دورات هندسية

 

 

نظره على نظام اللينيكس

النتائج 1 إلى 2 من 2
  1. [1]
    eslamzidan
    eslamzidan غير متواجد حالياً

    عضو

    تاريخ التسجيل: Jul 2007
    المشاركات: 32
    Thumbs Up
    Received: 0
    Given: 0

    نظره على نظام اللينيكس

    السلام عليكم و رحمة الله و بركاته:

    أول شىء ايه هوا اللينكس؟

    اللينيكس أو كما ينطقها البعص اللينوكس أو بالأنجليزيه Linux هو نظام تشغيل لمختلف أجهزة الحاسب الشخصيه أو السيرفرات أو حتى الأجهزه الزكيه(smart devices/embedded devices) مثل الIpod أو الIphone يعنى شىء كده شبيه بالويندوز.

    طيب لما هوا شبيه للويندوز أنتا عامل الموضوع ده ليه وواجع دماغنا طب ما أحنا مويندوزين وخلاص؟

    لأ أنا قلت شبيه بالوندوز من حين أنهم هما الأثنين نظم تشغيل ولكنى ما قولتش نفس المميزات أو الكفاءه.

    جميل طب أيه الفرق؟

    أقوللك أيه الفرق. أنتا أيه أخبارك مع الفيروسات؟؟؟

    ياااه دا أتا جيت على الجرح والله الAutorun مبهدلنى ده غير أنى بقيت بتعامل مع الفلاشات كأنى بتعامل مع عدوى الحصبه.

    طيب أيه رأيك أن اللينيكس نظام ما بيتأثرش بالفيروسات يعنى اشتغل من غير أنتى فيروس وهات فلاشات من الشارع وحط فى بطنك بطيخه صيفى.

    موش مصدق؟؟؟؟

    طب أيه رأيك أنى أول أمبارح كنت بدور على واحد جهازه مليان فيروسات علشان أنقل من عنده عينه و أوريك الصور دى:

    أولا ده الDesktop بتاعى على اللينيكس:


    By eslamzidan at 2009-01-25

    ثانيا أنا دخلت الفلاشه فطلعلى الرساله دى ودقق فيها كويس:


    By eslamzidan at 2009-01-25

    طبعا قولتله متفتحش حاجه ودخلت على الفلاشه وبمنتهى البساطه عملت delete للفيروس:


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25

    ياااااااااه بس كده بكل بساطه؟!!!!!!!!!!!!!!!!!!

    أيوه بكل بساطه ولسه فيه كمان حاجات كتير يعنى منهم أنتا جربت مثلا تنزل ويندوز فيستا؟

    أيوه وكانت مشكله كان لازم أغير الجهاز كله علشان أعرف أشتغل عليه وفى الآخر طلع بطىء برضه.

    طيب أيه رأيك أن اللينيكس بيشتغل على امكانيات قليله يعنى بيرضى بقليله يعنى خفيف زى الريشه على الجهاز.

    أكيد طبعا يا خفيف علشان مفهوش الأمكانيات البصريه لويندوز فيستا...

    متأكد من اللى أنتا بتقوله طيب عندك أستعداد تشوف الأمكانيات البصريه للينكس خلاص أنتا حر بس أوعى تفتح فمك علشان عقلك ميقعش منه.

    يا راجل يعنى هتورينى أيه يعنى...........

    طيب هنبدأ بالتأثيرات البصريه العبيطه لويندوز فيستا وهو تأثير ال 3D window وهوا التأثير الوحيد فيه:


    By eslamzidan at 2009-01-25

    ياااااااه دا موجود فى اللينيكس

    أيوه وبصور متعدده:


    By eslamzidan at 2009-01-25


    By eslamzidan at 2009-01-25

    جميل أوى بس فين المبالغات اللى كنت بتقول عليها.....

    أصبر عليا أنا جايلك فى السكه....... أول حاجه علشان تعرف بس تستوعب اللى جاى عاوز أوريك حاجه أسمها ال work spaces وهى زى ماتقول كذا desktop مفتوحين مع بعض فى نفس الوقت تقدر تتنقل مابينهم بمنتهى السهوله مما يوفر مساحه كبيره للعمل وتخفيف زحام النوافز على اللينيكس ودى صوره ليهم من خلال نظره شامله لجميع الworkspaces مع العلم أنه يمكن زيادة عددهم أكثر من أربعه:


    By eslamzidan at 2009-01-25

    طيب وأيه لزمة الكلام ده ؟؟؟؟؟؟؟؟؟؟؟

    أيه رأيك لو شديت الdesktop بالmouse فاتحول معاك مكعب؟؟؟؟؟

    أنتا هتسرح بيا ولا أيه!!!!!!!!!!!!!!!!!!!!!!!!!!!!

    طيب شوف بنفسك:


    By eslamzidan at 2009-01-25


    By eslamzidan at 2009-01-25




    By eslamzidan at 2009-01-25

    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

    لأ أنتا لسه شوفت حاجه . . . طيب لو بقى كوره أو اسطوانه؟؟؟


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25


    By eslamzidan at 2009-01-25

    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!

    هههههههه لسه مخك موجود ولا طار؟؟؟

    لا يا عم أنتا واحد مقتدر وهتلاقى عندك رامات 4 جيجا وكارت شاشه 1 جيجا ولا حاجه.

    بص يا سيدى دى امكانيات جهازى (كارت شاشه:64ميجا,رامات:512 ميجا,بروسيسور:2.8 جيجا مع كاش:256 كيلوبايت) وعلى فكره كل الصور دى printscreen من عندى وبدون أى تدخل من برنامج صور وعلى فكره برضه مع كل التأثيرات دى الجهاز سريع وكله تمام.

    ياااااااااااه دا طلع نظام جامد قوى لكن منين أجيب أسطوانه بالسيريال بتاعها؟

    ياه أنا نسيت أقوللك أن اللينيكس نظام حر مجانى وكذلك برامجه.

    طب يعنى أيه حر ويعنى أيه مجانى؟؟؟

    حر يعنى لكل شخص حق معرفة الكود المصدرى للنظام والبرامج التى تتبع نفس الاتفاقيهGPL وهى تضمن أن الكود المصدرى للمنتج أو البرنامج متاح لكل شخص ومجانى وتضمن منع احتكار أى جهه لهذا الكود وده ليه عدة مميزات:
    - تشجيع الابتكار والوصول لأعلى كفاءه للنظام يعنى الكود المصدرى source code للنظام ده بيطور كل لحظه من آلاف المبرمجين على مستوى العالم لأنه بكل بساطه متاح للجميع واللى عاوز يضيف يضيف واللى عاوز يصلح أخطاء يصلح.

    - لم يعد صنع نظام تشغيل معضله فبكل بساطه تقدر تاخد الكود المصدرى للينيكس وتعدل فيه وتشكله بحيث يلائم متطلباتك فمثلا الصين أخدت نسخه وعدلت فيها وعممتها فى جميع المصالح الحكوميه فأصبح هناك نسخه تحمل سمت وثقافة الصين.

    - الميزه السابفه جعلت هناك عشرات التوزيعات من اللينيكس كل منها تلائم شريحه معينه من الناس ومنهم مهندسين الأتصالات(فيه نسخه خاصه بمصممى الhardware).

    - كون الكود متاح للجميع ده بيخلى اللعب على المكشوف يعنى لو فيه حد حاول يحط ثغره فى النظام فهيتكشف للجميع طيب فيه حد يعرف كود الويندوز؟؟؟ علشان كده الويندوز نظام (مخروووم).

    - حماية كل المستهلكين من الاحتكار يعنى محدش هيطلب منك فلوس فضلا عن أنه يغلى عليك سعر.

    طيب أيه مميزات اللينيكس الأخرى؟

    هقول على سبيل المثال لا الحصر:

    - عند تسطيب النظام يجب وضع كلمة سر . كلمة السر دى لا يمكن بدونها: فتح partitions أو تعديل فى اعدادت أو دخول على النظام أو حتى تسطيب برامج(للى عندهم أخوات بيحبوا اللعب كتير).

    - سهولة الأستخدام وكفاءة الأداء فمثلا أنتا بتغير نسخة ويندوز كل شهرين لكن ممكن متغيرشى نسخة لينيكس نهائى(ضرب جهاز سيرفر الرقم القياسى فى عدد ساعات التشغيل المستمر دون توقف وهو 37سنه وخمنوا كان شغال بنظام أيه؟)

    - يوجد لكل مشكله حل فيمكنك تشغيل ما تشاء من أمتدادت ويوجد بدائل لكل برامج الويندوز و(ببلاش) وأيضا يمكنك تشغيل برامج الويندوز(اللى بفلوس) لو عاوز.

    المهم حاجات كتيييييييييييييييييير وده بس مقدمه ولينا لقاء تانى مع نسخه من نسخ اللينيكس وكيفية الحصول عليها وتسطيبها .

    ودى آخر صوره كتبتها بالماوس على سطح المكتب كتوقيع دون أستخدام برامج صور أو خلافه.


    By eslamzidan at 2009-01-25

  2. [2]
    ahmad mohmmad
    ahmad mohmmad غير متواجد حالياً
    عضو متميز
    الصورة الرمزية ahmad mohmmad


    تاريخ التسجيل: Jun 2006
    المشاركات: 1,731
    Thumbs Up
    Received: 10
    Given: 0
    بارك الله فيك.................

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML