دورات هندسية

 

 

اوتوكاد اوتوكاد اوتوكاد

صفحة 1 من 2 12 الأخيرةالأخيرة
النتائج 1 إلى 10 من 16
  1. [1]
    zaqwsx
    zaqwsx غير متواجد حالياً

    جديد

    تاريخ التسجيل: Apr 2007
    المشاركات: 8
    Thumbs Up
    Received: 0
    Given: 0

    اوتوكاد اوتوكاد اوتوكاد

    الله يرحم ايام ( مسطرة t + المثلث )

    كان زمان الواحد تطلع عيونو وهو يرسم ويمحي ويرسم ويمحي

    السلام عليكم ورحمة الله وبركاته

    انا اعتذر على البداية العامية ولاكن من القهر الي في كتبتها . وحكمل بعض الجمل في العامية

    اخوان انا خريج قديم في الهندسة المدنية 1987 يعني ايامنا كان ممتاز اذا واحد وجد طاولة يرسم عليها
    الايام هذه نتحدث عن برامج كمبيوترية ضخمة جدا وصدفة دخلت على احد المحلات التي تبيع البرامج ووجدت عندهم عدد لا حصر لها من البرامج فكل ما على المستخدم هو وضع المسافات فقط ( راحت علينا 4 سنين دراسة )

    يعني بالعربي لو احضرنا واحد خريج ثانوية عامة وعلمناه بعض من هذه البرامج سيصبح اشهر مهندس دون دراسة الهندسة ياعيييييييييييييييني

    المهم اخواني بحثت كثيرا لاواكب عصر الهندسة وترك الالة الحاسبة التفليدية التي احملها معي اينما ذهبت وقلم الرصاص ودفتر مهترئ لم يبقى به 1ملم فاضي لاضع علية بعضا من الحسابات او الالمدونات .
    دقة قديمة بالعربي
    ودخلت كورس يسمى الاوتوكاد ( ياعيني على الوتوكاد ) واردس وادرس وادرس الله وكيل 3 اسابيع دراسة وبعد ما خلصت الدورة شو انا الاول وبطل .
    المهم رجعنا الى اعمالنا ( صيح على هذا ولماذا عملت هذا ومين سمحلك وليش هيك .... الخ )
    طبعا بعد . كل يوم على هذا الموال الله وكيل .
    درسنا ال ولم ندرس الهندسة .
    المهم محسوبكم المهندس العبقري هات يتذكر اشي لما جلس على ولا حبة لا ابيض ولا اسود .

    وبلش دور عاد في المنتديات على دروس الاوتوكاد من اول وكل ما الاقي درس اجلس اتمعن فيه مزبوط ولما اطبق الكلام ما يزبط وابدا والمرة تحكيلي طول بالك والولد يحكيلي قوم افرجيك كيف بتنعمل ؟ والله صرت مسخرة بعد هالعمر . قلت في نفسي احكيلكم حصير استاذ في هذا الي بيتسمى الاوتوكاد يا انا يا هو .

    فانا وانا بدور وببعبش في الانترنت لقيت ( ملتقى المهندسن ) ياعيني ما احلى الاسم اتقول مجتمعين كلنا ونازلين نشرب قهوة وشاي مع بعض على طاولة وحدة .

    اكيد من الجالسين معنا على الطاولة عمالقة في الكمبيوتر وهالاوتوكاد فاجا على بالي اقتراح طبعا مش ضاوي اكثير بس اقتراح بسيط .

    شو رائيكم يا عمالقة نتعاون مع بعض مادامنا جالسين بس انطق حنك وانحش في الي رايح والي جاي في ملتقى المهندسن وانبلش مشروع بسيط عبارة عن رسمة لمخطط هندسي لعمارة او طابق انبلش فيها من الصفر كلنا يعني بيت من 3 غرف وصاله ومطبخ وحمام . ياعيني نيالو الي حيكون الو هذا البيت .

    وزي ما حكيت انبلش فيها مع بعض طبعا ممكن الجميع مش فاضيين لانهم بدهم طق حنك وحش في البشر بس انا بحكي كلها 10 دقائق في اليوم نتعاون فيها مع بعض اشي بيرسم مثلا المطبخ والثاني بيوزع غرف النوم والثالث الدرج والرابع الصالون والخامس ..... الخ طبعا كل واحد حيرسم اشي لازم يشرح لية اختار هذا وشو الطريقة الي عملها منشان يطلع رسمتو صح .

    يالله يا اساتذة خلينا انبلش شو رائيكم ؟ انا من عندي حبلش بالارض ( صاحب اراضي يا عيني علي )

    حجيبلكم ارض ( مسوكجة ) يعني مش مربعة حر انا في حدا عندو مانع ؟؟؟ الي مش عاجبو يجي

    طبعا اخترت التالي :

    السكيل = 1/500
    الارتدادات الجانبية لا تزيد او تقل عن 4 متر
    الارتدادات الامامية والخلفية لا تزيد او تقل عن 4 متر


    ترى بدنا انطلعها ناطحة سحاب انتبهو هههههههههههههههههه

    الملف في المرفقات نزلها لبرنامجك ( الاوتوكاد ) واتوكل على الله

    مش تضحك على رسمي هذ الي اجاكم ( شطبت كل المعلومات الي درستها من كثر السراخ على العمال والبياعين .

    اخوكم ابو جنى

    من مواضيع zaqwsx :


    0 Not allowed!


    الملفات المرفقة

  2. [2]
    أبو نادر
    أبو نادر غير متواجد حالياً
    عضو متميز
    الصورة الرمزية أبو نادر


    تاريخ التسجيل: Jul 2006
    المشاركات: 1,112
    Thumbs Up
    Received: 123
    Given: 307
    [COLOR="Blue"][B]السلام عليكم ورحمة الله وبركاته

    العم العزيز أبو جنى في البداية أود أن أحيي فيك روحك المرحة ونفسيتك الطيبة
    واسمحلي أتفرس فيك شوي كمان الهيئة أنت رجل طيب وصريح وإجتماعي وصاحب نكته ومحبوب ممن حولك

    في بكلامك شوية عبارات أفضّل أن أعتبر نفسي لم أفهمها جيدا متل عبارة طق حنك وربما يشفع لك صراحتك ودمك الخفيف وكونك جديد بالملتقى
    صدقني ما في هون إلا الحوارات العلمية الممتعة والمفيدة

    بالعودة لموضوعنا بصراحة أنا جربت مع أبي بموضوع البرامج اللي هو أكبر منك بكتير سنا وبالأخر فضل يبقى بعيد عن البرامج ومشاكلها
    طبعا هذا لايمنع أنه بالإصرار والمتابعة والإرادة تتذلل كل الصعوبات وانا أرى أنك ولله الحمد ذو همة عالية ولن يصعب عليك شيء بإذن الله
    فهذا موضوعك مكتوب بإحترافية من حيث إختيار الوجوه التعبيرية وترك فراغات و.....يعني مانك بعيد عن عالم الكمبيوتر

    تانيا لازم تضع في حسبانك أن البرامج ماهي إلا أدوات مساعدة بيد المهندس البارع وهي لاتقوم بالعمل عنه وهذه الأدوات (البرامج) بيد غير المهندس البارع لا نفع منها ولا فائدة
    وحتى تتعلم الأتوكاد ستجيد ما يفيدك بهذا المنتدى بس لازم تستفيد من خاصية البحث وشوف الكنوز التي ستجدها

    شخصيا أرى أن المتابعة والتطبيق مع كتاب أو مع شرح مرئي (فضلا عن مدرّس) أفضل من محاولة المشاركة بموضوع في الملتقى وأعتقد أن لدى معظم الأخوة الكثير من المساقط والمخططات للمثال الذي ذكرت
    ولكن من غير العملي أن أضع الرسمة في المرفقات ثوم أقول لك خود خط واعمل أوفست وارسم قوس......

    وأفضل حل لحالتك هو المزيد من التجريب والرسم والتدريب ثم الحصول على خبرة تراكمية وشوي شوي تترك الماوس ويصير تعامك مع الكيبورد والإختصارات حتى الوصول لمرحلة الإتقان

    وممكن لو أصريت أني أقول نرسم كروكي على ورقة عليه الأبعاد ثم نرسم خطوط تمثل محيط المبنى وخطوطه الأساسية ثم بواسطة أداة أوفست أرسم الجدران الخارجية والداخلية بعدها نعمل trim للخطوط الزائدة و extend للخطوط الناقصة ثم خطوط للأبواب والنوافذ وخطوط الأبعاد.. وفي مرحلة متقدمة شوي نعمل ط

    0 Not allowed!


    لا تنسونى بدعوه بظهر الغيب لعلها دعوه من القلب فيقبلها رب العزه والجلال

  3. [3]
    أحمد عصام الدين
    أحمد عصام الدين غير متواجد حالياً
    عضو متميز
    الصورة الرمزية أحمد عصام الدين


    تاريخ التسجيل: Jul 2008
    المشاركات: 1,042
    Thumbs Up
    Received: 17
    Given: 2
    اولا اشكرك علي روحك الحلوه
    مثل ما قال اخي السابق لا ينفع اني اقول اني عملت الرسمه ازاي والاوامر التي استخدمتها
    فأنصحك بهذه الاسطوانات فهي فعلا رائعه انا عن نفسي اتعلمت منها وهي تبدأ معاك من الاول خالص لغايه متبقي محترف
    واليك الروابط
    الاسطوانة الاولى
    http://ifile.it/hgaex3m
    االاسطوانة الثانية
    http://ifile.it/0ynehc8
    الاسطوانة الثالثة
    http://ifile.it/q64ykoh
    الاسطوانة الرابع والاخيرة علي رابطين
    الجزء الاول
    http://ifile.it/kcufhn4
    الجزء الثاني
    http://ifile.it/ny4qi9d



    ارجو ان اكون قد افدتك
    تقبل مروري

    0 Not allowed!



  4. [4]
    إسلام علي
    إسلام علي غير متواجد حالياً
    عضو متميز
    الصورة الرمزية إسلام علي


    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479
    ههههههههههههه
    السلام عليكم عفوا العم أبو جنى مكان الموضوع مو هون الموضوع يروح ع قسم الطرائف
    مرحباً بك سيدي أولاً وحياك الله ....أخوك الصغير أو قل إبنك بشر
    وسترى لاحقاً إن كان الملتقى هون يستحق الاسم أم لا ....;)
    والأوتوكاد هاد سهل جداً فقط تخلص من كل معلوماتك القديمة عن الرسم وإبدأ حياة هندسية جديدة ههههههه
    وسامحني أنا الآن نعسان ولما آجي سأبين لحضرتك كيف بنتعامل مع الأوتوكاد
    إن شاء الله

    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  5. [5]
    إبراهيم أسامة
    إبراهيم أسامة غير متواجد حالياً
    عضو متميز
    الصورة الرمزية إبراهيم أسامة


    تاريخ التسجيل: Jul 2006
    المشاركات: 3,107
    Thumbs Up
    Received: 16
    Given: 3
    جزاكم الله خيرا إخواني على إفادة أستاذنا العم العزيز أبو جنى
    وإن شاء الله يكون عضو مشارك ونستفيد من خبرته ويسعدنا بروحه الطيبة

    0 Not allowed!


    أنا في الحياة وديعة وغدا سأمضي عابرا في رحلتي

  6. [6]
    مهندس من الشمال
    مهندس من الشمال غير متواجد حالياً
    عضو فعال جداً
    الصورة الرمزية مهندس من الشمال


    تاريخ التسجيل: Dec 2008
    المشاركات: 281
    Thumbs Up
    Received: 4
    Given: 2
    اخيرا واحد دمه خفيف زي المهندس ابراهيم اسامة وزي كمان

    0 Not allowed!



  7. [7]
    xswqaz
    xswqaz غير متواجد حالياً
    جديد


    تاريخ التسجيل: Feb 2009
    المشاركات: 4
    Thumbs Up
    Received: 1
    Given: 0
    بدي المهندس الي قايم على متابعة وصيانة المنتدى ترى بغلي من جوى وقربت اتصير معي قرحة من ورى صاحبنا .

    اليوم احبابي بشوات المهندسين حبيت افوت الملتقى تبعنا كانت الساعة تقريبا 2 الظهر وباقي ينتهي الاعمال حوالي ساعتين والمصيبة كنا انصب في عقدة مجمع كراجات تابع للحكومة . واكيد الكل بيعرف شو يعني اتصب باطون لعقدة حكومية ؟ بتلاقي اجوك مثل الدبابير المهندسين ما بتعرف من وين بيطلعولك طبعا بتعرفو كمان كل مهندس بدو يبين حالو والله لولا العيب والا كنت بدي انادي تطردهم برة المشروع حتى انخلص صب .

    المهم استغليت يا حلوين وقت الغدا طبعا انسيت احكيلكم صرت زي المهندسين الجانب الله وكيل حامل اللابتوب بيدي وضابب دفتر الكشكول تبعي شكلي بيوحي اني صاحب المشروع مش مدير المشروع .

    المهم جلست في غرفتي وسكرت الباب وافتح اللابتوب واشبك الانترنت كلو حلاوة 100% فتت على ملتقانا منشان اشوف شو صار في فكرتي الي طرحتها .
    والله اني انبسطت اكثير على الردود واكثر اشي انبسطت الو انو حسيت حالي مع اخواني وحبيت ارد على كل واحد فيكم .
    وهات اتذكر الباسوورد طار الباسوورد حاولت مرة واثنين و 3 و 4 وبعدين عملت ستوب لاني قريت لوحة بيحكيلي ديربالك اتحاول الخامسة بتروح عليك فخفت بصراحة اتروح علي وما فهمت شو الي بدو يروح علي بس على العموم ثلثين المراجل بالهريبة وهربت .

    والله واخوكم ابو جنى علقت في راسو بدو يفوت يعني بدو يفوت طبعا الجماعة برة ( العمال والمهندسين ووووو الخ ) عاملين زيطة وزنبليطة وانا مطنش .

    المهم قرات اشي بيحكيلي اذا بدك اترجع الباسوورد تبعك حط ال***** بيرجع الباسوورد . قلت والله اشي حلو اكثير وبالفعل اخوكم ابوجنى راح حط ال***** مرة واثنين وثلاثة واربع وعشرين وكل مرة بيطلعلو واحد بيحكيلو بالانجليزي لا يوجد بيانات بال***** المذكور . فلت الله اكبر ليكون الكمبيوتر افهم مني في *****ي ؟؟؟ والله يا حلوين بعد تفكير واعلان قررت اني اغير اسمي شو بدي اسوي حكم القوي .

    ورحت كبست على كلمت تسجيل واول ما طلب مني طلب *****ي اعطيتو *****ي عارفين شو رد علي ؟ بيحكيلي ال***** هذا لواحد مهندس عندنا في الملتقى ؟ قلت احـــــــــــــــــــــــــــــــــــــــن يا انا انجنيت يا اما بتعامل مع اشي مجنون لا هو راضي يقبل *****ي ولا هو بدو يدخلني ب*****ي وبعدين ؟ شو اسوي شو اعمل قلت خليني اعمل ***** ثاني وامري على الله واسجل فية وبالفعل عملت ***** ثاني وسجلت فية باسم xswqaz ( جنى ابو ) الي كنت مسجل فية من قبل zaqwsx ( ابو جنى ) قلنا العوض على الله كلو فدا حبايبي الي المفروض اشكرهم .

    والله يا بشوات الهندسة الصبة خلصت والعمال غسلو ومهندسين الامانة بيستنو بمحسوبكم ابو جنى وابو جنى مشغول في تسجيل حالو في المنتدى طبعا الي زعل زعل والي روح روح المهم طلعت من غرفتي لقيت الحراس بـــــــــــــــــــــــــــــــــــــــــــــس .

    شيكت شوي على الصبة بس وين اتشيك ؟ لا قادر افوت ولا اطلع ولا امشي كلها طين وخبصة وباطون يعني قايمة قاعدة بس بحمد ربي انو الامور مشت على خير والا اتفنشنا ( طبعا مزح ما فشر الي يفنش ابو جنى والله
    بردو بمزح لا تاخذو كل اشي جدي يا شباب بعدين اتصدقو كل اشي بينحكالكم .

    المهم روحت على البيت ارتحنا ورتبت اموري وقلت خليني ابعبش في الاوتو كاد وانزل السيديات الي حطهم اخونا ( أحمد عصام الدين )

    المهم يا حلوين بعتذر على الاطالة واجا وقت ارد على شبابنا :

    1- صديق المهنة الموقر ( skill ) بشكر ردك الجميل جدا وترى لا تزعل مني على كلمة ( طق حنك ) انا من النوع الي بحب طق الحنك وخذ نصيحة من عمك ابو جنى :
    بتسمع اكثير انو الطبيب بيكون يا اصلع يا بيلبس نظارات ! وبتسمع الميكانيكي والفيزيائي بيصيبو مرض الجنون ( من كثر التفكير ) ! وبتسمع انو رجل الاعمال ( الاداري ) حياتو مش مستقرة !!! وبتسمع وبتسمع ويتسمع . بس اعرف انو المهندس المدني بالذات دون المهن الاخرى قاطبتا اذا ما كان مزيح وصاحب نكتة ويطلع الي جواه اول باول حيصيبو بعد 10 الى 15 سنة عمل الصلع + العمى + جلطة قلبية + مرتو حتطلقو + وينجن في النهاية .
    انت ما سمعت المثل الي بيحكي : اذا بدك تدعي على بني ادم احكيلو : روح الله يجعلك تبني !!

    ونيجي على موضوع معلمنا الكبير ( والدك الله يحفظو يارب من اي سوء ) اعتقد الوالد الان تخطى كلمة ( مستشار ) والمعنى الحقيقي لكلمة ( مستشار ) اسال الوالد عنو . اما انا بعرفك اياها بطريقة مزيحية وهي : اكبر عيب يمسك قلم مش يجلس على كمبيوتر وبفعفص عيونو في رسمة اوتوكاد . روح الله يارب يوصلك مواصيل الوالد ونجاحاتو قول امين .

    وبالنسبة الي حصر واصر واصر حتى افهم شو الاوتو كاد حتى لو بروح اخذ دورة في الهند .
    ( لا تستخف بالهند حسب خبرتي المتواضعة الان اكبر بلد في العالم كلو تتقن الاوتوكاد في المجالات الصناعية )

    2- اخوي وحبيبي ( أحمد عصام الدين ) الي بقدر احكيلك اياه روح يارب اتنول بنت الحلال الي تسعدك وتبني حياتك معها قول امين . انا بلشت اني انزل في السيديات الي وضعت روابطهم طبعا مع نزاع شديد مع ابني الي كل اشوي بينطلي وبيحكيلي خلصت الداون لود خلصت الداون لود وانا مطنشو مع اني مش فاهم علية اشي .

    3- زميلي النعسان ( bishr ) شو يا صديقي معقول لهسة عندي احساس انك كاين اتصمم ي قبة مخروطية براس مائل 30 درجة .
    اااااااااااه ذكرتني ببداية عملي كنت اشتغل واصمم بالورقة والقلم والالة الحاسبة واشتغل 80 ساعة متواصلة واروح انام 160 ساعة متواصلة كيف تسالني حللها انشائيا اذا انك شاطر .
    وباذن الله صديقي حاخذ برائيك وارمي كل الي اتعلمتو في الماضي وافتح صفحة جديدة في حياتي اسميها الهندسة المدنية المتطورة وحبلش فيها خطوة بخطوة بس ادعيلنا بالتوفيق .

    4- باش مهندس ( إبراهيم أسامة ) فك الجدية تبعتك شوي بكرة ما بتحس حالك الا وصرت فرفش نفسك وامتع اشي في الدنيا بنظري الهندس المدنية عارفة لية ؟ لانها المادة الوحيدة بالعالم الي لها سلاح ذو حدين الاول انك انت تعجنها بيدك وتشكل الشكل الذي تريدة وانت مبسوط او السلاح الثاني المسموم ان تعجنك هي بيدها وتشكلك بالشكل التي هي تراها مناسبة لها .
    وكل دعواتي لك ولكل مهندس مدني في المنتدى بالصلاح والهداية ووسع الصدر ..
    وترى اي شيئ يصعب عليك في عالم الهندسة ما عليك غير اتسرخ وتحكي ابووووووووووووو جنى حتلاقيني شبيك لبيك ابو جنى بين اديك بس على شرط ابعد ابو جنى عن اشي اسمو مياه وطرق .

    5- مهندسنا الغالي ( مهندس من الشمال ) من وين من الشمال صحيح حضرتكم ؟ ترى عندي سؤال الك وهي : في دولتنا الشقيقة ( مصر ) يلقب طالب الهندسة حتى قبل دخول الجامعة ب ( باش مهندس ) لماذا ؟ اذا بتعرف الجواب تستاهل اللقب .

    واخيرا اخوانا واحبائي المهندسين فعلا سامحوني اذا زودها شوي بس فعلا انا طبعي هيك بحب المرح والفرح والسرور ولله الحمد دخلت ال 40 وشعري نصو فقط الي شايب وحامد ربي انو ما كت وصرت اصلع .

    وانتم اخوان غاليين وعزيزين على قلبي وما بتمنالكم سوى الخير وشق طريق النجاح بالمثابرة والاصرار والله يبعدكم عن المال الحرام ويحميكم من كل ظالم و سير .

    0 Not allowed!



  8. [8]
    محمد باسل رضا
    محمد باسل رضا غير متواجد حالياً
    عضو فعال


    تاريخ التسجيل: Oct 2006
    المشاركات: 106
    Thumbs Up
    Received: 3
    Given: 0
    بداية جيده استمر و الله انا كنت بمثل حالتك بس بالممارسة استطعت ان افهم البرنامج وبوقت قصير المهم لاتيأس اخوي

    0 Not allowed!



  9. [9]
    أحمد عصام الدين
    أحمد عصام الدين غير متواجد حالياً
    عضو متميز
    الصورة الرمزية أحمد عصام الدين


    تاريخ التسجيل: Jul 2008
    المشاركات: 1,042
    Thumbs Up
    Received: 17
    Given: 2
    والله حضرتك مرح جدا
    واضحكتني من قلبي
    وربنا يكرمك يارب علي دعوتك الحلوه دي
    لكي تسطب الاسطوانات افتح ملف exe الي في الاسطوانه واتبع التعليمات وهتشتغل معاك ان شاء الله
    اتمني ان تكون عضو دائم معنا في المنتدي لكي نستفيد من خبراتك ولروحك الحلوه دي
    اخوك الصغير احمد عصام

    0 Not allowed!



  10. [10]
    أحمد عصام الدين
    أحمد عصام الدين غير متواجد حالياً
    عضو متميز
    الصورة الرمزية أحمد عصام الدين


    تاريخ التسجيل: Jul 2008
    المشاركات: 1,042
    Thumbs Up
    Received: 17
    Given: 2
    الرابط التالي به شرح اتوكاد للمهندس ايمن الزهيري
    وهو يشرح عمل رسمه معماريه والانشائي لها بس محتاج انك تكون عارف شويه في الاوتوكاد
    انصحك بها بعد الاسطوانات
    http://www.arab-eng.org/vb/showthread.php?t=119311
    واحنا موجودين دايما لخدمه حضرتك

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML