دورات هندسية

 

 

GoodWayInLife و بوليس الآداب

النتائج 1 إلى 5 من 5
  1. [1]
    الصورة الرمزية إسلام علي
    إسلام علي
    إسلام علي غير متواجد حالياً

    عضو متميز

    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479

    GoodWayInLife و بوليس الآداب


    السلام عليكم
    أحب أقول لكم إن GoodWayInLife ده أخ عسل
    عسل بمعنى الكلمة
    هو مهندس معماري لكن هو مهتم بالدعوة إلى الله
    ومواضيعه ملأت الآفاق من لهجته الصادقة وأسلوبه اللطيف
    وده موضوع لقيته عامله في منتدى الفرسان

    ×××××××××××××××××××××××


    كنت ماشي من كم شهر كده في الشارع بتاعنا وعندنا في الشارع كافيه مشهور جدا جدا

    فاتح 24 ساعه ... العربيات بتقف عنده صف ثالث وخصوصا الفجر
    بيجيله ناس من كله مكان
    لان الاسعار فيه رخيصه ... وكل شيء مباح .... وكمان في قسم خاص بالعائلات :)

    والناس كلها كانت بتشتكي منه وكل يومين خناقه بسبب قله الادب ..

    وطبعا واقف علي الكافيه ده من برا شحطين بادي جارد

    فكنت راجع من الكليه علي قبل العصر كده ولقيت منظر قبيح جدا من واحده قليله الادب وكانت داخله الكافيه ده شبه سكرانه .. .

    بصراحه الدم غلي في عروقي والشهامة ملت دماغي .. واحاديث بقا انكار المنكر كلها جت في بالي

    فقلت يعني ادخل اتخانق معاهم فقلت ده ممكن يضربوني قبل ما ادخل ( افتكروا الشحطين )

    فانا قلت احسن حاجه امشي قانوني

    فرحت لسنترال علي الناحيه التانيه ودخل وطلبت 140 دليل

    رد عليا الراجل قلت ليه بعد اذنك عايز بوليس الاداب .... قالي نعم يا فندم .. قلت ليه ايوه عايز بوليس الاداب

    قالي الرقم كذا كذا .. خدت الرقم واتصلت ببوليس الاداب ..


    رد عليا واحد فقلت ألو بوليس الاداب ... قالي عايز ايه

    قلت ليه عايز ابلغ عن مكان بيحصل فيه حاجات وحشه
    قالي حاجات وحشه ايه يعني .. قلت واحده دخلت لابسه لبس مش كويس ...

    قالي انت هتهرج .. قلت ليه لاء يا باشا هي داخله كذا كذا والمكان معروف في المنطقه انه مش كويس وبيحصل جوا كذا وكذا ..

    قالي انت اسمك ايه قلت كذا قالي بتشتغل قلت لاء طالب قالي ساكن فين قلت في شارع الهرم

    قالي وانت مالك ومال المكان ده قلت انا ساكن جنبه

    قالي طيب انت واقف فين بالظبط قلت ليه انا واقف في شارع كذا متفرع من كذا ..

    الرجل قالي طيب خليك مكانك واحنا جاينلك حالا قالي رقم العماره الي فيها الكافيه كم قلت ليه معرفش قالي لاء لازم تسال فرحت سألت البواب رقمها كم عشان ببلغ عن كذا قالي يا بيه مش هقدر اقولك الكافيه ده كله شباب وممكن يأذوا بناتي ... فلما الحيت عليه قالي ...

    بس وقلت للرجل علي رقم العماره .. قالي طيب احنا جيين وانتظرته

    ... انا بصراحه فرحت قلت والله البلد فيها قانون .

    بس فكرت شويه لقيته قالي ( احنا جاينلك ) مقلش (احنا جاينلهم )
    بصراحه خوفت شويه وكنت هامشي بس قلت لاء خليني راجل

    فوقفت كانت الساعه 2 تقريبا فضلت تقريبا واقف بتاع ساعه ... محدش جه

    فاتصلت تاني قلت يا فندم انا واقف بقالي ساعه محدش جه

    قالي وانا راكب طياره مش هاجي دلوقتي طبعا بعمل تحريات ..

    قلت طيب ما انت لو اتاخرت كمان شويه البنت الي جوا هتخرج ولما تيجي انت مش هتلاقي حد جوا هتقبض عليا أنا

    ( وكان شويه كده هدعي انها متخرجش )

    المهم قالي احنا عارفين شغلنا وملكش انت دعوه قلت طيب

    المشكله ان الوقت تقريبا كان متزامن مع مولد النبوي
    فبعد ما مشيت سمعت ان الشرطه جت بليل . وعملوا هجوم مسلح علي الكافيه ودخلوا

    وبعد كده خرج ظابط الشرطه في ايدوا علبة حلاوة مولد النبي
    ( ده الي اتحكا لي من جيران المنطقه )

    ----------------------------------

    ليه بقا بحكي كل ده عشان بعد مرور كم شهر اهو لقيتهم من كم يوم جم بقوة عسكرية ... وشمععوا الكافيه ده ..
    فسالت بقا وعرفت ان الشكاوي كترت منها

    والي خلص الموضوع واحد سكن جديد تقريبا وتقريبا لواء او حاجه جامده فلما اشتكي الحكومه جت وخلصت الموضوع


    الفايده بقا حاجتين

    1- اني مطلعتش سلبي وعملت شيء ممكن يكون من الحاجات الي كترت الشكاوي من القهوه دي

    2- ان اللواء ده لما اشتكي الشرطه خافوا منه ( إن الله يؤتي بالسلطان ما لا يؤتيه بالقرآن )
    يعني تفضل تقول للواحد ربنا بيقول كذا والنبي سنته كذا والصح كذا يقولك ياعم انت هاتكلي دماغي المجتمع كله بايز .. لكن لو قلت ليه مش هتاخد مرتب لو مبقيتش ملتحي .. هتلاقي شعر دقنه طلع وانت بتكلمه ...

    فالواحد المفروض يعرف الشخصيه الي قدامه او المشكله الي قدامه تتحل بالسلطان ولا بالقران

    و الله المستعان

    محدثكم جود واي من الارض المحروسه ( شارع الهرم )

    من مواضيع إسلام علي :


    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  2. [2]
    د.محمد باشراحيل
    د.محمد باشراحيل غير متواجد حالياً
    إستشاري الملتقى
    الصورة الرمزية د.محمد باشراحيل


    تاريخ التسجيل: Mar 2009
    المشاركات: 7,042
    Thumbs Up
    Received: 127
    Given: 15
    جزاك الله خيرا وصدقت فإن الله ليزع بالسلطان ما لايزع بالقرآن ،،
    والقصة ذات مغزى عميق،،
    بارك الله فيك مهندس بشر.

    0 Not allowed!



  3. [3]
    العقاب الهرم
    العقاب الهرم غير متواجد حالياً
    مشرف داعم للملتقى
    الصورة الرمزية العقاب الهرم


    تاريخ التسجيل: Feb 2007
    المشاركات: 5,340
    Thumbs Up
    Received: 41
    Given: 17
    بارك الله فيك اخى جهاد
    سلمت يداك

    0 Not allowed!



    نيـرُون مات ولــم تمُـت رومَـــا
    حافِـظ مـات ولـم تمُـت حَمـــــاة
    بشار سيمُـوت ولن تمُت حِمص



    متغيب عن المنتدى
    دعواتكم

  4. [4]
    مهندسة رضى
    مهندسة رضى غير متواجد حالياً
    عضو متميز
    الصورة الرمزية مهندسة رضى


    تاريخ التسجيل: Apr 2008
    المشاركات: 522
    Thumbs Up
    Received: 4
    Given: 0
    جزاك الله كل خير مهندس بشر

    وبارك الله فيك انت والاخ جود واى

    0 Not allowed!


    رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

  5. [5]
    إسلام علي
    إسلام علي غير متواجد حالياً
    عضو متميز
    الصورة الرمزية إسلام علي


    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479
    موضوع جديد له أيضاً لكن مؤلم

    السلام عليكم ورحمه الله وبركاته




    كنت زمان عملت موضوع بعنوان ( أخت سنــ 1993 ــــة ) وكان قصة اخت تعبت في حياتها وضحت باشياء مهمه في حياته من اجل زوجها ( البطل )

    النهارده تقريباً الموضوع مشابه ,,

    لكن موضوع الاخت كنا بننصح فيه الأخت الملتزمه بانها تتعلم من صاحبتنا .

    لكن اليوم الوضع مختلف فحديثي للاخوه ومش هيكون نصيحه ولا حاجه هيكون بردو قصه ( حقيقيه ) وقعت ولكل صاحب قلب ان يتعلم منها ويستفيد ويغير في حياته ..



    كلامي هيكون بالازرق والاحمر وكلام الاخ بالاسود


    يوم الخميس الموافق 14 / 5 / 2009

    كنت مروح من العمل وواقف في اشاره في مدينه نصر .

    وانا واقف في الاشاره جالي شيخ .. وقالي


    لو سمحت يا اخي هل هتعدي علي المكان الفلاني


    فقلت له ان شاء الله.. وكان بالفعل المكان الي هيروحه قريب مني .. فقلت له اتفضل اركب .. وبالفعل ركب و كان معاه كارتونه كبيره . حطها في العربيه وركب معايا ..


    فلما ركب ,, واتحركنا

    قالي اعرفك بنفسي انا اخوك أبو عبد الله كنت في المعتقل بقالي 10 سنين

    هو قالي كده وروحت تنحت ليه ..

    ( عارفين في ناس مثلاً تعرفك بنفسها تقولك انا الحج فلان عندي 15 فدان موز باللبن وكده لكن اول مره الاقي حد يقولي كده مباشرة . )

    المهم ...

    قالي ايه خايف ولا ايه ( بصراحه انا اتخضيت لما قالي كده بس مخوفتش )

    فقلت ليه لاء هتخض ليه دول ( أحسن ناس )

    قالي مش شرط . قالي المهم الاخلاق والثبات على الدين وممكن واحد يدخل جوا يتفتن عن الاول .

    قالي معانا ناس كتير دخلوا ملتزمين ومن كتر الي شافوه رسموا الصلبان علي ايدهم .. . ( نسأل الله الثبات )

    الطريق خد مننا تقريباً ساعتين . وكان يوم الخميس والدنيا زحمه .

    فقلت ليه انتوا كتير جوا ؟

    قالي انا لفيت علي كذا معتقل .


    لكن اخر معتقل دخلته كنا 4000 أخ

    فقلت له طيب احكيلي يا اخي الدنيا جوا عامله ازاي وكنتوا عايشين ازاي .

    وفضل الاخ يحكي لي . على اشياء تعلم وقتها .. وتتسائل ,, ( اين الرجال )

    هو فيه رجال في الزمن ده ؟

    الاخ قالي كلام كتيييييير جداً انا كنت هسجلهوله صوت من غير ما ياخد باله بس قلت بلاش عشان ميكنش خداع ليه .


    والي هقوله ليكم مش عشان نمصمص شفايفنا ولا عشان نقول يا حرام ولا بقوله عشان اخوفكم من الي بيحصل جوا

    انا نيتي في الموضوع

    1- انكم تحسوا باخوانكم جوا
    2- انكم تقدروا النعمه الي انتم فيها وتعملوا علي شكرها بالعمل .
    3- انكم تشتغلوا وكفايه كسل ونوم وقعده ( علي مصطبة المنتديات )


    سأذكر لكم في نقاط ما اتذكره من كلامه :

    · بداية الاخ لما بيدخل بيتصنف وحسب تصنيفه بيدخل زنزانه الي تبعهم .. عشان لو جمعوا التكفير مثلاً مع اي جماعه تانيه .. ممكن يحصل خناقات .


    · هم شايفين ان الاخ بيكون متماسك اول لما بيدخل فحابين يكسروه نفسياً ليهم كذا طريقه


    إما يقعدوه في زنزانه مع واحد مجنون !

    او مع واحد شاذ ,,


    بحيث ان الاخ ميقدرش ينام خالص ويفضل مقلق .. فيضطرب نفسياً



    ولو مقعدهوش مع مجنون او شاذ وحبسوه انفرادي كل شويه يدخلوا يغرقوا الزنزانه ميه ,, بحيث ميعرفش يقعد او ينام .


    · هذا غير الضرب وخلافه من الاساليب الي انتم عارفينها بس مش هو ده الي عايز اكلمكم فيه .


    الاخوه قاعدين ما يقرب من 32 أخ في غرفه 4 * 6 متر ..


    كل واحد جنبيه اغراضه الي جنبه ملايه والي جنبه ازازه زيت او زياره كانت جايه ليه من أهله وهكذا

    بيدخل ليهم كل فتره ( مرتين في الشهر ) حملات اسمها حملات تأديبيه ( بدون سبب )

    يعني سألته بتعملوا مثلاً شغب فعشان كده بيعملوا كده .



    قالي لاء ده ثابته مرتين في الشهر وساعات بيكون اكتر من مره في اسبوع واحد ,, يدخلوا يقلبوا الزنزانه كلها ويغرقوها ميه ويغرقوا كل حاجتنا سواء الغيارات او لو واحد معاه اي اغراض او اي حاجه جيه ليه من اهله .. يغرقوها كلها .


    قالي احنا 32 واحد علي دورة مياه واحده وعلي حنفيه واحده ..

    وقالي تخيل 32 واحد وفي مننا الي عنده السكر الي محتاج كل ساعه يدخل الحمام .

    · بيقول معظمنا دخل سليم وتقريباً اقل واحد فينا دلوقتي عنده السكر ومشاكل في الكلى . واكد لي علي ده ان معظم الاخوه عندهم جوا مشاكل في الكبد بسبب تلوث الاكل اصلاً .


    · قالي للاسف كتير لما يحبوه يضغطوا علي اخوه .. يروح يجيب زوجته قدامه ويتم الفعل بها أمامه ,, لكسره وهزمه نفسياً والاخ اقسملي انهم جابولهم في يوم في نصف الليل .. 8 أخوات نزلوهم من بيتوهم بقمصان النوم .

    ومن أكتر المواقف التي كانت صعبه .

    دخلوا اخ كان عايزين يأدبوه . في غرفه ووجد فيها واحده عاريه تماماً ,, فالاخ ظن انهم جايبين ليه واحده بغي عشان تفتنه ,, فكانت الصاعقه لما تكلمت البنت ,, وقالت ليه انها ( أخت وانها زوجة فلان المعتقل بالداخل وكان صديقه )



    الله المستعان .


    · بالنسبه للدين جوا .. قالي كنا داخلين اخوه عاديين .. مش متعلمين اوي . قالي هم مانعين المصحف جوا . كنا بنفكه ملازم يعني كل حزب يفكوه من المصحف ويكون مع اخ ولما يخلصه يديه لاخ تاني وهكذا ..

    قالي لكن في الحملات التأديبيه ,, خدوه مننا ,,

    فقالي بس الحاجه أم الاختراع .

    بقينا نجيب انبوبه مرهم من الي الاخوه بيستخدموه ونفكها ونجيب عضمة فرخها من بتوع الزيارات


    وندبب الانبوبه ونغرزها في عضمة الفرخه .


    بتاخد شيء من الدهن .. كان الاخوه الي حافظين بيكتبوا الي حافظينه بالانبوبه دي علي الحيطا وكان بيطلع كانه قلم رصاص

    وكل اخ كان حافظ مننا حاجه كان يكتبها لحد ما جبنا جزئين من ده علي حزبين من ده وفلان حافظ نصف القران لحد ما جمعنا القران كله ,, وحفظناه كلنا بفضل الله .

    مفيش اخ جوا محفظش



    قالي كتب العلم كلها ممنوعه جوا طبعا ً


    · قالي اخوه كتير حصلها مشاكل في جسمها من كتر القاعده .. فكنا نصحى الصبح نعمل تمرينات عشان نحرك جسمنا ..

    قالي كان معانا زنزانه واحده في الدور من بتوع الجنائي ( يعني الي داخلين قتل وسرقه ونصب وخلافه ) عشان يخدمونا ويعملوا لينا الاكل وخلافه لانهم اشغال شاقه لكن احنا ممنوع نعمل اي حاجه قالي اكل وشرب وعلم وتعذيب ) بس

    قالي حتى سنن الفطره كنا بندي المسجونين جنائي ( بنعطيهم الزيارات والاكل الي جايلنا من برا ) عشان يتصرفوا لينا في موس او اي حاجه عشان نعمل سنن الفطرة ,


    قالي كان الاخوه ربنا يجازيهم خير . كانوا بيعملوا حاجه اسمها اذاعه كل اسبوع .. كانوا بتوع الجنائي بيجيبوا ليهم الجرايد عشان يعرفوا الاخبار ,, ( كان بيشتري الجريده الواحد ب10 و 15 جنيه .


    يقعد اخ علي ركبته نص قاعده والاخ تاني يقف علي ركبته .. ويروح عاملين الاذاعه ..

    يعمل الاخ مقدمه ليها ( شيء من القران ) ثم أنشوده صغيره او شعر .

    ثم يقول ننقل لكم مباشره علي الهواء اخر الاخبار .. ويقرأ الاخبار المهمه لبقيت الاخوة . ويقول كانت من إلذ الحاجات هناك و فيها اخبار بتحسسنا بالناس الي برا .
    ( نفسي اقوله يا اخي والله احنا الي مسجنوين مش انتم )

    وكنا كل يومين كده نعمل حاجه اسمها روضه .. كل الاخوه تعمل حلقه كده , ويقعدوا يعملوا العاب ومسابقات ولو حد عنده ( طرفه يقولها ) وهكذا ..

    وحكى لي اشياء كثيره لا أتذكرها كلها . ولكن ذكرت ما اتذكره .


    كل الي فات ده امور العامه والاخ مكنش قالي علي شيء خاص بيه هو ..


    هذا الاخ دخل في سنة 1995 وخرج في سنة 2005

    وقالي انه مكنش عارف انه خارج .. الا في نفس اليوم ,, دخلوا وقالوا ليه فلان يلا انت خارج نهائي النهارده ..

    وحكى ليه وعنيه ترقرق بالدموع احساسه لما عرف انه خارج .

    وقلت ليه طيب روحت ولا اهلك خدوك ولا ايه ..

    قالي لاء محدش جه لانهم ميعرفوش ..

    قلت ليه طبعاً روحت ليهم البيت وعملت ليهم مفاجاه ..


    قالي لاء اتصلت بيهم التليفون قلت ليهم انا جي في الطريق ..

    فقلت ليه معملتهاش ليهم مفاجاه


    قالي اصل السنه لو انا راجع من سفر اني اعرف زوجتي عشان تهئ البيت ونفسها .

    اتكسفت من نفسي صراحه قلت هم دول والله الرجال ..


    الاخ ده من آلاف الاخوه الي موجدين وكل واحد منهم ليه قصه وليه زوجه وليه مواقف مؤثره .


    الاخ ده تزوج قبل دخوله بخمس شهور .. يعني كان عريس بقاله خمس شهور ..

    ودخل السجن ,,

    وزوجته هذه أخت زي اي اخت وبنت زي اي بنت نفسها تكون عروسه وتستمع ببيتها وبحياتها ,, لكنها وكأنها حبست معه وهي خارج السجن ..


    قالي لكنها بألف إمراه ,, صبرت وانتظرتني وشبابها كله قضته وانا بعيد عنها .

    قالي لي ابن اسمه عبد الله دخلت السجن وهو في بطن امه ... وخرجت لقيته في 5 ابتدائي .

    قالي كانت بتتعمل اوقاات بيسمحوا بالاختلاء بالزوجه وانا داخل السجن .. لكن قالي مكناش بنرضا عشان الكلاب كانوا بينظروا علينا من برا .

    هو خرج بقاله 3 سنين ودلوقتي معاه منها عبد الله وثلاث بنات . ( اللهم بارك )

    قالي لما خرجت مش لاقي شغل نهائي وكل لم اشتغل شيء مانجحش فيه .. عشان متعلمناش مهنه في السجن .

    وقالي كان ممكن اسافر برا البلد .. بس ازاي اقعد زوجتي واولادي في سجن تاني وانا كنت بعيد عنهم الفتره الي فاتت دي كلها .



    قالي بس للاسف لما خرجت من السجن الدنيا خادتني شويه .. واحنا كنا جوا ايمانيتنا عاليه جداً

    ويقصد ان الدنيا خدته ( انه بقا يشتغل فبقا يقلل من قيام الليل وهكذا )

    سبحان الملك .

    قالي الدنيا مش خادتني ذنوب انا نفسي اعوض مراتي واولادي الفتره الي عاشوها والفتره الصعبه الي عاشوها وانا جوا .. بس الدنيا صعبه قالي بس بعد كده عرفت ان الي فاتهم من الدنيا الذنوب مفتهمش حاجه حلوه يعني .. يعني الدنيا وفواتها مش هي الي يتبكى عليه ..


    قالي انا شغال دلوقتي غفير في عماره .. وباخد 150 جنيه .. وبسرح بالكرتونه الي معايه دي ... بقف قدام المساجد ابيع شويه عسل علي شويه تمر وارجع ليهم اخر اليوم .. وقالي الحمد لله اهي ماشيه ..


    ( معاه خمس افراد غيره ) بياخد 150 جنيه في الشهر ( ممكن تكون انت بتشرب حاجه ساقعه وبسكويتات بالــ 150 جنيه دول


    كل الحديث الي كان معايه .. كان يستشهد باقوال لابن القيم وابن تيميه واقوال للائمه .. كان بيستشهد علي كل موقف بيقوله بآيه او حديث ..

    والله المستعان


    فهل انتم وأنا رجال ؟


    فهل أحسستم بالنعمه ..

    هل حسيتم بمدى كفر النعمه ؟


    هل احسستم بمدى تقصيرنا في حق خدمة هذا الدين ..

    ليس خدمة الدين هو شتم هذا الداعيه والدعاء على هذا الطاغيه ..

    أين الافعال التي تؤثر علي ارض الواقع ؟


    مش قادر اعلق كتير علي القصه ..


    لكن فعلاً الي القصه دي وغيرها لم تؤثر فيه ,, فلن يؤثر فيه كلامي ولا كلام الف غيري ..

    اقولك ايه وانصحك بإيه اديك شايف الدنيا عامله ازاي وشايف الدين واضعه ايه ؟

    قال صلي الله عليه وسلم :

    " رُب مركوبة خير عند الله من راكبها "



    رايت في حلقه من حلقات الشيخ امين الانصاري الي بيجيب فيها حياة الحيوانات فيديو .. ( عجائب وطرائف ) فكان في اسد هيهجم علي قطيع من الحمير الوحشيه .. فلو جري القطيع كله سيجري ورائه الاسد ويصطاد أحدهم .. فجري القطيع كله ووقف حمار وحشي واحد .. وقف امام الاسد ليضحي بنفسه ولكي يعيش باقي القطيع ..

    فهل من نجى من القطيع من مخالب واسنان الاسد .. هل قدروا ما فعله الوحشي .. ام سيظلوا كالحمير ؟



    ونأسف للازعاج .

    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML