دورات هندسية

 

 

هل جلوس المهندس ( زي الباشا اعتمادا علي خلفيته الاكاديميه ) يجعلنا نتقدم مثل اليابان

النتائج 1 إلى 2 من 2
  1. [1]
    الصورة الرمزية احمد عامر
    احمد عامر
    احمد عامر غير متواجد حالياً

    عضو فعال جداً

    تاريخ التسجيل: May 2006
    المشاركات: 200
    Thumbs Up
    Received: 4
    Given: 0

    هل جلوس المهندس ( زي الباشا اعتمادا علي خلفيته الاكاديميه ) يجعلنا نتقدم مثل اليابان

    سبق وان تحدثت الي حد ما عن اهميه التدريب العملي وخاصة لمهندس الهيدروليك واعترض المهندس غباشي علي الرأي كما يلي
    ((((السلام عليكم
    مع كامل احترامي لرأى الاخ احمد عامر الا انه يجب الا ينسي المهندس ان وظيفته الاساسية هي حل المشكلات العمليه اعتمادا علي الخلفية الاكاديمية التي درسها , التدريب العملي اليدوي لا يصنع مهندس انما يصنع فني شاطر وان كان يفيد المهندس في الالمام بجو العمل وطبيعه عمل الفنيين المطلوب منه متابعتهم وتشغيلهم.
    حيث ينسي بعض المهندسين طبيعه عمله الاساسي وينساق وراء العمل الفني , مع كامل احترامنا للفني وعمله.))))) انتهي
    والموضوع هنا http://www.arab-eng.org/vb/t138750.html#post1142158
    وانا في الواقع احب ان اطيل الكلام بشده في هذا الموضوع ولكن الحكمه تقول (( الافعال اعلي صوتا من الكلام )) لذلك كان لابد من معرفة ماذا فعل رجل واحد فقط من اليابان منذ حوالي 180 عام تقريبا فجعل اليابان كما نري اليوم
    انه الطالب (( تاكيو اوساهيروا )) وقصته موجوده في كتاب (علو الهمه ) للشيغ محمد اسماعيل المقدم
    ورابط الكتاب علي موقع www.fluid-power.blogspot.com
    ولنا لقاء قريب

  2. [2]
    الغباشى
    الغباشى غير متواجد حالياً
    عضو فعال


    تاريخ التسجيل: Jan 2003
    المشاركات: 55
    Thumbs Up
    Received: 1
    Given: 0
    السلام عليكم
    ما حدش قال المهندس يجلس زي الباشا
    انما المهندس شغله اساسا بالمعادله وبالورقه والقلم
    يحسب ويرسم ويصمم ويطور
    الفني حاجه تانيه لا يقل اهمية عن المهندس لكن كل واحد وله دوره ومجاله
    حيث ان قدرة المهندس علي الحساب اكبر من قدرة الفني
    وقدرة الفني علي القياس اكبر من المهندس
    http://ar.wikipedia.org/wiki/%D9%87%...83%D9%8A%D8%A9
    يعني جنابك المفروض تقدر تصمم دائرة هيدروليك وتحسب حجم المكونات المطلوبة واقطار المواسير وضغوط التشغيل وتدفق الطلمبات وكمان ميزان الطاقة للدائرة من حيث القدرة المطلوبة لتشغيلها وكمية الطاقة المفقودة وحرارة التشغيل
    وفوق ده كله لازم تبقي امنة واقتصادية وذات كفاءة عاليه
    عشان تعمل كل ده لازم تبقي عارف ميكانيكا الموائع وثرمودينامك وتحكم الي وكمان فكرة عن القياسات وخلفية عن الكهرباء واحيانا الكيمياء
    في فني يعرف يعمل الكلام ده؟
    انما الفني يقدر يجمع الدايرة دي مظبوط ويركبها في مكانها ولما تعطل يعملها صيانة وياخد مقاسات بدقة ويفك ويجمع الاجزاء بكفاءة ونضافه افضل من اي مهندس
    والمفروض ان ده مش شغل المهندس


    لكن بما ان عندنا في مصر مفيش الشغل الفعلي للمهندس الي هو التصميم والتطوير بصورة واسعه وكمان بسبب عدم الاهتمام بتدريب ورفع مستوي الفنيين فالواقع بيفرض علي بعض الحاصلين علي بكالوريوس هندسة انهم يشتغلوا فنيين وان كان بيتقاله يا باشش مهندس
    الدنيا بتتطور وبتتقدم بالمهندسين ويساعدهم الفنيين
    الراجل الياباني الي بتتكلم عنه لو ما فهمش الاساس النظري والاكاديمي الي مش عاجبك ده ما كانش عرف يصنع المحرك تاني
    ان شاء الله لما تشتغل في السوق وتكتشف ان معلومة صغيرة من معلومات الكليه حلت لك مشكله ما قدرش يحلها جيش فنيين ها تفهم كلامي
    نصيحة ما تنساش نفسك وما تنساش الي انت درسته لان دورك انك تطبقه
    ولو ما عرفتش تطبفه يبقي فيه مشكله كبيرة
    سواء في نظام الدراسه او في طبيعه العمل او فيك انت شخصيا


    الا صحيح يا باشمهندس احمد هو مشروعك ايه؟
    ومين المشرف عليه؟

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML