات الانجليزية)

    كمان مثال لو قلتلك عاوزين نحدد شويه النقط دى (بالوحدات الانجليزية)
    لكل من النقط التالية
    يعنى عندى 6 نقط
    ودا بالرسم علشان الناس تتدرب كويس

    a)Find the wet-bulb temperature of a moist air mixture when the dry-bulb temperature is 36°F and the relative humidity is 30%.


    (b) Find the wet-bulb temperature of a moist air mixture when the dry-bulb temperature is 36°F and the relative humidity is 90%.


    لاحظوا انه ثبت درجه الحراره الرطبه وغير فى قيمه الرطوبه النسبيه علشان يوضحلك ايه اللى بيحصل لخواص الهواء بالارقام



    (c) Determine the dry-bulb temperature of a moist air mixture when the relative humidity is 70% and the wet-bulb temperature is 35°F.


    (d) Determine the relative humidity of a moist air mixture when the dry-bulb temperature is 37°F and the wet-bulb temperature is 33°F.


    لاحظوا انه ثبت درجه الحراره الرطبه وغير فى قيمه درجه الحراره الجافه علشان يوضحلك ايه اللى بيحصل لخواص الهواء بالارقام لما تتأثر او تتغير خاصيه هلى ستؤثر على باقى الخواص ام لا حل المثال واحكم بنفسك


    (e) Determine the dew point temperature of a moist air mixture when the dry-bulb temperature is 36°F and the relative humidity is 80%.



    والحل كما نرى من خلال الرسمه اللى معانا هنا







    ودى القيم من على الرسمة مرتبه
    (a) 27.3°F Wet Bulb Temperature

    (b) 34.9°F Wet Bulb Temperature

    (c) 38.7°F Dry Bulb Temperature

    (d) 66% Relative Humidity

    (e) 30.6°F Dew Point Temperature
    واعتقد الى هذا الحد اننا اصبحنا محترفين فى تحديد النقط من على الخريطة السيكرومترية

    والى القاء فى مشاركات اخرى

    اخوكم

    م/عادل حسن

    0 Not allowed!



  5. [55]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    العمليات على المخطط السيكرومترى


    العمليات على المخطط السيكرومترى:

    الى هنا قد وصلنا الى مرحله متقدمة اكثر فى إرساء قواعد هذا العلمفى هذا المنتدى
    واعتقد اننا وصلنا هنا الى كيفيه تحديد الخواص المختلفة للهواء الجوى عند اى حاله معاطاه لنا
    بمعنى اخر
    بنعرف حاله الجو ايه
    انا هنا فعلا وصلت انى اعرف احدد خواص أو حاله الجو في غرفة معينه
    من درجات حرارة ورطوبة ونسبه تبخير و............الخ

    تصدق فعلا

    طيب ايه الخطوة القادمة
    ان الهواء الجوى شىء مادى قابل للتحكم ميكانيكيا فى خواصة بأستخدام الطرق المختلفة لذلك بمعنى اننى أستطيع ان ازود أو اخفف من الرطوبة النسبية للمكان
    او اقدر اخفف درجه الحرارة الجافة
    ودول اهم عاملين للتحكم فى الهواء الجوى واللى بيتأثر بيهم تعريف مناطق الراحه واحساس الانسان بالراحة (كما سوف نرى لاحقا)

    0 Not allowed!



  6. [56]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    شغل مهندسين:

    الى هنا قد وصلنا الى مرحلة فى ظنى متقدمه شوية وكمان تعتبر من اهم خطوات تصميم اى نظام تكييف

    فلا استطيع ان اصمم او اتعامل مع اى نظام تكييف دون معرفه ما هى العمليات التى تجريها هذه الاجهزة وايضا تحليل العملية لهذه الاجهزة)

    هناك تساؤلات عديده بخصوص هذا الموضوع
    لو جالك شخص بيسائل ياباشمهندس لو عاوز......

    لو عاوز ألطف من درجه حرارة ألغرفه اعمل إيه وإيه اللي ممكن يحصل لبقية خواص الهواء الجوى

    طيب لو انا ساكن فى خط الاستواء وعندي درجه الحرارة وكمان الرطوبة النسبية عاليه اعمل ايه علشان (الطف من درجه الحرارة واخفف من الرطوبة)

    طيب لو انا ساكن فى منطقه شديدة البرودة اعمل أية علشان اظبط درجه حرارة الهواء الجوى إلى درجه مناسبة للدفء

    طيب لو قلتلك انى فى مصنع بنصنع منتج معين ويحتاج الى نسبه رطوبة لاتزيد عن 50% ودرجه حرارة جافه لاتزيد على 22 C

    طيب لو قلتلك ان فيه مخزن لخزن انوع معينه من المنتجات ولازم بيكون فيه هناك مواصفات معينه للهواء فى المخزن دا
    طيب لو قلتلك ان انا ........................

    أقول لك تعال معي أعرفك على العمليات التي تتم على الهواء الجوى بغرض الحصول على الخواص المطلوبة باستخدام الطرق المختلفة
    يعنى فيه طرق
    اقولك ايوة
    وبنحدد سلوك الهواء الجوى فى هذه العمليات وكمان بنظبط الخواص على القيم اللى احنا عاوزنها (هو دا شغل المهندسين )
    ونعمل حسابتنا على الهاب مثلا ونقوك هات جهاز كام حصان
    او كام طن تبريد وكام cfm

    طيب تعالو الاول نتعرف على ايه هى العمليات اللى من الممكن اننا نعملها للسيطره لعى بارامترات الهواء الجوى

    0 Not allowed!



  7. [57]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    1- عمليات التبريد والتسخين المحسوس



    1- عمليات التبريد والتسخين المحسوس

    عمليات التبريد والتسخين المحسوس من العمليات التى نقوم فيها باضافه حراره او ازاله حراره الى هواء الغرفة
    طبعا احنا عارفين ان هناك حاجه اسمها

    Sensible heat
    Latent heat
    واحنا هنا بنتعامل طبعا مع sensible heat اى أضافه حرارة او ازاله حراره محسوسه اى يمكن قياس كميه الحراه المضافه او المزاله (وهذا ما نعنيه من لفظ محسوس)

    ويمكن رسمها على الخريطة اليسكرومتريه كما نرى فى الشكل واتجاه السهم يوضح
    اذا قمنا بالتسخين اى زياده درجه الحرارة الجافه يتجه الخط ناحيه اليمين
    اما اذا كنا نقوم بخفض درجه الحرارة الجافه يتجه الخط فى اتجاه اليسار





    شكل العملية على السيكرومترى للتبريد المحسوس والتسخين المحسوس



    ماهى التغيرات التي حدثت (بمجرد النظر الى الخريطة السيكرومتريه اقدر احدد ايه اللى حصل لبقيه الخواص لما قمت باضافه او ازاله كمية الحرارة
    وهذا ما نقصده بكلمه التكييف
    اى السيطرة والتحكم و التأثير والتغيير في خواص الهواء الجوى أو داخل ألاماكن المختلفة

    انظر الى الشكل جيدا
    ما الذى حدث لبقيه الخواص
    ماهو الذى تم للرطوبه النسبية
    ما الذى حدث للدرجه الحرارة الرطبة

    ياه دى العمليه باين عليها غيرت خواص الهواء
    (كما راينا فى الامثله السابقه عند غر خاصيه فان باقى الخواص تتغير وذلك بالارقام زى ما شوفنا فى حل الامثله السابقه)


    وهوا دا اللى احنا عاوزين نعرف
    انظر ما الذى حدث عندما اضفنا فقط حراره او قمنا بازالتها
    انظر جيدا على خطوط الخواص ما الذى حدث لها




    0 Not allowed!



  8. [58]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    تغير الخواص


    نجد من الشكل
    1-الرطوبة النسبية:

    تتاثر فعند اضافه حراره معناه اننى اتحرك فى اتجاه اليمين اى يبدا الخط فى قطه خطوط الرطوبه النسبية التى تتدرج الى قيم اقل (يعنى الرطوبه النسبيه تقل) والعكس عند ازاله كميه من درجه الحرارة الجافة

    وكذلك بقيه الخواص على هذا المنوال
    ونشوف الجدول التالى وننظر الى هذا الجدول وننظر على الرسمة





    طيب عاوزين
    هنا نحسب كميه الحرارة المضافه او المزالة من الهواء الجوى
    بنقول ان
    لايجاد كميه الحرارة المضافه او المزاله الى الهواء الجوى
    ماتيجى كدا نبص على القانون دا

    Q=m*cp (h2-h1)
    Q=the heat quantity
    M= the mass flow rate / second
    cp=specific heat of air (1.006 kg/kg.k)
    h1=the initial state enthalpy
    h2= the final state enthalpy
    طيب ناخد مثال
    هواء جوى 1.5 m3/s
    Wb=21 c
    Db=15 c
    وقد تم تسخينه بمقدار 20 c
    وكان المائع المسنخدم لملف التسخين هو ماء يدخل بدرجه حرارة
    85 c ويخرج ب 75 c
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



    ايه العمل العمليه بقا فيها ماء وهواء واحنا متفقناش على كدا

    ابداء منين الحساب او اعمل اية

    الكلام دا بقى كدا دخل فى سكه تانيه خالص
    اقول لك ابداء فورا بعمل اتزان حرارى
    اتزان حرارى

    0 Not allowed!



  9. [59]
    م/عادل حسن
    م/عادل حسن غير متواجد حالياً
    عضو متميز
    الصورة الرمزية م/عادل حسن


    تاريخ التسجيل: Nov 2006
    المشاركات: 425
    Thumbs Up
    Received: 21
    Given: 0

    الاتزان الحرارى


    الاتزان

    لطالما ترددت على اسماعى هذه الكلمه وحاولت البحث عن المعنى الهندسى لهذه الكلمة

    فان الله تعالى قد خلق هذا الكون وجعل له النواميس الخاصه التى تحكمة وتحكم العلاقات فيه
    بين ماء وهواء وتربه وسماء
    وبشر وجبال وطيور

    عندما كنا ندرس فى ماده الكنترول او ميكانيكا الموائع (مش فاكر) المهم رسم الدكتور على السبوره بليه على ثلاث اسطح

    السطح الاول مقعر الى اعلى (ودا معناه ان البليه مش فى steady state و مش فى حاله اتزان يعنى هاتوقع)
    السطح الثانى مقعر لاسف ودا معناه ان برضه البليه مش فى حاله مستقره وغير متزنه
    وفى الرسمه الثالثه كانت على سطح مستوى تماما
    وقال هى دى ال steady state والاتزان

    احنا كمهندسين بنعمل حاجات ميكانيكية (علم الحيل) علشان نعمل اتزان للنظام وبعد كدا دورنا هو اننا الايد اللى بتتحكم فى حركه البلية يمين او شمال (وهى دى الهندسة وشغل الكنترول)

    ولاتزان
    هو ان الفقد الحرارى من الماء= الكسب الحرارى للهواء

    فالاتزان هو ان
    الداخل= الخارج

    او من الممكن اننا نقول


    كميه الحرارة المأخوذه من الماء = كميه الحرارة المضافه للهواء

    طيب بعد مانشوف المعادله دى نقدر نفكر فيها شوية

    m*cp*(h2-h1) = m*cpw*∆T



    والى هنا نضطر الى الاكتفاء بهذا القدر اليوم
    وذلك لان

    عقارب الساعه تصرخ وتنادى من امامى


    تذكرنى باننى قد تجاوزت حدود وقتى وان هناك اشياء اخرى لابد من عملها

    وان نشاء الله نكمل فى المشاركات القادمة

    اللهم علمنا ما ينفعنا
    اللهم انفعنا بما علمتنا
    اللهم تقبل صيامنا
    اللهم تقبل قيامنا
    اللهم اجعل ما نقول وما نسمع وما نقراء وما نكتب حجه لنا لا علينا
    اللهم توفنا وانت راض عنا

    لاتنسونى من صالح دعائكم
    اخوكم
    م / عادل عويلى

    0 Not allowed!



  10. [60]
    zanitty
    zanitty غير متواجد حالياً
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,146

    وسام مشرف متميز

    Thumbs Up
    Received: 1,109
    Given: 1,645
    الله يسامحك يا ماهر يا ماهر يا عبد الوهاب (ده اللى كان بيدرسلنا السيكومترك شارت) لو كان شرحها بالحلاوه دى مكنتش كرهت الماده و دخلت انتاج بسببه

    0 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  
صفحة 6 من 12 الأولىالأولى ... 2 3 4 5 67 8 9 10 ... الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML