دورات هندسية

 

 

عوده صلاح الدين

صفحة 1 من 2 12 الأخيرةالأخيرة
النتائج 1 إلى 10 من 18
  1. [1]
    الصورة الرمزية zanitty
    zanitty
    zanitty غير متواجد حالياً

    مشرف متميز

      وسام مشرف متميز


    تاريخ التسجيل: Jan 2007
    المشاركات: 6,146
    Thumbs Up
    Received: 1,109
    Given: 1,645

    عوده صلاح الدين

    في القرآن ربّك قال للناس: "ادعوني"
    علشان هوا كريم وبيِدّي
    وف رمضان الناس بتصلّي
    تملا الجامع في التراويح
    وإْمامهم يدعي ويعيّط
    واللي وراه بيقولوا: "آمين"
    عارفين كانوا بيدعوا بإيه؟
    كانوا كل صلاه بيقولوا:
    يا الله
    رجّع لينا صلاح الدين...
    يا الله
    دا احنا بشوق مستنيّين
    يا الله
    لو جالنا هنقوم واقفين
    يا الله
    نمشى وراه ونكون طايعين
    يا الله
    و نحرّر أرض فلسطين
    يا الله
    بس ييجيلْنا صلاح الدين
    يا الله.....
    *******
    ربك دايماً....
    ربّ قلوب
    بيحبّ العبد اللي بيطلب
    وامّا لقى الملايين بيقولوا
    رجّع لينا صلاح الدين
    سبحانُه.. حقّق رغبتهم
    ولقينا الأرض بتنشقّ...!!!
    قُدرة ربّك
    مين هيكدّب ويقول: "لأ"؟!
    ولقينا فارس من نور
    وحصانه بيجري ويْدُور
    وف إيده السيف المتعافي
    استعجِبنا...!!!
    وسألناه: "انت اسمك إيه؟!"
    قال بالفُصحى:
    أنا يا قومِ صلاحُ الدينْ
    قد أحياني اللهُ القادرُ
    حين دعوتم
    أنْ يبعثَني اللهُ إليكم
    ها أنا ذا
    قد جئتُ إليكم
    لكنْ نُبّئتُ بأخبارٍ عنكم سيّئةٍ للغاية
    كيف رضيتم أن يُنتهَك الأقصى فيكم؟!
    كيف سمحتم للأعداءِ بهذا الأمر؟!
    كيف تركتم بيتَ المقدس؟!
    كيف قَبِلْتُم عَيْشَ الذلّةِ بينَ الناسْ؟!
    إنى مِتُّ وأرضُ القدسِ مُطهّرةٌ من كل خبيث
    وتركتُ الأقصى من زمنٍ.... منصوراً.. مرفوعَ الراسْ
    فتنازلتم أنتم عنه... للأنجاسْ!!
    لكن... لا بأسَ..... فقد عُدْتُ
    وسنُرجِعُ جيشَ الإسلام
    جيشٌ سوف يقودُ العالَم
    أنتم.. جُنده..
    هيا قوموا...
    سوف نحاربُ.. حتى الموتْ
    هل مِن أحدٍ يُبدي رأياً فيما قُلت؟"
    *******
    كل الناس كانت ف ذهول
    م اللي بيحصل
    واحد فيهم
    اتقدّم لصلاح الدين
    قال: "اسمحلي
    إنت صلاح الدين وانا عارف
    لكن آسف...
    ما اقدرش أحارب ويّاك
    أحسن أنا على وِشّ جواز
    عايز اشوفلي يومين ف الدنيا
    أبقى عريس..
    أفرح واتمتّع و أهِيص
    لكن حرب؟!!!
    سلامُو عليكم... أنا مش فاضي"
    *******
    واحد تاني
    قال: "اسمحلي يا عَمّ صلاح
    إني ما اروحش الحرب معاك
    عندي عيال عايز اربّيهُم
    وانا غلبان
    باقْطَع من جسمي وبادّيهُم
    لو رُحت معاك -افرض يعنى-
    مين هيأكّلهم مِن بَعدي؟
    مين -لو رُحت معاك- يراعيهُم؟
    أنا عارف.. ربنا موجود
    هوا اللي بيرزُق... مش إحنا
    بس انا خايف
    والبَرَكه ف باقي الرجاله
    هُمّا يسدّوا بدالي هناك
    وانا هادعيلكُم كل صلاه"
    *******
    واحد تالت
    قال: "انا تاجِر
    عندي المصنع والدكّان
    ومشاغِل أشكال والوان
    أبقى عبيط لو سِبت مصالحي وْجيت ويّاك
    لكن هابقى معاكو بقلبي
    *******
    واحد رابع...
    واحد خامس...
    سادس...
    سابع...
    عاشر...
    ألف...
    كل الناس قالوا: "آسْفين
    رُوح وحدك يا صلاح الدين
    أحسن إحنا مش فاضيين
    لا لجيشك ولا لفلسطين
    إيه يعنى أقصانا سجين؟
    ما هو في السجن بَقَالُه سْنين
    لو بالحرب هنُنصُر دِين...
    يِبقى خلاص ما احناش عايزين
    إحنا هنقعد منتظرين
    وهندعيلَك بالملايين:
    يا الله
    إِبْعِد عنا صلاح الدين
    يا الله
    إحنا بحالنا كده راضيين.. يا الله...
    *******
    بعد ما قالوا كل كلامهم
    بَصّ صلاح الدين بعينيه
    مالقاش ولا واحد حواليه
    يعمل إيه؟
    الأرض انشقّت من تاني
    علشان تاخدُه
    مارضيش ينزل تحت الأرض
    عايز يعمل حاجه ف بالُه
    فوق "الأرض"
    غَيَّر لِبْسُه
    ولِبِس زيّ شباب القُدس
    نفْس الشكل ونفْس اللون
    كان متغاظ
    من كل الناس اللي سابوه
    جَمّع غِيظُه.. تحت هْدُومُه
    ودخل وسط كلاب الأرض.. وفجَّر نفْسُه...
    علشان يفضل
    زي ما هوا.... صلاح الدين
    لكن ساب في القدس رساله
    بيقول فيها
    إنه حزين
    علشان جيشُه ما كانش معاه
    "جيش حِطّين"
    و بيطلُب من كل الناس
    اللي بيدْعُوا كل صلاه
    لو طلبوه تاني ينصرهُم
    لما يقولوا: "يا الله..
    رجَّع لينا صلاح الدين"
    لازم يدعوا كمان و يقولوا:
    يا الله
    عايزين جيشُه يكون ويّاه
    علشان إحنا مش فاضيين
    مش هَنْسِيب المال والجاه
    مش هنسيب الدنيا الحلوه وْنِمشي وراه
    يا الله...
    مش عايزينُه ييجي لوحْدُه
    لازم جِيشُه يكون ويّاه
    لازم جِيشُه.....
    يكون.....
    ويّاه

    من مواضيع zanitty :


    0 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  2. [2]
    ابوهشوم
    ابوهشوم غير متواجد حالياً
    عضو متميز
    الصورة الرمزية ابوهشوم


    تاريخ التسجيل: Jan 2009
    المشاركات: 4,572
    Thumbs Up
    Received: 7
    Given: 2
    الله يجزيك الخير اخي الكريم
    الله يصلح حال العرب والمسلمين

    0 Not allowed!





    .. ياعصرَ القصاصْ
    بلطةُ الجزّارِ لا يذبحُها قطرُ النـدى
    لا مناصْ
    آن لي أن أتركَ الحبرَ
    وأن أكتبَ شعري بالرّصاصْ !

  3. [3]
    مصابيح الهدى
    مصابيح الهدى غير متواجد حالياً
    الفائز في مسابقة الطيران الثانية
    الصورة الرمزية مصابيح الهدى


    تاريخ التسجيل: Nov 2007
    المشاركات: 1,153
    Thumbs Up
    Received: 7
    Given: 0
    يرجع هذا أخي الى صدق المشاعر

    هل
    كل واحد منا صادق في مشاعره وحزنه وغيرته ؟

    لو كانت الاجابة بنعم ماكنا انتظرنا عاجزين حتي يأتينا صلاح الدين

    0 Not allowed!



  4. [4]
    م/المهدى بكر
    م/المهدى بكر غير متواجد حالياً
    عضو متميز
    الصورة الرمزية م/المهدى بكر


    تاريخ التسجيل: May 2009
    المشاركات: 361
    Thumbs Up
    Received: 74
    Given: 0
    السلام عليكم ورحمه الله وبركاته..........
    اللهم أصلح أحوالنا وأحوال المسلمين
    الهم لا تجعل هذة الدنيا الفانية مبلغ همنا...............

    0 Not allowed!



  5. [5]
    ابو اسامة63
    ابو اسامة63 غير متواجد حالياً
    عضو متميز


    تاريخ التسجيل: Nov 2008
    المشاركات: 4,249
    Thumbs Up
    Received: 49
    Given: 0
    بارك الله بك يا مهندس احمد
    القصيدة واقعية
    من قال ان صلاح الدين ليس بيننا اليوم؟!
    لدينا نماذج كثيرة من صلاح الدين ولكننا نخذلهم ونتقرب الى الله بطاعة المتآمرين عليهم....وعلينا

    0 Not allowed!



  6. [6]
    ثائر اسماعيل
    ثائر اسماعيل غير متواجد حالياً
    عضو فائق التميز
    الصورة الرمزية ثائر اسماعيل


    تاريخ التسجيل: Aug 2006
    المشاركات: 2,235
    Thumbs Up
    Received: 0
    Given: 0
    احنا بدولنا العربية دائما اندور على رموز دينية وبطولية قديمة ونتشدق بها
    طيب اللي ولد صلاح الدين وغيره هم نفس الامهات
    وفيه كثير مثله ويمكن احسن منه
    بس الاحباط اللي صار عدنة وممارسات الانظمة بقمع كل الافكار النضالية وبمساعدة تيارات دينية
    صارت فكرة وجود شخصيات قيادية نضالية اتقود الناس عملية مستحيلة لانه اكيد راح اتاثر على وجود القوات الامريكية ووجدو الكيان البغيض وتؤثر ايضا على الكراسي
    فيا اخي الكريم صلاح الدين جاء في وقت كان الوضع مختلفا

    0 Not allowed!


    عراقي انا





  7. [7]
    العقاب الهرم
    العقاب الهرم غير متواجد حالياً
    مشرف داعم للملتقى
    الصورة الرمزية العقاب الهرم


    تاريخ التسجيل: Feb 2007
    المشاركات: 5,340
    Thumbs Up
    Received: 41
    Given: 17
    اللهم اصلح حال المسلمين
    جزاك الله خير الجزاء اخى

    0 Not allowed!



    نيـرُون مات ولــم تمُـت رومَـــا
    حافِـظ مـات ولـم تمُـت حَمـــــاة
    بشار سيمُـوت ولن تمُت حِمص



    متغيب عن المنتدى
    دعواتكم

  8. [8]
    zanitty
    zanitty غير متواجد حالياً
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,146

    وسام مشرف متميز

    Thumbs Up
    Received: 1,109
    Given: 1,645
    اقتباس المشاركة الأصلية كتبت بواسطة ابوهشوم مشاهدة المشاركة
    الله يجزيك الخير اخي الكريم
    الله يصلح حال العرب والمسلمين
    و اياكم اخى الكريم و تقبل الله دعاءك

    اقتباس المشاركة الأصلية كتبت بواسطة مصابيح الهدى مشاهدة المشاركة
    يرجع هذا أخي الى صدق المشاعر

    هل
    كل واحد منا صادق في مشاعره وحزنه وغيرته ؟

    لو كانت الاجابة بنعم ماكنا انتظرنا عاجزين حتي يأتينا صلاح الدين
    و لو كنا صادقين ما خذلناه حين اتى

    اقتباس المشاركة الأصلية كتبت بواسطة م/المهدى بكر مشاهدة المشاركة
    السلام عليكم ورحمه الله وبركاته..........
    اللهم أصلح أحوالنا وأحوال المسلمين
    الهم لا تجعل هذة الدنيا الفانية مبلغ همنا...............
    امين يا رب العالمين

    اقتباس المشاركة الأصلية كتبت بواسطة جهاد محمد خالد مشاهدة المشاركة
    بارك الله بك يا مهندس احمد
    القصيدة واقعية
    من قال ان صلاح الدين ليس بيننا اليوم؟!
    لدينا نماذج كثيرة من صلاح الدين ولكننا نخذلهم ونتقرب الى الله بطاعة المتآمرين عليهم....وعلينا
    معك حق

    اقتباس المشاركة الأصلية كتبت بواسطة ثائر اسماعيل مشاهدة المشاركة
    احنا بدولنا العربية دائما اندور على رموز دينية وبطولية قديمة ونتشدق بها
    طيب اللي ولد صلاح الدين وغيره هم نفس الامهات
    وفيه كثير مثله ويمكن احسن منه
    بس الاحباط اللي صار عدنة وممارسات الانظمة بقمع كل الافكار النضالية وبمساعدة تيارات دينية
    صارت فكرة وجود شخصيات قيادية نضالية اتقود الناس عملية مستحيلة لانه اكيد راح اتاثر على وجود القوات الامريكية ووجدو الكيان البغيض وتؤثر ايضا على الكراسي
    فيا اخي الكريم صلاح الدين جاء في وقت كان الوضع مختلفا
    لا مش موضوع احباط و امهات للولاده و لا ممارسات انظمه
    المشكله فعلا فينا المشكله ان محدش فينا فعلا عنده استعداد يسيب اللى هو فيه عشان يعمل حاجه فعليه و لكنا بنعرف نتكلم كويس اوى و نحلل و نحط خطط عسكريه و استراتيجيه و عاوز اقول لكوا على حاجه
    انا مستبعدش ان كاتب السطور نفسها يكون لا تعنيه القضيه و لكنها ملكه الكتابه
    انا ليا واحد قريبى مبدع جدا و اشعاره بتهز الدنيا نضال و كفاح و حب و وطنيه و مهاجمه لكل ما هو خاطئ و بكلمات عبقريه منمقه تدخل قلب كل من يسمعه و لكن لانه قريبى فانا الوحيد اللى عارف ان الموضوع كله ميهموش خالص و كل اللى يهمه الشرب و البنات
    فعلا العيب فينا

    0 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  9. [9]
    eng abdallah
    eng abdallah غير متواجد حالياً
    عضو شرف
    الصورة الرمزية eng abdallah


    تاريخ التسجيل: Feb 2009
    المشاركات: 6,897

    وسام الشكر

     وسام كبار الشخصيات

    Thumbs Up
    Received: 12
    Given: 2
    أصلح الله أحوالنا
    جزاك الله خيرا
    تحياتي لكم

    0 Not allowed!



  10. [10]
    zanitty
    zanitty غير متواجد حالياً
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,146

    وسام مشرف متميز

    Thumbs Up
    Received: 1,109
    Given: 1,645
    اقتباس المشاركة الأصلية كتبت بواسطة eng abdallah مشاهدة المشاركة
    أصلح الله أحوالنا
    جزاك الله خيرا
    تحياتي لكم
    و اياكم مهندسنا الكبير و تحياتى لك ايضا

    0 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML