بسم الله الرحمن الرحيم
السلام عليكم ورحمة الله وبركاته
هحكيلكوا حكاية صغيرة وارجوا انكم تكملوها وتحطولها نهاية بإذن الله
****** ********
كان فيه طالب ثانوية عامة مصري حلمه انه يدخل هندسة ويطلع مهندس ... ربنا وفقه وذاكر وجاب 95% وجاله التنيسق كلية الهندسة .
فرح جدا طبعا وعاش حياته لغاية لما لقي واحد صاحبه بيقول له ( علي فكرة في اقسام جديدة في الهندسة وعاوزين نفكر فيها) .
قال : ( يا عم لسة سنة اعدادي وبعدين نفكر , وبعدين انا اصلا عاوز هنسة طيران )
-(لا يا حبيبي الاقسام دي مافيهاش اعدادي دي التخصص فيها علي طول من اول سنة في الكلية )
_( اقسام ايه , الله يخرب بيتك ع الصبح؟ )
_ (بص يا سيدي .... عندك هندسة طبية وبترو كيميكالز وميكاترونكس والكترو ميكانيك و علوم مواد و..و..)
_ ومين بأه اللي قالك علي الاقسام دي؟
_ابويا ... كل زمايله بيقولوله الميكاترونيكس دا جامد جدا ومستقبله رهيب .
بس علي فكرة الاقسام دي بمصاريف غالية ( 12 الف جنيه في السنة )
_ كام يا اخويا ؟!! ليه يعني ! 60 الف في الخمس سنين.؟
ودار الكلام وجاب بعضه يمين وشمال والموضوع اتغير.
********
في جرنال الاهرام موضوع طويل عريض اسمه (نظام الساعات المعتمدة يجعل كفائة المهندس المصري عالمية ).
قرأ الموضوع ولقا المعلومات مظبوطة والقسم تكلفته 12 الف في السنة . اي حوالي 300 ساعة وكلام تاني كتير كويس ومبشر بالخير

*******
راح لواحد قريبه في هندسة الاسكندرية _ميكانيكا باور _
- انا سمعت عن اقسام جديدة عندكوا في الكلية
- اه الاقسام الجديدة الخاصة دي ؟
- اه ايه رأيك؟
- حلوة اوي طبعا بس غالية برضه . دا انتا لو عرفت تخش ميكاترونيكس او بتروكيميكالز تبقا عديت
دا ليهم مستقبل كبير اوي يا ابني . هما بكام؟
- 60
-60 الف؟؟؟
-اه
- ياعم ادخلها ياعم . دا انا كنت فاكرها اغلي من كده
وبعدين انت فرصه انك في الاسكندرية . ميكاترونيس مش موجودة غير هنا في الجامعات اللي في مصر كلها .
**********
ودار الكلام واقتنع صاحبنا اقتناع تام
***********
وقابل صاحبه تاني
- ايه سألت تاني علي القسم دا ؟
_ سألت مهندسين كتير كله بيقول القسم دا جامد جدا . بس علي فكرة مفيش القسم دا غير في الاسكندرية
وكمان وا جديد يعني مفيش ولا مهندس ميكاترونكس قبل كده . وشغله بره ( وشك )
*************
وسأل يمين وشمال مهندسين وغيرهم وكله بيقول وبيقول وبيقول....بس القسم دا جامد م الاخر
**************
فتح ويكيديبيا وبيعمل سيرش علي هندسة الاسكندرية ولقا فيها الاقسام وااقسام الامتخصصة (التي بدأت 2007)
مفيش ميكا ترونكس
*******
دخل علي منتديات ولقا ناس كتير ميكاترونكي وكل واحد من جامعة شكل فيه من اسيوط وفيه غيرهم
*******
والقسم عليه كلام كتير
******
ومفيش شغل غير بالجزء الميكانيكي او الكربي طب مانا ادخل تخصص من الاول احسن
وعلي ايه ادفع الفلوس دي كلها وف الاخر ادور علي شغل وفرصتي اقل من الللي طالع من باور او كهرباء
*********
انا معنديش مشاكل اشتغل بره بس مين يضمن اني اشتغل برة؟
**********
قال صاحبه: مش كنا دخلنا تجارة احسن؟
- طب الميكاترونكي دا في اسكدرية ولا لأ؟
ليه اعدادي ولا لأ؟
ليه شغل ولا لأ؟
_ تجارة ترونكس ....هههه
- انت فايق قوي
-انت هتعكنن علينا ليه يا عم .....هيا باور وخلاص كل واحد يشتغل معا ابوه في الشركة وبلاش وجع دماغ .
بكره التقديم ؟
-اه
.................................................. .............
..............
.............
........
.... ......