دورات هندسية

 

 

حد يسمع عن قطاع التركيبات في المقاولين العرب ؟؟

النتائج 1 إلى 8 من 8
  1. [1]
    الصورة الرمزية engghost
    engghost
    engghost غير متواجد حالياً

    عضو فعال

    تاريخ التسجيل: Aug 2006
    المشاركات: 54
    Thumbs Up
    Received: 0
    Given: 0

    حد يسمع عن قطاع التركيبات في المقاولين العرب ؟؟


    السلام عليكم و رحمة الله و بركاته ,

    كنت عاوز أسأل حضراتكم لو كان عندكم علم بالموضوع ده ,

    أصل أنا واحد معرفة قال لي إنه قدم لي في :

    1- قطاع التركيبات (المشاريع الهندسية) في المقاولين العرب

    2- المقاولين العرب الأساسية


    و بتوع التركيبات اتصلوا بيا علشان أعمل application و اختبار حاسب آلي ,

    و قال لي - الراجل المعرفة - إن ورقي في المقاولين الأساسية هياخد وقت أكبر و لسه بدري عليه ,
    .
    .
    .

    المشكلة إني مش عارف :

    1- إيه الفرق بين المقاولين الأساسية دي , و بين قطاع التركيبات ده ؟؟

    2- و اشمعنى القطاع ده اللي التقديم سهل فيه ؟؟

    3- و ليه القطاع ده التقديم فيه منفصل عن باقي القطاعات ؟؟

    4- و هل لو قدمت في التركيبات ده و قبلت بعد كده في المقاولين الأساسية ينفع أتنقل فيها ؟؟


    بصراحة المعلومات اللي وصلتني -غير مؤكدة- عن قطاع التركيبات (المشاريع الهندسية) إنه :

    1- فيه سفر في كل مشروع لحد ما المشروع يخلص , يعني شحططة ,
    2 - و إن المرتبات فيه أقل ,



    مع العلم إني ميكانيكا - قوى , و سمعت عن قطاع اسمه الورش الهندسية !!



    يارب حد يقدر يفيدني ,

    و ياريت لو أي حد عنده أي معلومة و لو صغيرة يقولها ,

    و جزاكم الله خيرا


    ......................

  2. [2]
    ashraf_said1973
    ashraf_said1973 غير متواجد حالياً
    عضو فعال


    تاريخ التسجيل: Apr 2009
    المشاركات: 82
    Thumbs Up
    Received: 2
    Given: 0
    السلام عليكم ورحمة الله وبركاته
    عملت في المقاولون العرب لمدة 6 سنوات في ادارة التركيبات وكل خبرتي الي بنيتها وكملت فيها بعد كده من شغلي في المقاولون العرب وهشرح لك الموضوع ببساطة
    المقاولون العرب شركة كبيرة جداً مقسمة الي ادارات وفروع ومفيش حاجة اسمها المقاولين الاساسية وغير الاساسية كل فروع وقطاعات وادارات المقاولون العرب بمختلف مسمياتها مجموعها يشكل شركة المقاولون العرب
    والفروع زي فرع القاهرة - فرع الاسكنرية - فرع اسوان وكثير من الفروع
    هذه الفروع واضح من مسمياتها أنها موزعة جغرافياً علي مستوي الجمهورية وبتكون مركزة شغلها تقريباً في نفس النطاق الجغرافي والفروع دي بتاخد أساساً أعمال انشائية لكن تقوم بتعيين مهندسين ميكانيكا وكهرباء للأعمال المعاونة
    أما الادارات والقطاعات فهي ادارات تخصصية يعني مثلاً ادارة الترسانة البحرية تعمل في مجل بناء السفن وادارة الورش والمصانع تعمل في التصنيع لأعمال الهياكل المعدنية وغيرها وادرة التركيبات الميكانيكية والكهربائية كل مشاريعها أعمال ميكانيكية وكهربائية يعني يا مهنسنا العزيز هتشتغل في تخصصك وهتكون اعمالك هي الرئيسية مش أعمال معاونة زي الي في الفروع
    نيجي بقي لموضوع التقديم للوظائف
    وده بيكون اما انك تقدم في الفرع الرئيسي بشارع عدلي وف الحالة دي انت ممكن تتعين في اي فرع او ادارة او قطاع حسب احتياج الشركة
    أو ان احد القطاعات او الفروع محتاج مهندسين وانت عرفت بفبتروح تقدم فيه مباشرة وف الحالة دي انت هتتعين في الادارة دي بس
    أما موضوع الشحططة فمفيش شحططة ولا حاجة شركة المقاولون العرب بكل اداراتها وفروعها تعمل في مجال المقاولات يعني انشاء المشاريع
    وانت كمهندس تعمل في المقاولات سواءً في المقاولون العرب او غيرها طالما انك تعمل في المشاريع فانت تعمل في المشروع حتي ينتهي ثم يتم نقلك الي مشروع جديد في مكان آخر وهكذا
    وأنا مثلاً عملت في مدينة السادات لمدة سنتين ثم السويس لمدة سنة ونصف ثم القاهرة لمدة سنة ثم بورسعيد لمدة ستة شهور ثم القاهرة لمدة سنة ونصف وأخيراً جات لي فرصة عمل في السعودية فقدمت استقالتي وسافرت
    بس بجد كل الخبرة الي انا خدتها كانت من عملي بادارة التركيبات بالمقاولون العرب
    وتحت أمرك في اي استفسارات اخري

    0 Not allowed!



  3. [3]
    engghost
    engghost غير متواجد حالياً
    عضو فعال
    الصورة الرمزية engghost


    تاريخ التسجيل: Aug 2006
    المشاركات: 54
    Thumbs Up
    Received: 0
    Given: 0
    و عليكم السلام و رحمة الله و بركاته يا باشمهندس أشرف ,
    و شكرا جزيلا لحضرتك على الاهتمام ,

    و بعتذر لحضرتك مرتين :

    1- إني مش هتناقش مع حضرتك دلوقتي لأني لسه جاي من عندهم من اختبار انجليزي و حاسب آلي و هلكاااااااان :)

    2- لأني هصدع حضرتك بأسئلتي بعد كده :)

    هستأذنك لأني عاوز أنااااااااااااااااااااام

    0 Not allowed!



  4. [4]
    ashraf_said1973
    ashraf_said1973 غير متواجد حالياً
    عضو فعال


    تاريخ التسجيل: Apr 2009
    المشاركات: 82
    Thumbs Up
    Received: 2
    Given: 0
    موفق ان شاء الله يا باشمهندس
    وتحت أمرك في اي اسئلة

    0 Not allowed!



  5. [5]
    engghost
    engghost غير متواجد حالياً
    عضو فعال
    الصورة الرمزية engghost


    تاريخ التسجيل: Aug 2006
    المشاركات: 54
    Thumbs Up
    Received: 0
    Given: 0
    السلام عليكم و رحمة الله و بركاته يا باشمهندس أشرف ,

    و شكرا جزيلا على متابعتك و اهتعمامك ,

    و أعتذر عن التأخير في الرد , لكن التأخير يعود لظروف النت " المحترمة " في بلدنا المصون ,

    المهم , علشان ما أطولش على حضرتك هدخل في الموضوع على طول :




    اقتباس المشاركة الأصلية كتبت بواسطة ashraf_said1973 مشاهدة المشاركة
    السلام عليكم ورحمة الله وبركاته
    عملت في المقاولون العرب لمدة 6 سنوات في ادارة التركيبات وكل خبرتي الي بنيتها وكملت فيها بعد كده من شغلي في المقاولون العرب وهشرح لك الموضوع ببساطة
    المقاولون العرب شركة كبيرة جداً مقسمة الي ادارات وفروع ومفيش حاجة اسمها المقاولين الاساسية وغير الاساسية كل فروع وقطاعات وادارات المقاولون العرب بمختلف مسمياتها مجموعها يشكل شركة المقاولون العرب
    والفروع زي فرع القاهرة - فرع الاسكنرية - فرع اسوان وكثير من الفروع
    هذه الفروع واضح من مسمياتها أنها موزعة جغرافياً علي مستوي الجمهورية وبتكون مركزة شغلها تقريباً في نفس النطاق الجغرافي والفروع دي بتاخد أساساً أعمال انشائية لكن تقوم بتعيين مهندسين ميكانيكا وكهرباء للأعمال المعاونة
    أما الادارات والقطاعات فهي ادارات تخصصية يعني مثلاً ادارة الترسانة البحرية تعمل في مجل بناء السفن وادارة الورش والمصانع تعمل في التصنيع لأعمال الهياكل المعدنية وغيرها وادرة التركيبات الميكانيكية والكهربائية كل مشاريعها أعمال ميكانيكية وكهربائية يعني يا مهنسنا العزيز هتشتغل في تخصصك وهتكون اعمالك هي الرئيسية مش أعمال معاونة زي الي في الفروع
    جزاك الله خيرا يا باشمهندس أشرف ,
    أنا فعلا فهمت الكلام ده لما رحت عندهم ,
    و حكاية المقاولين الأساسية و مش الأساسية دي طلعت غلطة مطبعية :) نتيجة لتعدد ناقلي الخبر بيني و بين المصدر ,

    و فعلا القطاع اللي أنا رحته هو قطاع المشاريع (التركيبات) الكهربية و الميكانيكية ,
    و فعلا قالوا لي ده أقرب حاجة لميكانيكا باور ,

    أنا كنت مفكر إن قطاع الورش الهندسية أقرب لميكانيكا ,
    لكن لقيته أقرب لإنتاج مش باور ,

    و ربنا يسهل إن شاء الله و يقبلوني فيه ,

    و ربنا ييسر الخير حيث كان و يُرضنا به

    نيجي بقي لموضوع التقديم للوظائف
    وده بيكون اما انك تقدم في الفرع الرئيسي بشارع عدلي وف الحالة دي انت ممكن تتعين في اي فرع او ادارة او قطاع حسب احتياج الشركة
    أو ان احد القطاعات او الفروع محتاج مهندسين وانت عرفت بفبتروح تقدم فيه مباشرة وف الحالة دي انت هتتعين في الادارة دي بس
    هو أنا بصراحة مش عارف المهندس المعرفة قدم لي فين تاني ؟؟
    في الرئيسي و لا في فرع تاني ؟؟
    بس اللي متأكد منه إنه قدم لي في التركيبات الميكانيكية و الكهربية , ده لأني رحت هناك :) و اختبرت كمبيوتر و حاسب ,
    و عموما قالوا حتى لو ما قدمليش في أي فرع تاني و قبلوني هنا , إنني ممكن أنقل في أي قطاع تاني لما أكبر شوية في القطاع اللي أنا فيه ,
    ده طبعا في حال إني ما استريحتش في القطاع ده ,
    و ربنا يسهل و ما نحتاجش لكده




    أما موضوع الشحططة فمفيش شحططة ولا حاجة شركة المقاولون العرب بكل اداراتها وفروعها تعمل في مجال المقاولات يعني انشاء المشاريع
    وانت كمهندس تعمل في المقاولات سواءً في المقاولون العرب او غيرها طالما انك تعمل في المشاريع فانت تعمل في المشروع حتي ينتهي ثم يتم نقلك الي مشروع جديد في مكان آخر وهكذا
    وأنا مثلاً عملت في مدينة السادات لمدة سنتين ثم السويس لمدة سنة ونصف ثم القاهرة لمدة سنة ثم بورسعيد لمدة ستة شهور ثم القاهرة لمدة سنة ونصف
    طيب سؤال معلش ,
    هل التنقل في أماكن المشاريع بيبقى فيه أماكن للمبيت ؟؟
    و لو موجودة بتبقى آدمية و لا لا ؟؟


    وأخيراً جات لي فرصة عمل في السعودية فقدمت استقالتي وسافرت
    بس بجد كل الخبرة الي انا خدتها كانت من عملي بادارة التركيبات بالمقاولون العرب
    و هنا بقى يا باشمهندس أشرف ,
    هو ما كانش ممكن تاخد أجازة و ترجع تاني ؟؟

    أصلي سمعت إن المقاولين فيها تثبيت زي الحكومة ,
    و لا أنا سمعت غلط ؟؟

    علشان كده أنا خايف لما أدخلها أقعد فيها و أناااااااااااام ,

    مع إني أيام الكلية كنت ناوي أتنقل كل شوية للأفضل
    بس لو فيها تثبيت يبقى الواحد هيطلع الحكاية دي من دماغه :(

    و هل لو قدمت استقالتي و حبيت أرجع تاني أو أقدم فيها مرة تانية , هل هيرفضوا ؟؟

    معلش هي أسئلة سابقة لأوانها لأني أصلا لسه ما اشتغلتش فيها , و بخطط لما أسيبها :)


    وتحت أمرك في اي استفسارات اخري
    ربنا يخليك يا باشمهندس و جزاك الله خيرا بجد ,

    أنا مش بختم الكلام , أنا لسه عندي استفسار :)

    هو أنا جايلي شغل في مجال البحوث و التطوير في شركة معدات زراعية ,
    هم واخدينني لأني كنت من الأوائل - السابع - , و هفهم في المجال البحثي و النظري بسهولة ,

    طبعا أنا بسعى في مجال المقاولين و في مجال الشركة دي ,

    بس مش عارف ممكن أبدأ في التانية دي و بعدين تجيلي المقاولين بمرتب أكبر
    و ممكن يكون الشغل في المقاولين أصعب من الشركة دي
    و ممكن تكون الخبرة في المقاولين أكثر

    هو الموضوع استباقي برضه , لأني لسه ما أخدتش " عقاد نافع " في الاتنين ,
    بس الشركة التانية دي شكلي هقبل فيها قريب إن شاء الله , لأنهم شكلهم عاوزينني ,

    و كنت عاوز آخذ راي حضرتك يا باشمهندس أشرف ,
    لو جت لي التانية , أبدأ معاهم و أنا أسيبهم لما تيجي المقاولين و أبقى ندل ؟؟
    و لا أعتذر و ممكن المقاولين ما تجيش خالص !!
    و لا لو جت المقاولين أروحها و تطلع شغلها صعب و متعب و أخسر الشغل في البحث و التصميم اللي في التكييف ده ؟؟
    و لا أقعد في التكييف و أفقد الخبرة بتاعة المقاولين ؟؟



    معلش أناعارف إني وجعت دماغك يا باشمهندس أشرف ,
    بس انت عارف بقى ,
    الواحد حديث تخرج و ما فيش حد في عيلتنا مهندسين ,
    فالواحد لما يصدق يلاقي مهندس كبير شوية يتكلم معاه و يفهم الدنيا ماشية إزاي ؟؟



    0 Not allowed!



  6. [6]
    ashraf_said1973
    ashraf_said1973 غير متواجد حالياً
    عضو فعال


    تاريخ التسجيل: Apr 2009
    المشاركات: 82
    Thumbs Up
    Received: 2
    Given: 0
    السلام عليكم ورحمة الله وبركاته
    فينك يا باشمهندس

    0 Not allowed!



  7. [7]
    engghost
    engghost غير متواجد حالياً
    عضو فعال
    الصورة الرمزية engghost


    تاريخ التسجيل: Aug 2006
    المشاركات: 54
    Thumbs Up
    Received: 0
    Given: 0
    وعليكم السلام و رحمة الله و بركاته يا باشمهندس أشرف ,

    أنا هنا أهه :)

    حضرتك اللي غايب عننا :) ,

    و معلش على استفساراتي الطويلة في المشاركة اللي فاتت ,

    لو حضرتك ما عندكش وقت رد على كل جزء فيها براحتك ,

    و دعواتك بإن ربنا يقدر لنا الخير حيث كان و يُرضنا به ,

    جزاك الله خيرا على متابعتك ياباشمهندس

    0 Not allowed!



  8. [8]
    sayedkingdom
    sayedkingdom غير متواجد حالياً
    عضو


    تاريخ التسجيل: Oct 2008
    المشاركات: 14
    Thumbs Up
    Received: 2
    Given: 0
    قطاع التركيبات متميز جدا

    0 Not allowed!



  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML