بسم الله الرحمن الرحيم
وبعد التحيه والسلامات والذى منه
انا مبحبش ادخل منتديات ولا اكتب مواضيع كتير بس اتخنقت جالى احباط
عاوز ريموت كنترول راديو وايرلس 5 شانيل
عشان اركبه على العربيه اللى قاعد اعمل فيها بقالى سنتين
دورت على تركيب الشريحه بس مش فاهم حاجه ولا لقيت شرح بالعربى ليها اصلا
عيب عليكو دنا فى تجاره كمان وكل ماسال حد فى هندسه الكترونيات يقولى شوف اتصالات وكل ماسال حد يطلع مش عارف
امال بتدرسو ايه مش الارسال والاستقبال
انا بجد جالى احباط جامد
ياجدعان المطلوب ريموت كنترول راديو وايرلس 5 شانيل اشتريه جاهز او حد يعملى الشريح وزى ما يتكلف
انا محمد من تجاره المنصوره وبشتغل رسام
ياريت اى حد يرد عليا عشان الاحباط اللى انا فيه ده

السى دى روم بتاعى كان باظعشان ركنته فالمهم اخدته فكيته واخدت التروس والموتور بتاعه وجبت كمان 6 سى دى رومات بايظين واخدت التروس منهم (دهب ياقوت تروس ) ههههههه وعشت مع نفسى بقه وكل شويه اطور لحد ما عملت عربيه كل عجله ليها مساعدين والعجل ممكن يتفرد لقدام او على الجنب يعنى ممكن تمشى على اى مسار وممكن تمشى بين عمودين لفوق لان العجل بيتفرد على الجنب ولو ركبنا مكان العجل زعافات ههههههههه هتعوم ع الميه اول مره جربتها عشان تمشى بدل ما مشيت لقدام مشيت لورا وداست على رجلى وطلعت فوقها وعدت حسيت انها البيبى بتاعى
لحد ما وصلت لموضوع الريموت وجالى احباط بالذات لما اروح اسال عن حاجه واحس انى بتكلم عن حاجه مش موجوده فى كوكب الارض






فلو حد ممكن يعملى شريحه الارسال والاستقبال يبقا كويس اوى ولو حد يعرف اشتريها منين جاهزه يبقا تمام بس يا ريت من المنصوره او القاهره

ولقيت اسعار ريموت 17 دولار وده حلو وفيه اسعار وصلت 400 دولار بس احتمال ده يكون يابانى او حاجه
وفيه عربيات وطيارات بالريموت بتاعها 300 جنيه وب 150 جنيه ممكن اجيب واحده واخد منها الريموت والريسيفر
بس نفسى اعمل الريموت عشان دى متعه
الخلاصه يعنى الريموت بيتباع لوحده مع الريسيفر بتاعه وانواعه كتيره واسعاره كتيره
المشكله بقه اشترى واحد منين فى مصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟