دورات هندسية

 

 

اخواني المهندسين..طلب مساعدة

صفحة 2 من 2 الأولىالأولى 1 2
النتائج 11 إلى 13 من 13
  1. [11]
    م.بيتر
    م.بيتر غير متواجد حالياً
    عضو


    تاريخ التسجيل: Apr 2007
    المشاركات: 14
    Thumbs Up
    Received: 0
    Given: 0
    يامهندسين..شاركونا افكاركم..

    0 Not allowed!



  2. [12]
    م_ خليل
    م_ خليل غير متواجد حالياً
    عضو فعال


    تاريخ التسجيل: Apr 2006
    المشاركات: 70
    Thumbs Up
    Received: 1
    Given: 0

    امامك حلان

    اما محاولة ترشيد استهلاك الكهرباء بالمنطقة او دراسة حالة التربينات نظرا لان القدرة المتولدة من التربينة ضعيفة جدا قد يكون السبب فى قلة كمية الغازات الداخلة الى التربينة او ان التربينة تحتاج لعمرة كاملة واحدى التربينات قد تحل المشكلة اما مولدات الديزل فهى الاخرى تحتاج صيانة شاملة لزيادة القدرة المتولدة اظن ان الخلوص بين البساتم والسلندرات اصبحت كبيرة مما يؤدى لهروب القدرة المتولدة

    0 Not allowed!



  3. [13]
    vendetta
    vendetta غير متواجد حالياً
    عضو فعال


    تاريخ التسجيل: Sep 2007
    المشاركات: 143
    Thumbs Up
    Received: 0
    Given: 0
    تعرف انا نفسى اشتغل فى مكان زى ده ويكون خربان كده واصلحه على ايدى من اوله لاخره انما يلا النصيب بئى وعلى العموم انا سيارات وجرارات يعنى اقدر افيدك فى محركات الديزل اكتر

    بص المولدات دى الديزل دى بتنقسم لجزئين جزء ميكانيكى وجزء كهربى الجزء الكهربى ممكن تراجع الملفات او السلكونات او باقى الاجزاء ودى هاتبان جدا حتى بمجرد النظر
    اما بئى
    بالنسبه للجزء الميكانيكى وده انا اللى حاسس انه اكتر اصابه لان حالة المحطه من الاساس محتاج لصيانه واجراءات سريعه
    اولا افحص المولد الديزل واعرف حالته
    ولاحظ الاتى
    اولا هل صوت المولد فى الدوران ناعم ؟
    هل زيت التزييت استهلاكه عادى ام لا ؟
    هل المولد بيعمل على السرعه المحدده لانتاج قدر معين ولا سرعته اقل من ما يجب ؟
    هل بيستهلك مياه تبريد كتير ؟
    لاحظ ان لو المولد من برى وسخ وعليه شحم وارف كتير ده ممكن يخليه يسخن بسرعه ومايخليهوش يشتغل كويس وكفائته تقل طبعا
    وكمان لاحظ حالة الردياتير وافتح الغطا وشوف المياه لو عليها صداء وارف اعرف الردياتير حالته زفت وطبعا هايرفع حرارة المولد الديزل ده
    شوف لو المياه فى عليها زيت تزييت مثلا يبئى المحرك ده محتاج جوان وش سلندر
    وكمان لاحظ معدل استهلاك الوقود هل المعدل الطبيعى بالنسبه للسرعه المقرر استخدامها لانتاج قدر معين من الطاقه او لا ؟
    كمان اتاكد ان حرارة المحرك عند عمله من حوالى 85 الى 95 درجه مئويه مش اكتر وحاول تلاحظ حالة المبينات
    بالنسبه للكرنك حاول تجرب الخراطه وتاخد المقاس اللى بعده
    لو مانفعش ممكن يتخرط لحد ماتزال الشروخ وبعد كده تزوده وتعيد خراطته تانى للمقاس المطلوب وطبعا بتجيب سبائك على المقاس الجديد
    كمان لاحظ الدخان وعادم المولد لو اسود زياده عن اللزوم او او فى صوت تكتكه او تخبيط فى المحرك او فى دخان بلون غريب ازرق او ابيض او اسود قاتم
    وكمان اتاكد من عدم انسداد مجارى الزيت ومراجعة جداول تغيير الزيت وشوف اذا فى اهتمام اصلا او لا

    مش عارف اللى قولتهولك ده هايساعدك اد ايه انما اتمنى ان الكلام ده يفيدك ولو ياريت تبتدى تعمل صيانه لمولد مولد تلو الاخر لحد ماتصلحهم كلهم وياريت لو تقول شوية تفصيلات اكتر هاحاول اساعدك اكتر ويحبذ لو ذكرت مكان المحطه اقصد فين يعنى ؟

    0 Not allowed!



  
صفحة 2 من 2 الأولىالأولى 1 2
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML